ئه‌ڤرۆ نيوز:
رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ راگه‌هاند كو د ماوێ 24 ده‌مژمێرێن بۆرى دا ل ده‌ڤه‌رێن جودا يێن هه‌رێما كوردستانێ به‌فر باريه و ل هنده‌ك ده‌ڤه‌ران گه‌هشتيه 33 سم به‌فرێ و ب ڤى ره‌نگێ ل خوارێ:
ده‌ڤه‌رێن چيايى يێن ده‌وروبه‌رێن ره‌واندوز و سوران و خورمال و رانيه.
كانى ماسێ 21سم
ئامێدى 12سم
بامه‌رنێ 9سم
سوواره‌تووكا 3سم
چه‌مانكێ 3سم
سه‌رسنگ 1سم
ته‌وێله 11سم
بياره 4سم
حاجى ئومه‌ران 5سم
سيده‌كان 1سم
سه‌نته‌رێ چومان و ده‌ڤه‌رێن چيايى يێن ده‌وروبه‌رێ وێ
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 14ى شوباتا 2017ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1278 |
| 1 يۆرۆيێ ئه‌ورۆپى | 1368 |
| 1 ليرێ توركى | 340 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
رێڤەبەریا گشتیا کەشناسی و بیڤەلەرزێ ل ھەرێما کوردستانێ راگەھاند کو سوبەھی رۆژا چارشەمبی رێکەفتی 15ی شوباتا 2017ێ ئه‌سمان دێ ئه‌وره‌كێ باراناوى بيت و هنده‌ك جاران ئه‌و باران دێ زێده‌تر لێ هێن و ب دژوارى باريت و بريسى ژى ل گه‌ل دا بن و ل ده‌ڤه‌رێن چيايى ژى دێ به‌فر باريت.
پشکا پێشبینیان ل رێڤەبەریا گشتیا کەشناسی و بیڤەلەرزێ ل ھەرێما کوردستانێ د نڤیسارەکێ دا کو دانەک بۆ ئەڤرۆ نیوز رەوانە کرینە راگەھاند کو ژ ئەنجامێ کارتێکرنا فشارێن نزمێن ده‌ريا سۆر دھێتە پێشبینیکرن ئەسمان ئه‌وره‌كێ باراناوى بيت و هنده‌ك جاران ئه‌و باران دێ زێده‌تر لێ هێن و ب دژوارى باريت و بريسى ژى ل گه‌ل دا بن و ل ده‌ڤه‌رێن چيايى ژى دێ به‌فر باريت.
پشکا پێشبینیان دایە زایە زانین کو دێ ئاراستێ بای ژی دێ باکوورێ رۆژھەلات بیت ب رەنگەکی د ناڤبەرا 10 ھەتا 20کم دا و ماوێ دیتنێ ژی دێ د ناڤبه‌را 7 بۆ 9کم دا بیت، پلێن گەرمێ ژی دێ د ناڤبەرا 0 بۆ 7 پلان دا بن.
رێڤەبەریا گشتیا کەشناسی و بیڤەلەرزێ ل ھەرێما کوردستانێ پێشبينيا وێ چه‌ندێ ژى دكه‌ت كو ل دانێ سپێدێ ل سه‌نته‌رێ پارێزگه‌ها دهۆكێ ژى به‌فره‌كا كێم بباريت.
ئه‌ڤرۆ نيوز:
رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د ئاماره‌كێ دا راگه‌هاند كو د ماوێ 24 ده‌مژمێرێن بۆرى دا ل ده‌ڤه‌رێن جودا يێن هه‌رێما كوردستانێ ب رێژێن جودا باران و به‌فر باريه، ئه‌ڤ خشتێ ل خوارێ رێژێن باران بارينێ يێن وان ده‌ڤه‌ران و هنده‌ك جهێن كێم يێن به‌فر بارينێ نيشان دده‌ت.
ئه‌ڤرۆ نيوز، نەوزاد زادە ھلۆری:
کەڤنترین و مەزنترین دار ل ھەرێما کوردستانێ دکەڤیتە گوندێ ھلورا یا سەر ب کارگێریا ناحیا شێلادزێ ب دویراتیا 8کم و بەرکەڤناتی و مەزناھیا وێ گەشتیار ناڤێن خوە و ئەڤیندارێن خوە ل سەر دنڤیسن و ژ بەر ڤێ گەلەک ب دارا ئەڤینداران ددەنه نیاسین.
سەدیق عەبدوللا وەلاتیەکێ گوندێ ناڤھاتی یە بۆ ئەڤرۆ نیوز گۆت: (مەزنترین دار ل ھەرێما کوردستانێ دکەڤیتەگوندێ مە و ناڤێ وێ دار چنارا خالانەیە کو ژیێ وێ دڤریت بو 400 سالان بەری نھا و بلنداھیا وێ دگەھیتە 30م و رووبەرێ دەردورێن قورمێ وێ دارێ دگەھیتە 14.5م و گەلەکا ب خەم و رەوشە ب تایبەتی د وەرزێ بھارێ دا و سالانە خەلکەکێ زۆر قەستا وێ دکەت بو دیتنێ وه‌كو گەشتوگوزار).
زێدەتر گۆت: (ھەر کەسێ بھێتە سەرەدان و دیتنا ئەڤێ دارێ ناڤێت خوە ب رەمز و پیتێن جوان دنڤیسن کو ئەڤ یەک ژی رامانە کو ناڤێت خوشتڤی و ئەڤیندارێن خوە ل سەر دنڤیسن و ھندەک ژی وەکو بیرھاتن ناڤێت خوە دنڤیسن).
ناڤبری د درێژاھیا ئاخفتنێن خوه دا گۆت: (ئەو ئەڤیندار و کەسانێن کو ناڤێت خوە دنڤیسن ناڤێت وان نێزیکى 10 سالان ل سەر دارێ دمینن و ژێ ناچن و دەما بوو جارا دویێ دھێنە سەرەدانا وێ دارێ گەلەک ژ وان کەیف خوش دبن و ھندەک ژی ئاخینکان رادھێلن بو بیرھاتن و ئەڤیندارێن خوە).
ئه‌ڤى وه‌لاتيێ گۆندێ هلۆرا ل دوماھیێ گۆت: (ناڤ نڤیسان ژل ایێ ھەردوو رەگزایە، بەلێ پرانیا وان کور دنڤیسن).
ئه‌ڤرۆ نيوز:
كوچكا سپى راگه‌هاند كو شيره‌تكارێ ئاسايشا نه‌ته‌وى يا دونالد تره‌مپ سه‌رۆكێ ئه‌مريكا “مايك فلين” پشتى ئاشكه‌را بوونا په‌وه‌نديێن ل گه‌ل رۆسيا ده‌ست ژ كار كێشا.
فلين به‌رى دونالد تره‌مپ كورسيا سه‌رۆكاتيێ وه‌ربگريت ب وێ چه‌ندێ تۆمه‌تبار دكر كو ده‌رباره‌ى سزايێن ئه‌مريكا ل گه‌ل بالوێزێ رۆسا ئاخفتيه.
راپۆرت ئاماژێ ب وێ چه‌ندێ دكه‌ن كو ده‌رباره‌ى دانوستاندنێن ل گه‌ل بالوێزێ رۆسيا چو بۆ به‌رپرسێن ئه‌مريكى روون نه‌كريه.
پێشتر وه‌زاره‌تا داد ده‌رباره‌ى ئه‌وان په‌يوه‌نديێن هه‌يڤا بۆرى فلين هوشدار كربوو.
ئەڤرۆ نیوز:
پەیڤدارێ وەزارەتا پەروەردێ یا حوکمەتا ھەرێما کوردستانێ دیار کر کو دەرمالێ پتر ژ ھەیڤەکێ یێ مامۆستایان یێ بەرھەڤە و دێ ھێتە مەزاختن.
سامان سیوەیلی، پەیڤدارێ وەزارەتا پەروەردێ یێ حوکمەتا ھەرێما کوردستانێ ئاشکرا کر، کۆژمێ پارێ دەرمالێن مامۆستایان یێ بەرھەڤە و بۆ باسنیوز گۆت: “نوکە ئەم چاڤەڕێی لیستێن مامۆستایان دکەین کو ژ پەروەردێن گشتی بگەھنە وەزارەتێ، داکو ئەو پارە بھێتە بەلاڤکرن”.
ناڤبری گۆتژی: “ئەو پارە جودا و ل گەل مووچێ مامۆستایان دێ ھێتە بەلاڤکرن”.
پەیڤدارێ وەزارەتا پەروەردێ یا حوکمەتا ھەرێما کوردستانێ ئاماژە ب وێ چەندێ ژی کر، ل دووڤ پێزانینێن وان دەرمالێ مامۆستایان ڤێ ھەیڤێ دێ ھێتە بەلاڤکرن و دەرمالێ پتر ژ ھەیڤەکێ یە بۆ مامۆستایان دێ ھێتە مەزاختن.
ئه‌ڤرۆ نيوز:
دەستەیا مافێ مرۆڤی ل ھەرێما کوردستانێ ئاشکرا کر، ھەتا نوکە 200 زارۆ ھاتینە دەستەسەرکرن کو پەیوەندی ب تیرۆرستێن داعش ڤە ھەبوویە، دیسا ھەموو ژی خەلکێ پارێزگەھا نەینەوانە و ژ لایێ حەشدا نشتیمانی ڤە ھاتینە دەستەسەرکرن و د دووڤ دا رادەستی رێڤەبەریا گشتی یا ئاسایشا ھەرێما کوردستانێ ھاتینەکرن.
محەمەد گومەشینی، پەیڤدارێ دەستەیا مافێ مرۆڤی ل ھەرێما کوردستانێ بۆ رۆژناما ئەڤرۆ دیار کر، ب تۆمەتا پەیوەندیکرنێ ب گرۆپێ تیرۆرستیێ داعش ھەتا نوکە 200 زارۆ و سنێلە ل ھەرێما کوردستانێ ھاتینە دەستەسەرکرن و ھەموو ژی خەلکێ پارێزگەھا نەینەوانە و نوکە ل گۆرەی قانوونێ ل ناڤ چاکسازیێن ھەرێما کوردستانێ ھاتینە زیندانیکرن و گۆت: “ژیێ وان زارۆیان د ناڤبەرا 11 ھەتا 17 سالیێ دایە و بادەکا ڤەکۆلینێ ژی ل نک دەزگەھێن ئەمنیێن ھەرێما کوردستانێ یە، ب مەرەما چاوانیا ئاگەھداربوون ل سەر رەوشا وانا د ناڤا چاکسازیێن ھەرێما کوردستانێ دا، چەندین جاران دەستەیا مافێ مرۆڤی سەرەدانا ڤان زارۆیێن زیندانیکری کریە”.
محەمەد گومەشینی خویا ژی کر، پتریا وان زارۆیان ژ لایێ حەشدا نیشتیمانی ڤە و د دەمێ ئەنجامدانا ئوپەراسیۆنا کۆنتڕۆلکرنا دەڤەرێن دەروبەرێن مووسلێ دا ھاتینە دەستەسەکرن و د دووڤ دا رادەستی ئاسایشا ھەرێما کوردستانێ ھاتینەکرن و گۆت: “ل ھەرێما کوردستانێ ب شێوەیەکێ سەردەمیانە و ل گۆرەی بەندێن مافێ مرۆڤی سەرەدەری د گەل دا دھێتەکرن، ڤان زارۆیان ئاماژە ب ڤێ چەندێ کریە کو دەمێ ژ لایێ چەکدارێن حەشدا نیشتیمانی ڤە ھاتینە دەستەسەرکرنێ، ژ لایێ وانڤە یێن ھاتینە ئەشکەنجەدان”.
ئه‌ڤرۆ نیوز:
سترانبێژا بریتانی د رێوره‌سمێن خه‌لاتێن گرامی دا پێنج ژ بهاترین خه‌لاتێن جیهانا هۆنه‌ری وه‌رگرتن، لێ خه‌لاته‌كێ خوه پرتپرت كر.
ئادێل و بیونسێ به‌ربژارێن سه‌ره‌كی بوون بۆ وه‌رگرتنا خه‌لاتێ باشترین ستران و ئه‌لبۆم، لێ ئادێلێ هه‌ردو خه‌لات بۆ سترانا خوه یا (Hello) و ئه‌لبۆما (25) وه‌رگرتن.
پشتی ڤێ یه‌كێ ژبه‌ر گۆتارا وێ یا كاریگه‌ر سترانبێژا ئه‌مریكی بیۆنسێ روندك باراندن و ئادێلێ ژی خه‌لاتێ خوه كره دو پارچه و پارچه‌ك بۆ بیۆنسێ كره دیاری.
بیۆنسێ ژی شیا بۆ به‌رهه‌مێ خوه یێ لیمۆنه‌ید دو خه‌لاتان مسۆگه‌ر بكه‌ت.
نيشاندان
