ئه‌ڤرۆ نيوز:

سەرئێشانا بێئارامیێ پترین و بەربەلاڤترین جورێن سەرئێشانێ یە و ژھەر سێ کەس ژ چاران د ژیێ بالقبوونێ دا تووش د بنێ ، د پرانیا دەمان دا یا سڤکە یان پیچەک یا دژوارە و دووبارە نابیتەڤە و کێم کەس ب دژواری تووش دبنێ و ھندەک ژی ھەر حەفتیێ 3-4 جاران تووش دبنێ.ئەڤ جورێ سەرئێشانێ ئێشانێ ددەتە جێنیکان و دچیتە ھەردو ئالیێن سەری و شێوێ دژوارێ وێ ئێشانەکا زور پەیدادکەت و ھەر وەکو سەرێ مرۆڤی دناڤ قافکەکێ ئاسنی دا و دبیت ھەردو ملێن مرۆڤی و ستو ژی ب ئێشن و ھندەک جاران ئەڤ چەندە ژ وەستیانێ پەیدادبیت ، ئاریشە د کەڤنە د زەڤلەک و گەھێن ستوی و لامکێ و بۆ دەمێ 20 دەقیقا ھەتا دو دەمژمێران ژی بەردەوام دبیت و ھەکەر تو تووش بویێ تو دشێی چاڤدێریا خۆ بکەی ب خوارنا دەرمانان، ھەروەسا دانانا کەمادێن گەرم یان چوونا بەر دوشەکا ئاڤا کەل دبیت مرۆڤی ژێ قورتال بکەت و ھندەک کەس ژی پشتی دانەکێ سڤکێ خوارنێ دخون ژێ چارەسەردبن.

ئەڤرۆ نیوز:
لەشێ مرۆڤی دێ تێکچیت دەمێ شاشیەک دکەڤیتێ، لەشێ مە وەکو سیستەمێ کومپیوتەری یە و ھەر دەمێ شاشیەک پەیدابوو دێ کونترول ئیشارەتێ دەتە مرۆڤی و دڤێت چارەبکەی.
ئێشانا سینگی و بێھنتەنگی و گێژیاتی ھندەک نیشانێن بەرچاڤن بۆ مرۆڤان، بەلێ ھندەک ئاریشەیێن دیتر ژی ھەنە رەنگە مرۆڤی ژناڤ ببەن وەکو ئێشانان و ھەبوونا وەرەمان دلەشیدا و پرسیار ل ڤێرێ ئەوە ئەرێ کەنگی ئەو جھێ مەترسیێ نە؟
1- کێمبوونا کێشا لەشی بێی ھەبوونا ئەگەرەکێ بەرچاڤ: رەنگە ل پشت ڤێ چەندێ ھندەک نیشانێن ب مەترسی ھەبن، ھەکە تو ل دووڤ رێجێمەکا خوارنێ دچی ھەلبەت دێ سەنگێ تە کێم بیت، بەلێ ھەکە خوارنا تە نەھاتە گوھارتن و سەنگێ تە کێم بوو رەنگە ئەو نیشانا نەخۆشیەکا ب مەترسی بیت. و دیسان ل دەمێ ھەبوونا پەنجەشێرا ھێلدانکا بەرڤاژی ڤێ چەندێ پەیدادبیت و ل وی دەمی دێ شلەمەنی دناڤ لەشیدا کومڤەبن و ژن دێ وەسان ھزر کەت کو یا قەلەو دبیت، بەلێ ھەکە سەنگێ مرۆڤی یێ جێگیربیت و ئێکسەر گوھۆرین پەیدابوون پێدڤیە شیرەتان ژ نوشدارەکی وەربگریت.
2- ترتریبوون دئاخفتنێ دا، فالنجی بوون، بێھێزی، ئەو ئێشانا وەکو دەرزیکا یان وەکو سوتنێ و تەمبەلبوون: ئەڤە ھەموو نیشانێن جەلتەیا مێشکی نە، لەورا یا پێدڤیە ل سەر توشبووی سەرەدانا نێزیکترین بنگەھێ تەنگاڤیان بکەت، ژبەرکو چارەسەریا زوو دێ توشبووی ژ پوچبوونا مێشکی پارێزیت، بەلێ ترتریبوونا ئاخفتنێ ھندەک جاران بێی مرۆڤ ھەست پێ بکەت پەیدادبیت، و رەنگە ئەو ببیتە ئەگەرێ جەلتێ دخوینێ دا یان خوین بەربوون د موودەماران دا پەیداببیت.
3- ھەکە رەنگێ دەستنڤێژا ستوور رەش بوو: دبیت ئەڤە نیشانا خوینبەربوونێ بیت دگەدەی یان رووڤیکان دا، گرنگیا وێ ئەوە کو ئەو نیشانێ ددەت داکو مرۆڤ زوو چارەیا خۆ بکەت و ژ پەنجەشێرێ بھێتە پاراستن، ھەلبەت خوارنا مرۆڤی ژی رەنگێ دەستنڤێژێ د گوھۆریت، بەلێ رەنگێ رەش پتریا جاران خوین بەربوونا رووڤیکاینە، شولمان دیاردکەت کو دبیت ئەو ببیتە ئەگەرێ کولبوونێ یان پەنجەشێرا رووڤیکان.
4- سەرئێشان ھەکە گەھشتە ستووی و گەرماتیا لەشی بلند بوو: ئەو نیشانێ ب ھەودانا سحایا یان مێشکی ددەت، دەمێ ھەودان یا بەکتری بیت توشبووی نەشێت ستوویێ خو ل سەر سینگێ خۆ راکەت، پێدڤیە ئێکسەر نەخۆش دەرمانێن دژەزیندەوەر ب کاربینیت داکو بەکتریا بھێنە کوشتن بەری بگەھنە مێشکی.
5- ئێشانەکا ئێکسەر یا سەری کو چ جاران وەسان سەرێ تە نەئێشا بیت: رەنگە ئەو نیشانا خوین بەربوونا مێشکی بیت، پێدڤیە ئێکسەر قەستا پشکا تەنگاڤیان بکەی.
درێژبوونا موودەمارێن خوینێ ل مێشکی کێم جاران پەیدادبیت بەلێ پشتی ژیێ چل سالیێ رەنگە پەیداببیت و ببیتە ئەگەرێ نەخوشیەکا ب مەترسی ھەکە زوو نەھێتە چارەسەرکرن، ھەکە تو نەخوشیا خۆ ژ سەرئێشانەکا دژوار دبینی رەنگە دەمارێن مێشکێ تە ژێک دوور کەتبن، ئەوژی پێکھاتینە ژ کیسکەکێ ب وەرمین و تژی خوین و ل خالا بێھێزیێ دیاردبیت و ھەکە تە زوو چارەکر بەری کو ب پەقیت ل وی دەمی دێ ژیانا تە ھێتە پاراستن.
6- ھاتنا عادەیا ھەیڤانە پشتی ژیێ چل سالیێ: دبیت ئەڤە نیشانا توشبوونێ بیت ب پەنجەشێرێ و ھندەک ژن وەسان ھزر دکەن کو ئەڤە ژ برینەکێ پەیدادبیت، بەلێ دوبارە ھاتنا عادەیا ھەیڤانە پشتی چل سالیێ رەنگە نیشانا پەنجەشێرا مالبچووکی بیت و ھەکە زوو ھاتە دەستنیشانکرن دێ چارەسەربیت ژی.
د کەڤن دا یا ھاتیە گوتن ھەر تایرەکا گەلەک دەنگ ژێ بھێت پێدڤی ب تەشحیمکرنێ ھەیە، بەلێ یا گرنگ د نوشداریێ دا ئەوە ھاتنا ھەر دەنگەکی ژ لەشی بھێت پێدڤی ب چارەسەریێ ھەیە.