ئه‌ڤرۆ نيوز:
بيڤه‌له‌رزه‌كا ب گۆره‌ى 5.3 پله ل دووڤ پيڤه‌رێ ريخته‌ر سپێده‌هيا ئه‌ڤرۆ ويلايه‌تا جناق قه‌لعه ل باشوورێ رۆژئاڤايێ سه‌مبۆل هه‌ژاند بێ كو چو زيانێن مادى و گيانى هه‌بن، سه‌ره‌رايى وێ چه‌ندێ كو وه‌لاتيان هه‌ست پێ كريه.
هه‌ڤده‌م فه‌رمانگه‌ها بيڤه‌له‌رزێ راگه‌هاند: بيڤه‌له‌رز ل ده‌مژمێر 06:51 ده‌قيقه ل دووڤ ده‌مێ ناڤخۆ يێ توركيا روودايه و چو زيانێن ماددى و گيانى لێ نه‌كه‌فتينه.
ئه‌ڤرۆ نيوز، نيوار محه‌مه‌د سه‌ليم:
پشتى دوهى سنێله‌كێ 14 سالى ل چاكسازيا ژن و سنێلان ل دهۆكێ ئاگر به‌ردايه لاشێ خوه، نوكه ره‌وشا وى هه‌تا راده‌كى يا باشه.
دوهى رۆژا ئێكشه‌مبى رێكه‌فتى 5ى شوباتا 2017ێ سنێله‌كێ 14 سالى ل چاكسازيا ژن و سنێلان ل دهۆكێ ئاگر به‌ردا لاشێ خوه و د ئه‌نجام دا ب رێژه‌كا زۆر هاته سۆتن و بۆ نه‌خۆشخانا سوتن و جوانكاريێ ل دهۆكێ هاته ڤه‌گوهاستن.
حه‌مزه ره‌زيكى به‌رپرسێ راگه‌هاندنێ ل رێڤه‌به‌ريا گشتيا ساخله‌ميا پارێزگه‌ها دهۆكێ د داخۆيانيه‌كێ دا بۆ ئه‌ڤرۆ نيوز گۆت: “ئه‌و سنێل ب رێژا 70% سۆتيه”، زێده‌تر گۆت: “نوكه ره‌وشا وى هه‌تا راده‌كێ باش بنه‌جهـ بوويه”.
ئەڤرۆ نیوز:
وەزارەتا ناڤخۆیا ھەرێمێ ب فەرمانەکێ دانا سزایێن پێشێلکرنێن ھاتنوچوونێ ل ھەمی پارێزگەھان کریە قستێ ١٢ ھەیڤی، کو شوفێر دکاریت وی سیستەمی ھەلبژێریت.
وەزارەتا ناڤخۆ ئەو فەرمانا ل 18ی کانوونا ئێکێ2017 وەزاری ئاراستەی رێڤەبەراتیا گشتییا ھاتنوچوونا ھەرێمێ کریە و تێدا ھاتیە، بریار ھاتە دان ب پەیرەوکرنا سیستەمێ بژاردنا پێشێلکرنێن ھاتنوچوونێ ل سەر ھەمی ترۆمبێلێن تۆمارکری ل ھەمی پارێزگەھێن ھەرێمێ.
ھەروەسا تێدا دیار کریە کو سزا دێ ب سەر 12 مەھان دا ھێنە پارڤەکرن و ب رەنگێ قست دێ ھێنە دانان و پێدڤیە د ماوێ سالەکێ دا ھەمی سزایێن تۆمارکری ل سەر ترۆمبێلان بھێنە دان.
رێڤەبەراتیا گشتیا ھاتنوچوونێ ھاتیە راسپاردن کو شێوریێ دگەل رێڤەبەراتیێن ھاتنوچوونێ یێن پارێزگەھێن ھەرێمێ بکەت بۆ رێکخستنا ئالیێ ھونەریێ ئەڤی سیستەمی.
ئەڤە ژی پشتی وێ ئێکێ دھێت کو د ماوێ بۆری دا رێڤەبەراتیا ھاتنوچوونا ھەرێمێ رێنمایەک دەرکر کو تێدا بریار دابوو ل حالەتێ نەدانا سزایێن ھاتنوچوونێ د دەمێ خوە یێ دیارکری دا ئەڤە دێ بیتە دو ھندە.
ئه‌ڤرۆ نيوز:
پەرلەمانتارەکێ بەرێ یێ عێراقێ ئیماژە بڤێ چەندێ دکەت، کو ھەبوونا ھێزێن حەشدا شەعبی ل دەڤەرێن کوردستانیێن دەرڤەی ئیدارەیا حوکمەتا ھەرێما کوردستانێ مەترسیە بۆسەر ھێزێن پێشمەرگە و ھەرێما کوردستانێ، ھەروەسا دیارکر، ئەگەر دەلیڤە ھەبیت بۆخەلکەکی ل عێراقێ دێ ھێرشی سەر ھەرێما کوردستانێ کەن.
سەبری دەروێش، ئەندامێ بەرێ یێ پەرلەمانێ عێراقێ بۆ رۆژناما ئەڤرۆ گۆت” گورەی ئەزموونا مە دگەل عێراقێ ھەی و چەند سالان مە بەغدا دگەل عێراقیا کارکریە چو کەسەک ژوانا باوەری بڤێ چەندێ نینە مادێ 140 بھێتە بجە ئینان، چوار سالا ئەم بەغدابووین وەک نونەرێن ھەرێما کوردستانێ ب تەکبیر نەھێلا نێزیکی مادێ 140 ببین و نەھێلا بھێتە بجە ئینان بۆ ڤەگەڕاندنا دەڤەرێن کوردستانی یێن دەرڤەی ئیدارەیا ھەرێما کوردستانێ، ھەموو بزاڤەک ژلایێ بەغداڤە دھێتەدان تنێ ئێک بڕگە ژ ڤی مادێ دستووری نەھێتە بجە ئینان تنێ ئەگەر دەلیڤە بۆھەبیت ئەف دەستکەفتێن مەھەیژی دێ لمە ھێنە وەرگرتن، ھەبوونا ھێزێن حەشدا شەعبی ل دەڤەرێن نوکە ھاتینە ئازادکرن مەترسیە بۆسەر ھەرێما کوردستانێ و دەڤەرێن کوردستانیێن دەرڤەی حوکمەتا ھەرێمێ، پێدڤیە ھەرێما کوردستانێ یا ھشیاربیت ژڤێ چەندێ ، ھەر نوکە چەند کەس و بەرپرسەک یێ داخویانیا دژی ھەرێما کوردستانێ ددەن، زۆر ژوان کەساژی ب ئەشکرە گوتیە دەستێ مە یێ شکەستیە ئەگەرنە دێ ھێرشی سەر ھەرێما کوردستانێ کەین، نووری مالکی ددەمێ دەستھەلاتێ دابو چەندین جارا بزاڤێن ھێرشکرنێ بۆسەر کەرکووکێ و دەڤەرێن کوردستانی کرن ئەگەر دەلیڤە بۆ ھندەک سەرکردە و لایەنێن عێراقێ ھەبیت دێ لەشکرێ خوە ئینن سەر ھەرێما کوردستانێ.
سەبری دەروێش گۆتژی” پێدڤیە ھێزا پێشمەرگەی ل دەڤەرێن کوردستان ب چو شێوەیەکی نەھێتە ڤەکێشان، چونکە ب خوینا پێشمەرگەی و خەباتا خەلکێ کوردستانێ شیاینە تیرۆرستێن داعش دەربکەن ل دەڤەرێن کوردستانی، ئەڤرۆ جھێ خۆشحالیا مەیە سەرکردایەتیا کوردی و ھەرێما کوردستان یا ھشیارە لدۆر ڤێ پرسێ بتایبەتی سەرۆک بارزانی بخوە دزانیت نیەتا ھەر لایەنەکی چیە ھەمبەر ھەرێما کوردستانێ، ژبەرڤێ چەندێ پێڤدیە ب ھشیاری سەرەدەری دگەل ئەڤان دەڤەراندا بھێتە کرن و کورد بزاڤان بکەن بۆ ڤەگەڕاندنا وانا ژبۆی سەرھەرێما کوردستانێ.
ئه‌ڤرۆ نيوز:
رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ راگه‌هاند كو سوبه‌هى رۆژا سێشه‌مبى رێكه‌فتى 7ى شوباتا 2017ێ ئه‌سمان دێ ئه‌وره‌كێ ته‌مام بيت و پاشان بۆ ئه‌وره‌كێ ناڤه‌ندى هێته گوهۆڕين.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ كارتێكرنا فشارێن نزمێن وه‌لاتێ توركيا دهێته پێشبينيكرن ئه‌سمان ئه‌وره‌كێ ته‌مام بيت و پاشان بۆ ئه‌وره‌كێ ناڤه‌ندى هێته گوهۆڕين.
پشكا پێشبينيان دايه زايه زانين كو دێ ئاراستێ باى ژى دێ باكوورێ رۆژهه‌لات بيت ب ره‌نگه‌كى د ناڤبه‌را 5 هه‌تا 10كم دا و ماوێ ديتنێ ژى دێ 10كم دا بيت، پلێن گه‌رمێ ژى دێ د ناڤبه‌را 4 بۆ 14 پلان دا بن.
ئەڤرۆ نیوز:
رێڤەبەرێ گشتی یێ ئەوقاف و کاروبارێن ئاینی ل پارێزگەھا دھۆکێ دیار کر، کو بڕیارا کێمکرنا رۆژێن تازیێ ل مزگەفتان ژ سێ بۆ دو رۆژان ھەتا نوکە نەگەھشتیە وان.
سەمیان عەبدولخالق بۆ وار ئاشکرا ژی کر کو وەزارەتا ئەوقافا ھەرێما کوردستانێ بەری نوکە ئەڤ بڕیارە دایە و ل ھەولێرێ ئەڤە دو سالە تازی دو رۆژان دھێنە دانان.
جڤاتا پارێزگەھا دھۆکێ د کۆمبوونا خوە یا رۆژا 31ى كانوونا دويێ 2017 دا دانوستاندن ل دۆر دانانا تازیان بۆ دو رۆژان ل مزگەفتێن سنورێ پارێزگەھا دھوکێ کربوو و ب پڕانیا دەنگان ئەڤ چەندە ھاتبوو پەسەندکرن.
بسپۆرەکێ ئابووری ئەشکرا دکەت، چارسەت ھزار فەرمانبەرێن بن دیوار ل ھەرێما کوردستانێ ھەنە و بڕیارە پشتی دووماھی ھاتنا سیستەمێ بایۆمەتری ل ھەیڤا نیسانا داھاتی دەستکاریا سیستەمێ پاشەکەفتا مووچێ فەرمانبەرێن حوکمەتا ھەرێما کوردستانێ بھێتەکرن، ھەروەسا دبێژیت، ل دەستپێکا سالا داھاتی سیستەمێ پاشەکەفت نامینیت دێ مووچێ فەرمابنەرا وەکی خوە بێ بڕین ھێتە بەلاڤکرن.
دکتۆر سەباح خۆشناو، مامۆستایێ زانکۆیێ و بسپۆرێ ئابووری بۆ رۆژناما ئەڤرۆ گۆت: ھەتا نوکە نێزیکی 800 ھزار فەرمانبەران پشکداری د پرۆِسا بایۆمەتری دا کریە، ئەڤەژی ھژمارەکا زۆرە، بەلێ تنێ کەرتی مەدەنی ڤەگرتیە و ھێشتا ھێزێن پێشمەرگەی بتەمامی پشکداری نەکریە، لێ سۆز ھاتیەدان ھەردو یەکەیێن حەفتێ و ھەشتێ ژی پشکداریێ تێدا بکەن، دیسان جارەکادی دێ ناڤێن خوە تۆمار کەن، ب دیتنا من دێ گھۆڕینێن بەرچاڤ کەڤنە ھژمارا فەرمانبەرێن ھەرێما کوردستانێ، ئەڤە ژی ب دو قووناغا دێ ھێتەکرن، یا ئێکێ دێ ھژمارا راستەقینەیا فەرمانبەران دەرکەڤیت پشتی پڕۆسا بایۆمەتریێ، قووناغا دویێ دێ پێداچوون ب پلەیێن فەرمانبەر و سەربازی دا ھێتەکرن، بۆ نموونە فەرمانبەر ھەیە 20 سال خزمەت نینە بەلێ پلەیا ئێکێ ھەیە، ئەڤێ دێ پێداچوون بۆ ھێتە نوکە مە ل زانکۆیێ دڤێت پتری 17 سالا خزمەت ھەبیت و باوەرناما دکتۆرایێ ھەبیت ڤێجا دێ بیتە فەرمانبەرێ پلە ئێک، بلندکرنا پلەیێن فەرمانبەرا بێ قانوونی بارگرانی ئێخستیە سەر حوکمەتێ ئەگەر بۆ نموونە ھەر فەرمانبەرەکێ پلە نەقانوونی نەئاسایی وەرگرتبیت مووچێ وی 200 ھزار زێدە ببیت دێ داھاتەکێ زۆر بۆ حوکمەتێ ڤەگەڕیت.
ئەڤی مامۆستایێ زانکۆیێ گۆت ژی: ل دەستپێکا ھەیڤا نیسانا داھاتی دێ پێداچوون ب خشتێ مووچێ فەرمانبەران دا ھێتەکرن و دەستپێکێ دێ 20%ێ پاشەکەفت ھێتە لابرن، وەکی قووناغا ئێکێ دێ مفایەکێ زۆر ھەبیت بۆ فەرمانبەران و دێ لڤین کەڤیتە بازاڕی، ئەز پێشبینی دکەم ھەتا 400 ھزار فەرمانبەرێن زێدە ھەبن کو ژ بن دیوار و وان فەرمانبەران پێکھاتیە یێن ب ناحەق ھاتینە دامەزراندن و مووچێ وان ھاتیە بلندکرن، ژبلی ڤێ چەندێ پێدڤیە پێداچوون ب دەرمالێ فەرمانبەراندا بھێتەکرن، ژبەرکو گورەی زانیاریێن بەردەستێ من 57%ێ داھاتێ بۆ مووچەی دھێتە مەزاختن بۆ دەرمالەیە، ب تایبەتی دەرمالێ مەترسیێ ھەیە فەرمانبەر ھەیە دو دەرمالە بۆ تێتە مەزاختن ئەڤە ژی بەرۆڤاژی قانوونێ یە.
دکتۆر سەباح خۆشناو دیار کر نوکە 860 ملیار دینار دڤێت ل سەر سیستەمێ کەڤن حوکمەتا ھەرێمێ بۆ موچێ فەرمانبەران بمەزێخیت ئەڤەژی گوژمەیەکێ زۆرە یێ پارەی، بەلێ ئەگەر پێداچوون بھێتەکرن و بن دیوار نەمینن بێگومان دێ پارەیەکێ زۆر بۆ حوکمەتێ ڤەگەڕیت، دێ حوکمەت شێت مووچێ فەرمانبەران بێ پاشەکەفت بەلاڤ کەت، بەلێ زەحمەتە ئەڤ سالە بھێتە بجھئینان، پشتڕاستی ڤە دەستپێکا سالا داھاتی پاشەکەفت ل سەر مووچەی نامینیت و دێ مووچێ فەرمانبەران بێ بڕین وەک بەرێ ھێتە بەلاڤکرن، سیستەمەکێ نوو پێشکەفتی دێ بۆ مووچەی ھێتە دانان و ب شێوەیەکێ رێک و پێک خشتێ مووچەی دێ ھێتە بجھئینان.
ئەڤرۆ نیوز، ھەژار مەعروف:
ئەڤرۆ یاریێن گەرا بیستێ ژ خولا پلا دو یا تورکی و گەرا ٢٢ ژ خولا پلا سێ یا وی وەلاتی ھاتنەکرن کو د یاریێن دوھی دا حەفت یانێن باکورێ کوردستانێ یاریێن خوە ئەنجامدان د ھەردو خولێن پلا دو سێ یا تورکیا دا بتنێ دو یانە شیان سەرکەفتنێ توماربکەن بەرامبەر چار خوسارەتی ل گەل وەکھەڤیەکێ .
د یاریێن خولا پلا دو دا پشتی ل دو حەفتیێن بوری ئامەد شیا سەرێ لیستەیا خولێ جارەکا دی ڤەگەرینت و شەش خال دو یاریان کومکرین دوھی جارەکا دی سەرێ لیستا خولێ ژ دەستدا پشتی توشی خوسارەتیێ بووی د گەرا بیستێ دا ل گەل یانا ئیستەنبول سپور ب گولەکێ و ژ سەرێ لیستا خولێ پاشڤەزفری رێزا پێنجێ ب ٣٨ خالان کو ھەردو یانێن یانێن رێزا چارێ و سێ ھەمان خال ھەنە تیما رێزا دوێ ٣٩ خال ھەنە سەر کێشا خولێ ٤٠ خال ھەنە .
د یاریێن خولا پلا سێ دا کو شەش یانێن کوردستانێ تێدا پشکدارن د یاریێن کوما ئێکێ دا وان سپور دەلیڤەکا باش ژ دەستدا بۆ ھەلویستێ خوە باشتر بکەت د لیستا کومێ دا پشتی توشی خوسارەتیێ بووی ل گەل یانا بایبورت ب گولەکێ بێ بەرامبەر ھەر چەندە یانا بایبورت ب دەە یاریزانان یاری کر ھەر ژ خولەکا ٣٠ و د یاریەکا دی دا ھەمن کومدا جزیرە سپور توشی خوسارەتیێ بوو ل گەل کارتال سپور ب گولەکێ بێ بەرامبەر و د یاریێن کوما دوێ دا دێرسم سپور سەرکەفتنەکا گرنگ ل سەر یانا تورک میتال تومارکر ب دو گولان بێ بەرامبەر ھیڤێن خوە ڤەگەراندنە ڤە بوو مانا خوە دخولێ دا و د ھەمان کوم دا باتمان سپور ژێ ھیڤێن خوە ب زحمەت ئێخستن بۆ ھەڤرکیا پلەی ئوڤێ پشتی خوسارەت بووی ل گەل بودروم سپور ب دو گولان بەرامبەر گولەکێ و د یاریێن کوما سێ دا دیاربەکر سپور شیا پاشکەفتنا خوە بکەتە سەرکەفتن ل سەر یانا موگلا سپور ب دو گولان بەرامبەر گولەکێ و ھیڤێن خوە ب ھێزتر ئێخستن بوو دەربازبوونێ و د یاریەکا دی دا بینگول ژ دەرڤەی یاریگەھا خوە خالەکا گرنگ ب دەستخوڤە ئینا پشتی وەکھەڤبووی ل گەل تارسوس سپور ب گولەکێ.
ئەڤرۆ نیوز،ھەژار مەعروف
راپورتێن رۆژنامەڤانی ل ئیسانیا وەسا داینە دیارکرن ل دووماھیا ڤی وەرزی ھێرشبەرێ فەرەنسی و یانا ریال مەدرید کەریم بن زیما دێ پێکھاتیێ مێرینگی ب جە ھێلت و بەر ب یانەکا دوڤە چیت.
ئەوان رۆژناما ئاشکرا کریە ژێ ئەو گڤاشتنێن وەرزێ ئەڤ سالە ل سەر ھێرشبەرێ فەرەنسی ژلایێ جەماوەرێ یانێ ڤە کو ل ماوێ بوری تایبەت پشتی یاریا بەرامبەر سەلتاڤیگو جەماوەرێ یانێ رەخنەیێن توند لێ گرتین و بوویە ئەگەرێ وێ چەندێ یاریزانێ ناڤبری ھزر ل چوونا خوە بکەت.
ھەردیسان مالپەرێ fichajes یێ ئیسپانی دیارکریە بن زیما دخوازیت ژ ئەوان رەخنەگرێن جەماوەرێ ریال قورتال بیت و دەمەکێ درێژە رەخنەیێن توند جەماوەر ل سەر مالپەرێن کومەلایەتی لێ دگرن ھەر دیسان ل یاریگەھێ دا ژێ ل دەمێ یاریان لەورا ئەو دخوازیت دووماھیا ڤی وەرزی یانێ ب جە بھێلت تایبەت پشتی چەند یانێن مەزن ل ئورۆپا داخوازیا وی کری بۆ ئیمزاکرنا ھەڤبەستا یانێ .
ئەوێ مالپەری دیارکریە ژێ ھەر چەندە سەروکێ یانێ و راھێنەرێ یانێ ئەڤ چەندە رەتکریە کو ئەو دەستدا ل ڤی دەمی ژ ھێرشبەرێ خوە بەردەن ژبەرکو ئەو دبینن مانا بن زیما یا گرنگە بۆ یانا ریال مەدرید ژبەرکو ئەو پێدڤی ب شیانێن ئەوی نە .
ئه‌ڤرۆ نیوز:
نها ل فره‌نسا بانگه‌شه‌یێن هه‌لبژارتنێن سه‌رۆكایه‌تیێ د هێنه كرن، وێ بانگه‌هشه‌یێ دو به‌ربژارێن سه‌ره‌كی هه‌نه، به‌ربژاران مارين لو پێن و ئیمانوێل ماكرۆن هه‌ڤركییه‌كا توند د كه‌ن.
لو پێن، سه‌ركرده‌یا به‌ره‌یێ نشتمانییا فره‌نسا یا دژی كۆچبه‌رانه و ره‌خنه‌گره‌كا دژوار یا حكوومه‌تا وی وه‌لاتی یه.
تشتێ سه‌رنجراكێش لو پێن ژ چه‌ندین ئالییان ڤه هه‌لوه‌ستێن وه‌كی دۆنالد ترامپی سه‌رۆكێ ئه‌مریكا نیشان دده‌ت و ل سه‌ر چه‌ندین مژاران هه‌ڤبۆچوونه د گه‌ل ترامپی و په‌سنا داوی بریارێن وی ل دۆر ڤیزه و كۆچبه‌ران كر و گۆت: ترامپ زه‌لامێ ئاخڤتنێن خویه و بهێز و وه‌ك پێتڤی سۆزێن خوه بجهدئینیت.
نها د گه‌را ئێكێ یا هه‌لبژارتنان دا ل سه‌رانسه‌ری فره‌نسا د پێشڤه‌چوونێ دا یه لێ هنده‌ك پێشبینی دكه‌ن د گه‌را دووێ دا ناڤهاتی شكه‌ستنێ بینیت.
نيشاندان