زاخۆ,ھشیار دوبانکی:
بەرپەرسێ دارایی ل یانا زاخۆ ئاشکراکر یاسایێن تەپا پێ ل کوردستانێ بتنێ ل سەر یانا زاخۆ دھێنە سەلماندن کو ئەو بریار ل رێڤەبەریا گشتی یا وەرزش و لاوان ل ھەرێما کوردستانێ دەرکەڤتی نە .
زێدەتر زوھێر عرفان بەرپەرسێ دارایی ل یانا زاخۆ بۆ رۆژناما ئەڤرۆ دبێژیت : یاسا و بریارێن رێڤەبەریا گشتی یا وەرزشێ ل کوردستانێ بتنێ ل سەر یانا زاخۆ دھێنە سەلماندن کو چەندین سالە سەروکێن چەند یانێن دی کاردکەن و ل سەر ئەوان ناھێنە سەلماندن بونمونە سەروکێ یانا ھەولێر ماوێ شازدە سالانە سەروکێ یانێ یە ھەردیسان سەروکێ ئێکەتیا تەپا پێ ئەڤە زێدەتر ژ دەە سالانە سەروکاتیا ڤێ ئێکەتیێ کەت بوو چی بریار ل سەر ئەوان ناھێنە سەلماندن بوو بتنێ دێ بریار بۆ سەروکێ یانا زاخۆ ھەبن و ئەڤا ھاتیەکرن پلانەکە بوو وێ چەندێ نەمانا وەرزشێ ل یانا زاخۆ ژبەرکو ل ماوێ ھەشت سالێن بوری دا یانا زاخۆ شیا ناڤەکێ مەزن پەیدابکەت ل سەر ئاستێ عیراقێ و ھەتا کەنالێن جیھانی و عەرەبی.

زاخۆ,ھشیار دوبانکی:
راھێنەرێ تیما تەپا پێ یا یانا زاخۆ ئەوا پشکدار دخولا پێشمەرگەی کوردستانێ دا بۆ رۆژناما ئەڤرۆ دیارکر ئەوان ھێشتا دەلیڤەیا دەربازبوونا چار گوشا زێرین ھەیە و ئەوان ھیڤیێن دەربازبوونێ ژ دەست نەداینە و دێ ھەمی شیانێن خوە ل یاریێن بھێت تەرخان کەین بۆ دەستڤە ئینانا ئێک ژ پلێتێن دەربازبوونێ .
زێدەتر نەوزاد عەلی راھێنەرێ تیمێ گوت: ھەتانوکە ھەڤرکی دناڤبەرا چار ھەتا پێنج یانان دا یا دژوارە و ب دیتنا من ھەمی یانا ھێشتا دەلیڤەیا دەربازبوونێ مایە و تیما مە ژێ دەلیڤەیا باش مایە و مە بۆ یاریێن بھێت باش خوە بەرھەڤکریە ل یاریێن بھێت بتنێ دێ ئارمانجا ئەوان سێ خالێن یاریێ بن.

ئەڤرۆ،ھەژار مەعروف:
راھێنەرێ بەرنیاس ل سەر ئاستێ عیراقێ و کورێ باژێرێ دھۆکێ سەردار محەمەد بۆ خودانێ بلندترین باوەرنامەیا شیانێن لەشی ب یاریا تەپا پێ ل سەر ئاستێ کێشوارێ ئاسیا پشتی ئێکەتیا تەپا پێ یا ئیمارات باوەرنامە و خولێن راھێنەرێ ناڤبری پشکداری تێدا کرین بۆ ئێکەتیا ئاسیا ھنارتین بۆ پشکداری کرنێ د خولا لڤ
ل ٢ دا و پشتی ماوەکێ ئێکەتیا ئاسیا ھەلسەنگاندنا راھێنەرێ کورد سەردار محەمەد کری ب نڤێسینەکا فەرمی بۆ ئێکەتیا ئیمارات ھنارتی کو ل دویڤ ھەلسەنگاندنا ئێکەتیا ئاسیا راھێنەرێ ناڤبری بێکو پشکداری دخولا لڤل تودا بکەت بۆ خودانێ وێ باوەرنامێ کو ئەڤ باوەرنامەیا لڤل تو د بیتە بلنترین باوەرنامەیا راھێنەرێن تەپا پێ ب شیانێن لەشی ل سەر ئاستێ ئێکەتیا تەپا پێ یا ئاسیا .
ل دور ڤێ چەندێ راھێنەرێ ناڤبری د دیدارەکێ دا بۆ رۆژناما ئەڤرۆ دیارکر پشتی ل ماوێ چەند سالێن بوری ئەوی پشکداری د دو خولێن راھێنەری یێن شیانێن لەشی دا کری ل سەر ئاستێ ئاسیا ل وەلاتێ ئیمارات ئەوژی لڤل A١ B١ بۆ پتر پێشخستنا شیانێن خوە د ڤێ یاریێ دا ،بریار دا پشکداری د خولا لڤل ٢ دا ژی بیت و پشتی ئێکەتیا ئاسیا داخوازا باوەرنامە و کارێ وی یێ سالێن بوری کری ل دویڤ ھەلسانگادنا ئەوان بۆ شیانێن من ئەوان بریار دا ئەو بێکو پشکداری دڤێ خولێ دا بکەت بیتە خودانێ باوەرنامەیا لڤل ٢ کو دبیتە بلنترین باوەرنامە ل ئاسیا کو چو راھێنەرێن دی ل سەر ئاستێ ئاسیا ئەڤ باوەرنامە نینە .
سەردار محەمەد نوکە خودانێ باوەرنامەیا A ب یاریا تەپا پێ ژی کو ل سەر ئاستێ ئاسیا زێدەتر گوت: ئێکەتیا ئیمارات ئەز ئاگادار کرم کو ئێکەتیا ئیمارات ئەو ھەژی باوەرنامەیا لڤل ٢ دیتە و بومن دیارکر ژی پشتی دیڤچوونا کارێ و خولێن من کری ئێکەتیا ئاسیا ئەڤ باوەرنامە دا من بێکو پشکداری د خولێ دا بکەم کو نوکە زوربەیا راھێنەرێن بەرنیاس ب راھێنەریا شیانێن لەشی یێن تەپا پێ ل سەر ئاستێ ئاسیا دێ پشکداری دڤێ خولێ دا کەن.
ھەژی گوتنێ یە ئێکەتیا ئاسیا یا تەپا پێ بۆ راھێنەرێن شیانێن لەشی ب یاریا تەپا پێ چار خول ھەنە ئەوژی لڤل وان A١ B١ و لڤل تو A١ B١ کو ھەر دو سالان جارەکێ بۆ لڤلەکێ دھێـتە ڤەکرن و راھێنەرێن عیراقی ھەموویان ھەتا نوکە پشکداری چو خولان دا نەکریە ژبلی راھێنەر سەردار محەمەد نەبیت کو بریارە ل حەفتیا بھێت راھێنەرێن تایبەت ب شیانێن لەشی ب یاریا تەپا پێ پشکداری دخولا ئێکێ یا لڤل وان A١ بەن ، دھێتە زانین سەردار محەمەد بەری نوکە راھێنەریا ھەلبژارتیێ عیراقێ و ئولومپی عیراقێ کریە ھەردیسان وەکو راھێنەرێ پیشەکار دخولا ئیماراتێ دا ژی کارکریە .

ئەڤرۆ ، قەیس وەیس :
پشتی ل ماوێ بوری زوربەیا یانێن پشکدار دخولا عیراقێ دا یێن باشورێ عیراقێ و باژێرێ بەغدا دەست ب ئیمزاکرنا ھەڤبەستا کری ل گەل یاریزانێن کورد تایبەت ئەوێن پشکدار دخولا ھەرێمێ دا کو یانا بەغدا پشتی ئیمزاکرنا ھەڤبەستا ھەردو یاریزانان وەلید سەلمان ژ دھۆکێ و ھوزان ئیسماعیل ژ زاخۆ ل ماوێ چەند رۆژێن بوری گەھشتیە رێککەفتنێ ل گەل یاریزانێ سێ کورد ئەوژی یاریزانێ ھێلا بەرەڤانیا یانا دھۆک ئەمیر ئیسماعیل پشتی وی ئاستێ بلند ل گەل یانا دھۆک ل وەرزێ ئەڤ سالە پێشکێشکری دخولا پلا نایابا کوردستانێ دا.
ژێدەرەکێ نێزیک ژ یاریزانی بۆ رۆژناما ئەڤرۆ دیارکر ھەردو لایەن گەھشتی نە رێککەفتنێ ل سەر ھەمی خالێن ھەڤبەستێ بتنێ مایە یاریزان پەیوەندی ب یانا ناڤبری بکەت ل ماوێ بھێت ھەردیسان یاریزان دێ ل یاریێن بھێت یێن یانا دھۆک ژی پشکدار بیت دخولا کوردستانێ دا .
ھەردیسان ئەوی ژێدەری دیارکریە ژی یاریزانێ یانا دھۆک ب مەرج ھەڤبەست ل گەل یانا بەغدا ئینزاکریە ئەوژی پشتی یاریێن خولا کوردستانێ ل گەل یانا دھۆک ب دووماھی بھێن ئەو دێ پەیوەندی ب یانا بەغدا کەت کو یانا ناڤبری ژی ل سەر ڤێ داخوازیا یاریزانێ یانا دھۆک رازیبوویە .