ئه‌ڤرۆ نيوز:
چاوانیا بجھئینانا پڕۆژێ ئاڕم و لۆگو و کارتا تڕۆمبێلان ژلایێ وەزارەتا ڤەگوھاستن و گەھاندنێ یا حوکمەتا ھەرێما کوردستانێ ڤە ھاتیە بەرھەڤکرن و بۆ پارێزگەھێن ھەرێما کوردستانێ دێ کەڤیتە د بیاڤێ بجھئینانێ دا.
مەولود باوە موراد، وەزیرێ گەھاندنێ یێ حوکمەتا ھەرێما کوردستانێ د داخویانیەکێ دا کو وێنەیەکێ وێ گەھشتیە رۆژناما ئەڤرۆ تێدا ھاتیە “پڕۆژێ کارتا تڕۆمبێلێن کرێ ئەڤە دەمەکە کار بۆ دھێتەکرن و ئاڕم و لۆگوویێ تایبەت دێ بۆ تڕۆمبێلێن تەکسی ل ھەر سێ پارێزگەھێن ھەرێما کوردستانێ ھێنە چێکرن و ژبەرکو ھێشتا پارێزگەھا ھەلەبجە تابلۆیێن تایبەت ب خوەڤە نینە دێ ل سەر پارێزگەھا سلێمانیێ بۆ ھێنە چێکرن، ئەڤ پڕۆژە ھەر سێ پارێزگەھێن ھەولێر و دھۆک و سلێمانیێ ڤەدگریت، نوکە تەندەر بۆ پڕۆژەی ھاتینە بەرھەڤکرن و دگەل رێڤەبەرایەتیێن ڤەگوھاستنا ھەرێمێ دانوستان ل دۆر بجھئینانا پڕۆژەی ھاتینەکرن”.
مەولود باوەر موراد گۆت ژی “ب بڕیارەکا تایبەتی، جڤاتا وەزارەتێ بڕیار دایە کو رێڤەبەرایەتیێن گشتیێن ڤەگوھاستنێ ب خوە تەندەرا بجە بینن و پلانا بەرھەڤکری بۆ رێکخستنا کارکرنا تەکسیا ل ھەرێما کوردستانێ ژلایێ وەزارەتا ڤەگوھاستنێ ڤە بھێتە بجھئینان و تەکسیێن ناڤ باژێڕی و دەرڤەی باژێڕی کار دکەن بھێنە جوداکرن و کۆد دێ بۆ ھێنە دانان و ھەر ئێک ژ وان دێ لۆگویێ خوە ھەبیت، ھەتا ئێدی ب شێوەیێ ھەرەمەکی تەکسی کار نەکەن و کارێ وەلاتیان ژی ب لەزتر برێڤە بچیت، دێ گۆرەی نەخشەیێ جۆگرافی کۆد بۆھێتە دانان و نابیت تەکسیێن ل ناڤ باژێڕی کار بکەن بچنە دەرڤە کار بکەن، یێن دەرڤە ژی ناھێنە ناڤباژێڕان”.
نيشاندان