ئەڤرۆ،ھەژار مەعروف:
یانا ئایک سولنا یا سویدی پشتی یاریزانێ خوە یێ گەنج ئەلکسندار ئیسحاق ل ماوێ چەند رۆژێن بوری ب کوژمێ ٩٠ ملیون کرونی سویدی فروتیە یانا بروسیا دورتموند و دڤێ ھەڤبەستێ دا یا مفاداربوو ژلایێ دارایی ڤە و ھەر بۆ ڤێ چەندێ بۆ ب ھێزکرنا پێکھاتیێ تیما خوە ل ماوێ بھێت ھزر ل ئینانا یاریزانێن خودان شیان کریە ل ماوێ بھێت .
راپورتێن رۆژنامەڤانی ل سوید وەسا داینە دیارکرن یانا ئایک سولنا ستوکولھم دخوازیت ھەڤبەستێ ل گەل ستێرا بەری نوکە یا یانا مالمو و یاریزانێ یانا ھوڤنھایم یا ئەلمانی ژیلوان حەمەد ئیمزابکەت پشتی ل ماوێ چەند رۆژێن بوری ب فەرمی ھەڤبەستەکا باش پێشکێشکری وی کری کو دبیتە بلندترین ھەڤبەست د یانا ئەوان دا دبیت ئەو کوژمێ پارەی ژیلوان رازیبکەت ل ماوێ بھێت ھەڤبەستا ئەڤێ یانێ ئیمزا بکەت.
ژێدەرەکێ نێزیک ژ یاریزانێ بۆ رۆژناما ئەڤرۆ دیارکر ھەردو یانێن مالمو و ئایک سولنا یا بزاڤێن مەزن کەت بۆ رازیبکرنا ھەڤبەستا یاریزانێ کورد ژیلوان حەمەد لێ ھەتا نوکە ژیلوان چو بریاریێن دووماھیێ ل سەر نەداینە لێ ھەکە ھاتو ل ماوێ چەند رۆژێن بھێت نە گەھشتە رێککەفتنێ ل گەل یانێن ئەلمانی ئەو دێ ڤەگەریتە خولا سوید ڤە کو ئارمانجا وی یا سەرەکی ئەوە دخولا ئەلمانیا دا بمینت ھەر چەندە چەندین یانێن ئورۆپی یێن خولێن ژ ئەوانا ھولەندا بەلجیکا.
ئەوی ژێدەری ئاماژە ب وێ چەندێ ژی کر ل چەند رۆژێن بھێت چارەنڤێسی ژیلوان دێ ئێکلا بیت ل گەل یانەکا نوو دبیت ئەو ڤەگەریتە وەلاتێ سوید تایبەت یانا ئایک ژبەرکو ئەوێ یانێ ھەڤبەستەکا باش پێشکێشی وی کریە و دبیت ئەڤ چەندە بیتە ئەگەرێ رازیبوونا وی بۆ ئیمزاکرنا ھەڤبەستێ .

ئەڤرۆ نیوز،ھەژار مەعروف:

وەسا دھێتە چاڤەرێکرن ل دووماھیا وەرزێ ئەڤ سالە یاریزانێ ھێلا بەرەڤانیا یانا ریال مەدرید پیپی پێکھاتیێ یانا ریال مەدرید ب جە بھێلت و بەر ب یانەکا نوو ڤە بچیت ، رادیویا کادێنا کوپی یا ئیسپانی دەنگوباسەک بەلاڤەکریە یاریزانێ پرتوگالی و یانا ریال مەدرید دێ ل دووماھیا ڤی وەرزی یانا ریال مەدرید ب جە ھێلت و بەر ب یانەکا چینی ڤە چیت ژبەرکو ھەڤبەستا ئەوی دێ ل ھەیڤا شەش ئەڤ سالە ب دووماھی ھێت ل گەل یانا مەلەکی.
ئەوێ رادیویێ ئاماژە ب وێ چەندێ ژی کریە بەری نوکە پیپی داخوازی ژ یانا ریال مەدرید کر بوو ھەڤبەستا ئەوی بۆ دو سالان بھێتە زێدەکرن لێ یانا ریال مەدرید بتنێ بۆ سالەکێ ھەڤبەستا ئەوی درێژ کربوو یاریزانی ژی وەسا دیارکریە پشتی ھەڤبەستا ئەوی ب دووماھی بھێت ب کوژمێ ١٥ ملیون یورۆیا دێ بەر ب یانا ھەیپی یا چینی چیت.

زاخۆ,ھشیار دوبانکی:
پشتی تیما تەپا پێ یا زاخۆ ئەوا پشکدار دخولا پێشمەرگەیێ کوردستانێ دا ل حەفتیا بوری شیا سەرکەفتنەکا گرنگ توماربکەت و ھیڤێن خوە گەشکرین بۆ ھەڤرکیا دەربازبوونێ بۆ چار گوشا زێرین خالێن خوە گەھاندینە دوازدە خالان لێ ژ نشکەکی ڤە ل چەند رۆژێن بوری راھێنەرێ تیمێ ئەوێ ھەر ژ دەستپێکا خولێ ل گەل تیمێ پوستێ راھێنەریا تیمێ ب جە ھێلایە و کارگێریا یانێ ژی دەستەکا نوو دەست نیشانکریە بۆ یاریێن بھێت ل دۆر ڤێ چەندین بوجون ل سەر ھاتینە دیارکرن کو چاڤدێرێن وەرزشی ل زاخۆ وەسا بینن ئەڤ گوھورینە د بەرژوەندیا زاخۆ دا نابیت.
ل دەستپێکێ عەلی حاجی روژنامەڤانێ وەرزشی ل باژیرێ زاخۆ بۆ روژناما ئەڤرۆ دبێژیت :چونا راھێنەری دڤی وەختی دا دێ کارتیکرنا خوە ل سەر تێمی ھەبیت چونکو راھێنەرێ بەری نوکە محەمەد یوسف شارازیەکا باش ل سەر ڤێ تیمێ ھەیە و ئەوی ئەڤ تیمە ژ دەستپێکا خولێ وەرگرتی یە مانا وی دێ باشتر بیت و ھەر راھێنەرەکێ دڤی دەمی دا پوستێ راھێنەریا تیمێ وەربگریت دێ یا بزحمەت بیت ژبەرکو شارازیا باش ل سەر تیمێ نابیت و دەم کێم مایە بتنێ چار یاری ماینە و ھەکە کارگێری راھێنەرێ بەری نوکە رازیکربا ب دیتنا من دا گەلەک باشتر بیت ژبەرکو تیم ل چار یاریێن بھێت بتنێ پێدڤی شەش خالانە دێ دەربازبوونا خوە مسوگەر کەت و ئەز بینم یا ب زحمەت نابیت بۆ زاخۆ لێ ھەکە راھێنەرێ بەری نوکە بیت.
ھەردیسان ناڤبری دیارکر گوھورین دڤی دەمی دا نابیت یا باشە لێ ئەڤ چەندە وەسا گەھینت کو کارگێریا یانێ ئارمانجا ئەوان بتنێ پشکداریە دخولێ دا.
ژلایێ خوە حەکیم حەجی قادر ئێک ژوان کەسێن بەردەوام دیف چوونا تەپا پێ یا زاخۆ دکەت دبیژیت : ھەر چەندە راھێنەری نوو ھادی ئەحمەدی شارازی ل سەر تێمێ ھەیە ژبەرکو ل وەرزێ بوری راھێنەریا تیمێ کریە لێ ئەرکێ وی دێ گەلەک یێ ب زحمەت بیت و گوھورینا راھێنەری دبینت شاشیەکا مەزنە دڤی دەمی دا ل گەل گوھوینا راھێنەری نەبووم