ئه‌ڤرۆ نيوز:
سه‌رۆكێ لژنا وزه و ژێده‌رێن سروشتى ل په‌رله‌مانێ كوردستانێ، شێركو جه‌وده‌ت راگه‌هاند: نه‌فتا هه‌رێما كوردستانێ ب ناڤێ عيراقێ ناهێته فرۆتن و ل سه‌ر عيراقێ ناهێته هژمارتن هه‌تاوه‌كو پابه‌ندبوون ب بريارا ئوپێك بۆ بهێته هژمارتن.
ئه‌ڤرۆ نيوز:
پشتى هه‌ر ئێك ژ بريكارێ سه‌رۆكێ فراكسيونا هه‌ده‌پێ ئه‌حمه‌د يه‌لدرم و په‌رله‌مانتارێ ئورفايێ يێ وێ پارتێ، عوسمان بايده‌مير د چارچووڤێ بريارا گرتنا زوره‌ملى هاتيه گرتن، پشتى وه‌رگرتنا ئيفادێن وان هاتنه ئازادكرن.
رۆژا 4/11/2016 سه‌لاحه‌دين ده‌ميرتاس و فيگه‌ن یوکسەکداغ هه‌ڤسه‌رۆكێ هه‌ده‌پێ و ژماره‌كا په‌رله‌مانتارێن هه‌ده‌پێ هاتنه گرتن و تا نوكه نه‌هاتينه ئازادكرن.
ئەڤرۆ نیوز:
راھێنەرێ یانا گونجزو ئایفرگراند یا چینی لویس فلیپی سکولاری دوپاتکر د دو سالێن بھێت دا وەلاتیێ وی و ھێرشبەرێ یانا بەرشەلونە یا ئسپانی نیمار دێ گەھیتە ھەمان ئاستێ ھەڤالێ خوە یێ یانێ لیونێل میسی یێ ئەرژەنتینی و یاریزانێ پرتوگالی و یانا ریال مەدرید یا ئسپانی کریستیانو رونالدوی و دێ جھێ ئێکێ ژ وان گرین ل پێشیا باشترین یاریزانێن جیھانێ.
زێدەتر سکولاری یێ ٦٨ سالی ئەوێ سەرکێشیا بەرازیل کری بەر ب ناسناڤێ موندیالا ٢٠٠٢ زێدەتر ئاشکەراکر کو میسی و رونالدو ل ئێک ئاست ھەڤرکێن باشترین ناسناڤێ جیھانێ نە، لێ ئەو پێشبینی دکەت د ماوێ سالەک ھەتا دو سالان دا نیمار ل ئاستێ وان بیت و جھێ ئێکێ ژ وان ب ھێز وەربگریت.
ل دور شێوازێ کرنا ھەردو یاریزانێن باشترین ل ڤان سالێن بوری سکولاری خویاکر رونالدو باشترین یاریزانێ جیھانێ یە ژبەرکو باشترین ئاست ل جیھانێ نیشان ددەت و راھێنانا ژبەر ڤێ چەندێ بەردەوام دکەت و شیانێن مەزن و جودا ژ ھەر یاریزانەکی د مەزێخیت، لێ میسی نە یاریێ ب سڤکی دکەت و شارەزایەکێ دورستە د بیاڤێ یاریکرن و تەکتیکی و ھونەرێ تەپا پێ دا.
ئەڤرۆ، ھەژار :
ستێرا سویدی و یاریزانێ یانا مانچستەر یوناید زەلاتان ئیبراھیموڤیچ ئاشکراکر پێدڤی یە ل سەر جەماوەر و راگەھاندنا ئنگلیزی رێزێ ل ستێرا خوە و گولکەرێ مێژویی یێ یانا مانچستەر یوناید رونی بگرن سەرەرای تومارکرنا نەمرەکا پیڤای و شیا بیتە گولکەرێ مێژوی ل گەل یانا مانچستەر پشتی شیای ٢٥٠ گولان توماربکەت لێ چەند جەماوەر و راگەھاندنا ئنگلیزی رێزێ ل مێژویا ڤی یاریزانی و دەستکەفتیێن وی ناگرن و پێدڤی یە ھەمی ئنگلتەرا شانازی ب یاریزانەکێ وەکو رونی بەت.
زێدەتر ستێرا سویدی ئیرا د گونگرێ رۆژنامەڤانی دا دیارکر واین رونی یاریزانەکێ سەرکێشە د ناڤا یاریگەھێ و دەرڤەی یاریگەھێ و پێدڤی یە ھەر کەس شانازی ب مێژویا ئەڤی یاریزانی بیت و ئەو گەلەک یێ کەیفخوشحالە ئەو یاریێ ل گەل یاریزانەکێ وەکو رونی کەت ھەبوونا ئەوی ل گەل یانا مان یوناید دبینت گەلەک یا گرنگە ژبەرکو یانا ھەمی باش رونی دناسن و گەلەک پێدڤی ب شیانێن ئەوی یە تەپا پێ یا ئینگلیزی ژێ پێدڤی ب یاریزانەکێ رونی یە ل ڤی دەمی مێژویا ئەوی چو جاران ناھێتە ژبیرکرن.
ل دووماھیێ ئیبراھیموڤیچ دیارکر پێدڤی یە راگەھاندنا ئنگلتەرا پتر گرنگی ب یاریزانەکێ وەکو رونی بدەن و شانازی ب گولێن وی و مێژویا ئەوی بەن رێزگرتنەکا مەزنتر لێ بھێتە گرتن و رونی ئەو یاریزانا ئەوێ گیانەکێ پاک بۆ تیما خوە و ھەمی ھەڤالێن خوە ھەیە دناڤا یاریگەھێ دا .
ئەڤرۆ نیوز،ھەژار مەعروف:
یاریزانێ ئیسپانی یێ یانا پاریس سانجێرمان یا فەرەنسی خیسی رودریگیز دخوازیت جارەکا دی ڤەگەریتە وەلاتێ خوە ئیسپانیا و یاریێ ل ئێک ژ یانێن خولا لالیگا بکەت پشتی ل دەستپێکا وەرزێ ئەڤ سالەھاتیە ڤەگوھاستن بۆ یانا پاریس سانجێرمان ژ یانا ریال مەدرید.
راپورتێن رۆژنامەڤانی ل ئیسپانیا وەسا داینە ئاشکراکرن خیسی رودریگیز دخوازیت بەری ب دووماھیی ھاتنا مێرکاتویا زڤستانێ ب ڤەگەریتە یانەکا ئیسپانی ھەر چەندە دو ھەڤبەستێن فەرمی ژ خولا ئینگلتەرا و ئینگلیزی بۆ ھاتنبوون و ئێک ژ ئەوانا یانا میدلزبرا یا ئینگلیزی بوو داخوازی ژ یاریزانێ ناڤبری و یانا پاریس کر بوو لێ یاریزانێ رەتکر یاریێ ل وەلاتەکێ دی بکەت ھەکە یانەکا ئیسپانی ھەڤبەست ل گەل ئیمزانەکر دێ مینتە ل یانا خوە ل ڤی دەمی.
ئەوان راپورتێن رۆژنامەڤانی ئاماژە ب وێ چەندێ ژی کر یاریزان ھەتا رادەکێ مەزن گەھشتیە رێککەفتنێ ل گەل یانا لاس پالماس یا ئیسپانی پشتی یانا ناڤبری داخوازیەکا فەرمی پێشکێشی یانا پاریس کری بۆ ڤەگوھاستنا یاریزان خیسی.
ئه‌ڤرۆ نيوز:
رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ راگه‌هاند كو سوبه‌هى رۆژا پێنجشه‌مبى رێكه‌فتى 26ى كانوونا دويێ 2017 ئه‌سمان دێ ژ هنده‌ك ئه‌ورێن كێم بۆ ئه‌ورێن ته‌مام هێته گوهۆڕين و ده‌ليڤا باران باران بارينێ دێ ل هنده‌ك جهان هه‌بيت.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ بێ هێزبوونا كارتێكرنا فشارێن بلندێن وه‌لاتێ توركيا دهێته پێشبينيكرن هنده‌ك ئه‌ورێن كێم ل ئه‌سمانێ دهۆكێ ژ هنده‌ك ئه‌ورێن كێم بۆ ئه‌ورێن ته‌مام هێته گوهۆڕين و ده‌ليڤا باران باران بارينێ دێ ل هنده‌ك جهان هه‌بيت.
پشكا پێشبينيان دايه زايه زانين كو دێ ئاراستێ باى ژى دێ باكوورێ رۆژهه‌لات بيت ب ره‌نگه‌كى د ناڤبه‌را 5 هه‌تا 15كم دا و ماوێ ديتنێ ژى دێ د ناڤبه‌را 8 بۆ 10كم دا بيت، پلێن گه‌رمێ ژى دێ د ناڤبه‌را 1 بۆ 9 پلان دا بن.
ئه‌ڤرۆ نيوز:
حوکمەتا ھەرێما کوردستانێ بۆدجە بۆ ب رێڤەبرنا ھەلبژارتنێن داھاتیێن ھەرێما کوردستانێ مەزاخت و ئەندامەکێ کۆمسیۆنێ ژی دبێژیت، بڕیارە ئەو 500 فەرمانبەرێن مە پێدڤی پێ ھەی بھێنە دامەزراندن و ئوفیسێن پارێزگەھان ژی دەست ب کارێ خوە بکەن بۆ ب رێڤەبرنا ھەلبژارتنێن داھاتی کو بڕیارە ئەڤ سالە بھێنە ئەنجامدان.
جووتیار ئاکرەیی، ئەندامێ جڤاتا کۆمسیۆنا بلندا ھەلبژارتنێن ھەرێما کوردستانێ بۆ رۆژناما ئەڤرۆ دیار کر کو بڕیارە ئەڤ سالە ھەلبژارتنێن سەرۆکێ ھەرێما کوردستانێ و پەرلەمانی بھێنە ئەنجامدان و کۆمسیۆنێ ژی دەست ب بەرھەڤیان کریە ب مەرەما ب رێڤەبرنا ئەڤان ھەلبژارتنان و گۆت: “پشتی مە داخواز ژ حوکمەتا ھەرێما کوردستانێ کری بۆ مەزاختنا بۆدجێ ھەلبژارتنان حوکمەتا ھەرێمێ رازیبوونا خوە دایە دیارکرن کو ئەو د بەرھەڤن بۆ مەزاختنا بۆدجێ داکو پێدڤیێن ھەلبژارتنان بھێنە بەرھەڤکرن و نوکە 10 ھەیڤ ماینە بۆ ھەلبژارتنان، بەلێ ئەم دشێن د دەمێ شەش ھەیڤان دا خوە بەرھەڤ بکەین”.
ناڤھاتی خویا کر کو ژبلی بۆدجێ نوکە ئەم یێ ئوفیسێن پارێزگەھان بەرھەڤ دکەین و دگەل خوە بەرھەڤکرنێ بۆ ب رێڤەبرنا ھەلبژارتنان دێ فەرمانبەرێن نوو بۆ کۆمسیۆنێ ھێنە دامەزراندن و لیژنەک ل کۆمسیۆنێ کار ل سەر ڤێ چەندێ دکەت ئەو فۆڕمێن بەری نوکە ھاتینە پێشکێشکرن بۆ دامەزراندنا 500 کەسان دێ ھێنە ئێکلاکرن و فەرمانبەر دێ بۆ ئوفیسێن پارێزگەھان ھێنە تەرخانکرن داکو بشێن دەست ب کارێ خوە بکەن، چونکی ھەتا نوکە ژبەر نەبوونا میلاکی دەست بکارنەبووینە “.
ئه‌ڤرۆ نيوز:
ئەندامەکا کورد لپەرلەمانێ عێراقێ ئەشکرەکر، پەرلەمانتارێن کورد بۆ دەستپێکرنا وەرزێ دویێ یێ پەرلەمانی ل بەغدانە، بەلێ دڤی وەرزێ پەرلەمانی دا چو پڕۆژە قانوونەک بۆ بەرژەوەندیا خەلکێ ھەرێما کوردستانێ ناھێنە پەسەندکرن، چونکو ئەف پڕۆژە قانوونێن د بەرژەوەندیا ھەرێما کوردستانێ دابن لپەرلەمانی رێگری لێ ھاتیەکرن و پشتگوە ھاتینە ھاڤێتن.
نەجیبە نەجیب، ئەنداما فڕاکسیۆنا پارتی لپەرلەمانێ عێراقێ بۆ رۆژناما ئەڤرۆ گۆت” پتری حەفتیەکێ یە وەرزێ دویێ یێ پەرلەمانی ھاتیە دەستپێکرن و پەرلەمانتارێن کوردژی ڤەگەڕیاینە بەغدا، ھژمارەک پڕۆژە قانوون ھاتینە بەرھەڤکرن ھەتا بکەڤنە کارناما کۆمبوونێن پەرلەمانی دا، ئێک ژوانا پڕۆژە قانوونا یا دادگەھا فیدڕالە، بەلێ چو پڕۆژە قانوونێن تایبەت ب ھەرێما کوردستانێ ناکەڤنە ناڤا کارناما کۆمبوونێن پەرلەمانی، دگەل ڤێ چەندێ مە چەندین پڕۆژە قانوون بەرھەڤکرینە کو د بەرژەوەندیا خەلکێ ھەرێما کوردستانێ دا بن، وەکی پڕۆژە قانوونا قەرەبوکرنا زیانڤێکەفتیێن سەردەمێ رژێما بەعس، مخابن ژبەرکو پەرلەمانتارێن کورد بتنێ ماینە و پڕۆژە قانوونێن دبەرژەوەندیا ھەرێما کوردستانێ دا چو پەرلەمانتاران دەنگی لسەر نادەن تنێ پەرلەمانتارێن کورد نەبن، ئەمژی رێژەیەکا کێم ژ پێکھاتەیا پەرلەمانینە و بدەنگێ مە چو پڕۆژە ناھێنە رەتکرن و پەسەندکرن، ئەڤە بۆیە ئەگەر چو پڕۆژە یاسا د بەرژەوەندیا خەلکێ ھەرێمێ نەھێنە پەسەندکرن.
نەجیبە نەجیب گۆتژی” مخابن شەراکەست ل عێراقێ دوماھی ھاتیە و گورەی ئەڤێ رێکەفتنا حوکمەت لسەر ھاتیە ئاڤاکرن عێراق ناھێتە رێڤەبرن، ژبەرکو راستە کورد ل حوکمەتا حەیدەر عەبادیدا پشکدارن، بەلێ ل چو بڕیارێن سیاسی و ئابوری و سەربازی دا پرسیارا کوردا ناھێتەکرن، وەکی شەریک سەرەدەریێ دگەل کوردا ناکەن، ئەڤەژی بۆیەر ئەگەر رەنگڤەدان ھەبیت لسەر پەرلەمانێ عێراقێ و کاریگەری کریە سەر کارێ پەرلەمانتارانژی، ئەڤێ چەندێ وەسا کریە ئەم بتنێ بمینین ھەمبەردا پەرلەمانتارێن دی دشێن ھەموو پڕۆژە قانوونەکا ئەو بخوازن ب زۆرینە دەرباز بکەت، ھەرچەندە ژلایێ قانوونی ڤە دروستە چونکە ھەر ب دەنگدانە، بەلێ پەرۆڤاژی دستوورێ عێراقێ و ڤێ شەراکەتێ یە یا عێراق لسەر ھاتیە ئاڤاکرن، مادەم ھەر پڕۆژەیەک ببیتە زۆرینە ئەڤە ئەم زۆرینە نینە و ھاتینە بێ بەھکرن لڤان پڕۆژەیێن ئەم دخوازین بھێنە پەسەندکرن.
ئەڤرۆ نیوز،ھەژار مەعروف:
راھێنەرێ ئەرژەنتینی و یانا ئەشیبلیا یا ئیسپانی خورخی سامپاولی بۆ دەزگەھێن راگەھاندنا ئیسپانی وەسا داینە دیارکرن ئەو د بینت یانا وی ل وەرزێ ئەڤ سالە د رەوشەکا باش دا بوریت و تیما وی کەساتیا ھەڤرکیا ناسناڤی ھەیە تایبەت ل یاریێن ڤێ دووماھیێ ژ خولا لالیگا پشتی وێ سەرکەفتنا گرنگ و شیان پشتی بورینا ٤٠ یاریان خوسارەتیا ئێکێ ب گەھینە سەرکێشا خولێ یانا ریال مەدرید.
زێدەتر راھێنەرێ یانا ئەشیبلیا بۆ رادیویا ئوندا سیرو یا ئیسپانی ئاشکراکر تیما وی شیانێن برنا ناسناڤی ھەنە ل وەرزێ ئەڤ سالە ناسناڤی ژ دەستێ ھەردو یانێن ریال مەدرید و بەرشەلۆنا دا بینین دەرێ کو ماوێ چەندین سالانە بتنێ ھەردو یانە ھەڤرکن بۆ برنا خولێ و ھیڤا ئەوان یا سەرەکی ل وەرزێ ئەڤ سالە ئەوە بشێن ناسناڤێ خولێ ب دەستخوڤە بینن پشتی شیان بۆ جارا ئێکێ ل سالا ١٩٤٦ ب دەستخوڤە بینن و پشتی وێ سالی ھەتا نوکە نەشیاینە ناسناڤی ب دەستخوڤە بینن .
زێدەتر سامپاولی دیارکر دبیت ئەوان شیانێن ریال مەدرید و بەرشەلۆنا نەبن لێ ئەو دێ بۆ برنا ناسناڤێ خولێ ھەتا دووماھیا خولێ یاریێ کەن و دێ ھەمی شیانێن خوە تەرخان کەن ب گیانێ ھەڤرکیا ناسناڤێ خولێ ھەتا دووماھیا ڤی وەرزی یاریێ بکەن ھەر چەندە ئەو باش زانن ئەرکێ ئەوان یێ ب سانەھی نابیت لێ ئەو دبینت ئەوان شیانێن ھەڤرکیا ھەردو یانێن مەزن ھەیە ل وەرزێ ئەڤ سالە ژبەرکو تیما وی د باشترین رەوش دایە نوکە.
ئەڤرۆ نیوز،ھەژار مەعروف:
یانا ئەی سی میلان یا ئیتالی ب فەرمی ھەڤبەستا یاریزانێ خوە یێ نوو یێ ئیسپانی جيرارد ديلوفو راگەھاند پشتی گەھشتینە رێککەفتنێ ل گەل یانا ئیفەرتون یا ئنگلیزی بۆ ڤەگوھاستنا یاریزانێ ناڤبری ب شێوەیێ خواستن بۆ ماوێ شەش ھەیڤان .
یانا میلان ل سەر مالپەرێ خوە یێ فەرمی وێنەکێ یاریزانێ بەلاڤەکریە و تێدا درێسێ یانا میلان بلند کریە و دیارکریە دیلوفو ب فەرمی بۆ یاریزانێ میلان ھەتا دووماھیا ڤی وەرزی، یاریزانێ ناڤبری ل سالا ٢٠١٣ ژ یانا بەرشەلۆنا ھاتبو ڤەگوھاستن بۆ یانا ئیفەرتون و ل ھەردو سالێن دەستپێکێ یاریزانێ ناڤبری وەکو یاریزانەکێ سەرەکی بوو ھەتا وەرزێ بوری ژی و ل گەل ھاتنا راھێنەرێ ئیفەرتون رونالدو کومان دەلیڤەیا کرنا یاریێ بۆ وی گەلەک کێم بوویە بتنێ ل وەرزێ ئەڤ سالە ١٣ یاریا پشکداری کریە و زوربەیا ئەوان یاریان ژی وەکو پێگوھور ھاتیە دناڤ یاریێ دا ژبەر ڤێ چەندێ یاریزانێ ناڤبری گەلەک جاران داخوازی ژ یانێ کریە بھێتە ڤەگوھاستن بۆ یانەکا دی داکو پتر دەلیڤەیا کرنا یاریێ بۆ وی ھەبیت.
یاریزانێ ناڤبری پشتی ئیمزاکرنا ھەڤبەستێ بۆ دەزگەھێن راگەھاندنا ئیتالی دیارکریە ئەو گەلەک یێ کەیفخوشحالە یاریێ ل یانا میلان بکەت ژبەرکو میلان ژ یانێن مەزن ل ئورۆپا و ئەو ھاتیە ڤەگوھاستن بۆ یانا میلان بۆ وێ چەندێ پتر دەلیڤەیا کرنا یاریێ ھەبیت بۆ وی و یا گرنگ ئەوە ل دەڤ وی بشێت ل گەل ھەڤالێن خوە یێن یانا میلان ئەنجامێن باشتر بۆ ناڤێ یانێ توماربکەن .
نيشاندان