ئەڤرۆ نیوز،ھەژار :
راپورتێن رۆژنامەڤانی ل ئەلمانیا ئاشکرا کرینە راھێنەرێ ئیتالی یێ یانا بایرن میونیخ ئەنشلوتی داخوازی ژ بەرپرسێن یانا بایرن میونیخ کرینە ھەڤبەستێ ل گەل ستێرا ھێلا ناڤینا یانا پاریس سانجێرمان مارکو فیراتی ئیمزابکەن ل ڤەگوھاستنێن ھاڤینا ئەڤ سالە ھەر چەندە ل دووڤ نوچەیێن نێزیکی یانا پاریس سانجێرمان ئەڤ چەندە رەتکریە کو ھزر ل فروتنا یاریزانێ خوە ل ڤی دەمی کربیت کو بەری نوکە ژی یانا بەرشەلۆنا و ریال مەدرید یوڤانتوس بزاڤێن کرینا ڤی یاریزانی کربوون.
رۆژناما باریزیان دیارکریە راھێنەرێ یانا بایرن میونیخ بۆ جارا گەلەکێ یە داخوازی ژ بەرپرسێن یانا بایرن میونیخ کەت بۆ ئیمزاکرنا ھەڤبەستا یاریزانێ ئیتالی فیراتی کو ئەوی ل یانا پاریس سەرپەرشتیا ئەڤی یاریزانی کریە و باش زانیت دێ فیراتی بیتە خالەکا سەرکەفتنێ بۆ یانا باڤاری ل خول و قارەمانیێن ئورۆپی دا ھەردیسان پاشەرۆژەکا گەش یانا باڤاری ل گەل ڤی یاریزانی دێ ھەبیت .
وی رۆژنامی ئاماژە ب وێ چەندێ ژی کریە ئەنشلوتی دخوازیت یاریزانەکێ خودان شیان ل سالا بھێت ل تیما خوە زێدەبکەت بشێت جھێ یاریزانێ نوکە یێ تیمێ چاڤی ئەلونسوی بگریت کو یاریزانێ ناڤبری بەر ب ژیێ ٣٥ سالی ڤە چوویە.
ژلایەکێ دیڤە راپورتێن رۆژنامەڤانی ل ئەلمانیا داینە دیارکرن کرینا فیراتی بۆ یانا بایرن میونیخ دێ یا ب زحمەت بیت ژبەرکو ڤەگوھاستنا وی دێ گەھینە ٨٠ ملیون یورۆیا ھەکە زێدەتر نەبن ژبەرکو یانێن وەکو بەرشەلۆنا ریال مەدرید ھەڤرکیا ڤی یاریزانی کەن بۆ ھاڤینا بھێت لەورا ئەڤ چەندە بۆ ئەنشلۆتی دێ یا ب زحمەت بیت تایبەت پشتی یانا باڤاری ل چەند سالێن بوری ژێ ئاشکراکری و دووماھی جار ژی ئاشکراکربوو ئەو ھەڤبەستێ ل گەل یاریزانێن خودان کوژمێن مەزن ناکەن کو ھەڤبەست ٤٠ ملیون یورۆیا زێدەتر نادەن.

ئەڤرۆ نیوز،ھەژار مەعروف:
رۆژنامەیێن نێزیکی یانا ریال مەدرید داینە دیارکرن یانا ریال مەدرید گەھشتیە رێککەفتنێ ل گەل یانا ئایک سولینا یا سویدی بۆ ئیمزاکرنا ھەڤبەستا یاریزانێ وێ و ھەلبژارتیێ سوید ئەلکسندر ئیسحاق پشتی وی ئاستێ بلند ل گەل یانا خوە پێشکێشکری د خولا سوید و قارەمانیێن ئورۆپا دا ل ماوێ سالا بوری.
رۆژناما ئاس یا ئیسپانی د پەیامەکێ خوە دا دیارکریە یانا ریال مەدرید یانا ریال مەدرید و ئایک ل سەر ھەمی خال و بەندێن ھەڤبەستێ پێکھاتی نە و بریارە ئەڤرۆ شاندێ یانا سویدی ب گەھنە وەلاتێ ئیسپانیا بەر ب باژێرێ مەدرید ڤە بچن بۆ ب دووماھیی ئینانا ئیمزاکرنا ھەڤبەستێ، وێ رۆژنامێ ئاماژە ب وێ چەندێ ژی کریە یاریزانی ئەلکسندر یێ ١٧ سالی ھەڤبەستا یانا ریال مەدرید ئیمزاکریە بۆ وێ پێنج سالان لێ یاریزان دێ ل مێرکاتویا ٢٠١٨ ھێتە ڤەگوھاستن بۆ ناڤ رێزێن یانا ریال مەدرید ژبەرکو نوکە ژیێ وی ١٧ سالە ھەتا ب گەھیتە ١٨ سالی پاش ھێتە ڤەگوھاستن.
ھەژی گوتنێ یە ئەلکسندر ئیسحاق یێ ب ئیبراھیموڤیچ بچووک دھێتە دیتن ل وەلاتێ سوید ببو جھێ گرنگیا چەندین یانێن مەزن ل ئورۆپا.