ئەڤرۆ،ھەژار مەعروف:
پشتی ل ماوێ بوری دەستەیا راھێنەریا یانا زێرەڤانی دەست ژ پوستێ یانێ وەرگرتی و دەستەکا نوو ھاتیە دەست نیشانکرن و کارگێریا یانێ ل گەل دەستەکا راھێنەری ل ماوێ بوری دەست ژ چار یاریزانێن بەردەی کو ل ڤێ حەفتیێ دا دەست ژ سێ یاریزانا بەردا ئەوژێ ھەر ئێک ژ ھاورێ محەمەد و عومەر بیبو و خالد موسا پشتی دەست بەردانا خوە ئەڤان یاریزانا ژ یانا خوە وەرگرتی د ھەمان رۆژ دا ھەڤبەستا یانێن دی کوردستانێ ئیمزاکر.
ھەر ئێک ژ ھاورێ محەمەد و خالد موسا ھەڤبەستا پێشمەرگا ھەولێر ئیمزاکر و عومەر بیبو یێ بەرنیاس ب بیبو ھەڤبەستا برایەتی ئیمزاکر و ھەردیسان یاریزان نێچیرڤان شوکری ئەوێ ل دەستپێکا ڤی وەرزی دەست ژ ئەڤی یاریزانی بەردەی دەستەیا راھێنەری و کارگێریا یانێ ھەڤبەستا یانا دھۆک ئیمزاکر و بەری نوکە ژێ کارگێریا یانا زێرەڤانی دەست ژ یاریزانێ خوە یێ کوتیڤواری جونیور بەردا بوو ئەوژی ھەڤبەستا دھۆکێ ئیمزاکریە .

ئەڤرۆ،ھەژار مەعروف:
ستێرا پرتوگالی و یانا ریال مەدرید د سالا ٢٠١٦ ب خەلاتکرنا باشترین وەرزشڤانێ ئورۆپا ب دووماھی ئینا پشتی شیا د راپرسینا ھەلبژارتنا باشترین وەرزشڤانێ ئورۆپا دا رێزا ئێکێ ب دەستخوڤە بینت ل سەر کیستی چەندین وەرزشڤانێن بەرنیاس ل ئورۆپا ژ ئەوانا یاریزانێ تەنسا ئەردی یێ برێتانی ئەندری مورای و یاریزانا بەرنیاس ل جیھانی یا ھنگاری کاتینا ھوزو ھەردیسان شوڤێری فورمالا وان یێ ئەلمانی نیکو روزبرگ.
دڤێ راپرسینێ دا ٢٧ مالپەر و ئاژنانسێن مەزن یێن بەرنیاس ل ئورۆپا پشکداری تێدا کربوو ماڤێ دەنگدانی ھەبوو یاریزانێ ھەلبژارتیێ پرتوگال و یانا ریال مەدرید شیا ب رێژەیەکا باش یا دەنگان رێز ئێکێ ب دەستخوڤە بینت پشتی د سالا ٢٠١٦ شیای چەندین دەستکەفتیا ب دەستخوڤە بینت ژ ئەوانا ناسناڤێ چامپونیز لیگ و سوپر ئورۆپا و موندیالا جیھانی یا یانا ل گەل ریال مەدرید و قارەمانیا یوریا ٢٠١٦ ل گەل ھەلبژارتیێ خوە پرتوگال رونالدو دڤێ دەنگدانێ دا شیا ٢٠٤ دەنگا ل رێزا ئێکێ بھێت و یاریزانێ تەنسا ئەردی یێ بەرنیاس ئەندری مورای خودانا مەدالیا زێری د ئولومپیاتێن ریو دی جانیرو ھەردیسان قارەمانی قارەمانیا وێملدون بوو کو ئەڤ قارەمانیا دھێتە ھژمارتن ئێک ژ بەرنیاسترین قارەمانیێن تەنسا ئەردی کو ئەندری مورای ب ١٨٠ دەنگان رێزا دوێ ھات بۆ باشترین وەرزشڤانێ ئورۆپا و یاریزانا ھنگاری ب یاریا مەلەڤانیا کاتینا ھوزو خودانا سێ مەدالیێن زێری یێن ئولومپاتا ب ١٣٦ دەنگان رێزا سێ ھات و شوڤێرێ ئەلمانی یا فورمولا وان نیکو روزبرگ رێزا چارێ ھات ب ١١٥ دەنگان .

ئەڤرۆ، محەمەد عەلی:
داخویانیەکێ دا سەرۆکێ ئێکەتیا پارێزگەھا دھۆکێ یا پایسکلان بۆ رۆژناما ئەڤرۆ دیارکر کو ب فەرمی ئێکەتیا عیراقێ راھێنەرێ تیما یانا گارە وەکو ھاریکارێ راھێنەرێ ھەلبژارتیێ ئۆلۆمپی یێ عیراقێ دەستنیشانکر ژبۆ خوە بەرھەڤکرن بۆ قارەمانیا ئاسیا ئەوا دێ ھەڤرکیێن وێ ل شوباتا سالا ٢٠١٧ێ وەلاتێ بەحرێنێ مێڤانداریا وێ کەت.
زێدەتر ھشیار فەریق گۆت: پشتی دەرئەنجامێن تیما یانا گارە و یێن پارێزگەھێ ل سەر ئاستێ یانێن عیراقێ بدەستڤەئیناین، ئێکەتیا پایسکلان ل عیراقێ داخواز ژ راھێنەرێ یانا گارە تارق سەعید کرییە پۆستێ ھاریکارێ راھێنەرێ ھەلبژارتیێ ئۆلۆمپی وەربگریت خوە بەرھەڤکرن بۆ قارەمانیا ئاسیا ٢٠١٧، ھەروەسا ناڤھاتی گۆت، ھەر دوھی ب شەڤ لدویڤ داخوازیا ئێکەتیێ تارق سەعید بەرە ب باژێرێ بەغدا چوویە ژبۆ دەست ب کاربوونا خوە و بەرھەڤیان بۆ قارەمانیێ. ھشیاری ئەوچەندە ژی دازانین کو دێ ھەلبژارتیێ عیراقێ دەست ب کەمپەکێ راھێنانێ ل باژێرێ دیوانیە دانیت و دویڤدا بەرە ب کەمپەکێ دەرڤە چن.
لدۆر ژێگرتنا راھێنەرێ پارێزگەھا دھۆکێ گۆت: پێنەڤێت ژێگرتنا وی ژبەر شیان و شارەزاھییا وی ھاتیە کو ئەڤچەندە لسەر ئێکەتیێ پێدڤی کری بھێتە ژێگرتن و ئەڤەژی نە جارا ئێکێیە بەلکو ل وەرزێ بۆری ژی ھاریکارێ راھێنەرێ عیراقێ لسەر ئاستێ کچان بوویە. لدوماھیێ ھشیاری گۆت: جھێ شانازیێ یە راھێنەرەک ژ پارێزگەھێ بھێتە ژێگرتن بۆ جارا دوێ دناڤ ھەلبژارتیێن عیراقێ دا وئەڤە وێ چەندێ دگەھینیت مە خودان شیان یێن ھەین بەلێ پێدڤی ب پشتەڤانیێ ھەنە.