خزمه‌تا فرى به‌يسك ژ ئه‌ڤرۆ نيوز

11/07/2016 22:24

1333

ئه‌ڤرۆ نيوز:

مالپه‌رێ ئه‌ڤرۆ نيوز يێ سه‌ر رۆژناما ئه‌ڤرۆ ڤه‌ يێ خۆشحاله‌ كو خزمه‌ته‌كا نوو بێخيته‌ به‌ر ده‌ستێ خوانده‌ڤانێن خوه‌ دا كو زێده‌تر ببيته‌ جهێ مفاوه‌رگرتنێ.

ئه‌ڤ خزمه‌ته‌ ژى پشتى وێ چه‌ندێ دهێت كو دامه‌زراوا internet.org يا جيهانى ب سه‌رپه‌رشتيا ئێكسه‌را فه‌يسبۆكى داخواز ژ مالپه‌رێ ئه‌ڤرۆ نيوز كرى پشكداريێ د خزمه‌تا ئه‌نترنێتا بێ به‌رامبه‌ر دا بكه‌ت دا كو خوانده‌ڤانێ وێ زێده‌تر مفاى ژ بابه‌ت و ده‌نگوباسێن وێ وه‌ربگرن.

نوكه‌ خوانده‌ڤان دشێن ب رێيا دانلۆدكرنا ئه‌پليكه‌يشنا free basic ژ ڤێ خزمه‌تكاريێ مفادار بن و پشتى دانلۆدكرنێ ب ڤى ره‌نگى مفادارى خزمه‌تێن ئه‌ڤرۆ نيوز بن.

بۆ سيسته‌مێ android ڤێره‌ كليك بكه

تێبينى: هه‌كه‌ بۆ سيسته‌مێ ئه‌ندرۆيد گوت كو ئه‌ڤ كه‌رسته‌ يان ئه‌پليكه‌يشنه‌ ل وه‌لاتێ ته‌ ل به‌ر ده‌ست نينه‌ تو دشێى ڤى ئه‌پليكه‌يشنى دانلۆد بكه‌ى كو ئه‌و ژى ماركێته‌كا ئه‌ندرۆيده‌ و ل وێرێ ئه‌ڤ ئه‌پليكه‌يشنه‌ يێ ل به‌ر ده‌ست هه‌ى: ڤێره‌ كليك بكه‌ Aptoide يێ د ناڤ ماركێتا پله‌ى ستور ژى دا هه‌ى.

ده‌ما ئه‌پليكه‌يشنى ڤه‌دكه‌ى ژماره‌كا مالپه‌رێن ناڤخۆ و جيهانى يێن هه‌ين، د ناڤ وان دا هه‌كه‌ ئه‌ڤرۆ نيوز ته‌ نه‌ديت دێ كليكێ ل سه‌ر “مزيد من الخدمات” كه‌ى

د ناڤ وان ئه‌پليكه‌شنان دا دێ ئه‌ڤرۆ نيوز هه‌لبژێرى و دێ چيته‌ ناڤ خالا مالپه‌رێن ته‌ دڤێت دا

ل گەل کۆما دەڤەرا ئامێدیێ کارکەت

11/07/2016 22:22

2195

ئه‌ڤرۆ نيوز:

ھونەرمەندا دەنگخۆش مھاباد زاخۆیی، د دیدارەکا تایبەت دا بۆ ئەڤرۆ راگەھاند، پشتی پتر ژچل سالێن غەرییێ، بەری چەندەکێ ئەو ب ئێکجاری ڤەگەریایە کوردستانێ، و دووماھی کارێ وێ یێ ھونەری ئەلبۆمەکا سترانان دڕێ دایە، و سرودەک ژی بۆ پێشمەرگەی تۆمارکریە، ھەروەسا ل بەرە ل گەل کۆما پەیاما دەڤەرا ئامێدیێ وەکو ئەکتەر کاربکەت.

ناڤھاتیێ ل دۆر دەستپێکا خوە ل گەل سترانێ گۆت: ل سالا 1974 ئەم دەربەدەربووین و چووینە وەلاتێ ئیرانێ، ل وی دەمی حەزا سترانگۆتنێ ل دەف من پەیدا بوو، لێ ژبەرکو ئەم پەنابەربووین و ل وەلاتەکێ بیانی دژیاین ئەز نەدشیام حەزا خوە بحە بینم، ھەتا سالا 1981 ئەم چووینە وەلاتێ ئەمریکا و بۆ جارا ئێکێ ل وی وەلاتی ل گەل ھەڤژینێ خوە (رەمەزان زاخۆیی) کو برایێ ھونەرمەندێ خودێ ژێ رازی (ئەیاز یوسف) بوو مە پێکڤە پشکداری دئاھەنگا نەورۆزێ دا کر و سترانا ئەزکچم کچا کوردانم ب شێوێ دوقولی گۆت، و دەستپێکا من بڤی رەنگی بوو ھەتا سالا 1986 مە کاسیتەکا دوقولی ب ناڤێ (سۆرگول ئێک) تۆمارکر، دووڤدا سێ کاسیتێن دی ب ناڤێن سۆرگول دو و سێ و چار، ئانکو چار کاسێتێن دوقولی ل ئەمریکا تۆمارکرن، پاشان ل 2005 کاسێتا ئێکێ و ل 2008 کاسێتا دویێ کو ئەڤە یێن من بتنێ بوون و ھەرئێک ژ یازدە سترانان پێک دھات من تۆمارکرن، ئانکو دشێم بێژم ھەتا نوکە من چل ستران و شەش کلیپێن پرۆفیشنال ھەنە، زێدەباری چەند کلیپێن دی.

زێدەتر گۆت: پشتی (39) سالێن غەریبیێ من بریاردا ب زڤرمە وەلاتێ خوە کوردستانێ، و ئەڤە سالەک و سێ ھەیڤە ئەز ھاتیم، و ب راستی ئەز گەلەکا پەشیمانم وخۆزی ژمێژە ئەز ھاتبام، لێ چ بکەم ھندەک جاران کاودان دەلیڤێ نادەن، لێ ھەرچاوا بیت ئەز ھاتم، و ل دەستپێکێ ل ھەولێرێ بووم، لێ ئەڤە دەمەکە بۆ ھندەک کارێن ھونەری ل دھۆکێ مە، و من ل ڤێرە سرودەک ل دۆر پێشمەرگەی تۆمارکریە، ھەروەسا ژبەرحەزا منا زێدە بۆ شانۆ و درامایێ ئەز ل گەل ھەڤالێن کۆما پەیاما دەڤەرا ئامێدیێ ئاخفتیمە و دبیت وەکو ئەکتەر ل گەل وان کاربکەم.
ھەروەسا گۆت: بۆ ئەلبۆما خوە یا بھێت ئەز پێدڤی ب سپۆنسەری مە، چونکو من بتنێ ئەو شیان نیین، لێ ھەکە ھاریکاریا مە بکەن دێ وێ ئەلبۆمێ چێکەین، ھەروەسا سرودا پێشمەرگەی ژی دێ ل ناڤ سەنگەرێن پێشمەرگەی کلیپ کەین.
ل دووماھیێ گۆت: دژیانا خوە دا ئەزکەسەکا بێ شەنس بووم ، چونکو جارا ئێکێ دژیێ دوازدە سالیێ دا دایکا من ئەز دامە شوو، و پشتی دەمەکی ئەم ژێکڤەبووین، بۆ جارا دویێ من شوو ب کەسەکێ دی کر، لێ ژبەرکو ئەم باش دھەڤدو نەدگەھشتین مە ب باشی زانی ژ ھەڤدو دوورکەڤین، و نوکە یا ب تنێ مە.

ب وێنه‌: ترۆمبێل ژ مال دزى و قولپاند

11/07/2016 22:10

1596

ئه‌ڤرۆ نيوز:

ئه‌ڤرۆ سنێله‌كى ترۆمبێل ژ دزى مال ڤه‌ ده‌رێخست و ل سه‌ر جادا نێزيك نه‌خۆشخانا وان گلۆبال قولپاند.

به‌رپرسێ راگه‌هاندنێ ل رێڤه‌به‌ريا به‌ره‌ڤانيا باژێرى بۆ ئه‌ڤرۆ نيوز گۆت: “ئه‌ڤرۆ سپێدێ تيمێن به‌ره‌ڤانيا بنگه‌هێ گه‌لى يێ به‌ره‌ڤانيا باژێرى هاتنه‌ ئاگه‌هداركرن ل سه‌ر روودانه‌كا قولپينێ ل تاخێ گه‌لى نێزيك نه‌خۆشخانا وان گلۆبال”.

رائيدێ مافپه‌روه‌ر بێوار عه‌بدولعه‌زيز زێده‌تر گۆت: “پشتى تيمێن مه‌ گه‌هشتينه‌ جهێ روودانێ ديار بوو كو ترۆمبێله‌كا كامرى ره‌نگێ سپى قورلپيه‌”.

دا زانين ژى كو پشتى ڤه‌كۆلينێن ده‌سپێكى ديار بوويه‌ كو سنێله‌كى ترۆمبێل ژ دزى مال ڤه‌ ترۆمبێل ده‌رێخستيه‌ و ب له‌ز هاژووتيه‌ و بوويه‌ ئه‌گه‌رێ %D

بۆ دو پرسان راوێژ ب جڤاتا شورا هاتیه‌ كرن

11/07/2016 20:00

132

ئه‌ڤرۆ نیوز:
جه‌عفه‌ر ئێمنكى جێگرێ سه‌رۆكێ په‌رله‌مانێ كوردستانێ، به‌رسڤا به‌یانناما هه‌ڤپشكا هه‌ر شه‌ش لایه‌نێن سیاسى دده‌ت و دیاركریه‌” ل دۆر پرسا قانوونا تیرورێ و قانوونا ب كرێدانا خانیان، وانا نڤیساره‌ك ئاراسته‌ى جڤاتا شورا كریه‌ هه‌تاوه‌كو بوچوونا خوه‌ د چارچوڤێ تایبه‌تمه‌ندیێ دیار بكه‌ت كانێ چ پێنگاڤه‌ك بهێته‌ هاڤێتن بۆ وێ یه‌كێ ڤالاهیا قانوونى دروست نه‌بیت، نه‌وه‌كو بڕیارا درێژكرنا قانوونێ بهێته‌ دان”.
ل 11/7/2016 شه‌ش فراكسیونێن په‌رله‌مانێ كوردستانێ، گۆران، ئێكه‌تى، یه‌كگرتوو، كۆمه‌ل ، بزاڤا ئیسلامى، شیوعى به‌یاننامه‌ك به‌لاڤكربوون كو بزاڤه‌ك هه‌یه‌ ب رێیا جڤاتا شورایا هه‌رێما كوردستانێ ماوێ كاركرنێ ب قانوونا تیرورێ ژماره‌ 3 یا سالا 2006 و راگرتن ب كاركرنا قانوونا ب كرێدانا خانیان ژماره‌ 9 یا سالا 2008 بهێته‌ درێژكرن.

دەست ژ پۆستێ سەرۆکێ فراکسیۆنا گۆران بەردا

11/07/2016 19:39

331

ئه‌ڤرۆ نيوز:

هوشیار عەبدولا سەرۆکێ فراکسیۆنا گۆران ل پەرلەمانێ عێراقێ کو هەڤدەم ئەندامێ جڤاتا نشتیمانیا تەڤگەرا گۆرانە دەست ژپۆستێ سەرۆکێ فراکسیۆنێ بەردا و دەست ژکارڤەکێشا وی ژئالیێ رێکخەرێ گشتى يێ تەڤگەرا گۆران ڤە هاتە پەسەندکرن.

ئەڤرۆ دراگەهاندنەکێ دا هوشیار عەبدولا دياركريه‌ كو ل رێکەفتی ١٣ێ مەها حوزەیرانا ٢٠١٦، ب فەرمی وى دەست ژکارڤەکێشانا خۆ ژپۆستێ سەروکاتیا فراکسیۆنا گۆران پێشکێشی نەوشیروان مستەفا رێکخەرێ گشتیێ تەڤگەرا گۆران کریە ژبۆی کو دەلیڤێ بدەتە هەڤالەکێ خو وی پوستی وەربگریت کو بۆ دەمێ دوو سالانە ئەو پوستە وەرگرتیە و ئەڤرۆ ب فەرمی گوتنە مە کو دەستژکارڤەکشانا من ژئالیێ رێکخەرێ گشتیێ ڤە هاتیە پەسەند کرن”.

هه‌رێم داهاتێ نه‌فتێ يێ هه‌يڤا خزيرانێ ئاشكرا دكه‌ت

11/07/2016 19:31

216

ئه‌ڤرۆ نيوز:

وه‌زاره‌تا سامانێن سروشتى رێژا هنارتنا نه‌فتێ و داهاتێ وێ بۆ هه‌يڤا خزيرانێ ئاشكرا دكه‌ت، وه‌زاره‌تا سامانێن سروشتى د راپۆرتا خوه‌دا ئاماژه‌ ب وێ يه‌كێ كريه‌ كو د هه‌يڤا خزيرانێ دا، تێكرايێ به‌رهه‌مئينانا نه‌فتێ 567 هزار و 68 به‌رميل بوويه‌ كو سه‌رجه‌مێ به‌رهه‌مئينانێ 17 مليون و 20 هزار و 131 به‌رميل بووييه‌ كو بهانێ نه‌فتا فرۆتنێ دبينه‌ 561 مليون و 953 هزار و 676 دولار.

پارتى به‌رسڤا شاندێ هه‌ڤپشكێ گۆڕان و ئێکەتيێ دايه‌

11/07/2016 19:01

291

ئه‌ڤرۆ نيوز:

مەحمود محەمەد، پەیڤدارێ پارتیا دیموکراتا کوردستانێ راگه‌هاند ب فەرمی وان بەرسڤا شاندێ ئێکەتی و گۆڕان دا و گۆتنە ئەو ئامادە نینن دگەل وان کۆمببن.
مەحمود محەمەد، بۆ NRT راگەهاند بەری نها چەند جاران پارتی داخوازا کۆمبوونێ دگەل گۆڕان کریە، بەلێ گۆڕان ئامادە نەبوویە پێشوازیێ لێ بکەت، بەلێ د نها دا دخوازیت دگەل ئێکەتیا نیشتیمانیا کوردستانێ دا دگەل کۆمببیت، پارتی ژی ئامادە نینە پێشوازیێ ژ شاندێ هەڤبەش بکەت.
پەیڤدارێ پارتیا دیموکراتا کوردستانی راگەهاند، ئامادە نە دگەل ئێکەتی کۆمببن، بەلێ هەیا نها گۆڕان داخواز نەکریە ب تنێ دگەل دا کۆمببیت.
دیماهیکا هەیڤا بووری شاندێ هەڤبەشێ ئێکەتی و گۆڕان سەرەدانا ئالیێن سیاسی یێن هەرێمێ کرن و داخواز ژ پارتیا دیموکراتا کوردستانێ کر دگەل وان دا کۆمببیت.

ئه‌ڤرۆ نيوز دانپێدانێن بكوژێ مينايێ ل دادگه‌هێ و داخوازيا بابێ وێ به‌لاڤ دكه‌ت

11/07/2016 13:30

6476

ئه‌ڤرۆ نيوز:

(من مینا ژ بەر دەرگەھێ مال ب بۆتلێ شیری ڤە کرە ملێ خوە و ل تەکسیێ سوارکر و پاشی برە گوندی، ل وێرێ من جلکێن وێ ژبەرکرن و کارێن خراب ل گەل کرن و پاشی د ئاڤێ دا خەندقاند و پاشی بەرەک ل سەری دا و کوشت ، پشتی ھینگی من و بابێ خوە پێکڤە ئەو بن ئاخکر). ئەڤ گۆتنێن تاوانباری بابێ مینایێ دھەژینن و ئەو نەشێت خوە ل بەر بگریت و ژ ھۆلا دادگەھا تاوانان دەردکەڤیت.

بابێ مینایێ ئەو پشکۆژا ب شێوەیەکێ ھۆڤانە بەری دو مەھان ھاتیە کوشتن بۆ ئەڤرۆ راگەھاند، دوھی رۆژا ئێکشەمبی ل ھۆلا دادگەھا تاوانان ل دھۆکێ، بریارا سێدارەدانێ بۆ بکۆژێ مینایێ دەرچوو و بریار یا ب دلێ وان بوو، بەلێ دڤێت ئەڤ مرۆڤە ل سەر روویێ ئەردی نەمینیت.
مێھڤان محمەمەد سەعید، بابێ مینایێ دیار کر، بریارا سێدارەدانا بکۆژێ مینایێ ب دویڤ دلێ مینایێ و خێزانا وێ یە و دلێ مە ھێمن کرن، بەلێ دخوازین ب زووترین دەم ئەڤ مرۆڤە ل سەر روویێ ئەردی نەمینیت، چونکو جھێ وی ل سەر روویێ ئەردی نینە و گۆتیشی: رۆژا مینا بەرزەبووی و ئەو رویدانە ب سەر ھاتی و ئەم لێدگەریاین، بریسی ل ئاسمانی ددان و ئاسمانی روندک بۆ کوشتنا مینایێ دباراندن.
بابێ مینایێ ئاشکرا کر “ئەڤرۆ رۆژا ئێکشەمبی ئەز ل دادگەھێ یێ ئامادەبووم و دەمێ تاوانباری دانپێدان کری دلێ من ھەژاند، چونکو ئەوا وی ل گەل مینایێ کری درەندایەتیە و گۆت من ژ مال ل بەر بۆتلێ شیری بریە و پاشی بریە گوندی جلکێن وێ ژ بەر کرینە و کارێن خراب ل گەل کرینە و پاشی د گەرا ئاڤێ دا خەندقاندیە و پاشی بەرەک ل سەر دایە و کۆشتیە و وی و بابێ خۆ پێکڤە مینا ڤەشارتیە”.
مێھڤان ئاشکرا کر کو بابێ تاوانباری ژی ھاتیە دەستەسەرکرن و دھێتە گۆتن کو خێزانا وی ژی ھەموو رەڤیە ل مالا خۆ نەماینە، بەلێ وەکو کارەکێ مرۆڤایەتی من چو تشت ل گەل مالا وی نینە و بلا بۆ خۆ دئارام بن، خوە خرابکرنا مولک و مالا وان ژی ل گوندی من چو دەست ل گەل نینە و ب تنێ من ئاریشە ل گەل تاوانباری ھەبوو.
بابێ مینایێ داخواز ژ سەرۆکێ ھەرێما کوردستانێ دکەت کو بلەز بریارا سێدارەدانا وی بکۆژی بدەت و ل سەر دونیایێ ھەموویێ نەمینیت و ھەتا ئەو بکۆژە نەھێتە سێدارەدان خێزانا مینایێ تەنا نابیت و گۆتیشی: دەمێ تاوانباری دانپێدان دکری، من نەشیا خۆ د ھۆلا دادگەھا تاوانان دا بگرم و دەرکەفتم.
خویاژی کر، پێدڤیە ب چو رەنگان بجھئینانا بریارا سێدارەدانێ نەھێتە پاشخستن و زوو بھێتە بجھئینان، چونکو ئەڤە تاوانەکا درەندایەتیە و ھەتا بریار نەھێتە بجھئینان دلێ مە ب تمامی ھێمن نابیت و گۆت: تاوانباری بەری نھا ژی دانپێدان کربوو کو وی پشتی رەڤاندنێ کارێن خراب ل گەل کربوون، بەلێ من نەڤیا ڤی تشتی بێژم و دلێ خەلکی ژی ل گەل یێ خوە بێشینم.

د ڤێ حەفتیێ دا رۆژەک بھێنڤەدانە

11/07/2016 13:00

756

ئەڤرۆ نيوز:
ل دووڤ خشتێ رۆژێن بھێنڤەدانێن فەرمی یێ حوکمەتا ھەرێما کوردستانێ رۆژا پێنجشەمبی 14ى تيرمه‌ها 2016ێ بھێنڤەدانا فەرمی یە ل ھەموو دامودەزگەھێن حوکمەتا ھەرێمێ.
وەکو د خشتێ رۆژێن بھێنڤەدانێن فەرمی یێن حوکمەتا ھەرێما کوردستانێ دا ھاتیە دیارکرن ھەموو سالان رۆژا 14ی تیرمەھێ بیرەوەریا شورەشا 14ی تیرمەھا سالا 1958 بھێنڤەدانا فەرمی یە ل ھەموو دامودەزگەھێن حوکمەتا ھەرێما کوردستانێ و عیراقێ.
ل 14ی تیرمەھا سالا 1958ێ شۆرەشا سیستەمێ عیراقێ ب سەرۆکاتیا عەبدولکەریم قاسم ژ پاشەیەتیێ ھاتە گوھۆرین بۆ کۆماری.

دەرمالێن مامۆستایێن زانکۆیێ دێ ھێنە برین

11/07/2016 12:36

918

ئه‌ڤرۆ نيوز:

وەزارەتا دارایی و ئابووری یا حوکمەتا ھەرێما کوردستانێ دەرمالێن مامۆستایێن زانکۆیێ دێ د بھێنڤەدانا ھاڤینێ دا بڕیت و مەزاختنا پارێ کارتێن مۆبایلان و ئەنتەرنێتێ ژی بۆ مامۆستا و فەرمانبەر و بەرپرسان دێ ھێتە راگرتن.
ھۆشمەند رەفیق، بەرپرسێ نڤێسینگەھا سەرۆکێ زانکۆیا سەلاحەدین ئاشکرا کر کو وەزارەتا دارایی و ئابووری یا حوکمەتا ھەرێما کوردستانێ ب نڤیسارەکا فەرمی ئەو ئاگەھدارکرینە کو دێ دەرمالێن مامۆستایێن زانکۆیێ د بھێنڤەدانا ھاڤینێ دا ل ھەر دو ھەیڤێن تیرمەە و تەباخێ ھێنە بڕین.
ناڤھاتی ئاماژە دا وێ چەندێ کو ئەو مامۆستایێن د بھێنڤەدانا ھاڤینێ دا دەوام دکر دەرمالێن وان دبوونە دوجارکی، بەلێ ژ ئەگەرێ قەیرانا دارایی وەزارەتا دارایی و ئابووری یا حوکمەتا ھەرێما کوردستانێ ئەو دەرمالە بڕِین و گۆت: “د ھەمان دەم دا وەزارەتا ناڤھاتی مەزاختنا پارێ کارتێن مۆبایلان و ئەنتەرنێتێ ژی بۆ راگر و ھاریکارێ راگری و بەرپرسێن تۆمارێ و کارگێریا زانکۆیێ ب ئێکجاری راگرت”.

نيشاندان 1...760 1,760 2,760 2,7682,7692,770 3,770...4,170 زێده‌تر

لاپه‌ر 2,769 ژ 4,170