زاخۆ،ھشیار دوبانکی:
پشتی ب دووماھی ھاتنا یاریێن قوناغا ئیکێ ژ خولا پلا نایاب یا پێشمەرگەی کوردستانێ یا تەپا پێ و تیما زاخۆ شیا ئەنجامێن باش ب دەستخوڤە بینت ل یاریێن کوما دوێ دا و ب سەرپەرشتیا راھێنەرێ خوە یێ نوو محەمەد یوسف شیاین سەرکێشیا کومێ ب پارێزن ب نەە خالان ژ سەرجەمێ شەش یاریان کو دو سەرکەفتن و سێ وەکھەڤی بەرامبەر خوسارەتیەکێ و شارەزایێن وەرزشی ل زاخۆ وەسا دەنە دیارکرن سەرێ لیستی ژ ڤالاتیێ نەھاتیە و ئەف سالە کارگێریا یانا زاخۆ گەلەک گرنگی ب تێمێ دایە و پێدڤیە بۆ قوناغا دویێ ھەموو یاریزانێن تیما خولا عیراقێ پشکدار بکەن ژبەرکو ل خولا عیراقێ دەلیڤەیا دەستکەفتیان ژ دەستدایە و یا ب زحمەتە .
ل دەستپێکێ ئەرشەد عابد کو کەسەکێ نێزیکی کارگێریا یانا زاخۆ یە بۆ رۆژناما ئەڤرۆ دبێژیت: کارگێریا یانێ ئەڤ سالە گرنگیەکا باش ب تیما ھەرێمێ دا یە و یاری بۆ یاری کارگێریێ خوە ل ئاریشێن ئەوان کرە خودان و ھەر ئاریشەکا ھەبا ب زیترین دەم چارەسەردکر ھەردیسان ھاتنا راھێنەرێ نوو یێ تیمێ کو ئەزمونەکا نوو بو باشترین دەلیڤەبوو شیانێن خوە پتر دیاربکەت و ھەتانوکە یێ سەرکەفتی یە ل گەل تیمێ.
ژلایێ خوە فەیسەل محەمەد ئێک ژ وان کەسێن بەردەوام دووڤ چونا خولا ھەرێمێ کەت ژلایێ خوڤە دبێژیت : سەرێ لیستێ ئەنجامەکێ گرنگە بۆ یانا زاخۆ چونکە ٩٨% یاریزانێن باژێرێ زاخۆ نە سەرەرای وێ چەندێ کو کارگێریا یانێ ھەتانوکە چ تشتێ مەزن بۆ تیمێ نەکریە وەکو کەمپا راھێنانی و ھەڤبەستێن یاریزانا .
زێدەتر ناڤبری گوت: ب دیتنامن دڤێت دەستکاری دئەڤێ تیمێ دا نەھێتە کرن تایبەت ئەو کەسێن تیما زاخۆ ئەوا پشکدار دخولا عیراقێ دا خراب کرین دڤێت رێک ل وان شیرەتکارا بێتە گرتن ئەوژی چەندە کەسەکن کێمترن ژ تبلێن دەستا و دڤێت کارگێری تایبەت سەروکێ یانێ گرنگیەکا مەزن بدەتە ڤێ تیمێ چونکە سەرفەرازیا وان بدەستێ کورێن زاخۆ نە .
عەبدولرەحمان سوبحی شرۆڤەکارێ یاریا تەپا پێ ل زاخۆ دبێژیت : گرنگیا کارگێریێ و شارازیا راھێنەرێ تیما زاخۆ ئەڤ ئەنجامە ھاتینە تومارکرن کو راھێنەرێ تیما زاخۆ چەندین سالا ل بەر دەستێ راھێنەرێن خودان شیان و شارازیەکا باش د یاریا تەپا پێ دا ھەیە و ھەردیسان ئەڤ ئەنجامە ژ ڤالاتیێ نە ھاتیە کار ل سەر تیمێ ھاتیەکرن ژلایێ کارگێری و ھونەری ڤە .
ناڤبری گوت ژێ: ئینانا راھێنەر محەمەد یوسف تاقیکرنەکا نوو بۆ بەلێ شارازیا ئەوی و سەربوریا ئەوی کو بەری نوکە یاری ل ھەلبژارتیێ ئولومپی و کرنا یاریێ دخولا عیراقێ دا تێرا وێ چەندێ کر کو شارازیەکا باش ھەبیت و پێدڤیە کارگێریا یانا زاخۆ ھەمی شیانێن خوە تەرخان بکەت بۆ دەستڤە ئینانا ئەنجامەکێ باش و ھەڤرکیا ناسناڤێ خولا ھەرێمێ ژبەرکو دەلیڤەیا دەستکەفتیا یان ئەنجامەکێ باش دخولا عیراقێ دا ھاتیە ژ دەستدان لەورا پێدڤی یە گرنگیەکا مەزنتر ب دەنە تیما خولا کوردستانێ .
ل دووماھیێ عەبدولرەحمان ئاماژە ب وێ چەندێ ژێ کر مەرج نینە کو تیم نوکە ل سەرێ لیستا کومێ یە لێ دور نینە ل یاریێن قوناغا دووێ ب کەڤیتە د مەترسیا پاشڤەزفرینێ دا بۆ خولا پلا ئێک لەورا پێدڤی یە کارگێری بۆ یاریێن قوناغا دوێ کارەکێ باشتر بکەن و ئەوان ھێلێن کێماسی ل پێکھاتی ھەین ب ھێز بئێخن ژبەرکو ل یاریێن بھێت تیم پێدڤی ب یاریزانێن خودان شارازایە .

ئەڤرۆ،ھەژار مەعروف:
گولچیێ نێڤدەولی یێ ئەلمانی و یانا بایرن میونیخ مانوێل نویر رەتکر کو یانا بروسیا دورتموند ل وەرزێ ئەڤ سالە ھەڤرکیا ناسناڤێ خولا ئەلمانیا نەکەت و بۆ دەزگەھێن راگەھاندنێ دیارکریە بروسیا دورتموند ئێک ژ تیمێن ب ھێزە و دێ ھەڤرکا ئەوان بیت ل سەر برنا خولا ئەلمانیا یا وەرزێ ئەڤ سالە ل ماوێ قوناغا دوێ بروسیا دێ ب شێوەکێ دی ھێتە دیارکرن ژبەرکو شیانێن باش ھەنە و شارازیەکا باش د خولێ دا ھەیە تایبەت تیما ئەوان ل وەرزێ ئەڤ سالە گەلەک یا باشە .
گولچیێ بایرن میونیخ زێدەتر بۆ رۆژناما کیکر یا ئەلمانی دیارکر راستە نوکە ھەمی مانشێتێن ئورۆپی و ئەلمانی بەحس ل یانا لازیگ کەن کو ھەتانوکە ھەڤرکیا سەرێ لیستتا خولێ کەن و چەندین حەفتیا سەرێ لیستا خولا بوندس لیگا بوون لێ ئەو وەسا بینت ل قوناغا دوێ دێ گەلەک گوھورین ل لیستا بوندس لیگا ھێنەکرن .
ناڤبری ئەو چەندە ژێ دیارکر برنا خولا ئەلمانیا ل دەڤ یانا بایرن ژ خالێن ھەرە گرنگە تایبەت ل دەڤ ئەوی کو حەزا وێ چەندێ ھەیە ھەر سال بیتە قارەمانێ خولا ئەلمانیا خوشیەکا تایبەتە ل دەڤ ئەوی و تەکید ل وێ چەندێ ژێ کر ئەو بتنێ بروسیا دورتموند دبینت دێ ھەڤرکا ئەوان بیت ل یاریێن قوناغا دوێ بۆ برنا ناسناڤێ خولا ئەلمانیا.
ھەژی گوتنێ یە بایرن میونیخ نوکە ب ٣٦ خالان سەرێ لیستا خولێ دھێت ب جوداھیا گولان ژ یانا لازیگ ئەوا رێزا دوێ دھێت کو ئەڤ تیما ب سپرایزا ئەڤ سالە ل ئورۆپا دھێت نیاسین پشتی ژ خولا پلا دو سەرکەفتی و نوکە ھەڤرکیا ناسناڤێ بوندس لیگا کەت و بریارە سوباھی ھەردو یانێن رێزا ئێکێ و دوێ ھەمبەری ئێک بەن بۆ دەستنشیانکرنا قارەمانا قوناغا ئێکێ یا خولا ئەلمانیا و بروسیا دورتموند ئێک ژ یانێن بەرنیاسە ل ئەلمانیا ل رێزا پێنجێ دھێت ٢٦ خالان

ئەڤرۆ:
راپورتێن رۆژنامەڤانی ل ئینگلتەرا دیارکرینە ھەردو یانێن لیستەر سیتی قارەمانا وەرزێ بوری یا خولا ئینگلتەرا و یانا توتنھام گرنگیەکا مەزن ب شیانێن گولچیێ ھەلبژارتیێ ئینگلتەرا و یانا تورینو یا ئیتالی ھارت داینە ئەوێ ب شێوەیێ خواستن ژ یانا مانچستەر سیتی بەر ب یانا تورینو چووی .
ھارت ل دەستپێکا ڤی وەرزی پێکھاتیێ یانا مانچستەر سیتی ب جە ھێلا پشتی راھێنەرێ یانا مانچستەر سیتی ھەڤبەست ل گەل گولچیێ یانا بەرشەلۆنا کلاودیو برافو ئیمزاکری و ھارت ب شێوەیێ خواستن ھەڤبەستا یانا تورینو یا ئیتالی ئیمزاکر ھەتا دووماھیا ڤی وەرزی.
رۆژناما دەسەن یا برێتانی دیارکریە ھەردو یانێن توتنھام و لیستەر سیتی گرنگیەکا مەزن ب گولچیێ ھەلبژارتیێ ئنگلتەرا جورت ھارت دایە بۆ ئیمزاکرنا ھەڤبەستا ئەوی بۆ مێرکاتویا بھێت یان دەستپێکا وەرزێ بھێت تایبەت یانا لیستەر سیتی ھەڤبەستەک پێشکێشی ئەوی کریە بۆ وەرزێ بھێت پشتی گولچیێ لیستەر سیتی دیارکری ئەو دێ پێکھاتیێ تیمێ ل وەرزێ بھێت ب جە ھێلت و ھەمان رۆژنامێ ئەو چەندە ژێ دیارکریە یانا تورینو ژێ چاڤەرێ بەرسڤا گولچیێ خوە یە کو ل دووماھیا ڤی وەرزی ب شێوەیێ فەرمی ھەڤبەستێ ل گەل ئیمزابکەن.
ژلایەکێ دووڤە جورت ھارت د داخویانیەکێ دا دیارکریە ئەو چ بەرسڤا ل سەر ئەوان ھەڤبەستان نادەت ژبەرکو ئەو نوکە گرێدای ھەڤبەستا خوە یە ل گەل یانا تورینو ھەتا دووماھیا وەرزی و پشتی وەرز ب دووماھی بھێت ئەو دێ ھزر ل چارەنڤێسێ خوە کەت.