ئه‌ڤرۆ نيوز:

هێزێن ئه‌منى يێن عيراقى بنگه‌هێ گه‌ياره‌ يێ ئه‌سمانى بێ ى به‌ره‌ڤانريكرن ژ لايێ چه‌كدارێن داعش ڤه‌ كونترۆل كر.

هێزێن ئه‌منى يێن عيراقى، هێزا نه‌هێلانا تيرۆرى شيان بنگه‌هێ هێزا ئه‌سمانى يێ گه‌ياره‌ ل باشوورێ پارێزگه‌ها نه‌ينه‌وا كونترۆل بكه‌ن و بچنه‌ د ناڤ دا و چه‌كدارێن داعش ژى به‌رامبه‌ر ڤێ هێرشا هێزا نه‌هێلانا تيرۆرێ به‌ره‌ڤانى نه‌كر و خوه‌ ڤه‌كێشا.

پێشتر پارێزگارێ نه‌ينه‌وا نوفل حمادى سلطان راگه‌هاند بوو كو هێزێن ئه‌منى يێن عيراقى يێ د پێشڤه‌چوونێ دا و ل چه‌ند ده‌مژمێرێن بهێت دێ ئازادكرنا بنگه‌هێ هێزێن ئه‌سمانى يێ گه‌ياره‌ ل باشوورێ نه‌ينه‌وا راگه‌هينن.

ئه‌ڤرۆ نیوز: ڤه‌ده‌ر ره‌شاڤایی:
پشتی گیرۆكرنه‌كا درێژ كو حه‌فت سالان ڤه‌كێشا، ل داویێ لێكۆلینا چیلكۆت ل دۆر رۆلێ بریتانیا د داگیركرنا ئیراقێ یا سالا 2003 ێ دا هاته‌ به‌لاڤكرن.
لێكۆلین دبێژیت: بریتانیا به‌ری خوه‌ ژ رێیێن ئاشتیخواز بێهیڤی بكه‌ت ل دۆر ژناڤبرنا چه‌كێ رژێما سه‌دامی، بریارا داگیركرنا ئیراقێ دا، بزاڤا له‌شكه‌ری رێیا ئێكانه‌ نه‌بوو بۆ چاره‌سه‌ركرنا ره‌وشا ئیراقێ و زانیاریێن هه‌والگیری ل سه‌ر بنه‌مایه‌كێ شاش هاتبوونه‌ دان.
هه‌روه‌سا تێدا هاتییه‌: پلانا بریتانیا بۆ ده‌مێ پشتی داگیركرنێ گه‌له‌ك یا سه‌رنه‌كه‌فتی بوو و سه‌رۆكوه‌زیرێن بریتانیا یێ وی ده‌می، تۆنی بلێری به‌ری چه‌ندین مه‌هان ژ گۆتۆبێژكرنا داگیركرنا ئیراقێ د گه‌ل ئه‌مریكا، رازیبوونا داگیركرنێ دابوو جۆرج ده‌بلیو بۆشێ سه‌رۆكێ هنگی یێ ئه‌مریكا و بریارا وی ل سه‌ر بنه‌مایێن قانوونی یێن دروست نه‌بوو.
“هه‌والگیریێ هۆشداری دابوونه‌ تۆنی بلێر كو داگیركرنا ئیراقێ دێ ئه‌لقاعیده‌ بهێز ئێخست و چه‌ك دێ كه‌ڤیته‌ ده‌ستێ تیرۆرستان دا، رۆلێ بریتانیا یێ سه‌ركه‌فتی نه‌بوو ل ئیراقێ د ئه‌نجام دا كاریگه‌ری ل ملیۆن كه‌سان ل ئیراقێ كر و ئاواره‌بوون په‌یدا كر، بلێری باوه‌ریه‌كا زێده‌ دابوو خوه‌ كو بشێت كاریگه‌ری ل سه‌ر بریاران ل ئیراقێ بكه‌ت، لێ وه‌سا ده‌رنه‌كه‌فت و نه‌شییا ئێمناهیێ ل ئیراقێ دابین كه‌ت.
تێ زانین ل ده‌مێ داگیركرنا ئیراقێ له‌شكه‌رێ بریتانیا چوار پارێزگه‌هێن باشۆرێ ئیراقێ ب ستوويێ خوه‌ڤه‌ گرتبوون.
بلێری پشتی به‌لاڤبوونا لێكۆلینی گۆت :ئه‌ز یێ به‌رهه‌ڤم به‌رپرسیارییا تشتێن د لێكۆلینی َدا هاتی وه‌رگرم.
ژ ئالییه‌كێ دی ڤه‌ چه‌ندین سیاسه‌تمه‌دارێن بریتانیا خواست بلێر بهێـه‌ دادگه‌هكرن ژبه‌ركو فێلأبازی كر و داگیركرنا ئیراقێ یا فه‌ر نه‌بوو، بتنێ زارۆكێن خه‌لكی دانه‌ كوشتن.