ئەڤرۆ نیوز، زنار تۆڤی:
رێڤەبەرێ ناحیا کانی ماسێ ئەلند ئەمیر گۆگە بۆ ئەڤرۆ نیوز گۆت: “ھەر چەندە بەفرەکا زۆر ل سەنتەرێ ناحیا کانی ماسێ و خالا گۆمرکا سەرزێری باریە،لێ تیمێن رامالینا بەفرێ ھەموو رێکێن سەرەکی ژ بەفرێ رامالینە و نوکە خەلک ب رەنگەکێ ساناھی دشێن ھاتنوچۆنێ بکەن”.
زێده‌تر گۆت ژی: “ل سەنتەرێ ناحیا کانی ماسێ 25 سەنتیمێن بەفرێ بارینە و ل خالا گۆمرکا سەرزێری پتری 50 سەنتیمێن بەفرێ بارینە”.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 15ى كانوونا ئێكێ 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1313 |
| 1 يۆرۆيێ ئه‌ورۆپى | 1390 |
| 1 ليرێ توركى | 375 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
مه‌سرۆر بارزانى سه‌رۆكێ بۆردێ زانكۆيا ئه‌مريكى كوردستان- دهۆك راگه‌هاند: ئه‌م نه‌ته‌وه‌كێ تايبه‌تمه‌ندين و مه دڤێت سه‌ربه‌خوه بين.
مه‌سرۆر بارزانى ل رۆژا ئێكێ يا كونفرانسێ سالانه يێ زانكۆيا ئه‌مريكى كوردستان- دهۆك بۆ دانوستاندنێ ل سه‌ر “سه‌ربه‌خوه‌يا كوردستانێ، روو ب رووبوون و ده‌رفه‌ت” راگه‌هاند كو ژ روويێ سياسى و ئه‌كاديمى ڤه دێ هه‌لسه‌نگاندنا كێشان كه‌ن و گۆت: “ئه‌م نه‌ته‌وه‌كێ تايبه‌تمه‌ندين و مه دڤێت سه‌ربه‌خوه بين و بێ ئه‌و داهاتيێ مه يێ روون نابيت و هه‌ڤده‌م دێ بينه قوربانى ب به‌رئێك كه‌فتنا هه‌رێمان”.
ئه‌ڤرۆ رۆژا پێنجشه‌مبى كونفرانسێ “سه‌ربه‌خوه‌يا كوردستانێ، روو ب رووبوون و ده‌رفه‌ت” ل زانكۆيا ئه‌مريكى كوردستان – دهۆك بۆ دانوستاندنێ ل سه‌ر پرسا سه‌ربه‌خۆيا كوردستانێ و ده‌رفه‌ت و ئاسته‌نگێن ل به‌ر ب رێڤه‌چوو و بۆ ماوێ دو رۆژان يێ به‌رده‌وام بوو.
ئه‌ڤرۆ نيوز:
گەلەک کەس خەونا ب زەنگینیێ ڤە دبینن، لەورا گەلەک ڤەکۆلینان شیرەت ل مرۆڤان کرینە دا بشێن خەونا خوە یا زەنگینیێ بجە بینن:
نووترین ڤەکۆلینا د ڤی واری دا، ئەو جۆرێ مرۆڤان ئاشکرا کریە یێن پێدڤی مرۆڤ خوە ژێ دوور بکەت ھەکە بڤێت زەنگین بیت.
ل گۆری مالپەرێ رۆسیا ئەلیەوم، بەرھەڤکەرێ ڤەکۆلینێ جیم تۆماس کۆرلی، ڤەکۆلینەک د نەریتێن زەنگینان دا کر بۆ دەمێ 5 سالان، نھێنیا سەرکەفتنا وان ئاشکرا کر، ئەو ژی دوور کەقتنە ژ جۆرەکێ مرۆڤان، ئەو ژی مرۆڤێن رەشبینن.
کۆرلی ئاشکرا کر؛ پتریا زەنگینیێ گرێدای سروشتێ زەنگینانە و ئەو کەسێن تێکەلیا وان دکەن، مرۆڤێ سەرکەفتی و یێ مالی کۆم دکەت سەرەدەریێ د گەل مرۆڤێن گەشبین دکەن و یێن ئارمانجێن دیار و دیتنەکا ئەرینێ بۆ کاران ھەی دکەن.
ئەنجامێن ڤەکۆلینا وی ئاشکرا کر؛ 86% ژ زەنگینان پەیوەندیان د گەل مرۆڤێن گەشبین چێدکەن، ھەمان دەم ژی ژ کەسێن رەشبین دوور دکەڤن.
ئه‌ڤرۆ نيوز:
رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ راگه‌هاند كو سوبه‌هى رۆژا ئه‌ينى رێكه‌فتى 16ى كانوونا ئێكێ 2016 ئه‌سمانێ دهۆكێ دێ ئه‌وره‌كێ ناڤه‌ندى بيت و ل دانێ سپێدێ مژ بيت و ل ده‌ڤه‌رێن چيايى ژى ئه‌گه‌رێ به‌فر بارينێ يێ هه‌ى.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ كووربوونا كارتێكرنا فشارێن نزمێن وه‌لاتێ توركيا كو بارسته هه‌وايه‌كێ سار ل گه‌ل دايه بۆ سه‌ر هه‌رێما كوردستانێ دهێته پێشبينيكرن ئه‌وره‌كێ ناڤه‌ندى بيت و ل دانێ سپێدێ مژ بيت و ل ده‌ڤه‌رێن چيايى ژى ئه‌گه‌رێ به‌فر بارينێ يێ هه‌ى.
پشكا پێشبينيان دايه زايه زانين كو دێ ئاراستێ باى ژى دێ باكوورێ رۆژهه‌لات بيت ب ره‌نگه‌كى د ناڤبه‌را 20 هه‌تا 20كم دا و ماوێ ديتنێ ژى دێ د ناڤبه‌را 6 بۆ 7كم دا بيت، پلێن گه‌رمێ ژى دێ د ناڤبه‌را -1 بۆ 4 پلان دا بن.
ئەڤرۆ نیوز:
ھونەرمەندا سترانبێژ دەشنێ موراد، ددیدارەکا تایبەت دا بۆ ئەڤرۆ بەحسێ نووترین بەرھەمێ خوە کر، و گۆت: بۆ سالا نوو من سترانەک ب ناڤێ (ھەر بژی) حازرکریە، ئەڤ سترانە دیاری یە بۆ ھێزێن پێشمەرگەی، ھەروەسا پەیامەکە بۆ مامۆستا و پۆلیس و میدیاکار و ھەموو کەسێن دڤان کاودانێن ھەستیاردا خزمەتا وەلاتێ خوە دکەن، ستران ژ پەیڤێن (کارۆخ ئەرگۆشی و گۆرانی) یە، و ژ ئاوازا منە، ھەروەسا ئەڤە دەمەکە ل گەل کاوین پرۆدەکشن مژوولی بەرھەمئینانا کلیپەکێ ینە.
دەربارەی سترانا خوە یا بناڤێ (بێ فری) دەشنێ دیارکر، ھزرا ڤێ سترانێ یا منە، تایبەتمەندیا خوە ژی ل دەڤ من ھەیە، چیرۆکا ژیانا منە، پەیامەکە ژی ھندێ مرۆڤێ خەون ھەبن دڤێت یێ ب سەبر بیت و چاڤەرێ بیت ھەتا خەونا وی یان وێ بجە دھێت.
دەشنێ گۆت: ژبلی ستران گۆتنێ ئەڤە دەمەکە من دەست ب نڤیسینا چیرۆکەکێ کریە، کو گرێدای کچەکا بچووکە ب ناڤێ ( پلۆ) کو ژ وەلاتێ خوە دوور دکەڤیت و دچیتە وەلاتەکێ دی، من بزاڤ کرینە ئەڤ چیرۆکە ب کەڤیتە دقالبێ چیرۆکا کوردی دا، ئەز ل گەل کۆمپانیەکا بریتانی ئاخفتیمە و ل بەرە ئەڤ چیرۆکە ببیتە فلم کارتۆن.
د دووڤدا گۆت: ھەر کچەکا کورد ل جھەکی کاربکەت، گەلەک ئاستەنگ و نەخۆشی دکەڤنە د رێیا وێ دا، ئەز ژی ژ ڤان ئاستەنگ و نەخۆشیان یا بێ بەھر نەبووم، گەلەک جاران زۆلم ل من ھاتیە کرن، لێ ئەز بەحس ناکەم دا کچێن ل پشت من دھێن نەترسن، بەلکو من بزاڤ کریە وان نەخۆشیان پشتی مرنا خوە بەحس بکەم، لەورا من دەست ب نڤیسینا پرتووکەکێ کریە،ھەروەسا بەحسێ وان ئاستەنگ و ئاریشەیان کریە، ل پشتی مرنا من دێ ھێتە بەلاڤکرن، ژ بەرکو د ناڤا مەدا پشتی مرنێ پتر بەحس ل مرۆڤی دھێتە کرن.
دەشنێ گۆت: د نەخۆشترین کاودانێن ژیانا من دا خەلکێ دھۆکێ ب گەرمی پێشوازیا من کرن، ھەروەسا بۆ من ھێزەک چێکرن کو دەستان نە داھێلم و یا بەردەوام بم، لەو دبێژم ئەز قەردارا دھۆکێ مە، و دخوازم کارەکێ تایبەت بۆ خەلکێ دھۆکێ بکەم، و خۆشترین جە ل دھۆکێ بۆ من چیایێ زاوا یە، و ھەکە ل دھۆکێ بژیم دێ ھەموو ئێڤاریان چمە چیایێ زاوا.
دەشنێ گۆت: ژبلی ھونەری ئەز ل پشکا میدیایێ ل بریتانیا دخوینم، لێ من ل بەرە بگوھۆرم و بچمە پشکا مێژۆیێ.
دلایەکێ دی دا گۆت: درەو و نەحەقی گەلەک بەرامبەر من ھاتینە کرن و دشێم بێژم گەلەک ماندی کریمە، یا ژ ھەموویێ نەخۆشتر من سترانەک بۆ خوە چێکربوو، لێ ژ من ھاتە دزین، لەو دبێژم ھیڤیا من ئەوە رۆژەک بھێت بشێم ل وان کەسان ببۆرم، و من باوەری بخودێ ھەیە رۆژەکێ دێ حەقێ من ژوان ستینیت.
ل دووماھیێ دەربارەی ژیانا ھەڤژینیێ دەشنێ گۆت: ھەتا نوکە چو کەسەکێ دەستنیشانکری د ژیانا من دا نینە، لێ من ل بەرە د دژیێ 35 سالیێ ژیانا ھەڤژینیێ پێک بینم، ئانکو ھەتا خواندنا خوە ب دووماھی دئینم.
نيشاندان
