ئه‌ڤرۆ نيوز:
جڤاتا وه‌زيرێن هه‌رێماكوردستانێ ب سه‌رۆكايه‌تيا نێچيرڤان بارزانى دێ بۆ شروڤه‌كرنا پرسا پشكا هه‌رێما كوردستانێ د بودجا گشتى يا عيراقێ دا كۆم بيت.
ل دووڤ پێزانينان برياره رۆژا 4 شه‌مبى جڤاتا وه‌زيرێن هه‌رێمێ ب سه‌رۆكايه‌تيا نێچيرڤان بارزانى و ب ئاماده‌بوونا قوباد تاله‌بانى سه‌باره‌ت پشكا هه‌رێمێ د بودجێ گشتى يێ سالا 2017 يێ عيراقێ كۆم ببيت.
ئەڤرۆ نیوز:
ئەنتۆنیۆ گوتێرێس، ئەمیندارێ گشتی یێ نوو یێ نەتەوەیێن ئێکگرتی سووندا قانوونی ل نەتەوەیێن ئێکگرتی خوار و راگەھاند: گەلێن جیھانی ئێدی باوەرییا خوە ب نەتەوەیین ئێکگرتی ژدەست ددەن و پێتڤییە دەست ب گوھرینان بھێتە کرن.
ئەمیندارێ گشتی یێ نوو یێ نەتەوەیێن ئێکگرتی سەرۆکوەزیرێن بەری یێ پۆرتۆگالێ یە و ل دەستپێکا سالا ٢٠١٧ێ دێ ل شوونا بان کی مۆنی دەستبکار بیت.
ئەڤرۆ نیوز،زنار تۆڤی:
ئەڤرۆ رۆژا دوشەمبی 12كانوونا ئێكێ 2016 تیرو پشکا گەرا 16 یا شامپیۆنز لیگ يا ئورۆپی ھاتە راکێشان و ب ڤی رەنگی بوون:
1- پاریس سان جیرمان یا فرنسی× بەرشەلۆنا ئیسپانی
2- مانشستەر سیتی یا ئنگلیزی × موناکۆ یا فرنسی
3- ریال مدرید یا ئیسپانی × ناپۆلی یا ئیتالی
4- ئەشبیلیا ئیسپان × لیستەر سیتی یا ئنگلیزی
5- لیڤەرکوزن یا ئەلمانی × ئەتلەتیکو مەدرید یا ئیسپانی
6- بایرن میونخ یا ئەلمانی× ئەرسنال یا ئنگلیزی
7- پورتۆ یا پورتۆگالی× یۆڤێنتوس یا ئیتالی
8- بنفیکا یا ھۆلەندی × دورتمۆند یا ئەلمانی.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 12ى كانوونا ئێكێ 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1310 |
| 1 يۆرۆيێ ئه‌ورۆپى | 1388 |
| 1 ليرێ توركى | 380 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
كۆمپانيا InstaCharge ئه‌پليكه‌يشنه‌كێ نوو داهێنا كو هه‌ر ب ناڤێ كۆمپانيێ يه و دشێت د ماوێ 30 چركان دا مۆبايلێ شه‌حن بكه‌ت.
مالپه‌رێ “رۆسيا اليوم” به‌لاڤكريه كو كۆمپانيا InstaCharge شيايه ئه‌پليكه‌يشنه‌كێ وه‌سان چێكه‌ت كو ب ره‌نگه‌كى شيانێن عه‌مباركرنا وزێ هه‌بيت و ل ده‌مێ هاتنه خوارا وزا پێدڤى يا ناڤ مۆبايلێ د ماوێ 30 چركان دا شه‌حن بكه‌ت.
به‌لاڤكريه ژى كو داهێنه‌رێ ڤێ ئه‌پليكه‌يشنێ ناڤى وى “دوگلاس ستيوارت”ه و ب ره‌گه‌ز ئه‌مريكى يه و خۆجهێ “ڤيجى”يه، بۆ ماوێ دو سالايه مژوولى ڤێ ئه‌پليكه‌يشنێ يه هه‌تا دروست كرى.
مالپه‌رێ “هاڤينگتۆن پۆست” به‌لاڤكريه كو هه‌تا نوكه چو راپۆرته‌ك يان به‌ياننامه‌ك نه‌هاتيه به‌لاڤكرن ل سه‌ر به‌لاڤبوونا ڤێ ئه‌پليكه‌يشنێ دا كو وه‌لاتى بكار بينن، چونكو هه‌تا نوكه زانايێن وارێ فيزيايى ل سه‌ر ڤێ چه‌ندێ روو ب روويێ ره‌خنێ بووينه.
ئه‌ڤرۆ نيوز:
ل باژێرێ دهۆكێ دو په‌رله‌مانتارێن فراكسيۆنا پارتى ل په‌رله‌مانێ كوردستانێ، سكالا قانوونى ل دژى سروه عه‌بدولواحد، په‌رله‌مانتارا فراكسيۆنا گۆڕان ل جڤاتا نوونه‌رێن عيراقێ تۆماركر.
د داخۆيانيه‌كا رۆژنامه‌ڤانى دا، ئامينا زكرى په‌رله‌مانتارا فراكسيۆنا پارتى ئاشكه‌را كر كو ل گه‌ل دلشاد شه‌عبان، په‌رله‌مانتارێ فراكسيۆنا وان ل دادگه‌ها دهۆك سكالا قانوونى ل دژى سروه عه‌بدولواحد، په‌رله‌مانتارا گۆڕان تۆماركر و گۆت: “ئه‌و كار بۆ پرۆژێ فيدراليكرنا پارێزگه‌هێن كوردستانێ دكه‌ن و دڤێت كه‌ركووك بده‌نه ده‌ست عيراقێ و دبێژن پێشمه‌رگه ميليشيايه و سڤكاتيێ ب كه‌سوكارێن شه‌هيدان دكه‌ن، ئه‌م دبێژينێ به‌سه”.
ئاشكه‌را ژى كر كو داخواز دكه‌ن هه‌موو ئه‌وێن به‌ره‌ڤانيێ ژ كه‌سوكارێن شه‌هيدان دكه‌ن ل دژى ڤان جۆڕى داخۆيانيان بێ ده‌نگ نه‌بن و رێ نه‌ده‌ن سڤكاتى ب پێشمه‌رگه و شه‌هيدێن كوردستانێ بهێته كرن.
به‌رى نوكه سروه عه‌بدولواحد، ئه‌نداما فراكسيۆنا گۆڕان ل جڤاتا نوونه‌رێن عيراقێ د به‌رنامێ “بصراحة” يێ كه‌نالێ “ديجلة” يێ ئه‌سمانى ئاماژه ب وێ چه‌ندێ دابوو، “كه‌سوكارێن شه‌هيدان بۆ په‌يداكرنا نانێ زارۆيێن خوه، خوه د فرۆشن”، هه‌ر ژ به‌ر هندێ ژى د ناڤخۆيا هه‌رێما كوردستانێ دا كارڤه‌دانێن ئێكجار زۆر په‌يدا بووينه و فراكسيۆنا پارتى و كه‌سوكارێن شه‌هيدان و چه‌ندين لايێن دى بڕيارا تۆماركرنا سكالايێ ل دژى ئه‌وێ په‌رله‌مانتارێ راگه‌هاند.
ئه‌ڤرۆ نيوز:
به‌رى دو حه‌فتيان و پشتى گۆتارا سه‌رۆكێ هه‌رێما كوردستانێ، پارتى ديموكراتى كوردستان ده‌ست ب گه‌ره‌كا نوو يا دانوستاندنان كر و سه‌ره‌دانا پارت و لايه‌نێن سياسى يێن پارێزگه‌ها هه‌ولێر كر و دهێته چاڤه‌رێكرن د ماوێ داهاتى دا سه‌ره‌دانا پارێزگه‌ها سلێمانيێ ژى بكه‌ت.
هه‌كه‌ر چ، سه‌ره‌دانا پارتى بۆ سلێمانيێ دێ پتر يا گه‌رم بيت ژ به‌ر كو ليستا سه‌ركه‌فتيا و دويێ و سيێ يێن هه‌لبژارتنان هێشتا يێن ماين و پارتى ل گه‌ل كۆم نه‌بوويه، به‌لێ دهێته پێشبينيكرن بۆ ڤێ جارێ تشته‌كێ نوو هه‌بيت، هه‌ر چه‌نده گيرۆبوونا شاندێ پارتى ره‌نگه دودليه‌ك ل ده‌ف وه‌لاتيان په‌يدا كريه.
ب گۆره‌ى هنده‌ك پێزانينان كو هاتينه به‌لاڤكرن؛ نوكه كوسره‌ت ره‌سۆل جێگرێ ئێكێ يێ سكرتێرێ گشتى يێ ئێكه‌تى نشتيمانى كوردستان نوكه ل وه‌لاتێ ئيتاليايه بۆ وه‌رگرتنا خه‌لاتێ “پيكاسۆ” يێ مافێ مرۆڤى كو هه‌ر سال ب كه‌ساتيه‌كى دهێته دان، ئه‌ڤ سه‌ره‌دانه هاتيه پاشخستن و ب تايبه‌ت بۆ كۆمبوونا ل گه‌ل پارتى ئه‌و دێ سه‌رۆكاتيا شاندێ ئێكه‌تيێ كه‌ت.
بڕياره ل 19ى كانوونا ئێكێ يا 2016ێ جێگرێ سكرتێرێ گشتيێ ئێكه‌تى نشتيمانى كوردستان و جێگرێ سه‌رۆكێ هه‌رێما كوردستانێ، كوسره‌ت ره‌سۆل، ب ڤه‌گه‌ريته هه‌رێما كوردستانێ و دهێته پێشبينيكرن پشتى ڤه‌گه‌ريانا وى پارتى و ئێكه‌تى كۆم ببن.
پێشتر سه‌رۆك بارزانى په‌يامه‌كێ بۆ خه‌لكێ كوردستانێ سه‌باره‌ت ره‌وشا ناڤخويا كوردستانێ به‌لاڤ دكه‌ت و رادگه‌هينيت: سه‌باره‌ت چاره‌كرنا قه‌يرانا هه‌رێمێ، من ره‌ئيا خوه يا دياركرى و دووپات دكه‌م كو چاره‌كرنا قه‌يرانا سياسى يا هه‌رێمێ دێ ب ڤى ره‌نگێ چێ بيت كو حزب ده‌ست ب دانوستاندنان بكه‌ن و په‌رله‌مانى كارا بكه‌ن و سه‌رۆكايه‌تيه‌كا نوو بۆ په‌رله‌مانى هه‌لبژێرن، چونكه ئه‌وێن بووينه ئه‌گه‌رێ ژێده‌رێ قه‌يرانان نابيت جاره‌كادى سه‌رۆكايه‌تيا په‌رله‌مانى وه‌ربگرن.
ئه‌ڤرۆ نيوز:
رێڤه‌به‌ريا كه‌شناسى و بيڤه‌له‌رزێ ل هەرێما کوردستانێ راگه‌هاند كو سوبه‌هى رۆژا سێشه‌مبى رێكه‌فتى 13ى كانوونا ئێكێ 2016ێ ئه‌سمان دێ ب ته‌مامى بيته ئه‌ور و باران دێ باريت.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ لاوازبوونا كارتێكرنا فشارێن وه‌لاتێ توركيا و هاتنا فشارێن نزمێن وه‌لاتێ توركيا كو كارتێكرنا بارسته هه‌وايه‌كێ سار بۆ سه‌ر هه‌رێما كوردستانێ دهێته پێشبينيكرن ئه‌سمان ته‌مامى بيته ئه‌ور و باران دێ باريت.
پشكا پێشبينيان دايه زايه زانين كو دێ ئاراستێ باى ژى دێ باكوورێ رۆژهه‌لات بيت ب ره‌نگه‌كى د ناڤبه‌را 5 هه‌تا 15كم دا و ماوێ ديتنێ ژى دێ د ناڤبه‌را 8 بۆ 9كم دا بيت، پلێن گه‌رمێ ژى دێ د ناڤبه‌را 0 بۆ 9 پلان دا بن.
رێڤه‌به‌ريا گشتى يا كه‌شناسيا هه‌رێما كوردستانێ تێبينيا وێ چه‌ندێ ژى كريه كو ل دانێ سپێدێ دێ جه‌مه‌د دروست بيت و ل سه‌رێ چيايان ژى به‌فر باريت.
نيشاندان
