ئه‌ڤرۆ نيوز:

چ تە ژ نوو ھەڤژینی پێکئینا بیت یان ژی تە تو ھزر بکەی ل سالا 2017 پێکبینی، تو دشێی سالا 2017 بکەیە باشترین سال بۆ ئاڤاکرنا پەیوەندیێن ئەڤینی یێن رۆمانسیتر و سەرکەفتی و ساخلەم، ئەو ژی ب رێکا دانا بریارێن دلینی یێن ساخلەم. سالا نوو یا نێزیکە و ڤان بریاران بدە بۆ ژیانەکا تژی ئەڤینی و رۆمانسیەت:
1- سوزێ بدەن گەلەک ب ھەڤرا بکەنە کەنی: ھوون دشێن ھندەک یاریان پێکڤە بکەن یان قەستا یانەیێن دەم بۆراندنێ بکەن یان فلمەکێ کومێدی ببینن دا دلێن خوە خۆش بکەن. ژبەرکو کەنی ھندەک ھورمۆنان د ناڤ لەشی دا بەرددەت مرۆڤی ھەست خۆش و تەنا دکەن و ئەو چەندە دێ ھەوە پتر نێزیکی ئێک کەت.
2- ھندەک چالاکیێن وێرەک بکەن: ب سەر چیا بکەڤن و مەلەزانیان ب پێکڤە بکەن یان ژی پێکڤە بکەنە غار، شارەزا دبێژن شەق و شیقا ھەڤژینان ب ھەڤرا، وان پتر نێزیکی ھەڤ دکەن.
3- سوزێ بدەن ب پێکڤە خوە فێر بکەن: چ ھوون زمانێ ئنگلیزی ب ھەلبژێرن یان پشکداری ھندەک خۆلان ببن یان ژی پرتووکەکێ ب ھەڤرا گەنگەشە بکەن، ئەو چەندە دێ پەیوەندیێن ھەوە خۆشتر لێکەن.
4- سوزێ بدەن دێ پتر دەستێ ئێک و دو گرن: رێیەکا بساناھی و سادەیە بۆ دەربڕینێ، ژبەرکو د گەل بۆرینا سالان ھندەک ھەڤژین وەناکەن، سالا نوو وێ بریارێ بدەن و دەمێ ل ترۆمبێلێ سووار دبن و ل بن مێزا خوارنگەھێ دەستێ ئێک و دو بگرن.
5- سوزێ بدەن دەمێ دنڤن بەرێ ھەوە ل ئێک و دو بیت: دەمێ رۆژێن بزەحمەت و وەستیان دەرباز دبن، ھەڤژین حەز دکەن ھەر ئێک ب تنێ بنڤیت، بەلێ نھێنیا پەیوەندیا سەرکەفتی ئەوە ھەڤژین ل ل نک ئێک بنڤن و بەرێ وان ل ئێک و دو بیت، رامان وێ ژی ئەو نینە ھوون نەچارن سیکسی بکەن، ھەکە ھوون وەستیای بن، ب تنێ د گەل ئێک ئاخفتن بەسە.
6- سوزێ بدەن ھوون دێ ئازادیێ دەنە ئێک و دو: ل دووڤ گۆتنا کەڤن، ھەکە تو حەز ژ تشتەکی بکەی ئازاد بکە، رامانا وێ ئەو نینە ژ ئێک و دو دوور بکەڤن، بەلێ دانا دەلیڤەیەکا ئازادیێ بۆ وێ یەکێ چالاکیێن خوەیێن تایبەت بکەن، ئەو یەک ژی دێ ب ئەرێنی ل سەر پەیوەندیا ھەوە زڤریت، ژبەرکو باوەریێ ئەڤینی ژێ چێدبیت.