ئه‌ڤرۆ نيوز:

مانێ ژن حەز ژ چوونا بازاری ناکەن، ھەکو دچنە بازاری ژی ل سەر پێن خوە زڤرنە مال، ماشائەللا!!
د جڤاکێ مەدا ژنێ حەزەکا مەزن بۆ چوونا ناڤ بازاری ل نک ھەیە، نە ھەمی دەمان ب تنێ بۆ کڕینا تشتان، ھندەک ب ھێجەتا جلکان و پێدڤیێن ناڤمالێ دچن، لێ بازاری ھەموویێ ل سەر پێن خوە تێکڤەددەن، ئەو چەندە ل نک وان دبیتە خۆشی و ئێدی پێڤە دمینن.
خانما ھێژا، بۆ ھاریکاریا تە دەمێ دچیە بازای و دا زێدە پارا نەمەزێخی و چوونا ناڤ بازاری نەبیتە حەز، ل دووڤ ڤان گاڤان ھەرە:
1- قمسۆرا خوە پشکنین بکە: بەری جلکان بکڕی پێدڤی بزانی چ جلک د قمسۆرێ دا ھەنە، و دا بزانی چونینە دا چو تشتان دوبارە نەکڕی.
2- تشتێن تە دڤێن ل سەر کاغەزەکێ بنڤیسە: پشکنینا قمسۆرێ پێدڤی ب کاغەز و پێنڤسان ھەیە دا بزانی چ تشتێ کێمە، و دا بزانی تە چەند پارە ھەنە، مانێ مووچە ژی نینن، دا بزانی دێ پارێن تە تێرا کەن یان نە و دا تشتێ پێدڤی نەبی نە کڕی و یێ پێدڤی ژ بیر بکەی.
3- گەریان و سەیرانێن خوە دووری بازاری بکە: دەمێ دەردکەڤیە گەریانەکێ د گەل خێزان و ھەڤالان، ھەرە جھەکێ دووری بازاری و مول و مارکێتان، ژبەرکو ئەو چەندە دێ تە ھاندەت تشتێن نە پێدڤی بکڕی.
4- ب تنێ ھەرە بازاری: ئەرێ ب تنێ ھەرە بازاری، دبیت ئەڤ ھزرە ب دلێ تە نەبیت بەلێ گەلەکا باشە، چوونا بازاری د گەل ھەڤال و کەس و کران، دێ بیتە ھاندەرەک بچیە د گەل دوکانان ڤە و گەلەک تشتان بکڕی، ھەکە تە زارۆ ژی ھەبن د گەل خوە نەبە بازاری، ژبەرکو دێ بەریکێن تە داقوتن.

ئه‌ڤرۆ نیوز:
رەنگە گەلەک ژ مفایێن ھنگڤینی بۆ جۆرێن جودا یێن نەخۆشیا بزانین، بەلێ ھوون دزانن کو ھنگڤین رۆلەکێ بھێز دگیریت بۆ جوانکرن و گەشکرنا پیستی و مرۆڤی دوور دئێخیت ژ کێشێن جودایێن پیستی و رێگریێ دکەت ژ پیربوونا خانەیێن پیستێ مرۆڤی.
ب ڤان رێیان ھنگڤینی بۆ جوانی و گەشکرنا پیستێ خوە بکار بینن:
ئێک:ھنگڤین چارەسەریە بۆ پرسکێن گەنجینیێ(حب الشباب)، زۆر جاران ل دەمێ گەشەکرنا مرۆڤی و گەھشتن ب ژیێ ھەرزەکاریێ، پرسک ل رۆخسارێ مرۆڤی دا دەردکەڤن، ئەڤە ژی نیگەرانیێ دروست دکەت، رەنگە مرۆڤ بچیتە دەف نۆشدارەکێ و ل دووڤ چارەسەریێ بگەریت، بەلێ پارچەیەکا پەمبی د ناڤ ھنگڤینی دا بینە و پاشی دانە سەر جھێ پرسکان و بۆ ماوێ (10-15) خۆلەکان بھێلە پێڤە، پاشی سەرۆچاڤێن خوە ب ئاڤەکا سار بشۆ، ب ڤی رەنگی دێ ژ پرسک و کۆلێن سەر پیستی رزگار بی.
دو: ھنگڤین بۆ پاراستنا شانێن پێکھاتا پیستی، ھنگڤین دبیتە ئەگەرێ پتەوکرنا شانێن پێکھاتا پیستی و رێگریێ دکەت ژ توشبوونێ ب ئێزمکێ و پاقژکرنا پیستی ژ بەکتریا و ماددێن زیانبەخش و دبیتە ئەگەرێ ھندێ کو تە پیستەکێ پاقژ و روون ھەبیت، ب رەنگەکی حەفتیێ دو جارا کەفچکەکێ ھنگڤینی بکە سەر پارچەکا قۆماشی و پاشی وی قۆماشی د سەرۆچاڤێن خوە بدە، بۆ ماوێ (15-20) خۆلەکا بھێلە و پاشی ب ئاڤا تھێنشیر بشۆ و دێ کاریگەریا سەرسۆرھێنەر بینی سێ: بۆ پاقژی و رێکیا لەشی ب گشتی، دو کەفچکێن ھنگڤینی بێخە ناڤ کۆپەکێ ئاڤێ، بھێلە ھەتاکو باش تێکەلبن، پاشی وی کۆپێ ئاڤێ بکە ناڤ ئاڤا بانیۆیا حەمامێ بۆ ماوێ 20 خۆلەکا دناڤ ئاڤا بانیۆیا حەمامێ دا خوە درێژ بکە و ھەموو پیستێ لەشێ تە دێ پاقژ بیت و دێ نەرم و نازک و جوان بیت.