وەزارەتا دارایی و ئابوری يا حوكمه‌تا هه‌رێمێ خشتەكێ نوو یێ موچەی راگەهاند کو سوبەهی ئێکشەمبی ٢٧ێ تشرینا دوێ يا ٢٠١٦ێ موچەیێ وەزارەتەکێ و چەند دەستەیان دێ هێنه دابەش کرن و ب ڤى ره‌نگى:
1-وەزارەتا خواندنا بلند و ڤەکولینێن زانستی
2-دەزگەهێ مین
3-کۆمسیۆنا بلندا سەربەخۆیا هەڵبژاردنان
4-دەستەیا دەڤەرێن کوردستانیێن دەرڤەیێ ئێدارەیا هەرێمێ.
5-دەستەیا ژینگەهێ
6-دەستەیا دەسپاکیێ
7-دەستەیا وەبەرهێنانێ
8-دەستەیا مافێن مرۆڤی
9-دیوانا چاڤدێریا دارایی
ئه‌ڤرۆ نيوز:
سه‌رۆكێ هه‌رێما كوردستانێ دێ سه‌ره‌دانا وه‌لاتێ سعوديێ كه‌ت د چارچۆڤێ سه‌ره‌دانه‌كا فه‌رمى بۆ كه‌نداڤا عه‌ره‌بى.
رۆژا ئه‌ينى 25ى چريا دويێ 2016 مه‌سعود بارزانى سه‌رۆكێ هه‌رێما كوردستانێ ل دووڤ داخوازيا فه‌رمى يا شێخ محه‌مه‌د بن زايد، سه‌ره‌دانا ئيمارات كر.
بڕياره رۆژا شه‌مبى 26ى چريا دويێ 2016، مه‌سعود بارزانى پشتى سه‌ره‌دانا خوه بۆ ئيمارات، ب فه‌رمى سه‌ره‌دانا وه‌لاتێ سعوديێ بكه‌ت و ل گه‌ل به‌رپرسێن بلندێن وى وه‌لاتى كۆم ببيت.
ئەڤرۆ نیوز، کاروان باعەدری:
ژێدەرەکی ژ بەغدا کو نە خواست ناڤێ خوه ئاشکەرا بکەت بۆ ئەڤرۆ نیوز دیارکر، درەنگیێن شەڤا ٢٤ى چريا ئێكێ ٢٠١٦ ھندەک چەکدارێن نەنیاس ل بەغدا يا پایتەختێ عیراقێ سەرمایەدارێ کوردێ ئێزدی “داود شەمۆ” ره‌ڤاند.
دا زانين كو پشتی ژ خوارنگەھەکێ دەرکەفتی دا کو بەر ب مالا خۆ بچیت ل گەل شۆفێرێ وی یێ كرستيان ل ده‌ڤه‌را “عرسات” ھاتنە رەڤاندن و ھەتا نھا ژی نەھاتیە زانین ژ لایێ کێ ڤە ھاتینە رەڤاندن و ڤه‌كۆلين ل دۆر بوویەرێ د بەردەوامن.
ناڤبری خەلکێ کۆمەلگەھا خانکێ یا سەر ب قەزا سێمێلێ ڤەیە، خوەدانێ چەندین جھێن گوزاری بوو ل بەغدا و مالا وی ل بەغدا ل ده‌ڤه‌را سالحیێ بوو.
ھەروەسا چەندین کەسێن ئێزدی ل باژێرێن عیراقێ ب مەرەما کاری ل وان جھان کاردکەن و ئەڤە چەندین کەس ژێ ھاتنە و کوشتن و رەڤاندن ژ لایێ گرۆپین نەنیاس ڤە و داخوازا پارەی ژ مالباتێن وان دکەن، ھەتا نھا ژی ھندەک کەس د بێ سەروشوونن.
ئه‌ڤرۆ نيوز:
فيدل كاسترۆ رێبه‌رێ به‌رێ يێ كۆبا و سه‌ركردێ پارتيا كۆمۆنيستا وى وه‌لاتى ل ژيێ 90 ساليێ وه‌غه‌ر كر و تله‌ڤزيۆنا فه‌رمى يا ده‌وله‌تا كۆبا ژى ئه‌ڤ چه‌نده پشت راست كر.
كاسترۆ كه‌ساتيه‌كێ سياسى يێ كۆبا بوو و ل 1959 هه‌تا 2008 رێبه‌ريا كۆبا كريه و پشتى خوه، راول كاسترۆ كريه سه‌رۆكێ كۆبا.
فيدل كاسترۆ كۆبا كريه وه‌لاته‌كێ تاكحزبى و چه‌ندين چاكسازيێن سوسياليستى وه‌كو خوماليكرنا پێشه‌سازى و بازرگانيێ تێدا ئه‌نجام داينه.
ل ناڤخۆيا كۆبا لايه‌نگرێن كاسترۆى ب وى كه‌سى وه‌سف دكه‌ن كو كۆبا دايه ده‌ست كۆبيان، به‌لێ نه‌يارێن وى ب توندوتيژ و سه‌ركوتكه‌رێ ئۆپۆزسيۆنێ دنياسن.
فيدل كاسترۆ ژ ئه‌گه‌رێ شوره‌شا كۆمۆنيستيێ ڤه ل كۆبا و ئه‌مريكا لاتينى و سه‌رانسه‌رى جيهانێ كه‌سه‌كێ به‌رنياس و ديار بوو و گه‌له‌ك كه‌سان ژى ئه‌و ب جێگرێ جێ گيڤارا دنياسن.
ئه‌ڤرۆ نيوز:
پشتى په‌ياما سه‌رۆك بارزانى بۆ ئاسايى كرنا ره‌وشا سياسى يا هه‌رێمێ، ئه‌ڤرۆ ل هه‌مبه‌ر وێ په‌يامێ، بزاڤا گۆران د په‌يامه‌كێ دا به‌رهه‌ڤيا خوه ده‌ربرى بۆ كومبوونا لايه‌نێن سياسى و راگه‌هاند: ئه‌م د به‌رهه‌ڤين بۆ هه‌ر كرياره‌كا كريارى و راسته‌قينه و ب پرۆژه دێ پشكداريێ د ڤێ بزاڤێ دا كه‌ين.
ئه‌ڤرۆ نيوز:
ئه‌ڤرۆ په‌رله‌مانێ ئوروپا برياردا دانوستاندنێن بۆ ئه‌ندامبوونا توركيا د ئێكه‌تيا ئوروپا دا رابگريت، بريارا په‌رله‌مانێ ئوروپا ژبه‌ر وێ يه‌كێ بوو كو حكومه‌تا ئه‌نقه‌ر چه‌ندين كارڤه‌دانێن نه‌ره‌وا به‌رامبه‌ر كوده‌تايا شكه‌ستن خوارى يا ته‌مووزا بوورى، ل وى وه‌لاتى ئه‌نجام دان بگره ژ ده‌رێخستنا ب ده‌هان هزار ماموستايێن زانكۆيێ و لادانا ب هزاران كه‌سان د ناڤ سوپايێ دا و بزاڤێن توركيا بۆ ڤه‌گه‌راندنا بريارا سێداره‌دانێ.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 24ى چريا دويێ 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1306 |
| 1 يۆرۆيێ ئه‌ورۆپى | 1380 |
| 1 ليرێ توركى | 385 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
نيشاندان
