ئەڤرۆ نیوز:
نۆمان کورتولمیش جێگرێ سەرۆکێ گشتی یێ ئاکپارتیێ راگەهاند کو جارێ چو بەرنامێ وان بۆ هەلبژارتنێن بەروەخت ل تورکیا نینن، چونکو هەموو پارتێن سیاسی ژی دخوازن حوکمەتا نها ژیێ خوە تەمام بکەت و گۆت: (بەری نها چەند سەرکردێن هندەک پارتێن سیاسی ئاماژە ب هەلبژارتنێن بەروەخت ل تورکیا کربوون، لێ هەم ژ بەر کۆرۆنایێ و هەم ژی ژ بەر قەیرانا ئابووری رەوش گونجای نینە و ژ بەر هندێ وەکو ئاکپارتی مە نەڤێت جارێ چو هەلبژارتنێن بەروەخت ل تورکیا بهێنە کرن).
ئەڤرۆ نیوز:
عەلی رەبیعی پەیڤدارێ حوکمەتا ئیرانێ راگەهاند کو ئیران بەرهەڤە گرتیێن ئەمریکا ئەوێن نها ل زیندانێن ئیرانێ دانە ئازاد بکەت.
ناڤهاتی دیار کر کو ل هەمبەر وێ یەکێ ژی ئیرانێ دڤێت ئەمریکا ژی گرتیێن ئیرانێ یێن ل زیندانێن خوە ئازاد بکەت و گۆت: (لێ هەتا نها ئەمریکا ل هەمبەر ڤێ پێنگاڤا ئیرانێ خوە بێدەنگ کریە و چو نەگۆتیە).
ئەڤرۆ نیوز:
وەزارەتا ساخلەمیێ یا ئیرانێ راگەهاند کو د ماوەیێ ٢٤ دەمژمێرێن بۆری دا ٥١ کەسان ل ئیرانێ ژ بەر ڤایرۆسێ کۆرۆنایێ جانێ خوە ژ دەست داینە و هژمارا کەسێن کو هەتا نها ب کۆرۆنایێ جانێ خوە ژ دەست داینە گەهشتیە ٦ هزار و ٧٠٠ کەسان.
ل گۆر وەزارەتا ساخلەمیێ یا ئیرانێ هەتا نها ل وی وەلاتی ١٠٧ هزار و ٣٨٣ کەس ژی تووشی ڤایرۆسێ کۆرۆنایێ بووینە.
ئەڤرۆ نیوز:
د. سامان بەرزنجی وەزیرێ ساخلەمیێ یێ حوکمەتا هەرێما کوردستانێ دیار کر کو مەترسیا بەلاڤبوونا کۆرۆنایێ ل هەرێما کوردستانێ نەمایە و گۆت: (ئەم ل گەل وەزیرێ ناڤخوە ژی ئاخڤتینە و مە بریار دایە کو ئاسانکاریێن زێدەتر بۆ وەلاتیان بهێنە کرن و گەلەک جهێن دی ژی بهێنە ڤەکرن).
ناڤهاتی راگەهاند کو ئەڤرۆ دێ هندەک بریارێن نوو بۆ خوە پاراستنا ژ کۆرۆنایێ هێنە دان، لێ دێ گەلەک ئاسانکاری بۆ وەلاتیان ژی هێنە کرن و گۆت: (هێڤیدارین کو وەلاتی وەکو دەمێن بۆری بۆ پاراستنا خوە پێگیریێ ب رێنمایان بکەن).
ئەڤرۆ نیوز:
ئەندامەکێ سەرکردایەتیا ئەنجوومەنێ نشتیمانی یێ کوردی ل سووریێ دیار دکەت کو سەرەرای شەرێ چەندین سالێن بۆری ل سووریێ لێ هەتا نها ژی هەلویستێ رژێما بەشاری ل هەمبەر مافێن کوردان نەهاتیە گوهۆرین و رژێمێ نەڤێت پرسا کوردی بهێتە چارەسەرکرن.
فەیسەل یوسف ئەو یەک ژی دیار کر کو بۆ هەموو جیهانێ ئاشکرایە هەتا پرسا کوردی ل سووریێ نەهێتە چارەسەرکرن قەیرانا سووریێ دێ بەردەوام بیت، لێ مخابن هەلویستێ رژێما بەشاری ل هەمبەر مافێن رەوا یێن گەلێ کورد ل سووریێ نەهاتیە گوهۆرین.
ئەڤرۆ نیوز:
وەزارەتا دارایی و ئابووری یا حوکمەتا ھەرێما كوردستانێ دەمێ دابەشكرنا مووچێ وه‌زاره‌تا شه‌هیدان و ئه‌نفالكریان و كه‌سوكارێن شه‌هیدان و زیندانیێن سیاسی ئاشكرا كر.
ژێدەرەکێ ژ وەزارەتا دارایی راگەهاند، ل رۆژ دوشه‌مبی و سێشه‌مبی 11-12/5/2020 دێ مووچێ وه‌زاره‌تا شه‌هیدان و ئه‌نفالكریان و كه‌سوكارێن شه‌هیدان و زیندانیێن سیاسی هێته دابەش کرن.
ئەڤرۆ نیوز:
ل شەڤا بوری خوەنیشاندەرێن عیراقێ بارەگەهێن چەند حزبان سۆتن، کو د ناڤ وان ژی دا بارەگەهێ حزبا دەعوە یا ئیسلامی یە.
میدیایێن عیراقێ دیار کرینە، کو ل شەڤا بورى خوەنیشاندەرێن عیراقێ ل پارێزگەها واست بارەگەهەکێ رێکخراوا بەدر و بارەگەهەکێ حزبا دەعوە یا ئیسلامی و مالا جێگرێ سەرۆکێ لیستا عەسائیب ئەهل حەق سوتینە.
نيشاندان