ئه‌ڤرۆ نيوز:
زەلامەکێ 27 سالی دلی َخوە بۆ رۆژناما ئەڤرۆ ڤەدکەت و دبێژیت: ئەز خۆدان کارم و من زارۆیەک ھەیە و ل وەلاتێ نەرویچ دژیم، لێ بەری ئەز بھێمە وەلاتێ نەرویچ من و کچەکا نیاسا مە حەز ژ ئێکدو دکر، ل سالا 2013 ئەز ب مەرەما خواستنا وێ کچێ ھاتمە کوردستانێ کو ئەز بخو بینم ، لێ مالباتا من رازی نەبوون و بۆ من ئێکا بیانی خواست، لێ ھەتا نوکە ئەز و ئەو کچە ل گەل ئێکدو دئاخڤین، ئەڤجا ھوون بێژنە من ئەز چ بکەم بەس داکو ئەز بشێم وێ ژبیر بکەم، چونکی ئێک رۆژ ژی ل سەر ھزرا من ناچیت؟
برایێ ھێژا:
تو ل وەلاتەکێ پێشکەفتی دژی و تە خەلکەکێ پێشکەفتی دیتیە,دڤێت ھزرا تە ژی یا پێشکەفتی بیت, نوکە تە خێزانا خوە ھەیە و تو یێ رازی بووی تە ئەڤە ئینای, یان دڤێت دەستپێکی تو رازی نە ببای ل سەر بریارا مالێ, مادەم دەستپێکێ تو رازی بووی ل گەل خێزانا خوە یا نوکە بە، ژبەرکو تە زارویەک ژی ھەیە و ھەول بدە کچا دی بێ ھیڤی بکە و راستگو بە ل گەل خێزانا خوە و ل گەل ھەڤالا خوە یا بەرێ. حەتمەن ل دەستپێکێ دێ گەلەک بو تە یا ب زحمەت بیت، بەلێ دڤێت تو شەرێ دلێ خوە و سوزێن خوە بکەی، بۆ ماوێ شەش ھەیڤا پاشی دێ شێی کارتێکرنا وی ل سەر خوە کێم کەی, ژلایێ زانستی ڤە کچا بیانی باشترە مرۆڤ بینیت و زارویێن مرۆڤی ساخلەمیا وان باشترە , تە بریارا خوە یا دای ل گەل ھەڤژینا خوە، ئەڤجا باشترە ل گەل ئێک بمینن و ل گەل ئێک دلسوز بن, ھەروەسا بێژە ھەڤالا خوە یا بەرێ بلا ئەوژی ب ھزر کار کەت.
بەرسڤدان، ڤەکولەرێ جڤاکی: عەبدولجەبار عەبدولرەحمان
نيشاندان
