ئه‌ڤرۆ نيوز:
رێكخراوا داعش سپێده‌هيا ئه‌ڤرۆ د رێيا شه‌ش خۆكوژان دا هێرش كره سه‌ر كه‌ربه‌لا و د ئه‌نجام دا، 11 كه‌س كوشتن و 14 كه‌س ژى بريندار بوون.
ژێده‌رێن ده‌نگوباسێن عيراقى به‌لاڤكر كو سپێده‌هيا ئه‌ڤرۆ د رێيا شه‌ش خۆكوژان دا و كه‌مه‌رێن مينرێژكرى داعش بزاڤكرن كو بچنه ناڤ باژێرێ كه‌ربه‌لا كو يا هه‌ڤده‌مه ل گه‌ل ساخكرنا بيره‌وه‌ريا چلينه‌يا شه‌هيدكرنا ئيمام حسێن كو ب سه‌دان هزار وه‌لاتيێن شيعه مه‌زهه‌ب ل سه‌رانسه‌رى جيهانێ ل وێرێ نه.
هه‌ر ڤان ژێده‌ران دايه زانين ژى كو داعش د ڤيا ب رێيا ڤان چه‌كدارێن خوه د ناحيا عه‌ين ته‌مه‌ر دا بچنه ناڤ باژێرێ كه‌ربه‌لا، به‌لێ ل ده‌ڤه‌را حه‌ى جيهاد ژ لايێ هێزێن ئه‌منى ڤه هاتنه دوورپێچكرن و هه‌موو هاتنه كوشتن.
ب گۆره‌ى ژێده‌رێن ميديايێن عيراقى پشتى شه‌ر و پێكدادان د ناڤبه‌را هه‌ردو لايان دا روودايى چه‌كداره‌كێ داعش خوه په‌قاند و بۆ ئه‌گه‌رێ كوشتنا 11 كه‌سان و برينداربوونا 14 كه‌سێن دى.
ئه‌ڤرۆ نيوز:
رێڤه‌به‌ريا گشتى يا كه‌شناسى و بيڤه‌له‌رزێ ل هه‌رێما كوردستانێ جوداهيا رێژا باران بارينا ئه‌ڤ ساله ل گه‌ل سالا بۆرى به‌لاڤكر.
ب گۆره‌ى راگه‌هاندنه‌كێ كو پشكا ئامارا رێڤه‌به‌ريێ ئاماده‌كريه هه‌تا ئه‌ڤرۆ رێژا باران بارينێ ل سه‌نته‌رێ پارێزگه‌ها دهۆكێ 86ملم كێمتر بوويه ل گه‌ل سالا بۆرى و ل هه‌ولێر 100ملم و ل سلێمانيێ 257ملم و ل كه‌ركووك 91ملم و ل هه‌له‌بچه ژى 257ملم.
ئه‌ڤرۆ نيوز:
رێڤه‌به‌ريا كه‌شناسى و بيڤه‌له‌رزێ ل هەرێما کوردستانێ راگه‌هاند كو سوبه‌هى رۆژا سێشه‌مبى رێكه‌فتى 15ى چريا دويێ 2016ێ ئه‌سمان دێ ئه‌وره‌كێ گه‌له‌ك كێم بيت و هنده‌ك جاران دێ ئه‌وره‌كێ ناڤه‌ندى بيت.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ كارتێكرنا فشارێن بلندێن وه‌لاتێ توركيا بۆ سه‌ر هه‌رێما كوردستانێ دهێته پێشبينيكرن ئه‌سمان دێ ئه‌وره‌كێ گه‌له‌ك كێم بيت و هنده‌ك جاران دێ ئه‌وره‌كێ ناڤه‌ندى بيت.
پشكا پێشبينيان دايه زايه زانين كو دێ ئاراستێ باى ژى دێ باكوورێ رۆژهه‌لات بيت ب ره‌نگه‌كى د ناڤبه‌را 5 هه‌تا 10كم دا و ماوێ ديتنێ ژى دێ د ناڤبه‌را 9 بۆ 10كم دا بيت، پلێن گه‌رمێ ژى دێ د ناڤبه‌را 13 بۆ 23 پلان دا بن.
ئه‌ڤرۆ نيوز:
چه‌كدارێن حه‌شه‌د شه‌عبى قووناغا سيێ يا ئۆپه‌راسيۆنا رزگاركرنا مووسل ل رۆژئاڤايێ باژێرى راگه‌هاند و بۆ ڤێ جارێ مه‌ره‌ما وان رزگاركرنا تله‌عفه‌ره 30 كيلۆمه‌تران دوورى سه‌نته‌رێ باژێرێ مووسل.
د به‌ياننامه‌كێ دا كو ل مالپه‌رێ خوه يێ فه‌رمى به‌لاڤكريه، ئه‌حمه‌د ئه‌سه‌دى، ئاخفتنكه‌رێ ب ناڤێ حه‌شه‌د شه‌عبى راگه‌هاند كو ئه‌ڤرۆ رۆژا دوشه‌مبى رێكه‌فتى 14ى چريا دويێ قووناغا سيێ يا رزگاركرنا مووسل ل رۆژئاڤايێ باژێرى راگه‌هاند كو مه‌ره‌ما وان رزگاركرنا باژێرێ تله‌عفه‌ره.
هه‌ر د وێ به‌ياننامێ دا ئه‌سه‌دى داخواز ژ وه‌لاتيێن وێ ده‌ڤه‌رێ كر كو د هاريكار بن ل گه‌ل هێزێن حه‌شه‌د شه‌عبى ژ بوو كونترۆلكرنا ده‌ڤه‌رێ ژ بن ده‌ستێ داعش.
تله‌عفه‌ر مه‌زنترين قه‌زا عيراقێ يه دكه‌ڤيته رۆژئاڤايێ باژێرێ مووسل ب دووراتيا 30 كيلۆمه‌تران و پتريا روونشتڤانێن وێ شيعێن توركمانن ئه‌وێن ب گۆره‌ى رووپيڤا سالا 2014ێ ژمارا وان گه‌هشتيه 200 هزار كه‌سان.
ئەڤرۆ نيوز:
ویبسایتێ (t3)یا تەکنولوژی یا بریتانی ن د نووترین رێزبەیندا خوە بۆ باشترین موبائیلێن جیھانێ بەڤلاکر کو بۆ دەە 10 موبائیلان ھاتیە کرن، کو تێدا موبائیلا زیرەک یا ئایفون حەفت پلەس یا کومپانیا ئەپلا ئەمریکی ل پلەیا ئێکێ ھات و موبائیلا مۆتۆرۆلا مۆتۆ ئێکس فورس یا کۆمپانیا مۆتۆرۆلایا ئەمریکی ل پلەیا دوھیێ دا دھێت .
رێزبەندی بۆ 10 موبائیلێن باشترین ھاتیە کرن بڤی ئاوایێ خارێ یە :
1- ئایفون حەفت پلەس
2- سامسونگ گالاکسی 7س ئێج
3- گوگل پیکسل ئێل ئیکس
4- ئایفون ی ئی
5- ھەواوی نێکسون 6 پی
6- ئێل جی 5 جی
7- سونی 5 زێت پریمیەم
8- ئیج تی سی 19
9- ھواوی مەیت 8
10- مۆتۆرۆلا مۆتۆ ئێکس فورس
ئەڤرۆ نيوز:
نوونەرەکێ پارێزگەھا کەرکووکێ ل جڤاتا نوونەرێن عیراقێ ئاشکرا کر، ئەو پرۆژێ گۆڕان داخواز دکەت کو سلێمانیێ ژ ھەرێما کوردستانێ بھێتە جوداکرن، پرۆژێ دۆژمنێن کوردانە و دبێژیت: گۆڕان دڤێت بجە بینیت، ئەڤە ژی د دەمەکی دایە، ل شوونا ڤەگەڕاندنا کەرکووکێ بۆ سەر ھەرێما کوردستانێ، ئەو یێ سنوورێ ھەرێمێ بچووک دکەن و سلێمانیێ ژ ھەرێمێ جودا دکەن.
شاخەوان عەبدوللا، ئەندامێ جڤاتا نوونەرێن عیراقێ یێ پارێزگەھا کورکووکێ دیار کر، گۆڕان بۆ دژایەتیکرنا مللەتێ کورد یا دروست بووی و بۆ مالپەرێ فەرمیێ پارتی دیموکراتی کوردستان گۆت: “گۆڕانێ ب ئازراندنا پرسا جوداکرنا سلێمانیێ ژ ھەرێما کوردستانێ و رادەستکرنا وێ بۆ بەغدا سەلماند کو دژی دەستکەفتێن گەلێ کوردە، چونکو گۆڕان ل گەل بچووککرنا ھەرێما کوردستانێ دایە، نە ل گەل بەرفرەھکرنا سنوورێ کوردستانێ نە”.
شاخەوانی ئاماژە ب وێ چەندێ ژی کر، دڤیا ئارام شێخ محەمەد کو ئەڤە دو سالە جێگرێ سەرۆکێ پەرلەمانێ عیراقێ یە، رۆل د ڤەگەراندنا زەڤیێن کوردان ل کەرکووکێ بۆ خودانێن وان ھەبا کو ب تنێ دەنگدان مایە ل سەر بھێتە کرن و گۆت: “من ل 26-9-2016 نڤیسارەک دایە ڤێ، دا کو بێخیتە بەر دەنگدانێ، لێ وی ئەڤ چەندە کریە، ژ بلی ڤێ ژی پێدڤی بوو، گۆڕان کار بۆ ڤەگەراندنا کەرکووکێ بۆ سەر ھەرێما کوردستانێ کربا، لێ گۆڕان ھەر مژوولی نەشرینکرنا ھەرێمێ و ڤەگەریان بۆ بەغدایێ بووینە، لەو نوکە گۆڕان یا بوویە ڤایرۆسەک و چوویە د ناڤ لەشێ ھەرێما کوردستانێ دا”.
وی پەرلەمانتارێ کورد دا زانین کو ھەکە ئەو ڤایرۆس ل سنوورێ سلێمانیێ بھێتە ژناڤبرن، ژ وێ چەندێ باشترە کو ل ناڤ ھەموو کوردستانێ بەلاڤ ببیت و گۆت: “ھزرا جوداکرنا سلێمانیێ یا گۆڕان نینە، بەلکو دۆژمنێن گەلێ کورد یا دایە وان”.
ئەڤ چەندە ژی د دەمەکی دایە، ئارام شێخ محەمەد، جێگرێ سەرۆکێ پەرلەمانێ عیراقێ ژ فراکسیۆنا گۆڕان داخواز دکەت ھەکە ھەرێم و بەغدا نەگەھنە رێککەفتنێ، دڤێت بەغدا جودا سەرەدەریێ ل گەل سلێمانیێ بکەت.
ئەڤرۆ نيوز:
ل گۆڕ بەلگەنامێن ل سەر مالپەرێ خوارکوک ھاتینە بەلاڤکرن، نوری مالکی کوژمێ (87) ملیۆن دۆلاران بناڤێ قەری بۆ کۆمپانیا چاڤی لاند داینە شاسوار عەبدلواحد، ل دووڤ نڤیسارا ژمارە یا (641) رێککەفتی 25/5/ 2014، نوری مالکی ل وی دەمی رازیبوونا خوە ل سەر دیارکریە کو کوژمێ ناڤبری بۆ کۆمپانیا چاڤی لاندە بھێتە مەزاختن.
ل گۆڕ پێزانینێن تایبەتێن مالپەرێ ناڤبری کو نوری مالکی ئەو کوژمێ پارەی بۆ کومپانیا چاڤی لاند مەزاخت، بەلێ ئەو پارە دبنەرەتدا بۆ مەرەمەکا دی بوویە، کو ئەو ژی بۆ کەنالێ (NRT) یا عەرەبی ھاتبیتە مەزاختن.
ھەروەسا ل گۆر پێزانیان ئەو رێککەفتنا کەنالێ عەرەبی دناڤبەرا سرەو عەبدواحد ئەنداما پەرلەمانێ عیراقێ یا سەرب لیستا گۆرانێ ڤە کو دبیتە خویشکا شاسواری و نوری مالکی ھاتیە کرن، کو پشکەکا مەزنا وی کەنالی بەھرا نوری مالکی تێدایە لەورا کاردێن برێڤەبرنا کەنالێ (NRT) عەرەبی برێیا کروپێن سەر ب نوری مالکی ڤە دھێتە برێڤەبرن.
ئەڤرۆ:
سکرتێرێ ئێکەتیا نەتەوەیا دیموکراتی کورد ئاشکراکر، سەرۆکێ ھەرێما کوردستانێ ھەر ل دەستپێکا رۆلێ پرۆسا ئاشتیێ دا رۆلەکێ گرنگ ھەبوو و نوکە ژی دشێت رۆلەکێ زێدەتر ھەبیت وباروەریێ بۆ وەلاتێ تورکیا چێکەت، ھەروەسا دیارکر، پەکەکە دشێت ل گەل سەرۆکێ ھەرێمێ روونشتنان بکەت و مفای ژ پەیوەندنیێن نێڤدەولی یێن سەرۆک بارزانی وەربگرن.
سکرتێرێ پارتی ئێکەتیا نەتەوەیا کورد (غەفور مەخمووری) راگەھاند، پێدڤیە ھەموو کێشە ب رێیا ئاشتیی و لێکتێگەھشتن و دانوستاندنێ بھێنە چارەکرن، و پرۆسا ئاشتیێ کو ل باکوورێ کوردستانێ ھەبوو، تورکیا پێنگاڤێن پێشڤەچوونێ بۆ نەھاڤێتن، لەورا گەھشتە بنبەستێ، لێ دشیان دا ھەیە نوکە جارەکا دی سەرشنوو دەست ب پرۆسا ئاشتیێ بھێتە کرن، چونکە ئەڤە تاکە رێکە و ھەموو دونیا ژی ھەر بڤی رەنگی یە.
غەفور مەخمووری ھەروەسا گۆت: ئەم ل گەل توندوتیژیێ نینە، و چو کێشە ب توندوتیژیێ ناھێنە چارەسەرکرن، و خزمەتا ب کاودانێن نوکە ژی ناکەت، دشیان دایە ل سەر بنەمایێ لێکتێگەھشتنێ درێژە ب پرۆسا ئاشتیێ بھێتە کرن.
مەخمووری ئەو چەندە ژی دیارکر و نەڤەشارت، کو دڤێت ھەموو پەیوەندیێن مللەتێ کوردستانێ ل گەل ئێکدا دباشبن و کێشێن لابەلایی دەستژێ بەردەن و بتنێ ھزرا پرسا نەتەوەیی بکەین، چونکی رەوشا باشوورێ کوردستانێ زورا ھەستیارە، لەورا پێدڤیە ل سەر پارچێن دی یێن کوردستانێ تایبەتمەندیا ڤێ پارچێ بەرچاڤ بگرین، ودەست دکاروبارێن ناڤخوەیا وێ وەرنەدەین.
سکرتێرێ ئێکەتیا دیموکراتیا نەتەوەیی یا کورد ھەروەسا خوەیاکر، پێدڤیە کێشە ب رێیا دیالۆگێ بھێنە چارەکرن، چونکە ئەڤە تاکە رێیە بۆ چارەسەریا کێشان.
غەفور مەخمووری زێدەباری وێ چەندێ گۆت: سەرۆک بارزانی دشێت رۆلەکێ گرنگ ل چارەکرنا پرۆسا ئاشتیێ ل وەلاتێ تورکیا بگێریت، چونکی ھەر ل دەستپێکێ وی رۆلەکێ کاریگەر ل سەر پرۆسا ئاشتیێ ھەبوو و دشێت رۆلەکێ کاراتر ژی دڤێ قوناغێ دا ھەبیت، و باوەریەکا تەمام ژی بۆ وەلاتێ تورکیا سەبارەت پرۆسا ئاشتیێ پەیدا بکەت.
ل دووماھیێ سکرتێرێ پارتا ناڤبری، دووپاتکر پەکەکە دشێت ل گەل سەرۆک بارزانی چاڤپێکەفتنان بکەت بۆ ھندێ پرۆسیا ئاشتیێ ل تورکیا بەر ب پێشڤە بچیت و مفای ژ پەیوەندیێن ب ھێزێن نێڤدەولی یێن سەرۆک بارزانی ببینن.
ئەڤرۆ،ھەژار مەعروف:
یانا ئامەد سپور بەردەوامی دا ئەنجامێن خوە یێن باش ل وەرزێ ئەڤ سالە دخۆلا پلا دو یا تورکیا دا بۆ حەفتیا دوێ ل دیڤ ئێک شیا سەرێ لیستەیا خولا پلا دو یا تورکیا یا گروپا ئێکێ پارێزیت پشتی شیا سەرکەفتنەکا گرنگ ل سەر یانا ئوڤ سپور توماربکەت ب دو گولان بێ بەرامبەر ھەردو گولێن وێ ژلایێ یاریزان دەنیز ناکی ل دقیقا ٥٦ و محەمەد سەدیق دقیقا ٧٤ ھاتنە تومارکرن و ب ڤی ئەنجامی نوونەرا باکورێ کوردستانێ دخولا پلا دو دا یانا ئامەد خالێن خوە گەھاندنە ٢٧ خالان رێزا ئێکێ پاراست ژ سەرجەمێ ١٢ یاریا ھەشت سەرکەفتن و سێ وەکھەڤی و خوسارەتیەک تومارکریە
ژلایەکێ دیڤە د یاریێن خولا پلا سێ یا تورکیا دا د کوما سێ دا یانا دیاربەکر سپور جارەکا دی ڤەگەریا سەر سەرکەفتنا پشتی ل سێ حەفتیێن بوری ل دیڤ ئێک نەشیای سەرکەفتنێ توماربکەت ئەڤ جارە شیا سەرکەفتنەکا گرنگ ل سەر یانا پەیاز بەلەدیە سپور توماربکەت ب دو گولان بێ بەرامبەر و خالێن خوە گەھاندنە ١٨ خالان رێزا شەشێ دھێت کێمتر شەش خالان ژ سەرکێشا کومێ و د ھەمان کوم دا بینگول ١٢ ل یاریگەھا خوە خوسارەت بوو ل گەل دوزیورت سپور ب سێ گولان بێ بەرامبەر ، د یاریێن کوما ئێکێ دا ھەردو نوونەرێن باکورێ کوردستانێ دڤێ کومێ دا ژ دەرڤەی یاریگەھێن خوە وەکھەڤ بوون ب گولەکێ کو یانا ڤان سپور ل گەل ئیرزانجان سپور و جزیرە سپور ل گەل تاکیرداگ سپور دڤێ کومێ دا ڤان سپور ل رێزا پێنجێ دھێت ب ٢٠ خالان و جزیرە سپور ل رێزا یازدێ دھێت ب ١٥ خالان.
د یاریێن کوما دوێ دا یانا باتمان سپور پشتی بورینا پێنج یاریان شیا تام بکەتە سەرکەفتنێ و ئەڤ جارە شیا سەرکەفتنێ ل سەر یانا دەردانە سپور توماربکەت ل یاریگەھا وێ ب دو گولان بەرامبەر گولەکێ باتمان خالێن خوە گەھاندنە ١٢ خالان رێزا ١٢ دھێت و دێرسم سپور بەردەوامی دا ئەنجامێن خوە یێن لاواز ل وەرزێ ئەڤ سالە توشی خوسارەتیا حەفتێ بوو ل وەرزێ ئەڤ سالە ژ یازدە یاریان ئەڤ جارە ژی ل گەل یانا تاری سپور ب سێ گولان بەرامبەر گولەکێ و دێرسم نوکە ل رێزا دووماھیێ و ١٨ دھێت د لیستەیا کوما دوێ دا ب چار خالان.
د یاریێن خولا بالیگی لێگ یا تورکی کو ڤاڤارتنا دکەن بۆ سەرکەفتن بۆ خولا پلا سێ د کوما ئێکێ دا کو ١٢ یانا پێکھاتی نە ئەو یانە ژێ ھەمی ژ باکورێ کوردستانێ نە یانا مێردین سپور یا بەردەوامە ل سەر سەرکێشیا کوما ئێکێ پشتی د یاریێن حەفتیا ھەشتێ دا شیای سەرکەفتنێ ل سەر یانا سلوپیا توماربکەت ب دو گولان بەرامبەر گولەکێ و خالێن خوە گەھاندنە ٢٢ خالان و تیما تاتڤان گەنجلەربیری یا سەر ب ھەرێما بتلس ڤە رێزا دوێ پاراست پشتی وەکھەڤ بووی ل گەل یانا باگلار بەلدیە سپور ب گولەکێ و تاتڤان خالێن خوە گەھاندنە ١٧ خالان و باگلار ١٥ خال و تیما ئاگری سپور ب سەرکەفت ل سەر دیاربەکر یول سپور ب دو گولان بێ بەرامبەر و ئاگری خالێن خوە گەھاندنە ١٦ خالان و دیاربەکر یول ١١ خال.
نيشاندان