ئەڤرۆ نيوز:
پشتی بۆ دەمەکی ژ شاشەیێن تەلەفزیۆنان دوور کەفتی، بەری چەند رۆژان سترانبێژا گەنج (کریستال) ێ ھندەک وێنێن خوە یێن نوو د تۆرێن جڤاکی دا بەلاڤ کرن، لێ ئاماژە ب دووماھی کارێ خوە یێ ھونەری نەدا کا نوکە ئەو مژوولی چیە و چ سترانێن نوو ددەست دانە؟ لێ کەسێن نێزیکی وێ دبێژن: بەلاڤکرنا ڤان وێنان ئاماژە یە بۆ ھندێ کو وێ ھندەک بەرھەمێن نوو ھەنە و دبیت یا خوە بۆ کلیپەکێ بەرھەڤ دکەت، لێ نوکە حەز ناکەت ئاشکەرا بکەت، چونکو ئەو حەزژ سۆپرایزان دکەت، و دبیت ل گەل دەستپێکا سالا نوو ئەو بکەتە سۆپرایز بۆ حەزژێکەرێن دەنگێ خوە.

ئه‌ڤرۆ نيوز:

دووماھی سترانا ھونەرمەند محەمەد تاھا ئاکرەیی، دوھی گەھشتە باژێرێ دھۆکێ، و پشتی وێنە ل گەل دھێتە دانان دێ ھێتە بەلاڤکرن، ب گۆتنا رێڤەبەرێ کارێن وی یێن ھونەری چەندین ستران و سرۆدێن یێن شۆرەشگێری درێ دا ھەنە، زێدەباری مارشەکا نەتەوەیی کو دێ ل دۆر کوردستانا مەزن بیت.
سلێمان ئۆرەیی، ئەڤ چەندە بۆ ئەڤرۆ پشتراستکر، و گۆت: سترانا نوو یا (محەمەد تاھا)ی ل دۆر قەھرەمانیا پێشمەرگەیە، پەیڤ و ئاواز و گۆتن یێن وی ب خوە نە، ستران وەک دەنگ ل وەلاتێ سۆیدێ ھاتیە تۆمارکرن، نوکە گەھشتیمە و ئەم دێ ل گەل کەنالەکی رێککەڤین ژبۆ ھندێ ل ڤێرە بھێتە تەولیفکرن، دووڤدا دێ یا بەرھەڤبیت بۆ بەخشکرنێ، و ئەڤ سترانە دیاریەکا بچووکە ژلایێ ھونەرمەندی ڤە بۆ مەزنی و خۆڕاگریا پێشمەرگەی.
د دووڤدا گۆت: وەک پرۆژە ھونەرمەند محەمەد تاھایی مارشەکا نەتەوەیی ددەست دایە، و ژمێژە کاری ل سەر دکەت، کو ئەو ژی دێ ل دۆر کوردستانا مەزن بیت، لێ بەری دەست پێ بکەت ئەو دێ ل گەل جھێن خۆدان دەستھەلات ئاخڤیت دا نێڕین و دیتنێن وان بزانیت، و ژبەرکو دێ پرۆژەکێ مەزن
بیت ئەو دێ پێدڤی ب پشتەڤانیێ بیت.
سلێمان ئۆرەیی، رێڤەبەرێ کارێن وی یێن ھونەری ل دووماھیێ گۆت: ھونەرمەند محەمەد تاھای تێرا پێنج ئەلبۆمان ستران یێن ھەین، و پتریا وانژی دشۆڕەشگێرێ نە، لێ وی نەڤێت لەزێ ل تۆمارکرنا وان بکەت، و ھەردەم دبێژیت (کلیپەکا باش بەرامبەر ئەلبۆمەکێ یە).
بۆ دەمێ چەند سالانە ھونەرمەندێ ناڤبری ل وەلاتێ سۆید دژیت، و ب گۆتنا رێڤەبەری کارێن وی وەک رێزگرتن بۆ گیانێ شەھیدان و خووینا پێشمەرگەی ئەڤە ماوەکێ درێژە ئەو ناچیتە چو شەھیانان، لێ بتنێ چەند جارەکان پشکداری د ھندەک ئاھەنگێن نەتەوەیی دا کریە.
دووماھی سترانا محەمەد تاھای کو ئەو ژی ل دۆر قەھرەمانیا پێشمەرگەی و دەولەتبوونێ بوو ، بەری پتر ژ سالەکێ ل دھۆکێ ھاتبوو کلیپکرن، ب ناڤێ (لێخن برا) بووو، پەیڤ یێن ھەلبەسنڤانێ نەمر حکمەت مەلا یاسین و ئاوازێن وی ب خوە بوون.