ئه‌ڤرۆ نیوز:
رێككه‌فتنا د ناڤبه‌را بزاڤا گۆڕان و ئێكه‌تیا نیشتمانیا كوردستان ئيرو هاته ئیمزاكرن، د په‌یڤه‌كێ دا كوسره‌ل ره‌سول جێگرێ سكرتێرێ گشتى یێ ئێكه‌تیێ ئاماژه ب وێ یه‌كێ كر كو ئه‌و هیڤیخوازن ئه‌ڤ رێككه‌فتنه ببیته ئه‌گه‌رێ ئێك ده‌نگیا كوردان و بناغێ دیموكراسیێ ل هه‌رێمێ.
كوسره‌ت ره‌سول سوپاسیا سه‌رۆك بارزانى كر كو وه‌ك پێشمه‌رگه‌یه‌ك رۆله‌كێ مه‌زن دیتى یه د شه‌رێ داعشدا و پاراستنا ئاخا كوردستانێ.
نه‌وشیروان مسته‌فا رێكخه‌رێ گشتى یێ بزاڤا گۆران د په‌یڤه‌كێ دا ئاماژه ب وێ یه‌كێ كر كو ئه‌ڤ رێككه‌فتنه بۆ چه‌سپاندنا ئاشتى و ئێكرێزیا ناڤ مالا كورد و باشتركرنا په‌یوه‌ندیێن د ناڤبه‌را به‌غدا و هه‌رێمێ یه، دیسا بۆ خوشكرنا ژیانا خه‌لكى و ئازادى و دادیا جڤاكى یه، هه‌روه‌سا بۆ زه‌لالكرنا داهاتێ ڤێ هه‌رێمێ یه ب تایبه‌ت داهاتێ نه‌فت و غازێ، دیسا بۆ ئه‌نجامدانا چاكسازیانه.
نه‌وشیروان مسته‌فا دیاركر كو د ڤێ رێككه‌فتنێ دا یا گرنگ نه‌وه یا هاتیه نڤیسین، به‌لكو یا گرنگ جێبه‌جێكرنا وێ یه.
ئه‌ڤرۆ نيوز:
وه‌زاره‌تا دارايى و ئابوورى ل حوكمه‌تا هه‌رێما كوردستانێ بڕيار دا رێ ب ڤه‌گوهاستنا راژا فه‌رمانبه‌ران د ناڤ وه‌زاره‌ت و فه‌رمانگه‌هـ و ده‌سته‌يێن سه‌ربه‌خۆدا بهێته دان كو پێشتر يا قه‌ده‌غه‌كرى بوو.
وه‌زاره‌تێ د رێنمايه‌كا نوو دا بڕيار دا ب راستڤه‌كرنا خالا دويێ ژ رێنمايا ژماره 16 يا سالا 2016ێ تايبه‌ت ب راگرتنا ڤه‌گوهاستنا راژا فه‌رمانبه‌ران د ناڤ وه‌زاره‌ت و فه‌رمانگه‌هان دا و ئه‌و رێنما هاته ژناڤبرن.
ئه‌ڤرۆ نيوز:
رێكخه‌رێ گشتيێ بزاڤا گۆڕان گه‌هشته ده‌باشان بۆ ئيمزاكرنا رێكه‌فتناما د ناڤبه‌را گۆڕان و ئێكه‌تيێ دا ل مالا مام جه‌لال.
ب مه‌ره‌ما ئيمزاكرنا رێكه‌فتنا ناڤبه‌را گۆڕان و ئێكه‌تيێ كو ژ 25 مادان پێكهاتيه، هه‌ر ئێك ژ نه‌وشيروان مسته‌فا، رێكخه‌رێ گشتيێ بزاڤا گۆڕان و كوسره‌ت ره‌سۆل جێگرێ ئێكێ يێ سكرتێرێ گشتيێ يێ ئێكه‌تيێ گه‌هشته مالا مام جه‌لال ل ده‌باشان.
بڕياره ئيڤاريا ئه‌ڤرۆ ل ئۆتێلا “شارى جوان” ل سلێمانيێ و درێ و ره‌سمه‌كێ تايبه‌ت دا ئه‌ڤ رێكه‌فتنا ناڤبه‌را ڤان هه‌ردو لايه‌نان بهێته ئيمزاكرن.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 17ى گۆلانا 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1298 |
| 1 يۆرۆيێ ئه‌ورۆپى | 1470 |
| 1 ليرێ توركى | 440 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
ئه‌ڤێن ل خوارێ ئه‌و قانوونێن ته‌پا پێ نه يێن هاتينه گوهۆڕين و بڕياره د يورۆ 2016 دا بهێنه په‌يره‌و كرن:
1- په‌نه‌لتی:
- راهێنه‌ری ماف هه‌یه د ده‌مێ په‌نه‌لتیێ دا گۆلپارێزی ب گهۆریت و یاریكه‌رێ خۆ بگهۆریت.
– دێ پشككێشان بۆ هه‌ردو تیمان هێته كرن كیش تیم دێ په‌نه‌لتییا ئێكێ دانیتی.
– د ده‌مێ په‌نه‌لتیێ دا چێنابیت ته‌پا خۆ بكه‌ته پاس و یێ وه‌بكه‌ت دێ ب كارتا زه‌ر هێته سزادان
– چێنابیت یاریكه‌ر لڤینێ د له‌شێ خۆ دابكه‌ت دده‌مێ هاڤێتنا ته‌پێ.
– گۆلپارێز دێ ب كارتا زه‌ر هێته سزادان ئه‌گه‌ر لیڤین كر به‌ری هاڤێتنا ته‌پێ ژ په‌نه‌لتیێ.
2- ئۆفسایت
– ئۆفسایت دهێته هژمارتن د جهێ هاڤێتنا ته‌پێ
3- ته‌په ب ده‌ستی بكه‌ڤیت:
– پێدڤی ناكه‌ت كارتا زه‌ر بۆ یاریكه‌ری ئه‌وێ ته‌په ب ده‌ستی د كه‌ڤیت، بتنێ ئه‌گه‌ر هێرشه‌كا هه‌ڤدژ یا تیما هه‌مبه‌ر بۆ ئه‌گه‌ر ته‌په ب ده‌ستی كه‌ڤت دێ كارتا زه‌ر وه‌رگریت.
4- ته‌پا ده‌ستپێكێ:
– بۆ هه‌ر لایه‌كی یاریكه‌ر دشێت ته‌پا خۆ یا ده‌ستپێكی ببه‌ت.
5- بڕیارێن دادڤانی:
– ئه‌گه‌ر یاریكه‌ری ژ پشت ڤه یاریكه‌رێ تیما هه‌مبه‌ر گرت دێ ب كارتا زه‌ر هێته هۆژداركرن، ئه‌گه‌ر بێ تۆندی یان دۆباره یاریكه‌ر گرت دێ ب كارتا سۆر هێته ده‌رئێخستن.
6- چاره‌سه‌رییا هنگاڤتییان:
– بۆ یاریكه‌رێ هنگاڤتی هه‌یه چاره‌سه‌رییا وی بهێته كرن دناڤ یاریگه‌هێ دا ئه‌گه‌ر یاریكه‌رێ تیما هه‌مبه‌ر كارتا هۆژداریێ وه‌رگرت بیت.
7- ده‌مێ ناڤبڕ:
– دادڤانی مافێ هه‌یی یاریێ راوه‌ستینت زێده‌تر ژ جاره‌كێ بۆ هندێ یاریكه‌ر بچن ئاڤێ ڤه‌خۆن.
8- ریكلامێن د ده‌وروبه‌رێ یاریگه‌هێ دا.
– دڤێت ریكلام دوور بن ژ یاریگه‌ها ته‌پاپێی كێمتر نه‌بیت ژ متره‌كێ.
9- ئالایێ ره‌خودورێن هێلا یاریگه‌هێ:
– درۆسته لسه‌ر ئالایێن ره‌خودورێن هه‌رچوار كۆژیێن هێلا یاریگه‌هێ لۆگۆیێن یانه‌یێ و ئێكه‌تییان لسه‌ربن.
10- ئامیرێن ئه‌لكترۆنی و په‌یوه‌ندیان:
– چێنابیت كادرێ راهێنانێ و یاریكه‌رێن پێكهۆر ئامیرێن ئه‌لگترۆنی و په‌یوه‌ندیان ب كاربینن.
11- چلۆبه‌رگێن تیمێ:
– چێنابیت یاریكه‌ر شۆرته‌كی یان لسقه‌كا نه یا گۆنجایی دگه‌ل ره‌نگێ پێكهاتیێ هه‌موو تیمێ لبه‌ر بیت.
12- یاریگه‌ها ته‌پاپێی:
– چێنابیت یاری لسه‌ر یاریگه‌هێن ده‌ستكرد( فریزه‌ی) بهێنه كرن.
ژ لايێ محه‌مه‌د عه‌لى ئێتووتى به‌رپرسێ راگه‌هاندنا يانا دهۆك يا وه‌رزشى ڤه هاتيه به‌رهه‌ڤكرن
ئه‌ڤرۆ نيوز:
د چارچۆڤێ وان چاكسازيێن سه‌رۆكێ هه‌رێما كوردستانێ مه‌سعود بارزانى ئه‌ڤرۆ رۆژا سێشه‌مبى بڕيارا ده‌سته‌سه‌ركرنێ بۆ مه‌زنه بازرگانا وارێ به‌رهه‌مئينانا په‌ترۆلێ ل هه‌رێما كوردستانێ ده‌رچوو.
ب گۆره‌ى وان پێزانينێن کوردستان 24 به‌لاڤكرين، سه‌رۆكێ هه‌رێما كوردستانێ فه‌رمانا ده‌سته‌سه‌ركرنێ بۆ چارخان ره‌فيق مه‌زنه بازرگانا وارێ په‌ترۆلێ ل هه‌رێما كوردستانێ ده‌ركر، ئه‌و ب خوه ژى ماوه‌كه ژ كوردستانێ ده‌ركه‌فتى چوويه ژ ده‌رڤه‌ى وه‌لاتى.
چراخان ره‌فيق هه‌ڤژينا وه‌زيرێ سامانێن سرۆشتى ل حوكمه‌تا هه‌رێما كوردستانێ، ئاشتى هه‌ورامى بوو، به‌لێ به‌رى چه‌نده‌كێ يه، چراخانێ راگه‌هاندبوو كو ئه‌و ژ هه‌ڤژينێ خوه جودا بوويه و نوكه ل ژ ده‌رڤه‌ى وه‌لاتى دژيت.
ئه‌ڤرۆ نيوز:
هێمن هه‌ورامى، به‌رپرسێ مه‌كته‌با په‌يوه‌نديێن ژ ده‌رڤه يا پارتى ديموكراتى كوردستان راگه‌هاند، شانده‌كێ بلندێ كوردستانێ ده‌رباره‌ى ئه‌نجامدانا ريفراندۆمێ و دانوستاندنێ ل سه‌ر چاره‌كرنا كێشێن ناڤبه‌را هه‌ردولا دێ سه‌ره‌دانا به‌غدا كه‌ت.
به‌رپرسێ مه‌كته‌با په‌يوه‌نديێن ژ ده‌رڤه يا پارتى ديموكراتى كوردستان ئه‌ڤ گۆتنه د چارچۆڤێ پێشوازيكرنا خاتين “زه‌ينه‌ب علياڤا” كاربرێڤه‌به‌را حوكمه‌تا كه‌نه‌دا ل هه‌رێمێ كرن.
هێمن هه‌ورامى د ديدارێ دا ئاماژه ب وێ چه‌ندێ ژى كر كو هه‌كه حوكمه‌تا به‌غدا پابه‌ندى برگێن دستوورى و رێكه‌فتنامان نه‌بيت و مه‌رجێ شه‌راكه‌تا راسته‌قينه و پيكڤه‌ژيان و ته‌بايێ د نناڤبه‌را پێكهاتان دا به‌رچاڤ وه‌رنه‌گريت، دبيت ريفراندۆم بهێته كرن.
هه‌ورامى گۆتژى: “د ده‌مه‌كى دا هه‌كه هه‌ردولا نه‌گه‌هشتنه رێكه‌فتنێ، ريفراندۆم دێ هێته ئه‌نجام دان و دێ گرێداى بڕيارا ملله‌تى بين”.
ئه‌ڤرۆ نيوز:
ئه‌ندامێ په‌رله‌مانێ كوردستانێ، د. عه‌بدولا جاسم رێكانى، ل په‌يجێ خوه يێ تۆڕا جڤاكيا فه‌يسبۆكى بابه‌ته‌ك ل دۆر رێكه‌فتناما گۆڕان و ئێكه‌تيێ به‌لاڤكريه و پرسياره‌ك ژ خوانده‌ڤانێن فه‌يسبۆكى كريه: چاوان ئێکەتیێ کچەکا 10 سالی یا وەکو گۆڕان مارەکر، ئەرێ بابەت مارەکرنە یان (زواج المتعە) یە؟
دكتور د نڤيسينا خوه دا چه‌ند پرسياران دكه‌ت و دبێژيت ئه‌ڤ پرسيارێن ساده بۆ ملله‌تێ فه‌يسبۆكى نه و ره‌خنه‌يێن سڤكن و ب سينگه‌كێ به‌فره‌هـ وه‌رگرن.
ده‌قێ نڤيسينا دكتۆرى:
دا پیچەک جەوێ خو ب گورین!
جەند پسیارەکێت سادە بو مللەتێ فیسبوکێ: ھیڤیدارین رەخنێت سڤک ب سینگەکێ فرە وەربگرن
١- بدیتنا وە، ئەڤ ھەڤژینیا چێ بوی دمابەینا ئێکەتیێ و گوران دا، دێ یا بەردەوام بیت، یان ژی دێ، بتنێ”ھەڤژینیا خوشیێ بیت” (زواج المتعە)؟.
٢- ھەرێ، ما، شەرعەن و قانونەن، چێدبیت ھەڤژینی بێتە کرن دگەل زاروکا. تەمەنێ گوران، نا بیتە دە سال، و دسەر ھندێ را ژی، د بیتە کچا ئێکەتیێ!! ما نە حەرامە؟!
٣- کیش لایەنێ سیاسی دێ ب رولێ “المآذون الشرعی” رابیت. کومەل، ئیران. یان حکمەتا عيراقێ؟
٤- ھەکە ھەڤژینیێ سەرگرت، و خودێ ھاتە کەرەمێ، و چەند زاروک ژێ بون (حەلەبچە، گەرمیان، کرکوک، وخانقین)، ھەرێ ما ژمارا ڤان زاروکا و روبەرێ خانیێ وا، پتر نا بن ژ زاروک و خانیێ پارتی و لایەنگرێت وی “ھەکە ھەبن”؟
٥- ھەکە بوریەکا گازێ ژی ھاتە فرێکرن ب رێکا ئیرانێ، و داھاتێ وێ، ھاتە تەرخانکرن بو خێزانا نی، ما ئەو خێزان، بێ مننەت نا بیت و خو ب خو رێڤەببەت؟
٦- یەعنی، ھەرێما مە، دێ بیتە دوو ھەرێم، یەعنی، بای بای دەولەتبوون.
٧- یەعنی، خودێ نەکەت، سایکس-پیکو یەکا “خومالی” دێ دروسبیت و نە دیرە، ئەو ژی سەد سالێن دی ب کێشیت!!
٨- د سەر ھندێ را ژی، سترانبێژێ دەنگ خوش شڤان پەرورەر دێ ھە ر و ھەر بێژیت و کتە ھەوار ” کینە ئەم و کینە ئەم” ؟ ئەم داکوکەینە، ودوژمنێ سەرێ خویی نە، قربان.
نيشاندان
