ئه‌ڤرۆ نيوز:
ڤیدیۆيا ده‌مێ گرتنا فیگەن یوکسەکداغ به‌لاڤ دبيت
نووترين نووچه
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
- سەرۆكێ هەرێما كوردستانێ و قونسلێ ئەلمانیا پێكئینانا حوكمەتا هەرێمێ گەنگەشەكر
- نێچیرڤان بارزانی پێشوازی ل قونسلێ مسرێ كر
- مەسرور بارزانی بۆ سۆدانی: پێدڤییە مووچە ژ ناكۆكییا سیاسی بهێتە دوورئێخستن
- گۆتن و کریارێن دەستهەلاتێ ل دۆر پرسا کوردی گەلەک ژێک دوورن
- سەرۆك بارزانی: دانیێل میتێران رۆلەكێ گەلەك مەزن د بەرگریكرنێ ژ دۆزا گەلێ كورد دا هەبوو
- نێچیرڤان بارزانی: پێکڤە دێ شێین روو ب روویێ گوهۆڕینا سەقای بین
- پێدڤییە سەرژمێری بۆ مەبەستێن سیاسی نەهێتە بكارئینان
سه‌ره‌كى Twitter
دەمیرتاش و یۆکسەکداغ هاتنە گرتن
ئەڤرۆ نیوز،زنار تۆڤی:
ل سپێدەهیا رۆژا ئەینی 4.11.2016 پۆلیسێن تورکیا هەردو هەڤسەرۆکێن هەدەپێ سەلاحەدین دەمیرتاش و فیگەن یوکسەکداغ و ل گەل چەندین پەرلەمانتارێن دی یێن هەدەپێ گرتن. وەزارەتا نافخوە یا تورکی بەیاننامەیەک راگەهاندیە”کو ل سەر بریارا دادگەهێ پەرلەمانتارێن هەدەپێ هاتینە گرتن و ل دەمژمێر ئێکی بەری سپێدێ هەر ئێک ژ سەلاحەدین دەمیرتاش و فیگەن یوکسەکداغ هەڤسەرۆکێن هەدەپێ و ئدریس بالۆکەن جێگرێ فراکسیۆنا هەدەپێ ل پەرلەمانێ تورکیا ل ئەنقەرە و فەرهاد ئەنجۆ پەرلەمانتەرێ هەدەپێ یێ شەرنەخێ کو ستەمبۆلێ ژلایێ پۆلیسان ڤە هاتیە گرتن. ل گۆر زانیاریان هەڤسەرۆک و پەرلەمانتارێن هەدەپێ د ئۆپەراسیۆنەکا هەڤبەش دا و ژلایێ پۆلیسێن دژە تیرۆرێ هاتینە گرتن و هاتینە رەوانەکرن بۆ دادگەها ئامەدێ و نوکە لێپرسین یا ل گەل دهێتەکرن. هەروەسا ل ئەنقەرێ دەمێ ئدریس بالۆکەن هاتییە گرتن گرژی و ئالۆزی دناڤبەرا پۆلیسا و لایەنگرێن هەدەپێ روودا و بالۆکەن ب زۆری کرە دناڤا ترۆمبێلێ دا و گرت،دیسا پەرلەمانتارێن دی یێن هەدەپێ زەیا بیر،سەلما ئیرماک،نورسەل ئەیدۆغان،لەیلا برلیک،فەرهاد ئەنجۆ،سری سۆرەیا ئەندەر،عەلی ئەسلان هاتینە گرتن.
نونه‌رێ ئوباما: سوپايێ عيراقێ يێ چوويه ناڤ مووسل
دو ملیۆن دۆلار بۆ ھاتنوچوونا مامۆستایێن دھۆکێ ھاتنە تەرخانکرن
ئەڤرۆ نیوز، لەزگین جوقی:
بەرپرسێ پشکا راگەھاندنێ ل رێڤەبەریا گشتيا پەروەردا پارێزگەھا دھۆکێ دیارکر رێکخراوا Giz یا ئەلمانی رازەمەندیا وەلاتێ ئەلمانیا وەرگرت بۆ مەزاختنا کوژمێ دو ملیۆن دولاران بۆ ھاتنوچوونا مامۆستایێن پارێزگەھا دھۆکێ و ل ڤێ ھەیڤێ دێ دەست ب مەزاختنێ ھێتە کرن.
ئه‌حمه‌د زوبێر، به‌رپرسێ پشكا راگه‌هاندنێ ل رێڤه‌به‌ريا گشتيا په‌روه‌ردا پارێزگه‌ها دهۆكێ دياركر كو پتر ژ حه‌فت هزار مامۆستايێن پارێزگه‌ها دهۆكێ هاتنوچوونێ ل قه‌زا و ناحيه و كۆمه‌لگه‌هـ و گوندێن سه‌ر ب پارێزگه‌ها دهۆكێ ڤه دكه‌ن و به‌رده‌وامى دايه پرۆسا خواندنێ و ئه‌ڤ ژمارا مامۆستايان دێ ل گۆر دوور و نێزيكيا جهێ ئاكنجيبوونێ و ده‌وامێ پارێ هاتنوچوونێ وه‌رگرن.
زۆبێر گۆتژى: “ب ئاماده‌بوونا لايه‌نێن په‌يوه‌نديدار ئه‌ڤ رێكه‌فتنه هاتيه كرن و رێكخراو دێ پارێ هاتنوچوونا مامۆستايان ب ستوويێ خوه ڤه گريت و په‌روه‌رده دێ ميكانيزمه‌كا گۆنجاى ده‌ستنيشان كه‌ت بۆ مه‌زاختنێ پاره‌ى ل سه‌ر هه‌موو مامۆستايێن هاتنوچوونێ دكه‌ن”.
زێده‌ترى هزار زارۆيێن گۆندێ فازليێ هاتنه ڤاكسيندان
ئەڤرۆ نیوز، لەزگین جوقی:
سەرپەرشتێ ساخلەمیێ ل میحوەرێ ناوەران_ باشیک دیارکر كو پشتی ئازادکرنا گۆندێ فازلیێ تیمێن ساخلەمیا دھۆکێ دەست ب ڤاکسیندانێ کرن، هزار و63 زارۆ ل گۆندی فازلیێ ڤاکسیندان.
ئەحمەد محەمەد سالح، سەرپەرشتێ ساخلەمیێ ل میحوەرێ ناوەران_ باشیک دیارکر ھەموو زارۆیێن دبن ژیێ 15 سالیێ دا ل دژی ڤالنجا زارۆيا و نەخۆشیا سورکا ل گۆندێ فازلیێ دێ ھێنە ڤاکسیندان.
گۆتژی: “ھەموو دەڤەرێن ھاتینە ئازادکرن زارۆ دێ لێ دھێنە ڤاکسیندان و ساخلەمیا دھۆکێ ھەموو بەرھەڤیێن خوە کرینە بۆ کونترولکرنێ ل سەر نەخۆشیا و نەھێلانا بەلاڤبوونا نەخۆشیان و پێدڤیە رێکخراوێن د وارێ ساخلەمیێ دا کار دکەن زێدەتر ھەڤکاریا ساخلەمیێ بکەن بۆ چارەسەریا ئاوارێن شەری نەینەوا”.
ب وێنه: هاتنا ئاوارێن مووسل
کرێکارەکی گیانێ خوە ژ دەست دا
ئەڤرۆ نیوز، مەحمود نھێلی:
د روودانەکی دا ل کومەلگەھا ھێتوتێ یا سەر ب ناحیا دێرەلۆک ڤە کرێکارەکی تەمەن 26 سالی گیانێ حوە ژ دەست دا.
ژێدەرەکی ژ بنگەھێ پولیسێن دێرەلۆک بۆ ئەڤرۆ نیوز دیارکر، کو ل بەری نیڤروا ئەڤرۆ 3\11\2016 ئەو ھاتنە ئاگەھدارکرن ل سەر روودانەکی ل کومەلگەھا ھێتوتێ و گۆت ؛ پشتی ئەم گەھشتینە جھێ روودانێ دیار بوو کو کرێکارەکی کومپانیا دارین ل دەمی گرێدانا بوریێن پرۆژێ ئاڤا ستراتیژی یێ ئاڤێ ئاخ ب سەر دا دھێت و گیانێ خوە ژ دەست ددەت.
ھەر دڤێ دەربارێ دکتور رێدیر ل بنگەھێ ساحلەمیا دێرەلۆک بو ئەڤرۆ دیار کر ل دەمێ گەھاندنا وی بو نەخوشخانێ گیانێ خوە ژ دەست دا بوو و ئاشکرا کر کو قوربانی خەلکێ پارێزگەھا دھوکی یە و ژ دایکبوویێ 1990 یە و پشتی وەرگرتنا پێرابوونێن دەسپێکی بو نوژداریا داد ھاتە ھنارتن
پشكا هه‌رێمێ د بۆدجا 2017ێ يا عيراقێ دا بنه‌جهبوو
ئه‌ڤرۆ نيوز:
نه‌دا مێرگه‌سۆرى، ئه‌نداما جڤاتا نوونه‌رێن عيراقێ بۆ ماڵپەڕی فەرمیی پارتی دیموکراتی کوردستانی راگه‌هاند كو لژنێن په‌يوه‌نديدار ل جڤاتا نوونه‌رێن عيراقێ د به‌رده‌وامن ل سه‌ر دانوستاندنێ ل سه‌ر پرۆژێ قانوونا بۆدجا گشتى يا عيراقێ بۆ سالا 2017ێ.
ب گۆره‌ى گۆتنێن نه‌دا مێرگه‌سۆرى د پرۆژێ قانوونا سالا 2017ێ دا، 17% ژ به‌هرا هه‌رێما كوردستانێ و شايسته‌يێن داراى يێن هێزێن پێشمه‌رگێ كوردستانێ هاتينه بنه‌جهكرن.
دژه تيرۆرا عيراقێ چو ناڤ ڤى تاخێ مووسل
ئه‌ڤرۆ نيوز:
هێزێن دژه تيرۆرا عيراقێ ئه‌ڤرۆ ژ سێ لايان ڤه چوونه ناڤ تاخێ كه‌رامه ل رۆژهه‌لاتێ باژێرێ مووسل.
تاخێ كه‌رامه يێ دويێ يه هێزێن ئه‌منى دچنه د ناڤ دا، پشتى به‌رى نوكه تاخێ گۆگجه‌لى ب ته‌مامى كونترۆل كرى.
ئه‌ڤ هێرشا دژه تيرۆرێ د ده‌مه‌كى دايه كو به‌رى دو رۆژايه ب ته‌مامى ده‌ستێ خوه دانابوو سه‌ر ئاڤاهيێ كه‌نالێ مووسل يێ حكۆمى.
ئه‌ڤرۆ رۆژا پێنجشه‌مى ئه‌بۆ به‌كر به‌غدادى، خه‌ليفێ داعش د تۆماره‌كا ده‌نگى دا داخواز ژ چه‌كدارێن خوه كر كو خوه نه‌ڤه‌كێشن و شه‌رى ل هه‌مبه‌ر له‌شكرى عيراقێ و هێزێن پێشمه‌رگه‌ى و حه‌شه‌د شه‌عبى بكه‌ن.
سه‌قايێ رۆژا ئه‌ينى
رێڤه‌به‌ريا كه‌شناسى و بيڤه‌له‌رزێ ل هەرێما کوردستانێ راگه‌هاند كو سوبه‌هى رۆژا ئه‌ينى رێكه‌فتى 4ى چريا دويێ 2016ێ دێ ساهى بيت.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ هاتنا فشارێن بلندێن رۆژهه‌لاتێ توركيا بۆ سه‌ر هه‌رێما كوردستانێ دهێته پێشبينيكرن ئه‌سمانێ دهۆكێ ساهى بيت.
پشكا پێشبينيان دايه زايه زانين كو دێ ئاراستێ باى ژى دێ باكوورێ رۆژهه‌لات بيت ب ره‌نگه‌كى د ناڤبه‌را 5 هه‌تا 10كم دا و ماوێ ديتنێ ژى دێ د ناڤبه‌را 8 بۆ 10 كم دا بيت، پلێن گه‌رمێ ژى دێ ب 1 بۆ 2 پلان بلند بيت ب ره‌نگه‌كى د ناڤبه‌را 7 بۆ 21 پلان دا بيت.
نيشاندان
WP Facebook Auto Publish Powered By : XYZScripts.com