ئه‌ڤرۆ نيوز:
په‌رله‌مانتارێن مانگرتى يێن عيراقێ راگه‌هاندينه كو ئه‌و پشكداريێ د كومبوونا رۆژا ئێك شه‌مبى يا په‌رله‌مانێ عيراقێ دا ناكه‌ن.
د راگه‌هاندنه‌كێ دا، په‌رله‌مانتارێن مانگرتى دياركريه كو ئه‌و به‌شداريێ د چ كومبوونێن په‌رله‌مانى ناكه‌ن كو سه‌ليم جبورى سه‌رۆكايه‌تيا وێ بكه‌ت و پابه‌ندى چ داخوازيه‌كا نابن كو ژ ئاليێ جبورى ڤه بۆ وان هاتبيته شاندن.
ئامێدیێ، مه‌حمود نهێلى:
فرۆكه‌یێن له‌شكه‌رێ توركیا به‌رى نیڤرۆ یا ئه‌ڤرۆ ئه‌ینى 13/5/2016 بۆ ماوێ سێ ده‌مژمێران چه‌ند گوند و جهێن ده‌ڤه‌را ئامێدیێ كرنه ئارمانج و ترسه‌كا زۆر ئیخسته دلێ خه‌لكى ده‌ڤه‌رێ.
شایه‌ت حاله‌كێ بۆ ئه‌ڤرۆ نیوز دیاركر، كو ل ده‌ژمێر 11 به‌رى نیڤرۆ پتر ژ 8 فرۆكه‌یان سنورێ هه‌رێما كوردستانێ ده‌رباز كریه و ب دژوارى ده‌ڤه‌ر بۆردوومانكریه و گۆت: ( بوردوومانا ڤێ جارێ ده‌ڤه‌را گیزانێ ل بنگه‌لیێ سه‌رگه‌لى و پشتا گه‌لى و چه‌ندین گوندێن دى یێن بنارێ چیایێ مه‌تینا ل ده‌ڤه‌را نهێلێ و دیسان چه‌ندین ده‌ڤه‌ره‌كێن دى یێن ناڤ به‌روارى بالا بوونه ئارمانجا بوردومانا فرۆكه‌یێن له‌شكه‌رێ توركیا).
ئه‌ڤێ بۆردوومانێ بۆ ماوێ سێ ده‌مژمێران ڤه‌كێشا و تا نها زیانێن جانى و مالى یێن ڤێ بوردومانێ نه‌هاتینه زانین.
ئه‌ڤرۆ نيوز:
سه‌رۆكايه‌تيا ئه‌ركانێن سوپايێ توركيا د به‌ياننامه‌كێ دا راگه‌هانديه كو د پێكدادانێن د ناڤبه‌را چه‌كدارێن په‌كه‌كێ و سه‌ربازێن سوپايێ توركيا دا، ل باژاروكێ چوكورجا، شه‌ش سه‌رباز هاتينه كوشتن، هه‌ڤده‌م ژ ئه‌نجامێ كه‌فتنه خوارا هه‌ليكوپته‌ره‌كێ كو ب مه‌ره‌ما به‌رهنگاربوونا په‌كه‌كێ ره‌وانه‌ى ده‌ڤه‌رێ هاتبوو كرن، فرۆكه كه‌تى نه و دو فرۆكه‌ڤان هاتينه كوشتن.
ئه‌ڤرۆ نيوز:
پارتى ديموكراتى كوردستان دێ ل سه‌ر ئاستێ سه‌ركرداتيا خوه سه‌ره‌دانا لايه‌نێن سياسى كه‌ت ژ بوو دانوستاندنێ ل سه‌ر پرسا ريفراندۆمێ ل هه‌رێما كوردستانێ.
چنار سه‌عه‌د، ئه‌نداما سه‌ركرداتيا پارتى ديموكراتى كوردستان د داخۆيانيه‌كێ دا بۆ رووداو راگه‌هاند: ئه‌و ده‌رفه‌تا نوكه هاتيه پێش يا زێرينه و ب بۆچوونا سه‌ركرداتيا پارتى دبيت ئه‌ڤ ده‌رفه‌ته دووباره نه‌بيت ژ به‌ر هندێ ژى دێ ل گه‌ل لايه‌نێن سياسى بۆ ڤێ مه‌ره‌مێ ده‌ست ب دانوستاندنان كه‌ن.
ب گۆره‌ى پێزانينێن ل به‌ر ده‌ست ئێكه‌تى دێ لايه‌نێ ئێكێ بيت، پارتى ديموكراتى كوردستان سه‌ره‌دانا وێ بكه‌ت و ئێكگرتوو ژى دێ ژ لايه‌نێن ده‌سپێكى بيت ژ به‌ر په‌يوه‌نديێن وان يێن خۆش ل گه‌ل پارتى، به‌لێ هێشتا يا ديار نينه، كا دێ گۆڕان ئاماده‌يا خوه ده‌ربڕيت بۆ دانوستاندنێ ل گه‌ل پارتى ديموكراتى كوردستان بۆ ڤێ مه‌ره‌مێ يان ژى نه.
ئەڤرۆ نیوز،زنار تۆڤی:
ئەڤرۆ شەرەرەکێ دژوار دناڤبەرا پەکەکێ سۆپایێ تورکی ل دەڤەرا جۆلەمێرگێ دەستپێکر و سۆپایێ تورکی ھێزەکا مەزن رەوانەی ڤی باژێری کریە و ئەڤ باژێرە و باژێرێ چەلێ ژی گەمارۆدایە و ب فرۆکێن f 16 نوکە سۆپایێ تورکی وان دەڤەران بوردۆمان دکەت و د ھەمان دەمدا دڤی شەری دا چەندین کوشتی و بریندار ژلایێ سۆپایێ تورکی ڤە ھەنە،ھەر ئەڤرۆ فروکەکا کوبرا ل وێ دەڤەرێ ھاتیە تێکشکاندن ژلایێ پەکەکێ ڤە و نوکەژی شەر یێ بەردەوامە.ەلک ئێدی نەھێنە سەر گوندان و ب ڤێ چەندێ زیان دێ گەھیتە کەرتێ چاندنێ و لایەنێ ئاڤاکرنا گوندان.
ئەڤرۆ نیوز،زنار تۆڤی:
ژ ئەنجامێ بوردومانکرنا بەردەوام یا تۆپخانەیا سۆپایێ تورکی بۆ دەڤەرا بەرواری بالا چەندین زیانێن ماددی گەهشتینە خەلکێ ڤێ دەڤەرێ، ل ئێڤاریەکا درەنگ تۆپخانەیا سۆپایێ ل گوندێ گێمانێ چەندین تۆپ هاڤێژتینە گوندێ ئۆرە ل بەرواری بالا و د ئەنجامدا تۆپەک ب خانیێ وەلاتیەکێ گوندی دکەڤیت و خانیێ وی دهەرفینیت و هەروەسا ترومبێلەک نێزیکی وی خانی بوو،ئەو ترۆمبێل ژی پەرتاندیە و ڤێ چەندێ ترسەکا مەزن لدەف خەلکێ گوندی پەیداکریە و ئێدی ژیانا وان کەفتیە د مەترسیێ دا.
ئه‌ڤرۆ نیوز:
رێكخراوا یونیسێف بهه‌ڤگارى دگه‌ل رێڤه‌به‌ریا چاكسازیا ئافره‌ت وسنێلان/دهوك دێ رابیت ب ڤه‌كرنا خوله‌كا شه‌ش هه‌یڤى بو گرتیێن سنێله یێن دناڤا چاكسازیێ كو ئه‌ڤ خوله پێك دهێت ژ وه‌رشێن فێركرنا كارێ كاره‌بێ وچاككرنا موبایل و دانان و چاككرنا سپلێتان ،
زه‌كی سالح رێڤه‌به‌رێ چاكسازیێ بو ئه‌ڤرو نیوز راگه‌هاند كو وه‌كو مفا وه‌رگرتن ژ بهێن ڤه‌دانا هاڤینێ وژبو هندێ گرتى یێن سنێله مژیل ببن ومفاى ژ وه‌ختێ خو وه‌رگرن رێڤه‌به‌ریا چاكسازیێ به‌رده‌وام خولان ڤه‌دگه‌ت وبو ئه‌ڤ ساله ژى باشترین خولێن فێركرنێ دێ هێنه ڤه‌كرن وبسه‌ر په‌رشتیا كه‌سانێن شاره‌زا وبسپور د بوارێ پێشه‌یی دا .
ئه‌ڤرۆ نيوز:
نێچيرڤان بارزانى سه‌رۆكێ حوكمه‌تا هه‌رێما كوردستانێ د په‌يامه‌كێ دا سالڤه‌گه‌را دامه‌زراندنا بنگه‌هێ لالش پيرۆز كريه كو ئه‌ڤه‌ژى ده‌قێ وێ يه:
رێزداران ل دەستەیا بلندا بنگەهێ لالش ـ دهۆك
ب هـەلكەفتا بیرەوەریا بوورینا ٢٣ ساڵان ژ خەبات و خزمەتا بنگەهێ لالش و ڤێخستنا شەمالكا ٢٤ ساڵیێ، گەرمترین پیرۆزباهیێ ئاراستەى تەڤایا بنگەهـ و نڤیسگەهـ و ئەندام و كادرێن وە و كوردێن ئیزدى ب گشتى دكه‌ین.
بنگەهێ لالش دەستكەفتەكێ گرنگێ بزاڤا ڕزگاریخوازا كوردستانێیە كو ساڵا ١٩٩٣ێ لژێر دروشمێ (لالش كانیەكا زەلالە دهورتە د ڕووبارێ ڕەوشەنبیریا كوردیدا) ئاڤا بوو. دگه‌ل هه‌مى ئالۆزى و ئاستەنگێن دكەتنە پێشیا ڤى بنگەهێدا، لێ ب هـەولدان و ماندیبوونا ڕەوشەنبیر و ئەكادیمى و خەمخۆرێن كولتوور و جڤاكا ئێزدییان، بنگەهێ لالش خوە ڕاگرت، بەردەوام پێشكه‌ت و وه‌كى دەزگایەكێ نەتەوه‌یى، ئاینى، ڕەوشەنبیرى و جڤاكى دناڤا سازی یێن هـەرێما كوردستانێدا، جهـەكێ هێژا گرت.
حكوومەتا هەرێما كوردستانێ ب ئەركێ خوە زانیە كو پشتەڤانییا كار و خەباتا بنگه‌هێ لالش بكه‌ت داكو بكاریت باشتر خزمەتا تایبەتمەندییا ئێزدییان بكه‌ن. جینۆسایدا دەڤەرا شنگالێ و ئه‌و زوڵم و ستەم ژى یاكو تیرۆرستێن داعش ل ئێزدییان كرى، مە هان ددەت كو زێدەتر خزمەتا جڤاك و سازیێن ئیزدیان بكەین داكو ب باشترین شێوە و ب ئارامى ل سەر ئاخا خوە و نێزیكى پەرستگەهـ و پیرۆزییێن خوە ل كوردستانێ، ژیان و كار و خەباتێن خوە بدۆمینن.
دیسان وە پشتڕاست دكەین كو هـەولدانێن مە دبەردەوامن ژبۆ كەیسا بجینۆسایدناساندنا كارەساتا شنگالێ لسه‌ر ئاستا نێڤده‌وله‌تى، هه‌روه‌سا ڕۆلێ بنگەهێ لالش پشتى ڕوودانا كارەساتێ ژبۆ خزمەتكرنا لێقەومییان و هـەلوێستا وى یا بەڕەڤانیكرنێ ژ ئاخ و ئایین و جڤاكا كوردێن ئیزدى، ب ڕێز و بلند دنرخینین.
دوبارە ساڵڤه‌گه‌ڕا دامەزراندنا بنگەهێ لالش پیرۆز دكەین و هیڤیا بەردەوامى و پیشڤەچوونێ بۆ كار و خەباتا وە دخوازین.
نێچیرڤان بارزانى
سه‌رۆكوه‌زیرێ هه‌رێما كوردستانێ
12/5/2016
ئه‌ڤرۆ نيوز:
عه‌باس ئه‌كره‌م، په‌يڤدارێ وه‌زاره‌تا خواندنا بلند راگه‌هاند كو عه‌بدوله‌تيف سه‌له‌فى وه‌كو وانه‌بێژ و جێگرێ راگرێ په‌يمانگه‌ها زانستێن ئيسلامى ل زانكۆيا سلێمانيێ هاتيه دوورخستن.
عه‌باسى دياركر كو دو لژنه ل دۆر پرسا ژن ئينانا مه‌لا عه‌بدوله‌تيف سه‌له‌فى هاتينه پێكئينان و تا پرس ئێكلايى نه‌بيت، نابيت ده‌وامێ بكه‌ت.
نيشاندان