ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 4ى ئه‌يارا 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1287 |
| 1 يۆرۆيێ ئه‌ورۆپى | 1470 |
| 1 ليرێ توركى | 455 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
چه‌كدارێن ميليشياتێن حه‌شه‌د شه‌عبى ئالايێ كوردستانێ ل سه‌ر فه‌رمانگه‌هێن باژێرێ خورماتۆ ئينا خخوار و به‌رپرسه‌كێ كورد ژى د راگه‌هينيت كو ئه‌ڤێ جهێ قه‌بوولكرنێ نينه.
ئه‌حمه‌د شێخ له‌نگه‌رى، به‌رپرسێ ناوچا پارتى ديموكراتى كوردستان ل خورماتۆ رۆژا چارشه‌مبى 4ى ئه‌يارا 2016ێ بۆ باسنيوز راگه‌هاند كو ئالادانا ئالايێ كوردستانێ ل سه‌ر فه‌رمانگه‌هێن حكوومى “جهێ قه‌بوولكرنێ نينه” چونكو خورماتۆ ده‌ڤه‌ره‌كا كوردستانى يه و گه‌لێ كورد “قوربانيه‌كا مه‌زن د پێنگاڤى ڤى باژێرى دا دايه”.
ل دووڤ گۆتنا شێخ ئه‌حمه‌د له‌نگه‌رى، ئه‌ڤرۆ چه‌كدارێن حه‌شه‌د “ئالايێ كوردستانێ ل سه‌ر بانكا ره‌شيد ل خوارماتۆ ئينايه خوار”.
ژ ئه‌گه‌رێ په‌قاندنا بۆمبه‌كێ ل نێزيكا مالا ئێك ژ فه‌رماندێن پێشمه‌رگه‌ى ل باژێرێ خورماتۆ ژ لايێ چه‌كدارێن ميليشياتێن حه‌شه‌د شه‌هبى ل ده‌مژمێر 11ى شه‌ڤا شه‌مبى 23ى نيسانا 2016ێ هه‌تا نيڤرۆيا رۆژا ئێكشه‌مبى شه‌ر د ناڤبه‌را هێزێن پێشمه‌رگێ كوردستانێ و چه‌كدارێن ميليشياتێن حه‌شه‌د شه‌عبى دروست بوويه.
ئه‌ڤرۆ نيوز:
چ تە باوەری ب ئەنجامێن ڤێ ڤەکۆلینێ ھەبیت یان نە، ئەنجامدانا سیکسی ب ئاوایەکێ رێکخستی، ھەڤبەندیا ھەڤژینان ب ئاوایەکێ ساخلەم موکم دکەت، ئەڤە ل دووڤ ئەنجامێن ڤەکۆلینەکا نوو ھاتیە ئەنجامدان.
زێدەباری وێ چەندێ، سیکسێ پڕی دلینی وزەیا ئەرینێ د ناڤبەرا ھەڤژینان دا ب ھێز دئێخیت.
بەرھەڤکەرا ڤەکۆلینێ “لیندسی ھیکس” ژ زانکۆیا فلوریدا یا ئەمریکی دبێژیت: مە وەسا ئاشکرا کر کو ئەنجامدانا سیکسی ب ئاوایەکێ رێکخستی باندۆرێ ل سەر ئاستێ دلخۆشیا ھەڤژینان دکەت، رێکخستنا سیکسی ژی باندۆرێ ل عەفەویەتێ دکەت، و ھەستا راکێشانا بەر ب ھەڤپشکی ڤە زێدە کەت.
ژ ئالیێ تیورا پێشکەفتنێ ڤە، ئەنجامدانا سیکسی ب شێوەیەکێ بەردەوام و دوبارە و سێبارە گەلەک مفایێن ھەین، دەلیڤێن دوگیانیێ زێدە دکەت، ھاریکاریا ھەڤژینان ژی دکەت ھەڤبەندیا خوە موکم بکەن و خودانکرنا زارۆیان ژی ب ساناھی دئێخیت.
بەلێ دەمێ ڤەکۆلەران پرسیار ژی ھەڤژینان کری ب ئاشکرایی رازیبوونا خوە ل سەر ھەڤبەندیا سیکسی بێژن، ھەڤژینان چ گرێدان د ناڤبەرا رازیبوونێ و ھژمارا جارێن سیکسی نەدیتن.
ئه‌ڤرۆ نيوز:
وه‌زاره‌تا به‌ره‌ڤانيا بريتانيا راگه‌هاند كو ئه‌وا بڕيار دايه ب سه‌دان شيره‌تكارێن دى يێن له‌شكرى ره‌وانه‌ى عيراقێ و هه‌رێما كوردستانێ بكه‌ت و ئه‌ڤه ژى پشتى داخوازيا ئه‌مريكا بۆ وه‌لاتێن هه‌ڤپه‌يمان و ئورۆپا هات كو داخواز كربوو رۆلێ زێده‌تر هه‌بيت د شه‌رێ دژى داعش دا.
د راگه‌هاندنه‌كێ دا وه‌زاره‌تا به‌ره‌ڤانيا بريتانيا ئه‌ڤ چه‌نده پشت راست كريه و دايه زانين ژى مه‌ره‌م ژ هنارتنا وان شيره‌تكاران بۆ وێ چه‌ندێ يه پتر بشێن بزاڤێن خوه بۆ نه‌هێلانا داعش خورتتر لێ بكه‌ن.
ئەڤرۆ نیوز:
دوبارە و سێبارە پەیرەوکرنا رێجیمێ، سۆتنا روونی د لەشی دا کێم دکەت و دئەنجام دا مرۆڤ گەلەگ سەنگێ ژ دەست نادەت، ئەڤرۆ دێ بۆ ھەوە جۆرەکێ ڤەخوارنێ ئاشکرا کەین کو ب ئێکجاری قەلەویێ ناھێلیت.
پێکھاتە: کەچکەکێ ھنگڤینی، کەچکەکێ دارچینێ، ئاڤا نیمۆکان، کەچکەکێ چایا کەسک و کەچکەکێ زەنجەبیلا قوتایی.
رێیا بەرھەڤکرنێ: ئاڤا نیمۆکان و چایا کەسک و زەنجەبیلێ دێ کەیە ئامانەکی و ئاڤێ کەیە سەر و دانیە سەر ئاگری ھەتا دکەلیت.
پاشی دێ ھێلی ھەتا سار دبیت و دھێتە ڤاڤارتن، پاشی دێ ھنگڤینی و ئاڤا نیمۆکان کەیە سەر و تێکڤەدەی ھەتا پاش تێکھەل دبن.
رۆژانە دێ کۆپەکێ وێ ڤەخۆی و ھەکە تویێ قەلەو بی دێ تە بەژن زراڤ کەت.
ئه‌ڤرۆ نيوز:
جۆرێن خوارنێ ب زانین ھەلبژێرە، بلا سعراتێن گەرمێ یێن زێدە د خوارنەکا کێم دا ھەبن، ھەر تشتێ قەلەوی تێدا خوە ژێ دوور بکە وەکو : شرینیان، پتاتا قەلاندی، خوارنێن ب روون، و ڤان خوارنان ب فێقی و زەرزەواتی بگوھۆرە.
بلا ھندەک بەرفراڤینک و بەرشیڤک ھەبن، ب مەرجەکێ تو بزانی ئەو چ جۆرێن خوارنێ نە، وەکو فێقی و دو کتێن چکلێتێن تۆخ.
بزانە ئەو چ جۆرێن تەڕاتیانە تو ڤەدخۆی، خوە ژ خۆشاڤ و دۆشاڤێن کارخانان و ڤەخوارنێن غازی دوور بکە، و بزانە کا پێدڤیە تو چەند خۆشاڤ و دۆشاڤێن سروشتی ڤەخۆی، ئەڤ چەندە ناھێلیت تەڕاتی ل ناڤتەنگا تە کۆمڤە ببن، یا باش ئەوە تو گەلەک ئاڤێ ڤەخۆی و رۆژانە ژ ھەشت پەرداغان پتر.
وان جۆرێن راھێنانێن وەرزی ھەلبژێرە یێن ناڤتەنگێ زراڤ دکەن و روونی نەھێلن، بلا راھێنانێن تە رۆژانە بن و ب سێ ھەیڤان بەری شەھیانا تە دا ئەنجامەکێ باش بدەستڤە بینی.
ئەڤرۆ، سالار دۆسکی :
ماوەکە چەندین پانزیخانێن ل پارێزگەھا دھۆکێ دەرگەھێن خوە گرتین و ھوسا خوە دیارکرن کو بوویە قەیرانا پانزینێ، ل دور بابەتی بەرپەرێ دوڤچوون ل رۆژناما ئەڤرۆدوڤچوونا بابەتی کریە و ھوکاران دەتە بەرچاڤ.
عەبدوسەمەد تێلی سەرۆکێ لژنا سوتەمەنیێ ل جڤاتا پارێزگەھا دھۆکێ ل دۆر کێمبوونا پانزینێ و گرتنا پانزینخانا بۆ رۆژناما ئەڤرۆ دیارکر کو چ قەیرانێن پانزینێ پەیدا نەبووینە ل پارێزگەھا دھۆکێ وسەرانسەری کوردستانێ و ئەڤا پەیدا بووی بتنێ ھۆکارێ گران بوونا دۆلاری نە و چەندین ئەگەرێن دی.
تێلی زێدەتر ژی گۆت: ژێدەرێن پانزینا کوردستانێ ژ دو ژێدەرانە، ژێدەرەک دەرڤەی کوردستانێ یە و ژێدەرەک دناڤا کوردستانێ دایە، ژێدەر کوردستانێ ئەو پارزینگەھا کەلەکێ یە و ئەوێ پانزین ب کوم کریە 540 دینار و بلند کریە و پێشتر ب 460 فرۆتن پانزین ب کۆم، دیسان پانزین ژ دەرڤە ژی دھات و یا ئەرزان بوو و بەرمیلا گازێ ھەتا 27 دۆلاران بوو و نوکە بلند بوویە و دۆلار ژی بلند بوویە و گەلک پانزین ژ ئیرانێ دھات و دەمێ گەھشت گەلەک بەر فرەە بوو ل بازاری و دەمێ بھایێ گازێ ل سەر ئاستێ جیھانێ بلند بووی وەلاتێ ئیرانێ ژی گاز و بەرھەمێن وێ ل دەرە گرانکرن و ھەر وەرەقکا دولاری ھەشت ھزار دینار چوونە سەر و پانزین گران بوو و دبینم ب وی بھای ئێدی پانزین ناھێت کوردستانێ و ئەف پانزینا ناف خوە ژی ب خوە گران بوویە کو بوویە 540 ئەڤجا پانزینخانە نەرچار بووینە کو ئێدی نەشێن پانزینێ بکرن.
سەرۆکێ لژنا سوتەمەنیێ ئەو چەندەژی گۆت: خودانێن پانزینخانا دووپاتکریە کو کەس نینە پانزینێ بدەتێ و بازرگان پانزینێ نا فرۆشنێ. ھەڤدەم عەبدوسەمەد تێلی دیارکر ژی کو ب مەرەما دیتنا چارەکێ و ل سەر خواستا لژنێن پەیوەندار ب بابەتە ڤە و خودانێن پانزینخانان و گەھشتینە وێ چارەسەریێ کو پانزینا نوکە ب 500 و ب عادی دھاتە ناڤکرن ب 575 دیناران بھێتە فرۆتن و پانزینا محه‌سه‌ن ب 650 دیناران بھێتە فرۆتن، سەرۆکێ لژنا سوتەمەنیێ دووپاتکر ژی کو پانزین ھەیە و ئەڤرۆ دێ ھەر ھێتە فرۆتن و ب تنێ بھایێ پانزینێ گران بوویە.
ھەڤدەم عەبدوسەمەد نە ڤەشارت و گۆت: ھەر دەمێ بھایێ دۆلاری نزم بوو گومان نینە دێ بھایێ پانزینێ ل دەرڤە ھێتە خوارێ، چونکە بەرمیلا پەترۆل ل سەر ئاستێ جیھانێ بلند بوون ب خوە ڤە یتی یە و پانزین ژی ژ بەرھەمێن گازێ یە و گەل گران بوونێ ئەوێ ژی گران بوون ب خوە ڤەدیتی یە و ئەڤە ل سەر خواستنێ یەو ئەڤە ب بھایێ دۆلاری ڤە یا گرێدایە.
ل دۆر بھایێ پانزینێ ل پارێزگەھێن دی ژی، سەرۆکێ لژنا سوتەمەنیێ ل جڤاتا پارێزگەھا دھۆکێ گۆت: بۆ زانین بھایێ پانزینێ ل پارێزگەھا ھەولێرێ ھەتا 950 دیناران ھەولێرێ دھێتە فرۆتن و ھەتا حەفت بھایێن پانزینێ ھەولێرێ ھەنە و سلێمانیێ ژی ھەمان شێوە گەلەک بھایێن پانزینێ ھەنە. عەبدوسەمەد تێلی ئاشکراکر ژی کو کوالێتی یا پانزینێ ل سەر ئاستێ ھەرێما کوردستانێ نمرە ئێکە و گەلەک جورێن پانزینێ دھێنە ھەولێر و سلێمانیێ قەدەغەیە ب وێ کوالێتیێ بھێنە پارێززگەھا دھۆکێ.
ئه‌ڤرۆ نيوز:
عه‌ميد سه‌رحه‌د قادر، رێڤه‌به‌رێ پۆليسێن قه‌زا و ناحيێن كه‌ركووك بۆ رووداو گۆت: “ده‌مژمێر 02:40 ده‌قيقه ژ شه‌ڤا بۆرى دو بيرێن په‌ترۆلا كه‌ركووك يێن خه‌بازه ل گوندێ كه‌تاحيه په‌قين.
هه‌ڤده‌م ژێده‌ره‌كى ژ پۆليسێن كۆمپانيا په‌ترۆلا باكوور بۆ رووداو گۆت: “بيرێن په‌ترلێ يێن خه‌بازه مينرێژكربوون، ئاماژه ب وێ چه‌ندێ كر كو دو بير په‌قاندينه و دو ژى ل هه‌مان جهـ د مينرێژكرى نه”.
نيشاندان
