ئەڤرۆ نيوز:
بریارە ئەڤ شەڤە ھەشت یاری ژ گەرا سێ ژ قارەمانیا یانێن ئورۆپا قارەمانێن خۆلا یێن قوناغا کومان بھێتەکرن کو ژ گرنگترین یاریا ریال مەدرید دێ ل یاریگەھا خوە ل گەل یانا لیگیا وارسو پولەندی کەت و لیڤەرکوزن ل گەل توتنھام کەت و لیون ل گەل یوڤانتوس.
ژ یاریێن کوما شەشێ یانا ریال مەدرید ئەرکێ ئەوێ یێ ب زحمەت نابیت دەمێ یاریەکا ب سانەھی بەرامبەر یانا لیگیا وارسو یا پولەندی کەت یانا مەلەکی ئەوا چار خال ژ دو یاریان کومکرین دێ یاریێ کەت بۆ سەرکەفتنا دوێ و رێکا خوە خوشتر لێبکەت بۆ دەربازبوونێ بەرامبەر یانا پولەندی دێ بزاڤێ کەت رێژەکا کێمتر یا گولا خوسارەت بیت کو ل دو یاریێن بوری دو خوسارەتی ل دیڤ ئێک داینە ب شەش گولان و ب دو گولان ل گەل دورتموند و سپورتینگ لشبونا خوسارەت بوو رۆژناما مارکا یا ئیسپانی دیارکریە ترسا ئەنجامێ یاریێ ل ناڤ یاریگەھێ دا نینە بەلکو ترسا مەزن ئەوە ئولتراسا یانا پولەندی ھاتیە مەدرید بۆ دیتنا یاریا بەرامبەر ریال مەدرید و بەرنیاسن ب ھەبوونا ئاریشا ئولتراسا جەماوەری یا ڤێ یانێ کو ل ھەردو یاریێن بوری دا ھێرشکربوونە سەر پولیسێن یاری کو یانا ریال مەدرید ھژمارەکا مەزن یا زێرەڤانێن یاریێ ئیناینە بۆ زێرەڤانیا ئەڤێ یاریێ بکەن تایبەت ئولتراسا یانا پولەندی.
د یاریەکا دی دا د ھەمان کوم دا یانا سپورتینگ لەشبونا یا پرتوگالی دێ ل یاریگەھا خوە بەرامبەر بروسیا دورتموند کەت کو ئەڤ یاریا دێ ھەتا رادەکی بیتە یاریا چارەنڤێسی بۆ یانا پرتوگالی بۆ ھەڤرکیێ بۆ قوناغا دوێ ئەگەر ھەر ئەنجامەکێ نە چاڤەرێکری دڤێ یاریێ دا یانا سپورتینگ دێ رێیا دەربازبوونا وێ ب زحمەت کەڤیت ژبەرکو یاریا دیڤدا دێ ل گەل دورتموند کەت ل ئەلمانیا لەورا ئەگەر ب خوازیت بۆ بەردەوامی ب دەتە ھەڤرکیێ پێدڤی یە د یاریا ئەڤ شەڤە دا خالێن یاریێ ب تمامی ب دەستخوڤە بینت
رومان بوکی گولچیێ یانا بورسیا دورتموند د داخویانیەکێ دا بۆ بۆ گوڤارا فور فور تو یا ئەلمانی دیارکریە یاریا ئەڤ شەڤە دناڤبەرا سپورتینگ و دورتموند دێ چارەنڤێسێ دەربازبوونێ دیارکەت ژبەرکو ھەر تیمەکا سەرکەفتنێ ل سەر یا دی توماربکەت دێ ھەتا رادەیەکێ مەزن رێیا دەربازبوونا خوە خوش کەت .
ژ یاریێن کوما پێنجێ سیسکا موسکو یا روسی دێ ل یاریگەھا خوە بەرامبەر موناکۆ کەت کو یانا فەرەنسی خودانا چار خالانە بەرامبەر سیسکا بتنێ خالەک ژ دو یاریا ھەیە و ئەڤ یاریا دێ بیتە یاریا دووماھی ھیڤێن دەربازبوونێ بۆ یانا روسی ل ناڤ ئەرد و جەماوەرێ خوە، د ھەمان کوم دا د یاریەکا ب ھێز و گرنگ دا ھەردو یانێن بایرن لیڤەرکوزن یا ئەلمانی و توتنھام یا ئینگلیزی دێ ل یاریگەھا لیڤەرکوزن ھەمبەری ئێک بەن کو ھەردو یانە ژ دو یاریێن بوری نەشیاینە وی ئاستێ ئەوان دڤێت د قارەمانیێ دا پێشکێش بکەن یانا ئەلمانی ژ دو یاریا دو خال ھەنە توتنھام سەرکەفتەک بەرامبەر خوسارەتیەکێ ھەیە ، راھێنەرێن ھەردو تیمام بەرھەڤیێن باش بۆ ڤێ یاریێ کرینە کو ئەڤ ھەردو یانە وەسا ھاتنە پێشبینی کرن دێ ژ بەربژارێن سەرەکی بن بۆ دەربازبوونێ لێ پشتی بورینا دو یاریا وەسا ناھێنە پێشبینکرن راھێنەرێ یانا توتنھام بوکیتینو دیارکریە ئەو یێ ب ھیڤیی یە ئەو سەرکەفتنێن ل خولا نافخوی یا ئینگلتەرا ب دەستخوڤە ئینن دێ شێن ئەوان ئەنجامێن باش د قارەمانیا چامیونیز لیگ دا ژێ ب دەستخوڤە ئینن ئەو بتنێ پێدڤی سەرکەفتنەکا دی نە بەرامبەر، ژ یاریێن حەفتێ یانا لیستەر سیتی ئەوا بەروڤاژی یاریێن خولێ کو ھەتا نوکە د قارەمانیا ئورۆپا دا یا سەرکەفتی یە شەش خال ژ دو یاریان ب دەستخوڤە ئیناینە دێ مێڤانداریا یانا کوبنھاگن یا دانیمارکی کەت کو سەرکەفتنا لیستەر سیتی دڤێ یاریێ دا ھەتا رادەیەکی دێ دەربازبوونا خوە بۆ قوناغا دوێ مسوگەر کەت بەرامبەر یانا دانیمارکی خوە ب پاریەکێ ب سانەھی نابینت سەرکێشا خولا خوە یە شارازیەکا باش دڤان جورە قارەمانیا دا ھەیە خودانا چار خالانە ل دو یاریێن بوری دێ بزاڤێ کەت ھەر چو نەبیت ب خالەکێ ژ ئینگلتەرا ڤەگەریت و د یاریەکا دی دا یانا پورتو ئەوا د رەوشەکا لاواز دا بوریت د قارەمانیا ئەڤ سالە دا ل دو یاریێن بوری بتنێ خالەک ھەیە دێ یاریا خوە بەرامبەر کلوپ بروچ یا بەلجیکی کەت کو دڤێ یاریێ دا ھەر ئەنجامەکێ نە چاڤەێکری دێ رێیا ھەردو یانە بۆ دەربازبوونێ ب زحمەت کەڤیت تایبەت وەکھەڤیا ھەردو تیما د بەرژوەندیا ھەردو یانێن لیستەر و کوبنھاگن دایە.
ل یاریێن کوما ھەشتێ دا یانا یوڤانتوس سەرکێشا ڤێ کومێ و خولا ئیتالیا دێ یاریا خوە بەرامبەر یانا لیون یا فەرەنسی ل یاریگەھا لیون کەت کو یانا فەرەنسی د بزاڤێن و ھیڤێن دووماھیێ دا یە ژبەرکو دەستدانا سێ خالێن یاریێ دێ ھیڤێن زحمەت کەڤن و د ھەمان کوم دا یانا ئەشیبلیە ئەوا خودانا چار خالان دێ بیتە مێڤانا دینامو زاگروس یا کرواتی ئەوا ل دو یاریێن بوری خوسارەت بووی.

ئەڤرۆ نيوز:
راھێنەرێ ھەلبژارتیێ عیراقێ رازی شنێشل 30 یاریزان داخوازی ھەلبژارتیێ عیراقێ کرن بۆ ھەردو یاریێن ھەڤالینی ل گەل ئوردون و ئیران بۆ خوە بەرھەڤکرن بۆ یاریا بەرامبەر ئیمارات ژ ڤاڤارتنێن ئاسیا بۆ دەربازبوونێ بۆ موندیالا 2018 .
کو دناڤا ئەوان 30 یاریزانان ناڤێ سێ یاریزانێن کورد ل گەل دا بوون ئەوژی میران خسرو ژ یانا شورتە و بروا نوری و ئەحمەد یاسین پیشەکارێن خۆلا سوید.
پێکھاتیێ ھاتیە داخوازکرن گولچیی جلال حەسەن،محەمەد حەمید،محەمەد گاسد و عەلی عەبدولحسێن و ھێلا بەرەڤانیێ ئەحمەد ئیبراھیم، عەلی فایز،مستەفا نازم، عەلی لەتیف، زرغام ئیسماعیل، عەلی عەدنان،حوسام کازم وەلید سالم و عەلی مھاوی و عەباس قاسم و سەعد ناتق و ھێلا ناڤین بروا نوری و ئەحمەد یاسین، ستار یاسین، میران خسرو، سەعد عەبدوئەمیر ، ئەمجەد عتوان، ئەمجەد وەلید بەشار رەسن و مەھدی کامل و ھێلا ھێرشبەریێ جستن میرام جاسم محەمەد، ، محەمەد شوکان، ئەیمن حسێن ، موھند عەبدورحیم و علاء عەبدولزھرە راھێنەرێ ھەلبژارتیێ عیراقێ ژ سەرجەمێ 30 یاریزانان دێ 23 یاریزان ھەلبژێریت بۆ یاریا گرنگ یا بەرامبەر ئیمارات.
راھێنەرێ ھەلبژارتیێ عیراقێ ھەشت یاریزانێن پیشەکار داخوازکرینە ئەوژی جوستن میرام ژ خولا ئەمریکا و ھەردو یاریزان ئەحمەد یاسین و بروا نوری ژ خۆلا سوید و ئەحمەد ئیبراھیم ژ خۆلا ئیمارات و زرغام ئیسماعیل و عەلی فائیز ژ خۆلا تورکیا سعەد عەبدوئەمیر ژ خۆلا سعودیێ.

ئه‌ڤرۆ نيوز:
ل ئەینیا بوری ل ھولا گرتیا چالاکیێن وەرزشی و دیدەڤانی یا پەروەردەیا دھۆکێ ڤاڤارتنێن ھەلبژارتیێ پارێزگەھا دھوکێ یێ تاکواندویو ھاتنە کرن ژبو پشکداری کرنێ دقارەمانییا ھەرێما کوردستانێ دا ئەوا بریارە ھەڤرکیێن وێ ل 22 یی ڤێ مەھی بھێنەکرن.
بو زێدەتر زانیاریان لدور ڤی بابەتی سەروکێ ئێکەتیا تایکواندویا پارێزگەھا دھۆکێ عیماد یونس داخویانیەکێ دا بو روژناما ئەڤرۆ گوت : ب مەرەما ھەلبژارتنا ھەلبژارتیێ پارێزگەھێ بۆ قارەمانیا تایکواندویێ یا ھەرێمێ ل سەر ئاستێ کچان مە ھزر ل ڤاڤارتنێن ھەلبژارتنا ھەلبژارتیێ پارێزگەھێ کر و دڤان ڤاڤارتنا دا 18 کچان پشکداری تێدا کر و پشتی یاریێن ئەوان ب دووماھی ھاتین دەە کچ ھاتنە ھەلبژارتن کو حەفت ژ ئەوانا ژ بنگەھێ وەرزش و لاوێن سێمێلێ بوون و سێ ژ یانا سەنحاریب بوون.
ناڤبری ئەو چەندە ژی گوت : مەرەم ژ قارەمانیا ھەرێما کوردستانێ ئەوە ھەلبژارتیێ کوردستانێ بھێتە پێکئینان بوو پشکداری کرنێ دقارەمانیەکا نیڤ دەولەتی دا ئەوا بریارە ھەڤرکیێن وێ ل وەلاتێ کوریا باشور بھێتە ئەنجام دان.