ئەڤرۆ نیوز:

شڤێدی درەنگی شەڤ حەیدەر عەبادی سەرۆک وەزیرێن عیراقێ ئۆپەراسیۆنا کونترۆلکرنا مووسل راگەھاند و داخوازا ھاریکاریێ ژ خۆجھێن مووسل کر.

ب ناڤێ خودێ مەزن و دلوڤان

ئەی گەلێ خۆشتڤی، ئەی کورێن پارێزگەھا خۆشتڤیا مووسل، دەمژمێرا سەرکەفتنێ ھاتە دیارکرن، ئۆپەراسیۆنا کونترۆلکرنا مووسل دەسپێکر، ئەڤرۆ دەسپێکرنا ئەوێ ئۆپەراسیۆنا قارەمانانە رادگەھینین بۆ رزگارکرن ل ژێر دەستێ داعشا تیرۆرست، ئینشاللاھـ ب ڤان نێزیکان دێ ھێینە ناڤ ئاخا مووسل و ب کۆم ئاھەنگا سەرکەفتنێ و دووماھی ھاتن ب داعش راگەھینین.

دێ وان جھان نووژەن کەین ئەوێن تۆندڕەوێن تاوانبار وێران کرین، ژیان و ئارامیێ ڤەگەرینیە مووسل و ھەموو ئەوان دەڤەرێن سەر ب مووسل.

ھەلگرتنا ئالایێ عیراقێ ل ناڤ مووسل و ھەموو گۆند و دەڤەران یا نێزیکە، داعش چو جھەک نینە ل ناڤ مووسل و نەژی ل ناڤ ئاخا عیراقێ، ئەم دێ ھێین بۆ رزگارکرن و دەربازکرنێ ژ تیرۆرێ، رزگارکرنا ھەوە ژ داعشان.

ئەو بزاڤێن بۆ سەرنەکەفتنا ئۆپەراسیۆنا مووسل ھاتینە داین، ھەموویان شکەستن ئینا، وەکو چاوان بەری نوکە بزاڤێن شکەستپێئینانا ئۆپەراسیۆنێن فەللوجە، رۆمادی، تکریت، بێجی و ھەموو باژێرێن دی یێن عیراقێ سەرنەگرتین.

ھەموو بزاڤ کرن بۆ گەڤکرن و لەنگکرنا مە، بەلێ ئەم ئەڤرۆ د رژدین ل سەر سۆزێن خوە بۆ رزگارکرن ل ژێر دەستێ تیرۆرێ.

ئەو ھێزێن دێ ئۆپەراسیۆنێن رزگارکرنێ ئەنجام دەن، سۆپایێ عیراقێ و پۆلیسێن نشتیمانی نە، ئەو دێ چنە ناڤ مووسل بۆ ئازادکرنێ، ژبلی وان چو ھێزەکا دی ناچیتە ناڤ مووسل، ئەو ھێز ژ ھەوەنە و بۆ ھەوە نە، باشی و رزگارکرن و پاراستنا ھەوە دڤێت.

ئەی خەلکێ قارەمانێ نەینەوا، داخوازێ ژ ھەوە دکەم ھاریکاریا ھێزێن ئەمنی بکەن بۆ رزگارکرنێ، وەکو چاوان خەلکێ شرگات و گەیارە ھاریکاریا ھێزێن ئەمنی کرین بۆ ب ساناھیکرنا رزگارکرنا دەڤەرێ ب کێمترین زیان و وێرانکاری.

ب ھاریکاریا ھەوە شەر دێ زووتر ئێکلا بیت، ب زووترین دەم ئالایێ سەرکەفتنێ بلند کەین، وەکو چاوان ل باژێران و دەڤەرێن دی مە بلند کر.

سلاڤ بۆ زارۆیێن ھەموو شەرکەران، درۆد بۆ شەھیدان، سلاڤ بۆ وان کەسان کو د ئامادەیێ دانە بۆ رزگارکرنێ و ڤەگەریانا ئاواران، عیراقی ئێک لاشن، دوژمن نەشێت جودا بکەت.

د رۆژێن بۆری دا ھندەک بزاڤ ھەبوون بۆ پاشخستنا ئۆپەراسیۆنێ، بەلێ سۆپاس بۆ خودێ ئەو خەونە نەبرە ناڤ گورێ خوە.

ھیڤی ژ ھێزێن چەکدارێن قارەمان و ھێزێن ئامادە دکەم، پارێزگاریێ ژ خەلک، شەر و سەروەریێ بکەن، بۆ وێ چەندێ خەلکێ مووسل بھێنە رزگارکرن ل بن دەستێ داعش، ئەوێن ل پشت داعش ژی، پر چەک دکەن، بەردەوامیێ ددەنێ ب ھێزێ و تیرۆرێ، دێ ھێنە ژناڤبرن.

ئینشەلاھـ نوکە دێ ھێین بۆ رزگارکرنێ ژ وان ئازاران بۆ دووبارە بنیاتنانا پارێزگەھێ، نوکە ھێزێن مە د تەمامن و مە ھەلبژارت و دێ ھەوە پشت راست کەین ژ روویێ مرۆڤی و ب لەز ڤەژاندنا نەینەوا پشتی ئازادکرنێ.

جارەکا دی داخوازێ ژ ھەوە دکەم ھێز ھاریکار بن و سۆزێ بدەینێ ئەڤ سالە 2016 سالا رزگاربوونێ بیت ژ داعش، ئەم د رژدین ل سەر سۆزا خوە، د رژدین ل سەر ئەو بەرپرساتیا ل سەر ملێ مە، ئەڤە ئەرکێ مەیە ھەوە ژ دەست داعش رزگار بکەین.

ئاخا خوە رزگار بکەین، ھەموو د ئازادین و ڤەگەرینە جھێ خوە، سۆزا دووماھیێ ددەینە تاوانباران، بەلێ داخوازێ ژێ دکەین ب ئاشتیانە پێکڤە بژین، ھەڤکارین ل د ناڤبەرا ئێکدا، ئەو ھێرشا دێ ھێتە مووسل، ژبلی ئازادیا ھەوە و ڤەگەراندنا ژیانێ ب ۆھەوە، چو ئارمانجەکا دی نینە.