ئه‌ڤرۆ نيوز:
ەیمانگەها هونەرێن جوان ل دهۆکێ د راگەهاندنەکێ دا ناڤێن قوتابیێن ل پەیمانگەها وان هاتینە وەرگرتن بۆ سالا نوو یا خاندنێ ئاشکرا کرن کو ژ ٧٤ قوتابیان پێکدهێن ٤٠ کوڕ و ٣٤ کچ.
پشتى نیڤرۆیا ئەڤرۆ ١٦ێ تشرینا ئێکەما ٢٠١٦ێ، پەیمانگەها هونەرێن جوانێن دهۆکێ ل بەرپەرێ تایبەتێ خوە یێ فەیسبووکێ ب چەند لیستەکان ناڤێن وان قوتابیان ئاشکرا کرن کو ل بەشێن جودا جودا یێن وێ پەیمانگەهێ هاتینە وەرگرتن بۆ سالا خاندنێ ٢٠١٦-٢٠١٧.
هەروەسا ئەو چەند ژى راگەهاندییە “پێدڤییە قوتابیێن نوو هاتینە وەرگرتن ( ٦وێنه، ڕه‌گه‌زناما بارێ شارستانی، ڕه‌گه‌زناما عێراقی، كارتا پێزانین و پلێتا ئاهێن خوارنێ) دگەل خوە دا بینیت”.
ئاماژە ب وێ ئیکێ ژى کریە کو پێدڤییە بەلگەنامەیێن ل سەرى ئاماژە پێ هاتینە کرن ب کۆپیێن رەنگاورەنگ و هه‌ر بەلگەنامەیەک ژى دوو جاران بهێتە کۆپى کرن و دگەل خوە دا بینن.
د راگەهاندنا خوە دا ئەو چەند ژى راگەهاندیە “هەر قوتابیەکێ هاتیه وه‌رگرتن پێدڤییه سوبەهى رێکەفتى ١٧ێ تشرینا ئێکەما ٢٠١٦ێ سه‌ره‌دانا په‌یمانگه‌ها مە بكه‌تن”.
لیستێن ل خارێ ناڤێن وان قوتابیانە کو ل پشکێن (شانۆ، شێوەکارى و مۆزیک)ێ یێن پەیمانگەها هونەرێن جوان ل دهۆکێ هاتینە وەرگرتن ژ ٧٤ قوتابیان پێکدهێن کو ٤٠ کوڕ و ٣٤ کچن:
ئه‌ڤرۆ نيوز:
جه‌بار ياوه‌ر ئه‌ميندارێ وه‌زاره‌تا پێشمه‌رگه‌ى دياركر كو دێ هێزا سوپايێ عيراقێ كو پێدهێن ژ فرقا 15 و 16 و دژه تيرور و پوليسێن فيدرالى و هێزێن پوليسێن نه‌ينه‌وا و حه‌شدا شه‌عبى و حه‌شدا عه‌شايرى دێ پشكداربن و هێزا پێشمه‌رگه‌ى ، ليوايێن پياده و هێزێن 70 و 80 و هێزێن پشته‌ڤانيا ئێك و دوو و هێزێن زێره‌ڤانى و به‌ره‌ڤانيێ و ل هه‌وارهاتن و هێزێن پشته‌ڤانيا هه‌ڤپه‌يمانيا نێڤده‌وله‌تى
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 16ى چريا ئێكێ 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1303 |
| 1 يۆرۆيێ ئه‌ورۆپى | 1430 |
| 1 ليرێ توركى | 430 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
سه‌رۆكێ هه‌رێما كوردستانێ هوشدارى دا كو مزاهيدێن حزبى د ناڤ پێشمه‌رگه‌ى دا نه‌هێنه كرن و راگه‌هاند: هه‌ر كه‌س يان به‌رپرسه‌كێ له‌شكرى سه‌ر ب هه‌ر لايه‌نه‌كى بيت و حزبيانه لڤينێ بكه‌ت، دێ ئيجراتات ژێ هێنه وه‌رگرتن”، هوشدارى دا كه‌نالێن راگه‌هاندنێ ژى كو د ڤه‌گوهاستنا شه‌رى دا موزاهيدێن حزبى نه‌كه‌ن.
ده‌قێ په‌ياما مه‌سعود بارزانى سه‌رۆكێ هه‌رێما كوردستانێ ب زاراڤێ كرمانجى
ب ناڤێ خوەدایێ مەزن و دلۆڤان
ئەڤ دەمەکە درێژە ل راگھاندن و ناڤەندێن سیاسیێن ناڤخوەیی و دەرڤەیی بەھسا ئامادەکاریێن ئۆپەراسیۆنا ئازادکرنا موسلێ تێ کرن و تێکشکاندنا داعیش و ئازادکرنا موسلێ ژی ژ بۆ ھەرێما کوردستانێ گرینگیەکە خوەیا تایبەت ھەیە و ئەولەویەتا سیاسەتا ھەرێما کوردستانێیە.
ب پێویستی دزانم ل ڤی دەرباری دە ب ھەموو ئالیەک راگھینم کو ئامادەکاریێن تەڤاھییا دەستپێکا ئۆپەراسیۆنا ئازادکرنا موسل ھاتیە کرن و ل ڤێ چارچێوەیێ دا ژی رێککەفتن ل ناڤبەرا ھێزێن پێشمەرگە و ھێزێن ئارتێشا ئراقێ دا ھاتیە کرن. ل ڤێ رێککەفتنێ دا ژی چاواییا ئۆپەراسیۆنێ و کار و ئەرکێ سەربازییا ھەموو ھێز و یەکینەیێن بەشداربوویێن ئۆپەراسیۆنێ ب ھوری ھاتنە دیار کرن و پابەندبوونا تەڤاھییا ھێزێن پێشمەرگەیێن کوردستانێ ب جیھکرنا رێککەفتنێ دە دووپات دکین. ھەماھەنگیەکە تەڤاھی ل ناڤبەرا پێشمەرگە و ھێزێن ئارتێشا ئراقێ ھەیە و ھەموو ھەولەک ژی ددن کو پێکڤە نەھێلین ھیچ روودانەکە نەخواستی بێ پێش.
ھەر وھا ھەولێر و بەخدا ل سەر ئەوە رێککەفتنە کو کۆمیتەیەکی بلندا سیاسی و ھەڤبەش بێ پێکانین ژ بۆ کۆنترۆل و سەرپەرەشتیکرنا رەوش و پێشھاتێن ل پشتی ئازادکرنا موسلێ.
ھێڤیا وێ یەکێ دخوازم ئۆپەراسیۆنا ئازادکرنا موسل ب سەرکەفتی بێ ئەنجامدان و نیشتەجھێن باژارێ موسلێ ژی ژ زولما تەرۆریستێن داعیش رزگار ببن و خەلکێ کۆچبەرێن موسل و پارێزگەھا نینۆوا ب بەختەوەریێ دە ڤەگەرن باژار و ناڤچەیێن خوە.
مەسوود بارزانی
15.10.2016
ده‌قێ په‌ياما مه‌سعود بارزانى سه‌رۆكێ هه‌رێما كوردستانێ ب زاراڤێ سورانى
بەناوی خودای بەخشندە و میهرەبان
هاووڵاتیانی خۆشەویستی كوردستان
لە ماوەی دووساڵی ڕابردوودا گەلی كوردستان خۆڕاگر بوو و پێشمەرگە بە قارەمانێتیی خۆی ئەفسانەی داعشی شكاند. ئێستا شەڕی دژی تیرۆریستان لە قۆناغێكی یەكلاییكەرەوەدایە و هێزی پێشمەرگە بە هەماهەنگی لەگەڵ هێزەكانی سوپای عێراقی بەشداری شەڕی ئازادكردنی موسڵ دەبێت.
لەو ئۆپەراسیۆنەدا پێشمەرگە یەكڕیز و یەكدەنگ بە بێ جیاوازیی حزبی و ناوچەیی بەشدار دەبێت و ئەرك و كاری سەربازیی هەموو لایەك دیاری كراوە.
هەموو پێشمەرگەیەك كوڕ و برا و ئازیزی منن و كەسوكار و برا و پشت و پەنای یەكترن. داوا لە هەموو لایەنەكان و بەرپرسان و ڕاگەیاندنەكان دەكەم جیاوازی و موزایەداتی حزبی نەخنە ناو ڕیزەكانی پێشمەرگە، پێشمەرگە، پێشمەرگەی هەموو كوردستانە و سەركەوتنی پێشمەرگە سەركەوتنی هەموو كوردستانییەكە.
لە ماوەی بەڕێوەچوونی ئۆپەراسیۆنی ئازادكردنی موسڵ هەر كەس یان بەرپرسێكی سەربازی، سەر بە هەر لایەنێك بێ ئەگەر دوور لە گیانی نیشتیمانی و پێشمەرگایەتی بێت و حزبیانە بجووڵێتەوە، پێویستە وەزارەتی پێشمەرگە ئیجرائاتی لەگەڵدا بكات و لە بەرەكانی شەڕ دووری بخاتەوە.
كەناڵ و دەزگاكانی ڕاگەیاندنیش سەر بە هەر لایەنێك بن ئەگەر لە پۆششدانی هەواڵی شەڕەكان لەبری خزمەتكردنی كوردستان و پێشمەرگە بكەونە موزایەداتی حزبی ئەوە لە بەرەكانی شەڕ دوور دەخرێنەوە و ڕووبەڕووی یاسا دەبنەوە.
لە خودای مەزن داواكارم كە پێشمەرگە لەو جەنگەدا سەركەوتوو بێت و داوایش لە خەڵكی سەربەرزی كوردستان دەكەم وەك هەموو جار پشتیوانی پێشمەرگە بن.
مسعود بارزانی
16ـی 10ـی 2016
ئه‌ڤرۆ نيوز:
ئێك ژ فانێن ئه‌ڤرۆ نيوز ڤيديۆيه‌ك هنارتيه كو تێدا ل سه‌ر 120ێ دچيت و ب ترۆمبێلا رادارا هاتنوچوونێ را ناگه‌هيت. ئه‌ڤ ديمه‌نه ل سه‌ر جادا دهۆك بۆ دۆميز هاتيه وێنه‌كرن.
تێبينى: ئه‌ڤرۆ نيوز يا ئاماده‌يه بۆ وه‌رگرتنا هه‌ر وێنه و ڤيديۆ و پێزانينه‌كێ چ ب رێيا په‌يجێ مالپه‌رى يان ژى ژمارا تله‌فۆنا 07504872852 ل سه‌ر ڤايبه‌ر يان وه‌تسئاپى.
ئه‌ڤرۆ نيوز:
سەروکێ یانا کارەبا عەلی ئەسدی د پەیامەکێ دا ل سەر مالپەرێ فەرمی یێ یانا کارەبا یێ کومەلایەتی پەیامەک بەلاڤەکریە داخوازی ژ ئێکەتیا تەپا پێ یا عیراقێ کریە سزایێ ل سەر یانا ھەولێر کو یاریا وێ یا بھێت بێ جەماوەر بھێتەکرن بھێتە راکرن بۆ گیانێ شاد یاریزانێ یانا ھەولێر سالح محەمەد ئەوێ ل حەفتیا بوری گیانێ خوە ژ دەست دای ژ ئەگەرێ نەخوشیەکێ .
زێدەتر ناڤبری دیارکریە د پەیاما خوە دا ھیڤی ژ ئێکەتیا تەپا پێ دکەین کو رێکێ ب دەنە جەماوەرێ یانا ھەولێر ل یاریگەھا ئامادەبیت ل یاریا دناڤبەرا ھەولێر و کارەبا دا ل یایگەھا فرەنسو حەریری ژبوو وێ چەندێ وەکو رێزگرتن بۆ گیانی یاریزانی.
ئێکەتیا تەپا پێ یا عیراقی ل ماوێ بوری سزایەکێ توند دانایە سەر یانا ھەولێر کو بۆ ماوێ سێ یاریان بریار ھاتیە دانێ بێ ئامادەبوونا جەماوەری ل یاریگەھا خوە یاریێ بکەت لێ پشتی یاریزان سالح محەمەد گیانێ خوە ژ دەست دای ل حەفتیا بوری راگەھاندنا عیراقێ و چەندین وەرزشڤانێن عیراقێ ل مالپەرێن کومەلاتی پەیام بەلاڤەکرینە بۆ راکرنا سزایێ ل سەر یانا ھەولێر ل یاریا بھێت و پشتی وێ یاریێ ئێکەتیا تەپا پێ بریارا خوە دەستپێبکەت.
ھەژی گوتنێ یە یاریا ھەولێر و کارەبا بریارە سوباھی ل یاریگەھا یانا ھەولێر بھێتەکرن ژ چارچوڤێ یاریێن گەرا چارێ ژ خۆلا عیراقێ
زاخۆ، ھشیار دوبانکی:
ژبەر نەبوونا فیزا عیراقێ راھێنەرێ یانا زاخۆ نەشیا سەپەرشتیا تیما خوە بکەت د یاریا خوە یا ئێکێ دا فروکخانەیا بەسرا رێک نەدا راھێنەرێ یانا زاخۆ ماریان کوجیرونی ل گەل شاندێ یانێ بچیتە ناڤ باژێرێ بەسرا.
زیدەتر تەھا عەبدولحەکیم ریڤەبەرێ تیما تەپا پێ یا یانا زاخۆ دیارکر کو ژ بەر نەبونا فیزێ راھێنەرێ تیمێ نەشیا دگەل شاندێ یانا زاخۆ بەرەڤ باژێرێ بەسرا ڤە بچیت کو فیزا عیراقێ بۆ ماوێ بیست رۆژان گیرودبیت و راھێنەرێ مە بەری حەفتیەکێ گەھشتی یە باژێرێ زاخۆ .
ھەژی گوتنێ یە ئەڤە چەندین جاران ل ماوێ چەند سالێن بوری ئەڤ ئاریشە بۆ شاندێن ھەرێما کوردستانێ ل گەل فروکخانەیێن نەجەف و بەسرا بەغدا دروست بکەن کو فیزا یاریزان و راھێنەرێن پیشەکار ژلایێ کاروبارێن فیزا ل عیراقێ بۆ شاندێن ھەرێما کوردستانێ گیرودبن.
نيشاندان
