ئەڤرۆ نیوز، زنار تۆڤی:
ئەڤرۆ ل دەمژمێر 12:30 نیڤرۆیا رۆژا پێنجشەمبی 13/10/2016 تۆبخانەیا سۆپایێ تورکی ل ئاشیتێ بۆ جارا ئێکێ ب ڤێ کووراتیێ چەندین گوند ل دەڤەرا بەوراری بالا تۆپ بارانکرن و چەندین گۆلە تۆپ ل نێزیکی وان گوندان دان.
ب مەرەما تۆپ بارانکرنا بارەگایێن پەکەکێ ئەڤرۆ رۆژا پێنجشەمبی تۆپخانەیا سۆپایێ تورکی بۆ جارا ئێکێ ب ڤی رەنگێ دژوار دەردورا گوندێن ئەدنێ و دێشێشێ و قومریێ و تشیتێ ل دەڤەرا بەوراری بالا تۆپ بارانکرن و چەندین تۆپ ل وان گوندان دان،لێ پتریا وان تۆپان ل نیچزیکی گوندێ قومریێ کەفتینە و کو ب دووراتیا کیلومەتر و نیڤا بووینە و ھەروەسا دەنگەکێ مەزن ژ وان تۆپان دھات و خانی د ھەژاندن و ترسەکا مەزن لدەف خەلکێ وان گوندان پەیدادکر،خەلکێ وان گوندان دترسیان کو تۆپ ل ناڤ گوندێن وان بکەڤن و د ھەمان دەمدا وان تۆپان ئاگرەکێ مەزن بەردا دارستانێ و ھەتانوکە ئاگری رووبەرەکێ بەرفرەە یێ دارستانێ یێ سۆتی.

ئەڤرۆ نیوز، کاروان باعەدری:
ژێدەرەکێ باوەرپێکری کو نەڤیا ناڤێ بھێتە ئاشکەرا کرن بۆ ئەڤرۆ نیوز گۆت: “47 کەسێن ئێزدی ژ دەستێن رێکخراوا تیرۆرستی یا داعش رزگاربوون و نھا ل پارێزگەھا دھۆکێ نە”.
دھێتە زانین چەندین کەسێن ئێزدی ل 3-ی تەباخا 2014ێ کەفتبوونە دەستێ رێکخراوا تيرۆرستى يا داعش و ژماره‌ك ژ وان هاتيه‌ رزگاركرن و ژماره‌ك ژى هێشتا د ناڤ ده‌ستێن وان دايه‌ و چاره‌نڤيسێ وان نه‌يێ دياره‌.
ل گۆری ئامارا نڤیسینگەھا کاروابارێن رەڤاندیان پتر ژ سێ هزار کەسان نوكه‌ د دەستێ چەکدارێن داعش دا ماینە و رەڤاندینە چەندین جھێن کو د ژێر دەستھەلاتا وان دا.