ئه‌ڤرۆ نيوز:
بهایێ به‌رمیلا نه‌فتێ بلندترین ئاست د هه‌یاما ئه‌ڤ ساله دا تۆماركر و بهایێ ئێك به‌رمیلا برێنت گه‌هشته 47 دۆلاران، ئه‌ڤرۆ ئێڤارێ بهایێ به‌رمیلا نه‌فتا برێنت، بلندترین ئاست توماركر و پترى سێ دۆلاران بلندبوو و گه‌هشته47 دۆلار و 10 سه‌نتان و په‌ترۆلا خاڤا ئه‌مریكى ژى، 10% بلندبوو و گه‌هشته 44 دۆلار و 85 سه‌نتان.
ئه‌ڤ بهایێ نوویێ په‌ترۆلێ، بلندترین بهایه د ده‌مێ ساله‌كا بۆرى دا، پشتى په‌ترۆلێ 80 ژ سه‌دێ یا بهایێ خوه ژ ده‌ست دایى و گه‌هشتییه27 دۆلاران.
ئەڤرۆ نیوز ، نەوزاد زادە ھلۆری:
ژێدەرەک ژ ھێزا پێشمەرگێ کوردستانێ ل فروکخانەیا خورماتو دیارکر کو دەمەک بەریا نھا ھادی عامری سەروکێ رێکخراوا بەدر ب ھێزەکا زۆر ڤە کو چەکێ گران ژی ل گەل بوو گەھشتە فروکخانا ناڤبری.
ئەوی ژێدەری بۆ خەندان دیارکر کو ئەو ھێزە نێزیکێ 60 ھەتا 70 ترومبێلێن سەربازی و مەدەینی ب خوڤە دگریت و ھەڤکاریا عامری دکەن و چەکێ گران ژی ل گەل ھەیە.
گوت ژی : ( ئارمانجا ھاتنا عامری بو ئەنجامدانا کۆمبوونەکێ یە ل گەل وەفدا کوردی بو ئاسایی کرنا بارودوخێ خورماتو )
وەفدێ کوردی پێکھاتیە ژ ھەر ئێک ژ نەجمەددین کەریم پارێزگەرێ کەرکوکێ ، عەدنان حەمەی مینا ئەندامێ سەرکردایەتیا ئێکەتی ، مەلا کەریم بەرپرسێ بازنێ حەمرین یا ئێکەتی و عەبدولا بور بەرپرسێ مێحوەرێ سێ یا پێشمەرگەی ل خورماتوو.
مەلا کەریم شکور بەرپرسێ بازنێ حەمرین یا ئێکەتیا نیشتمانیا کوردستانێ بو خەندان گوت : ( مە دڤێت کۆمبوون یا ئێکلاکەر بیت و ئاریشەیێ د لایەکێ دا بینین خوارێ و بارودوخ ژی بڤی رەنگی نەمینیت )
مەلا کەریم ئاماژە ب وێ یەکێ ژی کر کو دڤێ کۆمبوونێ دا کو دێ ل بارەگایێ ھێزا پێشمەرگەی ھێتە ئەنجامدان دێ ئاریشەیێ ئێکلاکەتن .
وەسا بریار بوو کو دوھی کۆمبوونا دناڤبەرا حەشد شەعبی و کوردان بھێتە ئەنجامدان بەلێ ھاتە پاشئێخستن بو ئەڤرۆ.
ھەڤدەم عەبدولا بور بەرپرسێ مێحوەرێ سێ یا پێشمەرگەی ل خورماتو بو خەندان دیارکر کو دڤیابا کۆمبوون دوھی ھاتبایە ئەنجامدان بەلێ وەفا حەشدا شەعبی نەھاتن و ئەڤرۆ کۆمبوون دێ ھێتە ئەنجامدان بو ئێکلاکرنا ئاریشەیێ )
ماوەیێ چوار رۆژایە لە قەزا خورماتو شەر و ئالوزی دناڤبەرا ھێزێن حەشد شەعبی و پێشمەرگەیان درۆستبووی ، و ئەڤە سەرەرای کو ئاگربەست ژی ھاتیە راگەھاندن ل دوو رۆژێن ئێکێ یا دەستپێکرنا ئالوزیان.
دوھی مەسعود بارزانی د پەیامەکێ داداخوازی ل بەرپرسێن ھەرێمێ و فەرماندەیێن پێشمەرگەی ل خورماتو کر کو ل گەل ئاقلمەندێن دناڤا حەشد شەعبی گەنگەشێ بکەن داکو رێیێ ل وان کەسان بگرن کو دڤێت ئاگرێ شەر و ئالوزی و فتنەیێ ھەلبکەن و ئارامیا خەلکی و پ
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 28ى نيسانا 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1285 |
| 1 يۆرۆيێ ئه‌ورۆپى | 1450 |
| 1 ليرێ توركى | 450 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
ئەو گەنجێن گەلەک مەیێ ڤەدخۆن د شاشن دەمێ وەسا ھزر دکەن کو ئەو ژ باندۆرا نەرێنیا مەیێ دپاراستینە.
زانا ئاشکرا کریە کو ئەڤ جۆرێ گەنجان پتر ژ ھەمی کەسێن دی ل بەر گەفا بلندبوونا فشارا خوینێ نە. و وەسا دیار بوو دەمێ ئەڤ گەنجە دگەھنە 30 سالیێ نیشانێن بلندبوونا فشارا خوینێ لێ دیار دبن و ل دووماھیێ دێ فشارەکا زێدە یا خوینێ ل نک پەیدا بیت.
زاایێن زانکۆیا مونتریال یا کەنەدی دیار دکەن کو ڤەخوارنا 5 پێکێن مەیێ یان پتر د دەمێ دو سەعەتان دا ڤێ رەوشێ ئالۆزتر لێدکەت.
ئەنجامێن وان تاقیکرنێن زانایان ئەنجامداین دیار دکەن کو ئاستێ فشارا خوینێ ل نک وان گەنجێن مەیێ ڤەدخۆن ب 2 – 4 ملم د پیڤەرێ زیبەقێ دا بلندتر بوو بەراورد ل گەل وان گەنجێن ڤی قەبارێ مەیێ نەڤەخۆن.
ئاستێ خوینێ دێ ھژمارتن یێ بلند دەمێ دگەھیتە 140/90، ھژمار 90 ئاماژێ ددەتە ئلستێ فشارا دەماران، تاقیکرنان وەسا دیار کریە کو ئەو گەنجێن مەیێ ڤەدخۆن ئاشتێ فشارێ ل نک وان دبیتە 129/140.
ئەڤە کارەکێ ب مەترسیە چونکو ئاستێ فشارا خوینێ ب ساناھی پێشڤە دچیت و دبیتە فشارا خوینێ کو ئەگەرێ سەرەکیێ جەلتا مێشکی یە.
ئەڤرۆ نیوز:
خوارنا تێشتێ عەقلی و لەشی چالاک دکەت و یا ھاریکارە بۆ پاراستنا کێشا مرۆڤی یا ساخلەم، و مرۆڤ ھزر دکەت کو ل دانێ تێشتێ خوارنا ساخلەم د ھەلبژێریت، لێ ھندەک شارەزایێن دێمی ل بریتانیا دبێژن ھەلبژارتنا خوارنێن چاڤلێکەر ل دانێ تێشتێ دبیت ئاریشێن دێمی پتر لێ بکەن.
شارەزایا دێمی میلینا نایدینوف دبێژیت: خوارنا نانی دبیتە ئەگەرێ قورمچینا دێمی چونکو شەکر دناڤ دایە زیانێ دگەھینتە شانان، دیسا خوارنا مرەبێ ژی رێژەکا مەترسیدار یا شەکرێ دناڤدا ھەیە کو دبیتە ئەگەرێ بلندبوونا رێژا ئەنسولینێ د خوینێ دا. ژ ئەگەرێن سەرەکی یێن توشبوونا دێمی ب زیوانوکێن گەنجان بلندبوونا رێژا ئەنسولینێ یە د خوینێ دا چونکو دبیتە ئەگەرێ زێدەکرنا بەرھەمئینانا روونی د دێمی دا.
دختور ھارولد لنسر ژی وەسا دەتە دیارکرن کو خرابترین جورێن خوارنێ بۆ دانێ تێشتێ ماستە، ب تایبەت ئەگەر دێمێ پرسک لەَ بھێن، ب شێوەکێ گشتی سپیاتی گەلەک روونی بەرھەمدئینیت و دبیتە ئەگەرێ پەیدابوونا سەرکێن رەش کو پیست ب زەحمەت بشێت ھەوای ب ھەلکێشیت و بەروەخت نیشانێن پیراتیێ ل سەر دێمی دیار ببن.
باشترین خوارنا ل دانێ سپێدێ فێقیێ مینا سێڤێ و تیێ ل گەل ھەموو جورێن نشایێ مینا شوفانی کو ب شێوەکێ ھێدی ھێدی وزێ دەتە لەشی د رۆژێ ھەموویێ دا، داکو ھەست ب گێژبوونێ و برسێ نەکەی.
ئه‌ڤرۆ نيوز، نيوار محه‌مه‌د سه‌ليم:
رێڤه‌به‌ريا پۆليسێن پارێزگه‌ها دهۆكێ راگه‌هاند كو شڤێدى شيان شه‌ش كه‌سان ل جهێن قومارێ ل سێمێلێ ده‌سته‌سه‌ر بكه‌ن.
رائيدێ مافپه‌روه‌ر، هێمن سلێمان، به‌رپرسێ راگه‌هاندنێ ل رێڤه‌به‌ريا پۆليسێن پارێزگه‌ها دهۆكێ بۆ ئه‌ڤرۆ نيوز گۆت: “شێڤدى 27ى نيسانا 2016ێ ل قه‌زا سێمێلێ هێزا ئاماده ده‌ست ب سه‌ر چه‌ند جهێن قومارێ دا گرت و شيان شه‌ش تۆمه‌تبار ده‌سته‌سه‌ر بكه‌ن”.
زێده‌تر گۆت: “ئه‌ڤ كه‌سه ب تاوانا قومارێ هاتينه ده‌سته‌سه‌ركرن و ل گه‌ل وان 4 لاپتۆب و شاشه‌ك و 5 ته‌له‌فۆن هه‌بوون و ده‌ست ب سه‌ر وان ژى دا هاته گرتن”.
به‌رپرسێ راگه‌هاندنێ ل رێڤه‌به‌ريا پۆليسێن پارێزگه‌ها دهۆكێ دا زانين ژى كو ئه‌و تۆمه‌تبار هاتينه ره‌وانه‌كرن بۆ رێڤه‌به‌رێا پۆليسێن قه‌زا سێمێلێ”.
ئه‌ڤرۆ نيوز، نيوار محه‌مه‌د سه‌ليم:
رێڤه‌به‌ريا هاتنوچوونا پارێزگه‌ها دهۆكێ راگه‌هاند كو د ماوێ چار هه‌يڤێن بۆرى دا، 370 روودان رووداينه و ژ ئه‌نجاما وێ چه‌ندێ ژى 40 كه‌سان گيانێ خوه ژ ده‌ست دايه.
رائيدێ مافپه‌روه‌ر، ئازاد تاها، به‌رپرسێ راگه‌هاندنێ ل رێڤه‌به‌ريا هاتنوچوونا پارێزگه‌ها دهۆكێ بۆ ئه‌ڤرۆ نيوز گۆت: “ژ رێكه‌فتى 1ى كانوونا دويێ يا 2016ێ و هه‌تا 25ى نيسانا 2016ێ 317 روودانێ، جودا رووداينه و د ئه‌ڤا روودانان دا 330 كه‌س بريندار بووينه و 40 كه‌سان ژى گيانێ خوه ژ ده‌ست دايه”.
به‌رپرسێ راگه‌هاندنێ ل رێڤه‌به‌ريا هاتنوچوونا پارێزگه‌ها دهۆكێ هيڤى ژى خواست كو شوفێر پێگريێ ب رێنمايێن هاتنوچوونێ بكه‌ن ژ بوو پاراستنا گيان و سه‌رومالێ خوه.
ئه‌ڤرۆ نيوز:
رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا پێنجشه‌مبى رێكه‌فتى 28ى نيسانا 2016ێ ئه‌سمان دێ ب درێژاهيا ده‌مێ رۆژێ ئه‌ور بيت و ل گه‌ل باران بارينێ ل هنده‌ك ده‌مان هه‌بوونا بريسان ژى.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ به‌رده‌واميا هاتنا فشارێن نزمێن ده‌ريا سپى ناڤه‌راست بۆ سه‌ر هه‌رێما كوردستانێ دهێته پێشبينيكرن ئه‌سمان ب درێژاهيا ده‌مێ رۆژێ ئه‌ور بيت و ل گه‌ل باران بارينێ ل هنده‌ك ده‌مان هه‌بوونا بريسان ژى.
پشكا پێشبينيان دايه زايه زانين كو دێ ئاراستێ باى ژى دێ د گوهۆڕينێ دا بيت ب ره‌نگه‌كى د ناڤبه‌را 5 هه‌تا 15كم دا و هنده‌ك و ماوێ ديتنێ ژى دێ 8 بۆ 9كم بيت، پلێن گه‌رمێ ژى دێ د ناڤبه‌را (19 بۆ 29) پلان دا بيت.
نيشاندان
