ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 6ى چريا ئێكێ 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1312 |
| 1 يۆرۆيێ ئه‌ورۆپى | 1460 |
| 1 ليرێ توركى | 435 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
مه‌سرۆر بارزانى راگه‌هاند كو ئه‌و ده‌ڤه‌رێن پێشمه‌رگه‌ى كونترۆل كرين پشكه‌كن ژ هه‌رێما كوردستانێ و ژ به‌ر هندێ ژى چو ئه‌گه‌ر نينن بهێنه چولكرن و دده‌ته زانين كو ب گۆره‌ى پێزانينێن وان داعش ژى ئاماده‌كارى يێن بۆ شه‌رێ مووسل كرين و دێ شه‌ره‌كێ گران بيت.
مه‌سرۆر بارزانى، شيره‌تكارێ جڤاتا ئاسايشا هه‌رێما كوردستانێ د ديداره‌كێ دا ل گه‌ل سكاى نيوز راگه‌هاند، شه‌رێ مووسل دێ يێ گران بيت و داعش ئاماده‌كارى بۆ شه‌رى كرينه.
ده‌رباره‌ى شه‌رێ دژى داعشو كونترۆلكرنا مووسل، مه‌سرۆر بارزانى دبێژيت: “هه‌موو ده‌ڤه‌رێن كو هێزا پێشمه‌رگه‌ى كونترۆل كرين، وه‌سان دبينين كو پشكه‌كن ژ كوردستانێ، ژ به‌ر هندێ ژى چو ئه‌گه‌ر نينن كو پێشمه‌رگه وان ده‌ڤه‌ران چول بكه‌ت، رێيا مه يا راست بوو و دێ پارێزگاريێ لێ كه‌ين.
ده‌رباره‌ى ئۆپه‌راسيۆنێن مووسل، مه‌سرۆر بارزانى، گۆت: “ب گۆره‌ى ئه‌و پێزانينێن ب ده‌ست مه كه‌فتين، شه‌رێ مووسل دێ يێ دژوار بيت. داعش يا ئاماده نينه باژێرى چوول بكه‌ت. نوكه يا ئاماده‌كاريا شه‌رى دكه‌ت و چه‌كدارێن وان يێ تونێلا د ناڤبه‌را باژێران دا لێ دده‌ن”.
ئه‌ڤرۆ نيوز:
وه‌زاره‌تا ژ ده‌رڤه يا ئه‌مريكا دژاتيا خوه به‌رامبه‌ر سيسته‌مێ فيدرالى ل رۆژئاڤايێ كوردستانێ ده‌ربڕى و راگه‌هاند كو ئه‌و پشته‌ڤانيا ئێكپارچه‌يا ئاخا سوريا دكه‌ن.
مارك تۆنه‌ر، ئاخفتنكه‌رێ ب ناڤێ وزاره‌تا ژ ده‌رڤه يا ئه‌مريكا د كۆنگره‌كێ رۆژنامه‌ڤانى به‌رسڤا پرسياره‌كێ د ده‌رباره‌ى بزاڤا پێكئينانا سيسته‌مێ فيدرالى ل رۆژئاڤايێ كوردستانێ گۆت: “پاشه‌رۆژا سوريا دڤێت ژ لايێ گه‌لێ سوريا ڤه بهێته دياركرن”، دا زانين ژى كو ئه‌و پشته‌ڤانيا ئێكپارچه‌يا ئاخا سوريا دكه‌ن.
گۆتژى: “پشته‌ڤانيێ ل وێ چه‌ندێ ناكه‌ن كو لايه‌نه‌ك ل سوريا سيسته‌مه‌كێ ئيدارى و سنورێ خوه ديار بكه‌ت، ژ به‌ر وێ چه‌ندێ كو د چارچۆڤێ بڕيارا هزار و 254 يا نه‌ته‌وێن ئێكگرتى دا پێدڤيه گه‌لێ سوريا ب خوه چاره‌نڤيسێ خوه ديار بكه‌ت و وه‌كو ئه‌مريكا ژى پشته‌ڤانيێ ل پێكئينانا سيسته‌مه‌كێ ديموكراتيك ل سوريا دكه‌ين كو هه‌موو پێكهاتان تێدا جهـ هه‌بيت”.
ئه‌ڤرۆ نيوز:
پارێزەرەکێ دادگەھا زاخۆ بۆ ئەڤرۆ راگەھاند کو، سکالایەک ل دادگەھا زاخۆ بڤی رەنگێ ھاتیە تومار کرن کو، گەنجەک کچەکێ بۆ خوە دخوازیت و نیشانیا خوە دکەن، بەلێ ل دادگەھێ ناھێتە مەھر کرن و کوڕ دبێژیتە کچێ نابیت ئێدی تو بێی ژ مال دەرکەڤی ھەردەمێ تو دەرکەفتی دڤێت من ئاگەھدار بکەی، ھەروەسا ل گەل ئێکدو دەردکەڤن و کوڕ کریارا سکسی ل گەل کچێ ئەنجام ددەت، لێ پشتی بورینا سێ روژا کوڕ دبێژیتە مالباتا خوە من ئەڤ کچە نەڤێت.
زاخۆ,ھشیار دوبانکی:
پاۆێزەر دلوڤان عەبدولرەحمان شەعبان ل دادگەھا زاخۆ دیار کر کو، کوڕەک کچەکێ بۆ خوە دخوازیت و نیشانیا خوە ژی دکەن، لێ بەری دەواتا خوە بکەن ل دادگەھێ ناھێتە مارەکرن کوڕ دبێژیتە کچێ ھەکە تو ئێدی ژ مال دەرکەڤی دڤێت بێژیە من و بێی ئاگەھداریا من نابیت تو ژ مال دەرکەڤی و گۆت: کچ قوتابیا 12 ئامادەیی یە و دەمێ ئەنجامێن وان دھێنە راگەھاندن تێلەفونا دەزگرێ خوە دکەت و دبێژیتێ ئەز دێ چمە ئەنجامین خوە یێن دووماھیا سالێ و دەزگرێ وێ دبێژیتێ ئەز دێ تە گەھینم.
پارێزەری گوتژی: پشتی ئەنجام وەرگرتین ھەردو پێکڤە دەردکەڤن و قەستا دەڤەرەکێ دکەن و کوڕ ژێ دخوازیت کریارا سکسی ل گەل کچێ ئەنجام بدەت ھندی کچ بزاڤێ دکەت کو نەھێلت کوڕ خوە نیزیکی وێ بکەت و دەستدرێژیێ بکەتە سەر، لێ کوڕ ھەر یێ رژد بوو کو کریار سکسی ل گەل بکەت و کچ ھەست ب ھندێ دکەت کو دەزگرێ وێ ئەو یا ژ کچینیێ ئێخستی.
دلوڤان ئاماژە بڤێ چەندێ ژی کر کو پشتی بورینا سێ روژا ل سەر ئەنجام دانا ڤی کاری کوڕ دبێژیتە مالباتا خوە ئێدی من ئەڤ کچە نەڤێت و مالباتا وی ژی ل گەل مالباتا کچێ دئاخڤن و دبێژنێ کوڕێ مە کچا ھەوە نەڤێت پشتی کچێ ئەڤ تشتە زانی ئیکسەر دبێژتە دایکا خوە کو دەزگرێ وێ کریارا سککسی یا ل گەل کری و یا ژ کچینیێ ئێخستی و گۆت: لەوا دایک و بابێن وێ نەچار دبن و کچا خوە دبەنە پزیشکا داد و بۆ وان دیار بوو کو کچی پەردا خوە یا ژ دەست دایی ئێکسەر پولیس کچێ ژ وان وەردگرن و کوڕ ژی دھێتە دەستەسەر کرن.
پارێزەری ئاشکرا ژی کر کو، کوڕ دبێژت، من ئەڤ کارە نەکریە و کچ دبێژت، بەلێ ژ وی پێڤەتر کەسێ خوە نیزیکی من نەکریە و راپورتا پزیشکی وەسا دیارکر کو ئەڤ تشتە یێ پەیدا بووی، بەلێ تێدا دیار نەکربوو کا کەنگی و چەوا، لەوا پاریزەری باوەری پێ نەئینا و تان ل بریارا دادگەھێ دا، ژبەرکو چ تشتا بۆ وان دیار نەکر بوو کو ڤی کوڕی ئەو کارە یێ کری، لەوا کچ دوبارە ھاتە رەوانە کرن بۆ پزیشکا داد ھەر وەکو د راپورتا ئێکێ دا بەرسڤا دادگەھێ ھاتە دان و جارەکا دی پارێزەر تانێ لێ ددەت و دوبارە رەوانەی پزیشکا داد دکەن و ھەمان تشت دیار دبیت.
ھەروەسا دلوڤان زێدەتر دبێژیت: ژبەرھندێ پاریزەر داخواز دکەت ل گەل نوژدارێ باخڤیت، لێ نوژدار وەسا دیار دکەت کو پشتی بورینا 24 دەمژمێرا ل سەر کریارێ دیار نابیت کا کەنگی ئەڤ کارە ل گەل کچێ ھاتیە ئەنجام دان و پشتی ئەڤ راپورتە گەھشتیە بەر دەستێ دادگەھێ، کچێ وەسا دانپێدان یا کری کو پشتی سێ روژا ژ وێ کریارێ کوڕی یا گۆتی من ئەڤ کچە نەڤێت ئیکسەر سکالا ھاتە رەوانەکرن بۆ دادگەھا جینایاتا ل دھوکێ و کوڕ حەفت سالا حوکم دبیت.
ئەڤرۆ نیوز:
وەزارەتا کاروبارێن شەھید و ئەنفالکریان ئاشکرا کر کو لیستا ناڤێن قوتابیێن کچ و کوڕێن شەھیدان رادەستی سەرۆکاتیا جڤاتا وەزیران ھاتیەکرن، دا کو کریا خواندنێ بۆ کچ و کوڕێن شەھیدا بھێتە مەزاختن یێن ل زانکۆ قوتابخانێن ئەھلی دخوینن.
ئەحمەد مام رەسول، سەرۆکێ لیژنا پەروەردێ ل وەزارەتا شەھید و ئەنفالکریان بۆ رۆژناما ئەڤرۆ دیار کر کو دوھی ب نڤیسارا فەرمی لیستا ناڤێن قوتابیێن کچ و کوڕێن شەھیدان وان بۆ سەرۆکاتیا جڤاتا وەزیران بلندکریە دا کو کریا خواندنا سالا بۆری بۆ کچ و کوڕێن شەھیدا بھێتە مەزاختن، چونکی ژبەر قەیرانا دارایی حوکمەت نەشیایە د دەمێ خوە دا کریا خواندنێ بۆ قوتابیێن کەس و کارێن شەھیدان بمەزێخیت ئەوێن ل زانکۆ و قوتابخانەیێن ئەھلی دخوینن و گۆت: “بڕیارە کریا خواندنێ بۆ بھێتە مەزاختن”.
ناڤھاتی ئاماژە دا وێ چەندێ کو پشتی وەرگرتنا رەزامەندیێ لسەر مەزاختنا پارێ کریا خواندنێ دێ لیستەکا نوو بۆ خواندنا ئەڤ سالە ھێتە بەرھەڤکرن دا کو بۆ ئەڤسالە ژی کریا خواندنێ بھێتە مەزاختن، بەلێ دێ گوھۆرین کەڤیتە مەرجێن خواندنێ و زێدەتر دێ گرنگی ب ئەڤان قوتابیا ھێتەدان یێن د پڕۆسا خواندنێ دا سەرکەفتی و پێدڤی ب خواندنا ئەھلی ھەی، چونکی حوکمەت دێ کریا کچ و کوڕێن شەھیدان دەت دا کو ل زانکۆ و قوتابخانێن ئەھلی درێژیێ ب خواندنا خوە بدەن.
ئه‌ڤرۆ نيوز:
وەزارەتا خواندنا بلند و ڤەکۆلینێن زانستی راگەھاند، ئەو د رژدن ل سەر وەرگرتنا پارەی ل قوتابیێن پشکێن نافخۆیی و پەیڤدارێ وەزارەتێ ژی دبێژیت، حوکمەتێ پارە نینە و ئەگەر ئەم پارەی ژ قوتابیا وەرنەگرین، دێ پشکێن نافخۆیی ھێنە گرتن و چو چارە نینە دڤێت قوتابی ببنە کرێدار، لەوڕا بۆ ھەر قوتابیەکێ ل پشکێن نافخۆیی بمینیت دێ سالێ 100 ھزار دینارا دەتە وەزارەتێ.
عەباس ئەکرەم، پەیڤدارێ وەزارەتا خواندنا بلندو ڤەکۆلینێن زانستی بۆ رۆژناما ئەڤرۆ گۆت “وەزارەتا خواندنا بلند و ڤەکۆلینێن زانستی د دەمێ دو سالێن بۆری دا وەزارەتا خواندنا بلند چەندین پڕۆژە ھەبووینە، ئەو ژی بۆ بلندکرنا کوالێتا خواندنێ و ئاستێ زانستیێ زانکۆیێن ھەرێما کوردستانێ، ئەڤ پڕۆژێ ڤێ دووماھیێ وەزارەتێ راگەھاندی بۆ سەربەخۆیا لایەنێ دارایی، چونکە دێ کاریگەری ل سەر ئاستێ زانکۆیان ھەبیت، ل دەستپێکا ئەڤ سالە ب ئاگەھداریا سەرۆکایەتیا جڤاتا وەزیران و وەزارەتا دارایی پڕۆژەیەک بەرھەڤکریە بۆ سەربەخۆیا زانکۆیێن کوردستانێ ژلایێ دارایی ڤە.
زێدەتر: ئەڤ پڕۆژە ژ لایێ جڤاتا وەزارەتێ و سەرۆکایەتیا جڤاتا وەزیران ھاتە پەسەندکرن و پێنگاڤا ئێکێ دێ ژلایێ دارایی زانکۆیێن ھەرێمێ سەربەخوە بن، کۆمەکا داھاتان ھاتینە دیارکرن، ئەڤ داھات سالێن بۆری ب شێوەیێ جودا دھاتنە وەرگرتن، بەلێ سالێن بۆری ئەڤ داھات دچوونە خەزینا حوکمەتێ، گرنگیا ئەڤی پڕۆژەی بۆ ڤێ چەندێ ڤەدگەڕیت، ل گۆرەی ماددێ 10 یا قانوونا وەزارەتا خواندنا بلند و ڤەکۆلینێن زانستی ھەموو داھاتێ وەزارەتێ ھاتیە رێکخستن و دێ داھاتێ ھەر زانکۆیەکێ چیتە سەر حیسابا سندۆقا ھەمان زانکۆیێ.
ناڤبری خویاژی کر، ھەروەسا دێ 70%ێ ڤی داھاتی بۆ زانکۆیان بیت و ب مەرەما بلندکرنا ئاستێ وان ھێتە بکارئینان، ئەڤە ژی دبیتە ئەگەر ئیدی زانکۆیێن ھەرێمی داھاتێ خوە ھەبیت بۆ ھەر مەزاختیەکی ڤەنەگەڕن بۆ وەزارەتا خواندنا بلند و دارایی، سالێن بھێت دێ کاریگەریەکا زۆر ل سەر زانکۆیێن ھەرێمێ ھەبیت.
عەباسی گۆت ژی “ئەڤ پڕۆژە ل دو سالێن بۆری دا کارێ زۆر ل سەر ھاتیەکرن، وەکو ریفۆڕمکرنێ و وەرگرتن ل زانکۆیا ب شێوەیەکێ راستەوخۆ، رێڤەبرنا پڕۆسەیا خواندنا ماستەر و دکتۆرایێ ب شێوەیەکێ ئەلکترۆنی، مە باوەریا تەمام ب سەربەخۆیا زانکۆیان ھەیە، ژ بەر کو ھەتا زانکۆ سەربەخۆ نەبن نەشێن خوە برێڤەببەن و پێشڤەناچن، ئەڤ پڕۆژە ژ 60 خالێن زێدەکرنا داھاتی ڤە پێکھاتینە، پتریا خالێن ناڤا پڕۆژەی پەیوەندی ب قوتابیڤە نینە.
ئەو چەندە ژی نە ڤەشارت کو ل سالێن بۆری ب کوژمێ 100 ھزار دینارا ل ئەڤان قوتابیێن ل پشکێن نافخۆیی دمان دھاتە وەرگرتن وەکە بارمتە، بەلێ ئەڤە دو سالە ب ئەگەرێ قەیرانا دارایی ئاریشێن زۆر کەفتینە ناڤا پشکێن نافخۆیی، مە دو رێ ل بەر بوون یان دڤێت پشکێن نافخۆیی بھێنەگرتن، یان دڤێت بدەینە کەرتێ تایبەت، لەوڕا مە بژاردەیەکا دی ھەلبژارت ئەو ژی وەرگرتنا 100 ھزار دینارا ژ ھەر قوتابیەکێ ل پشکێن نافخۆیی دمینیت، ل گۆرەی دوڤچوونا مە بۆ کری ھەر قوتابیەک بچیتە پشکا نافخۆیی یا ئەھلی دڤێت ھەیڤێ 250 ھزار دینارا کرێ بدەت، بەلێ یا حوکمەتێ ب تنێ دێ 100 ھزار دینارا دەت بۆ دەمێ ئێک سالێ، ئەڤ ەژی د بەرژوەندیا قوتابیان دایە.
ئەڤرۆ نیوز:
بۆ سالا نوی یا خواندنێ 2016-2017 کۆلیژا زمانان ل زانکۆیا دھۆک ھاتە ڤەکرن و ل سێ پشکێن زانستی دێ قوتابی ھێنە وەرگرتن.
رێڤەبەرێ تۆمارا گشتی یا زانکۆیا دھۆک د. سەعید خودێدا بۆ رۆژناما ئەڤرۆ دیارکر کو پالپشتی ب فەرمانا وەزارەتا خواندنا بلند و ڤەکۆلینێن زانستی یا ھژمار 13525 ل رۆژا 6/9/2016 کۆلیژەکا نوو ل زانکۆیا دھۆک ھاتە ڤەکرن ب ناڤێ کۆلیژا زمانان و ژ سێ پشکان پێک دھێت ئەو ژی (زمانێ کوردی، زمانێ ئنگلیزی، وەرگێران) کو پێشتر سەر ب کۆلیژا زانستێن مرۆڤایەتی ڤەبوون.
د. سەعید خودێدا ئەو ژی دیارکر کو بڕیارە بۆ سالێن بھێت پشکێن زمانێن دیتر یێن بیانی ل ڤێ کۆلیژێ بھێنە ڤەکرن و ئەڤ کۆلیژە بەرفرەھتر لێ بھێت و گۆت: “زانکۆیا دھۆک د بەرنامەی دایە پتر گرنگیێ بدەتە زمانان و ب تایبەت زمانێ ئنگلیزی و زمانێن دیتر و ڤەکرنا ڤێ کۆلیژێ ل زانکۆیا دھۆک ھەر بۆ ڤێ مەرەمێ یە”.
ل دۆر خواندنا پارالێل ژی د. سەعید دیارکر کو ل ھەموو پشکێن زانستی یێن زانکۆیا دھۆک دێ خواندنا پارالێل ھێتە ڤەکرن و بۆ ھەر پشکەکا زانستی ب رێژا 20% ھاتیە تەرخان کرن و قوتابی دشێن ھەر ژ نوکە راستەوخۆ پێشکێشی وێ پشکا زانستی بکەن یا وان دڤێت خواندنا خۆ لێ تمام بکەن، ئاشکرا ژی کر کو بۆ خواندنا پارالێل دەرچوویێن پێنج سالێن بۆری ژی دشێن پێشکێش بکەن ب مەرجەکی ژیێ وان ژ 40 سالان دەرباز نەبیت.
رێڤەبەرێ تۆمارا گشتی یا زانکۆیا دھۆک ل دۆر خواندنا ئێڤاران دیارکر کو ل 30 پشکێن زانستی ل زانکۆیا دھۆک دێ خواندنا ئێڤاران ھێتە ڤەکرن و ژیێ قوتابی نەمەرجە بۆ خواندنا ئێڤارن و نوکە فورمەک یا ھاتیە بەرھەڤکرن و ھەر دەرچوویەکێ بڤێت دشێت راستەوخۆ قەستا وێ کۆلیژێ بکەت و فۆرما پێشکێش کرنێ بخۆ وەربگریت، ئاشکرا ژی کر کو مەرجێ وەرگرتنێ ل خواندنا ئێڤاران ب تنێ دێ 40 نمرە کێمتر بن ژ کێمترین کۆنمرا سالا بۆری ھاتیە وەرگرتن ل وێ پشکێ.
ئەڤرۆ نيوز:
بەرپرسێ پشکا نەخشەکێشانێ و دووڤچوونێ ل رێڤەبەریا ئاڤا ژێر ئەرد ل پارێزگەھا دھۆکێ دیار کر کو کولانا بیرێن ئاڤێ بۆ ئەگەرێ وێ چەندێ ئاڤا ژێر ئەرد ژ مەترەکێ ھەتا پێنج مەتران کێم بیت.
ئەندازیار ناجی ئیبراھیم ئاشکرا کر کو ھەکە زڤستانا بھێت رێژا پێدڤی یا بەفر و بارانێ نەباریت دێ مەترسی ل سەر ئاڤا ژێر ئەرد ل سنوورێ پارێزگەھا دھۆکێ دروست بیت و بۆ دوارۆژ گۆت: “د شەش ھەیڤێن بۆری یێن ئەڤ سالە دا 94 بیرێن ئاڤێ یێن ھاتینە کۆلان کو پتریا وان ل سنوورێ قەزایێن شێخان و بەردەرەش بوون و بتنێ دو ژ وان بیران ل سەر بۆدجا حوکمەتا ھەرێما کوردستانێ ھاتینە چێکرن و یێن دی ھەموو کەرتێ تایبەت بوون”.
ناڤھاتی ئاماژە دا وێ چەندێ کو ھەشت بیرێن ھاتینە کۆلان بۆ مەرەما ئاڤا ڤەخوارنێ بوون و یێن دی بۆ مەرەمێن چاندنێ بوون و گۆت: “ھەموو بیرێن ھاتینە کولان ل ژێر سەرپەرشتیا لژنا رێڤەبەریا ئاڤا ژێر ئەرد بوون”.
ئەڤرۆ نیوز:
چاڤدێرێ سیاسی دیندار نەجمان دۆسکی ل سەر سەرەدانا سەرۆک بارزانی و شاندێ ل گەل دا بۆ بەغدا و ھێرشا راگەھاندنا کۆمەل و گۆرانێ بۆ سەر ئێکگرتوو بۆ رۆژناما ئەڤرۆ دبێژیت: دەمێ ئەو ھەر سێ لایەن ئۆپۆزسیۆن و نە دحوکمەتێ دا ئێک گۆتار ھەبوو، ھەروەسا دەمێ ھاتینە دناڤ حوکمەتێ ژی دا، ھەر گۆتارا وان گۆتارەکا ئوپۆزسیۆنی و دژی حوکمەتا ھەرێما کوردستانێ بوو، ھەروەسا کۆمەل و گۆرانێ ھزر دکر دێ ھەر ئێکگرتوو دڤی بەرەی دا مینیت، دێ ل دژی پارتی و حوکمەتێ وەکو ئوپۆزسیۆن کارکەت، ھەروەسا ھەبوونا گەندەلیێ و قەیرانا دارایی تارادەیەکێ بۆ وان یا ھاریکاربوو، دیسا ئەڤ کێشا دناڤبەرا گۆرانێ و پارتی چێبووی، گۆرانێ گڤاشتن ل سەر کۆمەل و ئێکگرتوو کر کو ب چنە بەرەیێ وێ، ھەتاکو رادەیەکی دڤیا ئێکەتی ژی ب چیتە ل گەل وان، لێ کۆمەلا ئیسلامی ب ھەموو ھێزا خوەڤە چوو بەرەیێ گۆرانێ، لێ ئێکگرتوو ھەتاکو بەری کونگرەی گۆتارا وێ یا ھەڤسەنگی بوو، دناڤبەرا پارتی و گۆرانێ دا، لێ چوونا سەلاحەدین بەھائەدینی ل گەل سەرۆک بارزانی بۆ بەغدا، سەنگەکێ دی دا ئێکگرتوویێ، چونکی وی شاندی داخوازا مافێ سەربەخۆیێ ل گەل حوکمەتا عێراقێ بەحسکریە،کو چەندین سالە کوردان خەبات و قوربانی ژبۆ وێ چەندێ داینە،کو ئەو ژی دامەزراندنا دەولەتا کوردستانێ یە، ئەڤە قۆناغەکا ھەڤچەرخە د مێژوویا خەباتا مللەتێ کورد دا.
ھەروەسا گۆت: گۆران و کۆمەلێ وەسا ھزر کریە پشتی کونگرێ ئێکگرتوو،کو ستافێ نوو یێ سەرکردایەتیا ئێکگرتوو و ل گەل ئەمیندارێ گشتی دێ سیاسەتا ئێکگرتوو گۆھوڕن و دێ چنە د بەرەیێ پارتی دا، ھەروەسا نوکە پەیوەندیێن ئێکگرتوو ل گەل پارتی و حوکمەتێ د ئاشکرانە، ئەڤە بوویە جھێ نیگەرانیا ھەردو یان و بتایبەتی کۆمەلا ئیسلامی کو ھێرشێن تۆند و دژوار دکەتە سەر ئێکگرتوویا ئیسلامی.
ناڤھاتی زێدەتر گۆت: خەما گۆران و کۆمەلێ بەغدا نەبوویە و پتر ئەو ل سەر حوکمەتا ھەرێمێ راوەستی یاینە، لەورا ئەڤ قەیرانا پەیدابووی ژی ئەگەرێ داکەفتنا نرخێ نەفتێ بوویە، ھەر چەندە خەلکێ گازندە ژ ئەدایا حوکمەتێ ھەیە، لێ دڤێت نوکە ھەموو پارتێن سیاسی یێن کوردستانێ ملێ خوە بدەنە بەر ئەڤێ قەیرانێ،داکو ڤی مللەتی ژ ڤێ قەیرانێ قورتال بکەن، لەورا دڤێت ھێزێن سیاسی مۆزایدێ ل سەر ڤێ چەندێ نەکەن، چونکی ئەڤە قەیرانەکا جەماوەری یە، ھەموو پارت و لایەنێن سیاسی ڤەگرتینە، لێ مخابن ھندەک لایەنا ئەڤ چەندە بۆ خوە ب دەلیڤە دیتیە و ڤێ چەندێ وەک بانگەشەک بۆ خوە ب کار دئینن، ھەروەسا ئەو لایەن ھاندانا خەلکی دکەن کو کارێن خراب دژی حوکمەتێ بکەن و ب چنە سەر بارەگایێن پارتێن سیاسی، ئەڤە نە د خزمەتا خەلکێ کوردستانێ دایە.
دیندار دوسکی دیارکر:ڤێ جارێ سەرۆک بارزانی بەحسێ دەولەتا کوردی و جودابوونێ ب گەرمی ل گەل عەبادی و سەرکردێن عێراقێ بەحسکریە،ھەروەسا ئەڤ بابەتە بۆ سەرکردێن عێراقێ ژی تشتەکێ غەریب نەبوویە، وان گۆتیە بارزانی وە دڤێت ل گەل مە بن، یان ژی بڕیارا جودابوونێ بدەن، ھەروەسا گرنگیا ڤێ سەرەدانێ ئەو بوو،کو شاندێ ھەرێما کوردستانێ بەحسێ وان ھەموو کێشەیێن ھەرێمێ ل گەل بەغدا کریە، لێ تەوەرێ سەرەکی یێ سەرەدانا سەرۆک بارزانی بۆ بەغدا بەحسێ جودابوونا کوردستانێ و دامەزراندنا دەولەتا کوردی ھاتیە کرن، لەورا ئەمریکا و وەلاتێن ئورۆپی ژی گۆتیە،کو دڤێت کورد ل گەل بەغدا رێک بکەڤن،ل سەر ڤی بابەتی،لەوما ھەر بریارەکا خەلکێ عێراقێ ب کورد و عەرەب ڤە بدەن،ئەو ژی دێ پشتەڤانیێ لێ کەن.
چاڤدێرێ سیاسی ھێشتا دبێژیت: مللەتێ مە خەبات کریە دا بگەھنە ئارمانجا خوە یا سەرەکی یا پیرۆز و مەزن کو ئەو ژی دەولەتبوونە،لەورا دانوستاندن ل گەل بەغدا ل سەر جودابوون و دامەزراندنا دەولەتا کوردی،دبیت چەند دەم ژی ڤەکێشیت،لێ ئامادەبوونا بەغدا ل ناڤ ڤان دانوستاندنا پێشکەفتنەکا ب بھایە بۆ کوردان،ھەر چەندە تشتەکێ ب ساناھی نینە،کو بەغدا رازی بیت کورد دەولەتا خوە رابگەھینن،ھەکە رازی ببیت ژی دێ ھەر مە دانوستاندن ھەبن ل سەر سنۆر و جۆگرافیا کوردستانێ و ھەروەسا ئالیەتا جودابوونێ،لەورا ھەکە دانوستاندن ل سەر ڤان تشتان ھاتەکرن، ناڤەرۆکا ڤێ چەندێ ھندێ دگەھینیت کو بەغدا ژی یا ئامادەیە کو ئەم ژێ جودا بین، ئەڤ چەندە ب جددی و رژدی ل گەل بەغدا ھاتیە بەحسکرن و بەغدا ژی ئامادەیا خوە دەربریە کو ئەڤان دانوستاندنا ل گەل ھەرێما کوردستانێ بکەت.
دیندار نجمان خوەیاکر: ئیران دەولەتەکا ھەرێمی یە و ب درێژاھیا مێژوویێ کارتێکرنا خوە ھەبوویە ل سەر ڤێ دەڤەرێ و پشتەڤانیا بزاڤا رزگاریخوازا کوردستانێ کریە، لێ نوکە عێراق تا رادەیەکی وەکو مەزھەب یا گرێدایی ئێرانێ یە و ھێزێن سیاسی فەرمانرەوانە ل عێراقێ و گەلەک ژ وان پەیوەندیێن تایبەت و دینی و مەزھەبی ل گەل ئیرانێ ھەنە، لەوما ئێرانێ کارتێکرنا خوە ل سەر بریارێن عێراقێ ھەیە، لێ ھەتاکو نوکە دبلۆماسیەن پەیوەندیێن ھەرێما کوردستانێ ل دژی چو دەولەتێن ھەرێمی نەبووینە، چوونا سەرۆکێ ھەرێمێ ل گەل شاندەکێ بۆ ئیرانێ پێنگاڤەکە بەرەف پرسا سەربەخۆیێ و دەولەتبوونێ، ئەم ب ھیڤی نە کو ھەلویستێ ئیرانێ ژی یێ ئەرێنی بیت، بەرامبەر داخوازیێن مللەتێ مە.
سەبارەت ھەلویستێ تورکیا ناڤھاتی گۆت: ترسا تورکیا بۆ کێشا کوردان گەلەکە و رێژەیا ھەرە مەزنا کوردان ل تورکیا ھەنە، لێ ھەر پارچەکا کوردستانێ کێشەیا خوە یا تایبەت ھەیە، ھەر چەندە نوکە پەیوەندیێن ھەرێمێ ژلایێ سیاسی و ئابووری ڤە ل گەل تورکیا د ئاستەکێ باش دانە، ھەروەسا ھەرێما کوردستانێ دشێت تورکیا دلنیا بکەت،کو چێبوونا دەولەتا کوردستانێ ژ عێراقێ چو مەترسیێ ل سەر ئێمناھیا نیشتیمانی یا تورکیا دروست ناکەت،لەورا دڤێت ئەم بۆ وان دیار کەین کو ئەڤە کێشەیەکا نافخۆیا خەلکێ عێراقێ یە.
نيشاندان
