ئەڤرۆ نیوز:
مالپەرێن ھەڤگەھشتنا جڤاکی ژ مەزنترین ھوویێن ھەڤگەھشتنێ نە د ناڤبەرا مرۆڤان دا، لێ ھەمان دەم مەزنترین ترسە بۆ ھەرفاندنا ھەر ھەڤبەندیەکێ و ب تایبەت ھەڤیەندیا ھەڤژینیێ.
دبیت ئێک ژ ھەڤینان ئونقەسد رەفتارەکێ ل سەر فەیسبووکی بکەت و رەوشا ژیانا خوە یا ھەڤژینیێ ھەتا ھەتایێ تێک بدەت، لەورا یا باشتر ئەوە ھەردو ھەڤژین خوە راگرن و وان رەفتاران ل سەر تۆرێن جڤاکی نەکەن دا ھەڤبەندیا وان نە ھەرفیت. ئەڤە سێ ژ وان رەفتارانە یێن پێدڤی ھەڤژین خوە ژێ دوور بکەن:

1- ب ئاوایەکێ ئاشکرا رەخنێ ل ھەڤپشکێ ژیانا خوە نەکە:
ئەرکێ تەیە ھەڤپشکێ ژیانا خوە بپارێزی و ناڤودەنگێ وی نە شکێنی خو ھەکە ھندەک رەفتارێن وی گەلەک ب دلێ تە ژی نەبن. لەورا دەمێ تو تۆرە دبی چو تشتان ل سەر فەیسبووکی بەلاڤ نەکەی باندۆرێ ل ناڤودەنگێ ھەڤژینێ تە بکەن، ژ بەرکو ئەو دێ ئاریشەیەکا مەزن د ناڤبەرا ھەوە دا دروست کەت و دبیت ببیتە سەدەمێ ھەرفاندناە ەڤبەندیا ھەوە یا ھەڤژینی.

2- دەمێ تو یێ تۆرە بی چو تشتان ل سەر فەیسبووکی بەلاڤ نەکە:
دبیت تۆرەبوون بەرێ تە بدەتە ھندەک تشتان تو ل سەر پەشیمان بی. لەورا دەمێ تویێ تۆرە بی چو حوکمانل سەر ھەڤپشکێ ژیانا خوە نەدە و چو تشتان ل دۆر وی ل سەر قەیسبووکی بەلاڤ نەکە، دبیت ئەو چەندە بێھنا تە پیچەک فرەە بکەت، لێ بێگۆمانە دێ وێ چەندێ رەنگڤەدانا خوە یا نەرێنی ژ ئالیێ ھەڤژینێ تە ڤە ھەبیت و دێ ھەڤژینیا ھەوە ھەرفینیت.

3- ژ بھایێ بۆچوونێن وی نە ئینە خار:
دبیت بۆچوونەکا وی ب دلێ تە نەبیت یا وی ل سەر فەیسبووکی بەلاڤ کری، لێ بزاڤێ نەکە ب رێیا کۆمێنتەکا نەرێنی ژ بھایێ بۆچونا وی بینیە خار، ژ بەرکو دبیت ببیتە شەرەدەڤ د ناڤبەرا ھەوە دا و باندۆرەکا نەرێنی ل ھەڤبەندیا ھەوە کەت.

ئەڤرۆ نیوز:
1- سروشتییە ھوین ھەموو دەمان رێککەفتی نەبن:
تە دڤێت دیکۆرێ مالێ بگوھۆری و ب دلێ وی نینە؟ ل نک وی نە گرنگە گوھۆرین د مالێ دا بھێنە کرن؟ تە پلانەک بۆ زارۆیان ھەیە و ئەو د گەل تە رێک ناکەڤیت؟ تە دڤێت ھندەک جلکان بکەیە بەرخوە و ب دلێ وی نینە؟ و گەلەک تشتێن دی. ئەڤە رامان وێ ئەو نینە گونجاندن و رێکەفتن د ناڤبەرا ھەوە دا نینە، ھەر ئێک ژ ھەوە کەساتیا خوە یا جودا یا ھەی و نە یا پێدڤییە ھەردو کەساتی درێکەفتی بن. دەمێ بۆچوون د جودا بن بزاڤێ بکە چارەیەکا ناڤنجی ببینە ھەوە ھەردویان رازی بکەت و بێی دلمانی و دودلی.

2- ھزرا خوە بکە بەری باخڤی:
بەلێ ئەم ھەمی دکەڤینە وێ ئاریشێ. ئاخفتن نە ئاریشەیە بەلێ نە ھزرکرن بەری ئاخفتنێ دبیت مە پەشیمان بکەت، ئەو تشتێ ل سەر ئەزمانێ خوە نەبێژە ھەتا دارێتنەکا جوان بۆ دروست دکەی و دەمەکێ گونجای بۆ گۆتنا خوە ببینە دا ھەڤپشکێ تە گوھێ خوە بدەتێ و د تە بگەھیت.

3- گرنگیدان:
گرنگیێ بدە ھەڤژینیا خوە، دەمێ تەمام بۆ گرنگیدانا ب ھەڤژینێ ببینە و بارێ وی سڤک بکە و ھەلبەت دێ ھەمان گرنگیێ ددەتە تە.

4- ھندەک ئارەزوویان بکە:
ب بەر ناکەڤیت ھەمی تشتان د گەل ھەڤژینێ خوە ئەنجام بدەی، بلا تە ھندەک ئارەزوو ھەبن و تو ب تنێ بکەی یان دگەل ھەڤالان. ئەو کارەکێ پێدڤیە دا ئەو ھەست ب سەرخوەبوونا خوە بکەت، ھەر تشتێ تو بکەی ژی بۆ وی بێژە دا خۆشیێ و تەناھیێ بدەتە ژیانا ھەوە.

5- ھەر تشتێ تە بڤێت تو دشێی چارە بکەی:
ھەڤبەندی وەکو خانیە، دەمێ تشتەک ل مالێ خراب دبیت تو ناچی خانیەکێ دی بکڕی، بەلکو دێ وی جھی نووژەن و چارە کەی، وەسا دەمێ ئاستەنگەک دکەڤیتە رێیا ھەوە، بزاڤێ بکە د ئاریشێ بگەھی و چارەیەکا گونجای بۆ ببینە بێی رەنگڤەدانێ ل سەر تشتێ مایی د ژیانا ھەوە دا بکەت.

6- یا ژ ھەژی ئەڤینیێ بە:
بەردەوام ئەم دھێینە گوھۆرین، پێدڤیە ھەموو دەمان ئەم ل تشتێ باشتر بگەرین، بزاڤێ بکە تو ئەو کەس بی ئەوا ھەڤژینێ تە حەز ژێ دکەت، ئەو ژن بە یا ئەو خەریبێ دیتنا وێ، حەز بکەت تە ماچی بکەت و تە ھەمبێز بکەت و خوە نێزیکی تە بکەت، ببە پشتەڤانا وی و ھەرو بێژێ کا تو چەند حەز ژێ دکەی، ھەمان دەم یا نێزیکی ھەڤال و کەس و کارێن خوە و یێن وی بە، دەمێ ھەست ب ئەڤینا تە دکەت دێ ھەست ب گرنگیدانا تە ژی کەت.

7- مایێ خوە د ئاریشێن وی و مالباتا وی نەکە:
ھەکە ھەڤژینێ تە داخواز ھاریکاریێ ژ تە نەکەت ب چاۆەکۆنا ئاریشەکێ، یان ھەکە تە دیت تشتەکێ د سەرێ وی دا و نەڤێت بێژیت یان یێ خەمگینە، بزاڤێ بکە بارێ وی سڤک بکەی بێی رژدیی َلێبکەی بۆ تە باخڤیت. وە بکە ئەو بزانیت تو یا ھەی و تو دێ گوھداریا وی کەی ھەکە بڤێت، بێی چو فشاران لێ بکەی، سەقایەکێ خۆش ل ناڤ مالێ بۆ دروست بکە.
ھەمان دەم گەلەک ئاریشە ل مال پەیدا دبن ژ ئەگەرێ مایتێکرنێن دەرڤە، چ ژ مالا تە بن یان یا وی، بزاڤێ بکە رێ نەدەیە کەسێ مایێ خوە د یانا ھەوە بکەت، ھەروەسا تو ژی مایێ خوە د ئاریشێن مالباتا وی نەکە، بلا بۆچوونا تە ل سەر بنەمالا وی یا ئەرێنی بیت.