ئه‌ڤرۆ نيوز:

دشیاندایە ھندەک تیتالێن نەباش 12 سالان ژ ژیێ تە کێم بکەن، ڤەکولەران سالێن ژیێن مرۆڤی یێن بەرزەبوی ب چار خەلەتین دەستنیشانکرن، ب دارشتنەکا دی: ئەم دزانین ئەو چار خەلەتی چنە ئەوێن کو نابیت رێکێ ل کومڤەبوونا وان بگرین داکو چیێ مە بۆ دەە سالان درێژ ببیت.
ئەو تشتێن کو دڤێت خۆ ژێ دوور بکەین:
شارەزایی گەلەک یا درێژە، بەلێ پروتوکول یا ب سانەھی یە، 5000 وەلاتیێن بریتانی یێن د سەر 18 سالیێ دا ل سالا 1984ێ ھاتنە دەستنیشانکرن و بۆ دەمێ 20 سالان کەتنە ل ژێر دووڤچۆنێ.
ئەنجامێن رووپیڤانا ساخلەمیێ ل سەر چار کومان ژ 0-4 بۆ ساخلەمیا ھەر بەربژێرەکی ب ڤی رەنگی بوون:
– ئێک خال ددەمێ جگارەکێشانێ دا.
– ئێک خال ددەمێ ب کارئینانا کحولی دا( یان پتر ژ 14 جاران د حەفتیێ دا بۆ ژنان و 21 جاران بۆ زەلامان).
– خالەک بۆ ب دەستڤەئینانا نەتەڤاڤ یا خوارنا فێقی و زەرزەواتی( یان کێمتر ژ سێ جاران د رۆژێ دا).
– خالەک بۆ شێوازێ خوجە یێ ژیانێ ( حەفتیانە دو دمژمێرێن وەرزشێ).
پاشی خالێن مرنێ ھاتنە دەستنیشانکرن و ھەڤبەندیا وان ب ساخلەمیێ ڤە ھاتە گرێدان، ل کۆما ئێکێ 1080 پشکداران گیانێ خۆ ژ دەست دا، 430 کەسان ژ ئەگەرێن نەخۆشیێن دلی و خوینگێران، 320 کەسان ژی ژ ئەگەرێ پەنجەشێرێ و 330 کەسان ژبەر ھندەک ئەگەرێن دی.
پشتی کریارەکا ژمێریاری یا ھوور، ڤەکولەران دیارکر کو ئەوێن ھەر چار تیتالان کوم دکەن 12 سال ژ ژیێ وان کێم دبن، پرسیار ئەوە دێ چاوان خۆ ژ پیریاتیێ دەیە پاش و 12 سالان ل سەر ژیێ ساخلەمیا خۆ درێژکەی؟
بەرسڤ دێ ب ڤان خالان بیت:
– خودوورکرن ژ جگارەکێشانێ.
– دانانا رادەیەکی بۆ ڤەخوارنا مەی.
– خوارنا فێقی و زەرزەواتی ل گەل ھەر دانەکێ خوارنێ.
– وەرززش ھەموو رۆژان.
ھندی مرۆڤ نێزیکی ڤان چار تیتالان ببیت، دێ ساخلەمیا وان باشتر بیت د ژیانێ دا.

ئه‌ڤرۆ نيوز:

نوشدارەکێ تایبەتمەندێ نشتەرگەرێن دفن و گوە و گەوریێ ئاشکەراکرکو ھەکە دبن ھەژدە سالیێ نشتەگەری بۆ دفنا کەسەکی بھێتەکرن سەروسیمایێ وی دێ کرێت بیت و دھێتە گھورین گۆت: پەنجا گشتی باشترە بۆ وی کەسی یێ کو مرۆڤ نشتەگەریێ بۆ ئەنجام دەت، چونکو خوین دچتە حەفکا وان.
عەبدوللا رەبیع خەلیل نوشدارێ تایبەتمەندێ نشتەگەرێن دفن گوە و گەوریێ دھەڤدیتنەکێ دا بۆ بەرپەرێ ساخلەمیێ رۆژناما ئەڤرۆ دیارکر پتریا وان کەسان ئەوێن دھێن دفنێن خوە راست ڤە دکەن گەنجن دژیێ بیست سالیێ ھەتا چل سالیێ وگازندا ژ ھندێ دکەن کو دفنا وان یا گرتیە، یان ھەناسا وان ناھێت و بچیت و ھندەک جارا رەخەکێ دفنێ دھێتە گرتن و ژبەرڤێ چەندێ سەر ئێشان وچاڤ و گۆە و سەرێن ددانا ژی تیشن گۆت: ھەر نشتەگەریەکێ زیانێن خوە ھەنە و ھندەک جاران پشتی نشتەگەریێ (التیھاب) و خوین بەربوون چێ دبیت و ئەو ھەستیێ دفنێ کول دبیت، لەورا یا پێدڤیە ل سەر نەخوەشی دەمێ دەستپێکێ قەستا نوشداری دکەت ب دروستی نەخوەشیا خوە بۆ نوشداری بێژیت داکو نوشدار ئێکسەر ب نەخوەشیا وی بکەفیت، چونکو گەلەک جاران دێ نشتەگەریێ کەین بۆ دفنا کەسەکی کو گۆشتێ زێدە ددفنا وی دا یێ ھەی پشتی ئەم نشتەگەریێ بۆ دکەین وەسا دیاردبیت بھێن تەنگیا وی ژ ھەستیێ زێدەیە لەورا ژبەرڤێ چەندێ نەخوەش گازندێ ژنوشداری دکەن
عەبدوللا رەبیع خەلیل نوشدارێ تایبەتمەندێ نشتەگەرێن دفن گوە و گەوریێ زێدەترگۆتژی: ژبۆ نشتەگەریا جوانکاریێ و راستڤەکرنا دفنێ ل سەر ژیێ ھەژدە سالیێ نشتەگەری بۆ دھێتە کرن، چونکو ئەگەر دبن ھەژدە سالیێ نشتەگەری بۆ بھێتەکرن سەروسیمایێ وان کریت بیت و دھێتە گھورین ژبەرکو دوی دەمی دا کەسێن ھەژدە سالی دھێتە گەشەکرن و مەزن دبیت و ھەستێن وان مەزن دبیت و دەمێ نشتەگەریا ئەنجام دەم دبینم پەنجا گشتی باشترە بۆ وی کەسی یێ کو مرۆڤ نشتەگەریێ بۆ ئەنجام دەت، چونکو گەلەک جارا خوین دچتە حەفکا نەخوشان، لێ ب دیتنا من ئەو پەنج نەیا باشە دەمێ نەساخ نیڤ یێ ھشیاربیت.