ئه‌ڤرۆ نيوز:

پشتی دەست دانینا سەر ٢٤ باژێرڤانیێن کوردان ژ ئالیێ حوکمەتا ئاکپارتی ڤە د ناڤا دو رۆژان دا ھەڤسەرۆکێن سێ باژێرڤانیێن دی یێن پارتا ھەرێمێن دیمۆکراتیک (DBP) ھاتنە دەستەسەر کرن و ژ سەر کارێن خوە ھاتنە دوورخستن.
حوکمەتا ئاکپارتی ب ھەموو ھێزا خوە ڤە زۆرداریێن ل سەر کوردان دژوارتر دکەت و دخوازیت باژێرڤانیێن کوردان ب تەمامی بێخیتە ژێر کۆنترۆلا خوە و د ڤێ چارچۆڤێ دا پشتی دەست دانینا سەر ٢٤ باژێرڤانیان د ناڤ دو رۆژان دا محەمەد مەھدی ئاسلان و نەڤین گیراسون ھەڤسەرۆکێن باژێرڤانیێن باژێرکێ ھەزەخ یا سەر ب شەرنەخ ژ کاری ھاتنە دوورخستن و ھەڤسەرۆکێ باژێرڤانیا بیرەجوکێ ژی ھاتە دەستەسەر کرن و حوکمەتا ئاکپارتی دخوازیت کەسێن نێزیکێ خوە ل ڤان ھەردو باژێرکێن باکورێ کوردستانێ ئەرکدار بکەت.
د ڤێ دەربارێ دا سەباحەت تونجەل ھەڤسەرۆکا DBP د داخویانیەکی دا ل ئامەدێ راگەھاند کو وان ب دەنگ و ئیرادا گەلێ کورد باژێرڤانیێن باکورێ کوردستانێ قەزەنج کرینە و ئەو ب چو رەنگەکی کەسێن دی قەبوول ناکەن و گۆت: (ژ رۆژا کو ٢٤ باژێرڤانیێن مە ژ ئالیێ حوکمەتا ئاکپارتی ھاتنە دەستەسەر کرن چو خزمەت پێشکێشی خەلکێ نەھاتنە کرن و ئاڤاھیێن باژێرڤانیان وەک بنگەھێن ئێمناھیێ بکار دھینن و ئەز جارەکا دی دبێژم ئەڤ یاریێن حوکمەتا تورکیا ب سەر ناکەڤن و چو حوکمەت نەشێت ل ھەمبەر ئیرادا گەلێ کورد راوەستیت).
ھەڤسەرۆکا DBP ھەروەسا راگەھاند ژی کو حوکمەتا ئاکپارتی ب سەرکێشیا سەرۆک کۆمار ئەردۆگانی د ھەر واری دا ل دژی گەلێ کورد و دەسکەڤتێن باکورێ کوردستانێ شەر دایە دەستپێکرن و گۆت: (دڤێت ئەردۆگان و حکوومەتا ئاکپارتی باش بزانن کو چو ھێزەک ئانکۆ دەولەت یان حوکمەت نەشێن ل ھەمبەر بەرخوەدانا گەلان راوەستن و ژ ئەڤرۆ پێڤە دێ ھەڤسەرۆکێن باژێرڤانیێن کو ژ کاری ھاتنە دوورخستن و د جھێن وان دا کەسێن دی ھاتنە ئەرکدار کرن، دێ د ناڤا گەل و ئاڤاھیێن پارتا مە دا کارێن باژێرڤانیان برێڤە ببەن و ژ خوە گەلێ مە لوە نادەتە مرۆڤێن دی و ھەر وەلاتیەکی مە ل دووڤ رێنماییێن ھەڤسەرۆکێن باژێرڤانیێن خوە بزاڤێ دکەن و ئەم ب چو رەنگەکی ناھێلن کۆدەتا سیاسی یا ئاکپارتی ل باژێرێن مە سەربکەڤیت و وەک حوکمەتێن بەری خوە دێ حوکمەتا ئاکپارتی ژی نەشێت ل ھەمبەر ئیرادە و ھێزا گەلێ کورد خوە رابگریت).

ئەڤرۆ نیوز:
دەستەیا مافێ مرۆڤی زانیاریێن رێکخراوەکا نێڤدەولەتی لدۆر دەستەسەرکرنا ئافرەتەکا ئێزدی رەتکرن، ئاشکراکر ئەو ئافرەتا ھاتیەگرتن گورەی قانوونا تیرۆرێ بۆیە و دادوەر دێ بڕیارێ لدۆر بادەکا وێ دەت، ھەروەسا دیارکر، ھندەک رێکخراوێن بیانی رۆلەکێ خراپ لدۆر سەنگەرێن پێشمەرگەی گێڕایە.
محەمەد گۆمەشینی، پەیڤدارێ دەستەیا مافێ مرۆڤی ل ھەرێما کوردستانێ بۆ رۆژناما ئەڤرۆ گۆت” ئافرەتەکا ئێزدی ژلایێ ھێزێن ئەمنی یێن ھەرێما کوردستانێ ھاتیە دەستەسەرکرن و نوکە د زیندانێن ئاسایشێ دایە، ئەف ئافرەتا ئێزدی پشتی ھێرشا شنگالێ ھاتیە گرتن و گورەی زانیاریێن ھێزێن ئەمنی داینە دەستەیا مافێ مرۆڤی، دەست دگەل چەکدارێن داعش ھەبووینە و بۆیە ئەگەرێ شەھیدکرنا ھژمارەکا پێشمەرگەی، لەوڕا ب ڤێ تۆمەتێ ھاتیە گرتن و ئەف رێکخراوێن بەحسێ بنپێکرنا مافێ مرۆڤی دکەن، لدۆر دەستەسەرکرنا ئەڤێ ئافرەتا ئێزدی چو راستی بۆنینە، ژبەرکو دەستەیا مافێ مرۆڤی و رێکخراوێن تایبەت ب رەوشا مافێ مرۆڤی، ھەتا کەس و کارێن وێژی سەرەداناوێ ئافرەتێ کریە و ژیاناوێ ژلایێ مرۆڤایەتی ھاتیە پاراستن و چو گڤاشتن لسەر نینە، بەردەوامژی ئەم چاڤدێریێ لێ دکەین و نەتەوێن ئێکگرتیژی ئاگەھداری رەوشا ڤێ ئافرەتا ئێزدینە، گورەی قانوونا تیرۆرێ ھاتیەگرتن و ھندەک خەلکێ دیژی پشتی کارەستا شنگالێ ھاتیە دەستەسەرکرن ژلایێ ھێزێن ئەمنی، ئەڤەژی تشتەکێ ئاسایە و دڤێت لێپرسین ھەبیت، بەلێ دادوەر دێ بڕیارێ لسەر چارەنڤیسێ ئافرەتا ئێزدی بدەت و ھەر بڕیارەکا بھێتە دانژی دێ خەلکی ھەرێما کوردستانێ و رێکخراوێن بیانی ئاگەھدارکەین.
محەمەد گۆمەشینی گۆتژی” مخابن ھندەک رێکخراوێن بیانی لپشت حەفت قارێن دنیایێ ھاتینە ھەرێما کوردستانێ و رۆلەکێ خراپ گێڕایە لدۆر تۆمارکرنا ھندەک پرسێن گرنگ ژوانا ئەو زانیاریێن بەحسێ خراپکرنا گوندێن عەرەبا دھێنەکرن ژلایێ ھێزێن پێشمەرگەی ئەڤان رێکخراوا دڤێت راستیا ڤێ پرسێ ڤەگوھاستبا نەک بەرۆڤاژی، چونکە ھێزا پێشمەرگەی ھەر گوندەکێ ئازادکربیت بشێوەیەکێ زۆر مرۆڤانە سەرەدەری دگەل خەلکی و ھەتا دیلێن داعش، ھەر تیرۆرستەک کەفتبیتە دەستێ پێشمەرگەیدا وەکە دیل گورەی جارناما مافێ مرۆڤی سەرەدەری دگەلکریە و ئێکەم جار ئاڤ دایە ئەڤان چەکدارا، مە دوڤچوونا تمامکریە بۆمە دەرکەفتیە پێشمەرگەی ژبلی کۆنتڕۆلکرنا گوندێن بن کۆنتڕۆلا داعش، شیایە ئەڤان گوندان بپارێزیت، ئەگەر خانیێ وەلاتیەکیژی ھاتبیتە خراپکرن ئەڤە ژ ئەگەرێ ڤێ چەندێ بۆیە تیرۆرستێن داعش خانی بۆمبەکرینە و ھژمارەک ژوان خانیان بسەر پێشمەرگەیدا پەقینە و چەندین پێشمەرگە بڤێ ئەگەرێ شەھید و برینداربووینە.