ئه‌ڤرۆ نيوز:
جڤاتا نوونه‌رێن عيراقێ ئه‌ڤرۆ رۆژا چارشه‌مبى رێكه‌فتى 21ى ئيلۆنا 2016ێ و ب پتريا ده‌نگێن ئاماده‌بوويان باوه‌رى ژ وه‌زيرێ دارايى هشيار زێبارى وه‌رگرت.
د كۆمبوونا ئه‌ڤرۆ يا جڤاتا نوونه‌ران پشتى هاتيه داخوازكرن ده‌نگدان ب ره‌نگه‌كێ نهێنى هاته ئه‌نجام دان و 158 ئه‌ندامێن جڤاتا نوونه‌ران ده‌نگ ژ وه‌رگرتنا باوه‌ريێ دان و 77 كه‌س ژى ل گه‌ل نه‌بوون و 14 كه‌سان ژى ده‌نگ نه‌دابوو.
ئه‌ڤرۆ نيوز:
كۆمبوونا جڤاتا نوونه‌رێن عيراقێ بۆ رۆژا پێشنجه‌مبى رێكه‌فتى 22ى ئيلۆنا 2016ێ هاته پاشخستن.
جڤاتا نوونه‌رێن عيراقێ ئه‌ڤرۆ رۆژا چارشه‌مبى رێكه‌فتى 21ى ئيلۆنا 2016ێ و ب پتريا ده‌نگێن ئاماده‌بوويان باوه‌رى ژ وه‌زيرێ دارايى هشيار زێبارى وه‌رگرت.
د كۆمبوونا ئه‌ڤرۆ يا جڤاتا نوونه‌ران پشتى هاتيه داخوازكرن ده‌نگدان ب ره‌نگه‌كێ نهێنى هاته ئه‌نجام دان و 158 ئه‌ندامێن جڤاتا نوونه‌ران ده‌نگ ژ وه‌رگرتنا باوه‌ريێ دان و 77 كه‌س ژى ل گه‌ل نه‌بوون و 14 كه‌سان ژى ده‌نگ نه‌دابوو.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 21ى ئيلۆنا 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1295 |
| 1 يۆرۆيێ ئه‌ورۆپى | 1440 |
| 1 ليرێ توركى | 430 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
ب جوینا بەنیشتی دبیت کێمتر دلێ مە بچیتە خوارنێ و ھندەک جاران تورەبوون یا باشە و ھەکە حەفتیەکێ مالپەرێن ئەنترنێتێ ب کاربینی رەنگە ھزرکرنا تە بەرفرەھتر لێ بکەن.
ڤەخوارنا قەھوێ رۆژانە رەنگە مەترسیێ ب تووشبۆنێ ب نەخۆشیا بارکنسون و شەکرێ و پەنجەشێرێ کێم بکەت، ژبەرکو گەلەک نەخۆشی ھەنە گرێدای ھەودانن و ڤەکولینەکا نوو دیارکریە کو ھندەک جاران تیتالێن نەساخلەم باشی ژی ھەنە و رەنگە مفایێن وان بڤی رەنگی بن:
• ھندەک جاران تورەبوون یا ب مفایە: رەنگە ھندەک جاران تورەبوون یا ب مفابیت بۆ مێشکی و لەشی، بۆ نموونە ھندەک ڤەکولین پێشنیاز دکەن ئەو کەسێن تورە دبن بریارێن باشتر وەردگرن، بەلێ ھندەک جاران تورەبوونێ ھەستێن نێگەتیف ژی ھەنە و پەشیمانی ل دووڤ پەیدادبیت.
• لادانا لاپەرێن ئەنترنێتێ مێشکی ھان ددەت: ھەکە تو حەفتیەکێ ئەنترنێتێ ب کاربینی رەنگە کوژیێن ب زەحمەت یێن ھزرکرنێ د مێشکی دا ھان بدەت، ئەو دەمێ ئەم ل سەر ئەنترنێتێ دبورینین دێ شیانێن مرۆڤی یێن بریاردانێ ژی ب جورئەتتر ئێخن و ھندی ئەم ئەنترنێتێ پتر ب کاربینین شیانێن مێشکێ مە مەزنتر لێ دھێن.
• جوینا بەنیشتی بەژن زراڤیێ د پارێزیت: ھەلبەت ھندەک جارا ئەم ژ جوینا بەنیشتی نەخۆشیا خۆ دبینین و دبیت دەنگێ پەقیشکێن وێ یێ نەخۆش بیت، بەلێ جوینا وی دبیتە ئەگەر کو دلێ مرۆڤی کێمتر بچیتە خوارنێ و گەلەک قەلەو نەبیت.
پیستێ مری ب بەرەکی یان ب لیفکی ل دەمێ سەرشوویێ پاقژ بکە داکو ستووراتیا وی نەمینیت، ھندەک پاتە و پالپشتێن تایبەت ب بزمارێن پێی ڤە ب وەرپێچە داکو فشار لێ نەبیت و ئێشانا وان کێم ببیت.
چارەسەریا نموونە بۆ بزمارێن پێی کونترولکرنا ئەگەرێ وان یێ سەرەکی یە، پێکڤەمانا وان و پێلاڤێ و فشارکرن ل سەر پێی مەترسیێن مەزنن.
– ب کارئینانا پالپشتێن پێدڤی بۆ بزمارێن پێی کو فشارێ و پێکڤەمانا وێ کێ/ بکەن و ب ڤی رەنگی دێ ئێشان ژی کێم بیت.
– ب کارئینانا شلەمەنیێن خوجھی و لزقەیێن کو ترشیێ سلیسیلیک دناڤدا.
– ڕەنینا پیستێ مری ب بەرەک یان لیفکەکێ تایبەت ل دەمێ سەرشووشتنێ یان پشتی ھێنگی بۆ کێمکرنا وەرارا پیستێ کومڤەبووی و ئەم شیرەتان ل تە ناکەین ڤێ رێکێ ب کاربینی ل دەمێ تە نەخۆشیا شەکرێ یان بێھێزیا خولا خوینێ ھەبیت.
– ئەگەر ڤان رێکان چ مفا نەگەھاندە تە و ئێشان یا بەردەوام بوو باشترە شیرەتان ژ نوشدارەکی وەربگری دا دەرمانێن کاریگەرتر بۆتە بنڤیسیت.
ئه‌ڤرۆ نيوز، نيوار محه‌مه‌د سه‌ليم:
سه‌رۆكێ جڤاتا نوونه‌ران ئه‌ڤرۆ رۆژا چارشه‌مبى راگه‌هاند كو داخوازيه‌ك ژ 100 نوونه‌ران گه‌هشتيه ده‌ستێ سه‌رۆكاتيا جڤاتێ كو رێگرن نه‌ينه‌وا بهێته پارچه‌كرن.
جبۆرى د چارچۆڤێ روونشتنا جڤاتا نوونه‌ران دا ئه‌وا نوكه ژى يا به‌رده‌وام گۆت: “داخوازيه‌ك ژ 100 نوونه‌رێن جڤاتا نوونه‌ران گه‌هشتيه ده‌ستي وان ره‌ت دكه‌ن كو نه‌ينه‌وا بهێته پارچه‌كرن”.
سه‌رۆكێ جڤاتا نوونه‌ران گۆتژى: “داخوازى ل سه‌ر ده‌ركه‌فتيه و بۆ لژنا قانوونى هاتيه ره‌وانه‌كرن دا كو بهێته دارێژتن و بكه‌ڤيته به‌رده‌نگدانێ”.
مه‌نسور به‌عيجى يێ نوونه‌ر ژى دوهى رۆژا سێشه‌مبى هنده‌ك سياسه‌تمه‌ندارێن نه‌ينه‌وا ب “دووپشك” وه‌سف كرن و ديار دكه‌ت كو ل سه‌ر حوكمه‌تا عيراقى پێدڤيه ژ ناڤ ببه‌ت.
ئه‌ڤرۆ نيوز:
پشتى ڤێ پاشخستنێ، كۆمبوونا جڤاتا نوونه‌رێن عيراقێ ب ئاماده‌بوونا سه‌ليم جبۆرى سه‌رۆكێ جڤاتێ و ئاماده‌بوونا 174 ئه‌ندامان كۆمبوون ده‌سپێكر.
ئاژانسا سۆمه‌ريه نيوز ژ زارده‌ڤێ سه‌ليم جبۆرى سه‌رۆكێ جڤاتا نوونه‌رێن عيراقێ به‌لاڤكريه كو چو به‌لگێن قانوونى نينن دووباره هشيار زێبارى به‌رسڤا پرسيارێن خوه بده‌ت.
سه‌ليم جبۆرى دايه زانين ژى كو هشيار زێبارى وه‌زيرێ دارايێ عيراقێ تان ل بڕيارا جڤاتا نوونه‌ران دايه هه‌مبه‌ر باوه‌رى نه‌ئينان ب به‌رسڤێن وى ل دۆر ئه‌و بابه‌تێن ژێ هاتينه پرس كرن.
هه‌ر چه‌نده هنده‌ك كه‌سان ل ناڤا جڤاتا نوونه‌را خواست كو ئه‌ڤ ده‌نگدان ل سه‌ر باوه‌رى وه‌رگرتن ژ زێبارى بهێته پاشخستن بۆ ده‌مه‌كێ دى به‌لێ ئه‌ڤ بڕياره هاته ره‌تكرن و سه‌رۆكێ جڤاتێ گۆت: “چو به‌لگێن قانوونى نينن كو بهێته پاشخستن”.
جڤاتا نوونه‌رێن عيراقێ خواست ژى كو ده‌نگدان ل سه‌ر وه‌رگرتنا باوه‌ريێ ژ هشيار زێبارى ب ره‌نگه‌كێ نهێنى بهێته ئه‌نجام دان، ئانكو ئاشكه‌را نه‌هێته كرن.
د. فه‌رهاد قادر، ئه‌ندامێ جڤاتا نوونه‌رێن عيراقێ پێشتر راگه‌هاند بوو كو برگه‌يه‌كا روونشتنێ يا تايبه‌ته ب ته‌مامكرنا قووناغ و رێيێن تايبه‌ت ب لێپرسينێ ژ وه‌زيرێ دارايێ عيراقێ ل سه‌ر ئه‌و تۆمه‌تێن ئاراسته‌ى وى كرين.
ئه‌ڤرۆ نيوز:
وه‌زيرێ خواندنا بلند و ڤه‌كولينێن زانستى عه‌بدره‌زاق عيسى ره‌خنه ل وان گۆتگۆتكان گرتن يێن به‌حس ل ژێكجوداكرنا كوڕ و كچان ل زانكۆيێن عيراقێ دكه‌ن.
عيسى د چارچۆڤێ كۆمبوونه‌كا ده‌سته‌يا بۆچوونان دا گۆت: “ئامانجا ڤان ره‌نگه گۆتگۆتكان بێزاركرنا زانكۆيان ئه‌وێن خوه به‌رهه‌ڤ دكه‌ن دا كو ل سالا نوو يا خواندنێ قوتابيێن نوو وه‌رگرن”.
خواست ژى كو كار ل سه‌ر وان كێشان بهێنه كرن يێن كو د بنه رێگر ل هه‌مبه‌ر زانكۆيان بۆ وه‌رگرتنا قوتابيان ل سالا نوو يا خواندنێ ب ره‌نگه‌كى پيڤه‌رێن باشيێ ل به‌رچاڤ بهێنه وه‌رگرتن و پشت به‌ستن ل سه‌ر ئه‌كاديميان بهێته كرن و پشكێن ناڤخۆى بهێنه به‌رهه‌ڤكرن و د دوور بن ژ هه‌ر نه‌خۆشيه‌كێ ب تايبه‌ت ل وان جهێن نه‌ئارامى هه‌ين.
ئه‌ڤرۆ نيوز:
سپێده‌هيا ئه‌ڤرۆ رۆژا چارشه‌مبى 21ى ئيلۆنا 2016ێ سه‌لاحه‌دين ده‌ميرتاش هه‌ڤسه‌رۆكێ هه‌ده‌پێ ب سه‌رۆكاتيا شانده‌كێ پارتيا خوه گه‌هشته هه‌ولێرا پايته‌ختێ هه‌رێما كوردستانێ.
سه‌لاحه‌دين ده‌ميرتاش هه‌ڤسه‌رۆكێ هه‌ده‌پێ گه‌هشته سه‌رۆكاتيا هه‌رێما كوردستانێ ل پيرمام و ل گه‌ل مه‌سعود بارزانى سه‌رۆكێ هه‌رێما كوردستانێ كۆمبوو.
شاندێ هه‌ده‌پێ چه‌ند رۆژان دێ ل هه‌رێما كوردستانێ مينن و بڕياره پشتى هه‌ولێر بچنه سلێمانيێ و ل گه‌ل ئێكه‌تى و بزاڤا گۆڕان و ئێكگرتوو و كۆمه‌لا ئيسلامى كۆم ببن.
ئه‌ڤرۆ نيوز:
ب گۆره‌ى راپۆرته‌كا پشكا راگه‌هاندنێ ل رێڤه‌به‌ريا ناڤبرى پێتر ژ 585 ته‌نێن كه‌لوپه‌لێن جوراوجور ل كومه‌لگه‌ها ده‌روازه‌ی نێڤده‌وله‌تيێ ئیبراهیم خه‌لیل هاتینه ژناڤبرن و زڤراندن.
هه‌ر ب گۆره‌ى وێ راگه‌هاندنێ ل هه‌یڤا هه‌شتا ئه‌ڤ ساله ل كومه‌لگه‌ها ئیبراهیم خه‌لیل 585 ته‌ن و 477 كیلو ژ كه‌لوپه‌لێن خوارنێ و ڤه‌خوارنی هه‌روه‌سا پێدڤيێن نوشدارى هاتینه ژناڤبرن و زڤراندن پشتی هاتینه پشكنین كرن كو بكێرى ب كارئینانێ ناهێن.
زڤراندن و ژناڤبرن بڤی شێوه‌ی ل خارێ دیاركری:
1- لێژنا ژناڤبرنێ رابوویه ب ژناڤبرانا 105 ته‌ن و 755 كیلو ژ كه‌ل وپه‌لێن خوارنێ وه‌كو فێقی و زه‌رزه‌وات و سپیاتی و زه‌یتون.
2- بنگه‌هێ ساخله‌می رابوویه ب زڤراندنا 243 ته‌ن 292 كیلو ژ كه‌ل و په‌لێن خوارنێ وه‌كو برنج و ئار و گوشت مریشك.
3- گه‌ره‌نتینا ڤیترنه‌ری رابوویه ب زڤراندنا 23 ته‌ن و 500 كیلوو ژ هێكێن خوارنێ.
4- گه‌ره‌نتینا چاندنێ رابوویه ب ژڤراندنا 203 ته‌ن 980 كیلو ژكه‌ل و په‌لێن جوراوجور فێقی و په‌ینی كیمیاوی.
5- ریڤه‌به‌ریا پێوانه‌سازی كونترولێ جوری رابوویه ب زڤراندنا 8 ته‌ن و 950 كیلو ژ ڤه‌خارنێت مه‌ی.
نيشاندان
