ئه‌ڤرۆ نیوز: زنار توڤى
ئەڤرۆ ل دەمێ ئێڤاری ژ ئەگەرێ گرتن و زیندانکرنا ئەندامێن (پ.د.ک.س) ژلایێ پەیەدێ ڤە ل رۆژئاڤا کوردستانێ خرڤەبوونەک ژلایێ کوردێن رۆژئاڤا ل زاخو هاتە ئەنجامدان،د وێ خرڤەبوونێ دا کوردێن رۆژئاڤا داخواز ژ پەیەدێ کر کو ئەندام و لایەنگرێن (پ.د.ک.س) بهێنە ئازادکرن،ژبەرکو پەیەدێ ب زۆری ئەو گرتینە و ژ ئەگەرێ کوردبوونا وان و ژ ئەگەرێن سیاسی ئەو هاتینە گرتن.
ئه‌ڤرۆ نيوز:
د چارچۆڤێ مه‌راسيمه‌كا تايبه‌ت دا و ل باره‌گايێ سه‌ره‌كى يێ نه‌ته‌وێن ئێكگرتى ل نيويۆرك، ناديا موراد وه‌كو بالوێزا نيازپاكيێ ل نه‌ته‌وێن ئێكگرتى هاته هه‌لبژارتن.
د وى مه‌راسيمى دا، بان مۆن كى، سكرتێرێ گشتيێ نه‌ته‌وێن ئێكگرتى و ئه‌مه‌ل كلۆنى، پارێزه‌را كه‌يسێ ب جينوسايد ناساندنا تاوانێن دژى كوردێن ئێزدى تێدا ئاماده ببوون، نيشانێ تايبه‌تێ بالوێزێ نه‌ته‌وێن ئێكگرتى بۆ به‌رسينگگرتنا قاچاخچيا مرۆڤان و ب كارئينانا مادێن بێهوشكه‌ر پێشكێشى ناديا موراد كر.
د گۆتاره‌كێ دا، بان مۆن كى سكرتێرێ گشتيێ نه‌ته‌وێن ئێكگرتى، خۆشحاليا خوه ده‌ربڕى و راگه‌هاند كو ناديا مۆراد ئێدى سيمبۆلا كه‌رامه‌ت و وێره‌كى و هێزێ يه.
هيڤى ژى ژ كۆمه‌لگه‌ها نێڤده‌وله‌تى خواست كو زوو ئه‌وان ئێزديێن ل بن ده‌ستێ داعش رزگار بكه‌ن كو هه‌تا نوكه وه‌كو ئێخسير ژ لايێ چه‌كدارێن وان ڤه مامه‌له ل گه‌ل دهێته كرن، هيڤى ژى خواست تاوانێن داعش دژى كوردێن ئێزدى وه‌كو جينوسايد و تاوانێن شه‌رى بهێنه هژمارتن.
پاشان ناديا مۆراد ل گه‌ل سۆپاسيكرنا نه‌ته‌وێن ئێكگرتى كو وه‌كو باليوێزا نيازپاكيێ هه‌لبژارتى گۆت: “ئه‌ز خۆشيێ ژ ئازاديێ نابه‌م، هه‌تا هه‌موو ئه‌و ئافره‌ت و زارۆيێن ئێزدى يێن ل بن ده‌ستێ داعش رزگار نه‌بن”.
ناديايێ گۆت ژى: “داعش نوونه‌راتيا ئيسلامێ ناكه‌ت و ژ به‌ر هندێ ژى پێدڤيه كۆمه‌لگه‌ها ئيسلامى پێنگاڤێن كاراتر بگرنه به‌ر بۆ به‌رسينگگرتنا داعش و هزرا تۆندڕه‌وى”.
د دووماهيا گۆتارا ناديايێ دا، هه‌موو ئاماده بووى رابوونه سه‌ر پێن خوه و سكرتێرێ گشتيێ نه‌ته‌وێن ئێكگرتى ناديا موراد دا به‌ر سينگێ خوه و سۆپاسيا وێ كر.
ژێده‌ر: باسنيوز
ئه‌ڤرۆ نيوز:
مه‌سعود بارزانى سه‌رۆكێ هه‌رێما كوردستانێ دێ ل پيرمام ل گه‌ل فوئاد مه‌عسوم سه‌رۆك كۆمارێ عيراقێ دێ كۆم بيت.
ب گۆره‌ى نووچه‌كێ K24 سه‌رۆكێ هه‌رێما كوردستانێ و سه‌رۆك كۆمارێ عيراقێ دێ گه‌نگه‌شێ ل سه‌ر پاشه‌رۆژا په‌يوه‌نديێن ناڤبه‌را هه‌رێم و عيراق و شه‌رێ داعش و ب تايبه‌ت شه‌رێ كۆنترۆلكرنا مووسل و هاريكاريا ئاواران كه‌ن.
كۆمبوونا مه‌سعود بارزانى و فوئاد مه‌عسوم د ده‌مه‌كى دايه كو چه‌ند رۆژان به‌رى نوكه شانده‌كێ بلندێ ئه‌مريكا ب سه‌رۆكاتيا ئه‌نتونى بلينكن، جێگرێ وه‌زيرێ ده‌رڤه يێ ئه‌مريكا ل گه‌ل هه‌ر ئێك ژ مه‌سعود بارزانى سه‌رۆكێ هه‌رێما كوردستانێ و فوئاد مه‌عسوم سه‌رۆك كۆمارێ عيراقێ كۆمببوو.
ئەڤرۆ نیوز ، زنار تۆڤی :
ل دەمژمێر 2:00ی پشتی نیڤرۆیا ئەڤرۆ ل رۆژا ئەینی 16.9.2016 جارەکادی ب تۆندی تۆپخانەیا سۆپایێ تورکی گوندێ کێستە ل دەڤەرا بەرواری بالا بوردومانکر و ل دورێن 7 گولە تۆپان ل دەردورێن گوندێ کێستە داینە و هندەک ژ وان تۆپان د سەر گوندی را چووینە و ب رووبارێ خابیری کەفتینە،هەر چەندە ئەڤرۆ گەلەک ژ خەلکێ ژبەر بهێنڤەدانێ قەستا گەشت و سەیرانان ل وان جهان کرینە و ژ ئەگەرێ تۆپ بارانێ،خەلک ل وان جهان رەڤینە،ژبەرکو تۆپ ل نێزیکی وان کەفتینە و ترس لدەف خەلکێ پەیدابوویە.
ئەڤرۆ نیوز ، زنار تۆڤی
ئەڤرۆ رۆژا شەمبی ب بوونەیا جەژنا قۆربانێ وەزارەتا داد یا تورکیا بریاردا کو ڤێ جەژنێ کەس و کارێن ئۆجەلانی دشێن سەرەدانا زیندانا ئیمرالیێ بکەن بۆ دیتنا وی،کو ئەڤە بۆ ماوێ پتر ژ سالەکێ بوو ئانکو ل 5 نیسانا 2015 هەتاکو نوکە حوکمەتا تۆرکیا رێک نە ددا کەس سەرەدانا ئۆجەلانی بکەت ل زیندانا ئیمرالیێ.
ئه‌ڤرۆ نيوز:
سه‌رۆكێ هه‌رێما كوردستانێ راگه‌هاند كو پێشمه‌رگه دێ پشكدارى شه‌رێ مووسل بيت و كورد ژى دێ ل دووڤ چاره‌نڤيسێ خوه گه‌ريێت و بزاڤێ كه‌ت په‌يوه‌نديێن خوه ل گه‌ل برايێن عه‌ره‌ب ب هێزتر لێ بكه‌ت و ده‌رباره‌ى پرسا سه‌رۆكاتيا هه‌رێمێ ژى گۆت: “يێ ئاماده هه‌رده‌مه‌كى بۆ هه‌لبژارتنێن سه‌رۆكاتيا هه‌رێمێ”.
مه‌سعود بارزانى، سه‌رۆكێ هه‌رێما كوردستانێ، د ديداره‌كێ دا بۆ ئاژانسا فرانس پرێس يا فره‌نسى پشكا عه‌ره‌بى راگه‌هاند كو ل گه‌ل سه‌رۆكێ فره‌نسا رۆلێ وان د زێده‌تركرنا هه‌ماهه‌نگيا ناڤبه‌را فره‌نسا و هێزێن پێشمه‌رگه‌ى و كۆنترۆلكرنا مووسل گه‌نگه‌شه كريه، ته‌كست ژى ل سه‌ر قووناغا پشتى كۆنترۆلكرنا مووسل كر و ب پێدڤى زانى كو شێوازێ ب رێڤه‌برنا مووسل ب گۆره‌ى لێكتێگه‌هشتنێ بيت و رێكه‌فتن ل سه‌ر رۆلێ سوپايێ عيراقێ و پێشمه‌رگه و خۆجهێن باژێرێ مووسل بيت.
هه‌ر د وێ ديدارێ دا ده‌رباره‌ى سه‌ربه‌خۆيا كوردستانێ، سه‌رۆكێ هه‌رێما كوردستانێ، ئه‌و ئێك دووپات كريه كو هه‌رێما كوردستانێ ل دووڤ چاره‌نڤيسێ خوه د گه‌ريێت و “براتيا ناڤبه‌را كورد و عه‌ره‌بان ب هێزتر لێ دكه‌ت”.
پرسا سه‌رۆكاتيا هه‌رێمێ ژى ئێك ژ وان پرسيارێن دى بوو يێن ئاراسته‌ى سه‌رۆكێ هه‌رێمێ هاتينه كرن و د به‌رسڤێ دا ژى ب روونى بارزانى ئه‌و دايه زانين كو هه‌ر ده‌مه‌كێ هه‌بيت بۆ هه‌لبژارتنێن سه‌رۆكاتيا هه‌رێمێ يێ ئاماده‌يه، به‌لێ ب مه‌رجه‌كى ژ لايێ خه‌لكى ڤه بيت، هه‌كه ژ لايێ په‌رله‌مانى ژى ڤه بيت دروسته، به‌لێ ب ره‌نگه‌كى خه‌لك داخوازێ بكه‌ت كو په‌رله‌مان سه‌رۆكێ هه‌رێمێ هه‌لبژێريت، “پێدڤيه بڕيار بۆ خه‌لكى بيت، نه‌ك بۆ هنده‌ك لايه‌نێن سياسى”.
ئه‌ڤرۆ نيوز:
سه‌عد حه‌ديسى، ئاخفتنكه‌رێ ب ناڤێ حوكمه‌تا عيراقێ راگه‌هاند كو حه‌يده‌ر عه‌بادى سه‌رۆكێ جڤاتا وه‌زيرێن عيراقێ دێ هه‌ر فه‌رمانبه‌ره‌كى 300 هزار ديناران وه‌كو جه‌ژن ل گه‌ل مووچێ هه‌يڤا 9 دا وه‌ربگرن.
ئه‌ڤ بڕياره فه‌رمانبه‌رێن هه‌رێما كوردستانێ ڤه‌ناگريت يێن ميلاكێ وان ل سه‌ر حوكمه‌تا هه‌رێما كوردستانێ.
ئاخفتنكه‌رێ ب ناڤێ حوكمه‌تا عيراقێ دا زانين ژى كو راسته ئه‌و د شه‌رێ داعش دانه، به‌لێ ئه‌و پاره وه‌كو جه‌ژنانه‌يه و وه‌كو هاريكارى دێ ده‌نه هه‌موو ئه‌و فه‌رمانبه‌رێن ل سه‌ر ميلاكێ حوكمه‌تا عيراقێ نه و ئه‌و كه‌سێن گرێبه‌ست ژى دێ وه‌رگرن.
ژمارا هه‌موو مووچه خۆرێن عيراقێ ب گۆره‌ى گۆتنێن حه‌يده‌ر عه‌بادى سه‌رۆك وه‌زيرێن عيراقێ، ژبلى هه‌رێما كوردستانێ زێده‌ترى مليۆن كه‌سايه و ب وێ چه‌ندێ ژى جه‌ژنانه‌يا فه‌رمانبه‌ران دێ گه‌هيته ترليۆن ديناران كو دكه‌ته نێزيكى مليار دۆلاران.
نيشاندان