ئه‌ڤرۆ نيوز:
كۆمبوونا جڤاتا نوونه‌رێن عيراقێ بۆ رۆژا پێنجشه‌مبى هاته پاخشتن پشتى رێژا قانوونى يا ئه‌ندامێن جڤاتێ ته‌مام نه‌بووين.
ب گۆره‌ى ژێده‌رێن راگه‌هاندنێ كۆمبوونا ئه‌ڤرۆ يا جڤاتا نوونه‌رێن عيراقێ ژ به‌ر ته‌مام نه‌بوونا رێژا قانوونى يا ئه‌ندامێن جڤاتێ بۆ رۆژا پێشنجه‌مبى هاته پاشخستن و عادل نورى يێ نوونه‌ر ژى راگه‌هاند: ژماره‌كا ئه‌ندامێن جڤاتێ يێن چووينه حه‌جێ و يێن دژى يێن چووينه ئورۆپا”.
ئه‌ڤى ئه‌ندامێ جڤاتا نوونه‌ران دا زانين ژى كو ئه‌و پێشبينى دكه‌ت ل رۆژا پێنجشه‌مبى ژى ئه‌ڤ روونشتنه نه‌هێته ئه‌نجام دان و بۆ پشتى جه‌ژنێ بهێته پاشخستن.
هه‌ر چه‌نده بڕيار بوو ئه‌ڤرۆ روونشتن بۆ دووباره گوهداريكرنا هشيار زێبارى ده‌سپێكه‌ت، به‌لێ ئه‌و برگه ژى د ناڤ په‌يره‌وێ كارێن جڤاتا نوونه‌ران دا نه‌بوو ب تنێ دانوستاندن بوو ل سه‌ر چه‌ند پرۆژێن قانوونان.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 1ى ئيلۆنا 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1293 |
| 1 يۆرۆيێ ئه‌ورۆپى | 1445 |
| 1 ليرێ توركى | 430 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
بڕياره ئه‌ڤرۆ ژى ژماره‌كا ياريێن دى يێن فه‌رمى به‌ر ب ده‌ربازبوونێ بۆ مۆنديالا رۆسيا بهێنه ئه‌نجام دان و ئه‌ڤێن ل خوارێ ياريێن كيشوه‌رێن ئورۆپا و ئاسيا و ئه‌مريكا ژێرى نه:
ڤاڤارتنێن ئوروپا بەر ب موندیالا روسیا:
9،45 قوبرس * بەلجیکا
9،45 سویسرا * پرتوگال
9،45 ئەندورا * لاتڤیا
9،45 روسیا سپی * فرەنسا
9،45 بولگاریا * لوکسمبورگ
9،45 سوید * ھولەند
9،45 گزیرتێن فارو * ھنگاریا
9،45 بوسنە و ھێرسک * ئەستونیا
ڤاڤارتنێن ئاسیا بەر ب موندیالا روسیا
2:00 عیراق * سعودیە
2:35 چین * ئیران
3:00 سوریا * کوریا ژێری
3:15 تایلەند * ژاپون
4:00 بەنگلادش * بوتان
6:30 ئیمارات * ئوسترالیا
7:00 قەتەر * ئوزپاکستان
7:00 گزیرتێن مالدیف * لاوس
ڤاڤارتنێن ئەمریکا ژێری بەر ب موندیالا روسیا
2:00 ئوروگوای * پارگوای
2:00 فنزویلا * ئەرژەنتین
3:30 چێلی * بولیڤیا
3:45 بەرازیل * کولومبیا
ئه‌ڤرۆ نيوز:
پشتی تاقیکرنا یاریزانێن یانا زاخۆ ل کەمپا راھێنانێ و ئاستێ وان بۆ دەستەیا راھینەران دیاربوی دێ گوھورین دناڤا پێکھاتیێ تیمێ دا پەیدان تایبەت ل ھێلا ھیرشبەران وبەرەڤانیێ.
ل دور ڤی بابەتی بەرپرسێ راگەھاندنا یانا زاخۆ بۆ روژناما ئەڤرۆ گوت: پشتی ئەنجامدانا کەمپێ راھێنانێ وکرنا یاریێن ھەڤالینی راھێنەرێ تیمێ دێ ھندەک گوھورینا کەت تایبەتی ل ھێلا ھێرشبرنێ وبەرەڤانیێ ژ بەر وێ ڤالاتیا ل تیمێ.
زێدەتر محەمەد سەدیق گوت: ھەر چەندە دیاریێن ھەڤالینی دا ئەنجام دگرنگ نینن، لێ بۆ پتر بھێز بوونا تیمێ وپشکداریەکا بھێز دێ راھێنەر دێ گوھورینا کەت و دێ دبەرژەوەندا تێمێ دابن.
ئه‌ڤرۆ نيوز، نيوار محه‌مه‌د سه‌ليم:
ده‌رگه‌هێ سنورى يێ ئيبراهيم خه‌ليل د دو نڤيسارێن جودا دا كو ل مالپه‌رێ خوه يێ فه‌رمى به‌لاڤكرينه، راگه‌هانديه كو ئينانا دوشه‌كان ب هه‌موو جورێن خوه ڤه ل گه‌ل ئينانا ده‌رمانێ “دژى گيرهێ” يێن پاقژكرنێ ژ بلى پاقژكه‌رێن ترۆمبێلان ناهێنه د ناڤا هه‌رێمێ دا بێى پشكنينا “COC”.
ل دووڤ بڕيارا ده‌سته‌يا پيڤانێ و كونترۆلا جۆريا هه‌رێما كوردستانێ ژماره “2753” ل رێكه‌فتى 21ى خزيرانا 2016ێ يا گه‌هشتيه بنگه‌هێ كونترۆلا جۆرى ل ئيبراهيم خه‌ليل ژماره “389” ل 21ى ته‌باخا 2016ێ ل ده‌مێ هاتنا كه‌رستێ “دژى گيرهێ” بۆ هه‌موو جورێن پاقژكرنێ پێدڤيه باوه‌رناما پشكنينا به‌رى هاوه‌رده‌كرنێ “COC” ل گه‌ل بيت، ژبلى ئه‌و جۆرێ تايبه‌ت بۆ پاقژكرنا ترۆمبێلان دهێته ب كارئينان.
هه‌رديسا ل دووڤ بڕياره‌كا دى يا ده‌سته‌يا پيڤانێ و كونترۆلا جۆريا هه‌رێما كوردستانێ ژماره “2752” ل رێكه‌فتى 21ى خزيرانا 2016ێ يا گه‌هشتيه بنگه‌هێ كونترۆلا جۆرى ل ئيبراهيم خه‌ليل ژماره “389” ل 18ى ته‌باخا 2016ێ ل ده‌مێ هاتنا “دوشه‌كێن جوراوجور” بۆ هه‌موو جورێن پاقژكرنێ پێدڤيه باوه‌رناما پشكنينا به‌رى هاوه‌رده‌كرنێ “COC” ل گه‌ل بيت، ژبلى ئه‌و جۆرێ تايبه‌ت بۆ پاقژكرنا ترۆمبێلان دهێته ب كارئينان.
ئەڤرۆ نيوز:
ژ ئەگەرێ چوونا نۆشداران بۆ دەرڤەی وەلاتی و دانەمەزراندنا کارمەندێن ساخلەمیێ، سێ نەخۆشخانە و ھژمارەکا بنگەھێن ساخلەمیێ و چەند پشکێن نەخۆشخانێن گشتی یێن پارێزگەھا دھۆکێ دێ ھێنە داخستن.
د. نزار عسمەت، رێڤەبەرێ گشتی یێ ساخلەمیا پارێزگەھا دھۆکێ ئاشکرا کر کو بتنێ د ئەڤ سالە دا زێدەتری 100 نۆشدارێن پارێزگەھا دھۆکێ چووینە ژ دەرڤەی وەلاتی و ئەڤ چەندە ژی بوویە ئەگەرێ کێمبوونا نۆشداران ل پارێزگەھا دھۆکێ و بۆ رووداو گۆت: “ئەم د نەچارین چەند نەخۆشخانا و بنگەھێن ساخلەمیێ و پشکان دابخین”.
ناڤھاتی ئاماژە دا وێ چەندێ کو د قووناغا ئێکێ دا سێ نەخۆشخانە ل ھەر دو قەزایێن زاحۆ و ئاکرێ دێ ھێنە داخستن و ژ بلی ڤێ چەندێ ھژمارەکا پشک و بنگەھێن ساخلەمیێ ژی دێ ھێنە داخستن داکو کارمەندێن وان بنگەە و نەخۆشخانان بۆ نەخۆشخانێن دی بھێنە ڤەگوھاستن.
ناڤبری ئاماژە ب کەمپێن نۆشداران د ناڤ نەخۆشخانان دا کر و گۆت: “بۆ نموونە نوکە ل ئاڤاھیەکێ سێ قاتی یێ گرنگێ نەخۆشخانا ئازادی ل دھۆکێ پێدڤی بۆ 12 نۆشدار د ناڤ دا د ئاکنجیبان، بەلێ نوکە بتنێ نۆشدارەک یێ د ناڤ دا ئاکنجی یە، ژ بلی ڤێ چەندێ ھژمارا نۆشداران ل نەخۆشخانا تەنگاڤیان ل ئاکرێ گەلەک یا کێمبووی و ئەم د نەچارین ب دائێخین و کارمەندێن وێ ڤەگوھێزینە نەخۆشخانا گۆلان داکو ل جھێ دو نەخۆشخانێن لاواز ئێکا باش ھەبیت”.
د لایەکێ دی دا رێڤەبەرێ گشتی یێ ساخلەمیا پارێزگەھا دھۆکێ خویا کر کو بەھرا پتریا بنگەھێن ساخلەمیێ ل پارێزگەھا دھۆکێ نۆشدار نینن و ھاریکارێن نۆشداران یان برینپێچ ب رێڤەدبن و رەنگە د ھەیڤا بھێت دا ئێک نۆشدار ژی لێ نەمینیت ژ بەر ڤێ چەندێ پێدڤیە چارەکا ب لەز بھێتە دیتن و گۆت: “بەری نوکە نۆشدار ل باژێرین خوە دھاتنە دامەزران، بۆ نموونە ل سالا بۆری 50 نۆشدار ل دھۆکێ، 100 نۆشدار ل ھەولێرێ، 90 نۆشدار ل سلێمانیێ ھاتنە دامەزراندن، بەلێ پێدڤیە ئەڤ سیستەمە بھێتە گوھۆرین و ھەر جھەکێ پێدڤی ب نۆشداران ھەبوو ل وێرێ بھێنە دامەزراند”.
نوکە ھژمارا ئاکنجیێن دھۆکێ ب ئاوارە ڤە نێزیکی دو ملیۆن کەسانە، ل دووڤ ستاندارتێ وەزارەتا ساخلەمیا عیراقێ دڤێت ھەر 10 ھزار وەلاتیان 16 نۆشدار ھەبن، بەلێ نوکە ل پارێزگەھا دھۆکێ ھەر 10 ھزار وەلاتیان چار نۆشدار بەردکەڤن.
د. قەرەنی سەعید، رێڤەبەرێ ساخلەمیا قەزا زاخۆ بۆ رووداو دیار کر کو ل سالا 2014ێ وان 42 نۆشدارێن نیشتەجێ ھەبوون، بەلێ نوکە بتنێ 12 یێن ماین و گۆت: “ژ وان نۆشداران بتنێ دو خەلکێ زاخۆ نە و یێن دی ئاکنجیێن دھۆکێ نە”.
ناڤھاتی ئاماژە دا وێ چەندێ کو ئەو داخوازێ ژ سەرۆکێ حوکمەتێ و وەزارەتا ساخلەمیێ دکەت بێنە سەرخەت، چونکی ھەکە دووماھیا ڤێ ھەیڤێ ئەڤ ئاریشە نەھێتە چارەکرن ئەو د نەچارن کارمەندێن نەخۆشخانا تەنگاڤیان ل شەعبانیکێ ڤەگوھێزنە نەخۆشخانا بێدارێ و دەرگەھێ وان نەخۆشخانان ژی بگرن.
ئه‌ڤرۆ نيوز:
وه‌سان بڕياره مه‌سعود بارزانى سه‌رۆكێ هه‌رێما كوردستانێ د ڤێ حه‌فتيێ دا سه‌ره‌دانا فره‌نسا بكه‌ت و ل گه‌ل فرانسوا هۆلاند، سه‌رۆك كۆمارێ فره‌نسا كۆم ببيت.
ژێده‌ره‌كێ نێزيك ژ سه‌رۆكاتيا هه‌رێما كوردستانێ بۆ “باس” راگه‌هاند، د ڤێ حه‌فتيێ دا بارزانى دێ د درێژاهيا گه‌شتا خوه دا بۆ ئورۆپا چيته فره‌نسا و ل گه‌ل فره‌نسوا هۆلاند ل كوچكا “ئيليزێ” ديدار و كۆمبوونان ئه‌نجام ده‌ت.
ب گۆره‌ى پێزانينێن حه‌فتينامێ، ئه‌جنيدايێن سه‌ره‌دانا بارزانى بۆ وه‌لاتێن ئورۆپا؛ به‌حسكرنا شه‌رێ داعش و گرتنا مووسله و به‌حس دێ ل گوهۆڕينێن ده‌ڤه‌رێ ب ره‌نگه‌كێ گشتى هێته كرن و پرسا ريفراندۆمێ بۆ سه‌ربه‌خۆيا هه‌رێما كوردستانێ ئێكه ژ ته‌وه‌رێن سه‌ره‌دانا بارزانى.
د ماوێ شه‌رێ داعش دا، بارزانى و هۆلاند چه‌ندين ديدار و كۆمبوونێن دژى هه‌بووينه و ل 12ى ئيلۆنا 2014ێ فرانسۆا هۆلاند سه‌رۆك كۆمارێ فره‌نسا هاتيه هه‌رێما كوردستانێ و ل كوچكا سه‌رۆكاتيا هه‌رێما كوردستانێ ل گه‌ل مه‌سعود بارزانى كۆمبوويه و پشتى وێ ژى بارزانى ل 10ى شوباتا 2015ێ چوويه فره‌نسا و ل گه‌ل فره‌نسوا هۆلاند كۆمبوويه، ئه‌ڤه ديدارا سيێ يا فه‌رمى يا د ناڤبه‌را هه‌ردو سه‌رۆكان دايه د ماوێ شه‌رێ داعش دا.
ئه‌ڤرۆ نيوز، نيوار محه‌مه‌د سه‌ليم:
وه‌زاره‌تا په‌روه‌ردێ ل حوكمه‌تا هه‌رێما كوردستانێ چه‌ند رێنمايه‌ك به‌لاڤكرن كو د تايبه‌تن ب گوهۆڕينا ناڤونيشانێن فه‌رمانبه‌ران بۆ مامۆستا.
د نڤيساره‌كا وه‌زاره‌تا په‌روه‌ردێ دا كو ئه‌ڤرۆ نيوز دانه‌ك ب ده‌ست خوه خستيه، راگه‌هانديه كو ئه‌و فه‌رمانبه‌رێن هه‌لگرێن باوه‌رناما ئاماده‌ى ب هه‌رسێ پشكێن خوه ڤه و دڤێت ببنه مامۆستا پێدڤيه ب گۆره‌ى رێنمايێن وزاره‌تا خواندنا بلند و ڤه‌كولينێن زانستى ناڤێ خوه ل كوليژا بنيات يا ئێڤاران تۆمار بكه‌ن و فه‌رمانبه‌ر دێ ل وێ بسپۆريێ خوينيت يا ل گه‌ل باوه‌رناما وان يا ئاماده‌ى د گۆنجيت.
هه‌ر ديسا ئه‌و فه‌رمانبه‌رێن هه‌لگرێن باوه‌رنامێن به‌كالريوس و په‌يمانگه‌هـ و حه‌ز هه‌يه ببنه مامۆستا د وان بسپۆريێن په‌روه‌ردێن وان پێدڤى پێ هه‌ين، ب پشت به‌ستن ب جۆرێ باوه‌رناما وان يا ئاماده‌ى دشێن سه‌ره‌دانا په‌يمانگه‌ها راهێنان و گه‌شه‌پێدانا په‌روه‌رده‌ى يێن پارێزگه‌هان بكه‌ن بۆ تۆماركرنا ناڤێن خوه ب مه‌ره‌ما پشكداريكرن د خولێن شياندنێ دا و ب هه‌ماهه‌نگى ل گه‌ل رێڤه‌به‌ريا گشتيا يا په‌روه‌ردێ كو پێدڤيه پشته‌ڤانى پێ بهێته دان.
نيشاندان
