ئەڤرۆ نيوز:
ئەندامەکا پەرلەمانێ عیراقێ ئاشکراکر کو ل دووڤ بۆدجا سالا 2017 مووچێ فەرمانبەرێن حوکمەتا عیراقێ دێ ھێتە کێمکرن و رێژەک بۆ حەشدا شەعبی و رێژەک بۆ پەنابەران ھاتیە تەرخانکرن و ھەتا ڤی ئاستی ژی کورتھێنانەکا مەزن بۆدجێ دا دروست بوویە و ئەڤە بوویە ئەگەر کو ھاتنا بۆدجێ ژ جڤاتا وەزیران بۆ پەرلەمانی گیروبیت.
نەجیبە نەجیب ئەنداما پەرلەمانێ عیراقێ ژ فراکسیۆنا پارتی دیموکراتی کوردستان بۆ رۆژناما ئەڤرۆ ئاشکراکر، کو بۆدجا عیراقێ یا سالا 2017 ھێشتا ل جڤاتا وەزیرانە و ھێشتا نە گەھشیتە جڤاتا نوونەرێن عیراقێ و ھەر تشتەک دبیت بھێتە گوھۆڕین، داھاتێ عیراقێ ل سەر 102 تریلۆنێن دینارێن عیراقی ھاتیە دانان، ژ ئەڤی کوژمی 77 تریلون و 971 ملیار یێن بۆدجا ژ کارخستنێ نە، دیسا یێن ئاڤەدانکرنێ وبەرھێنانێ 24 تریلون331 ملیار دینارن، داھاتێ عیراقێ ل سەر 70 تریلون و 128 ملیار دیناران ھاتیە دانان، بۆ ھەر بەرمیلەکا پەترۆلێ 35 دۆلاران ھاتیە خەملاندن، بابەت ھێشتا ل جڤاتا وەزیرانە و گەنگەشە ل سەر دھێتەکرن.
ھەمان ئەنداما پەرلەمانێ عیراقێ گۆت: پەترۆلا دھێتە فرۆتن ئەڤ سالە رۆژانە ھەرێما کوردستانێ 550 ھزار بەرمیل ژ ھەرێما کوردستانێ دھێنە رەوانەکرن، سێ ملیۆن و 300 ھزار ژی ژ عیراقێ دھێنە رەوانەکرن، رێژا کورتھنانێ 32 تریلون 174 ملیار دینارن، ئەگەرێ گیربوونا بودجێ ھەتا نوکە نە گەھشتیە پەرلەمانی ئەوە کو رێژا کورتێھانێ گەلەک، ژ ئەوی داھاتی کو 70 تریلون 58 داھاتێ پەترۆلێ یە و ئەڤێن مایی داھاتێ نافخو و گرمک و خالێن سنوری و فرۆکخانە نە.
نەجیبایێ ئەو ژی گۆت: کو دەرگەە ھەنە حوکمەتا عیراقێ دشێت ئەڤێ کورتھێنانێ پڕ بکەت و دیسا ل گەل ئەڤێ چەندێ 17% بەھرا ھەرێما کوردستانێ تێدا ھاتیە بنەجھکرن، دیسا یا پێشمەرگە ژی لێ ئەڤە ھەر پێدڤی ب رێکەفتنەکا سیاسی یە دناڤبەرا حوکمەتێن عیراق و ھەرێما کوردستانێ دا کو بھێتە ئەنجامدان.
ھەمان ئەنداما پەرلەمانی خوەیاکر، دبودجێ دا نە ھاتیە دیارکرن کا عیراق ب چو رەنگ پەترۆلا خوە بفرۆشیت، لێ ب رێکا ئیرانێ گەلەک نەیا دوورە ژ حوکمەتا عەبادی، دیسا رێژا 20% مووچێن فەرمانبەرێن عیراقێ بھێتە کێمکرن دێ بیتە نێزیکی دو تریلون دیناران، 20% بۆ حشەشەد شەعیی یە و 40% بۆ پەنابەرانە.
ھەمان ئەنداما پەرلەمانێ عیراقێ ئەو ژی نە ڤەشارت گۆت: ل دووڤ بۆدجا ھاتیە دارێتن ھەموو نەفەقاتین تەشغیلی ھاتینە کێمکرن، دیسا ل دووڤ بۆدجا نوکە ھاتیە خواستن خویک پتر زێدە بیت، دیسا ئەم پێشبینی دکەین ل سالا 2017 بەرمیلا پەترۆلێ بچیتە سەر 50 دولاران دا و ئەڤە پێشبینی نە و دبیت چ نەبیت و شتی مە نە دەرکەڤیت.
ئه‌ڤرۆ نيوز:
رێناس جانۆ ئەندامێ پەرلەمانێ عێراقێ لدۆر دروستبوونا ھەڤپەیمانیەکا (کوردی، شیعی ) ل بەغدا ل دژی پارتی دیمۆکراتی کوردستان بۆ رۆژناما ئەڤرۆ راگەھاند، ب رەنگەکێ ئاشکرا چو ھەڤپەیمانی د مەیدانا ساسی یا عێراقێ دا دروست نەبووینە، بەلێ ھەست پێ دھێتەکرن کو نێزیک بوونەک یا ھەی،ل سەر حسابا ئێکگرتنا بەرژەوەندێین ھەرێمی، لەورا ھندەک لایەنێن سیاسی سەرەدانا سلێمانیێ کر، بێی کو سەرەدانا ھەولێرێ بکەن، ھەروەسا ھندەک لایەنێن سیاسی یێن کوردی سەرەدانا بەغدا کر، بێی کو پرسیارا ھەڤپەیمانێن خۆ یێن ستراتیجی و کوردستانی بکەن، دیسا ئەم دبینین کو رێککەفتنەک د ناڤبەرا لایەنەکێ سیاسی و حوکمەتا عێراقێ دا یا دھێتە کرن،ل سەر مەسەلا پەترۆلێ، بێی کو رێککەفتنەکا حکومی دناڤبەرا وان دا ھەبیت، ئەڤە ھەمی ئاماژێ ب ھندێ دکەن کو نێزیکبوونەکا ئاشکرا یا دناڤبەرا وان لایەنان دا ھەی، لەورا ئەڤ رێککەفتنە یا ل سەر حسابا پارتی دھێتە کرن.
ریناس جانوی گۆت ژی: ھەکە ھەماھەنگیا مە دگەل فراکسیۆنێن کوردی ل بەغدا یا خراب بیت، سێ فراکسیۆنێن دی یێن کوردستانی ھەنە، بۆچی یا وان دگەل مە یا باش نابیت، ئەو ژ مە پترن ژی، ھەکە ئەم د خەلەت بین، بۆچی ئەو مە نائیننە سەر رێیا راست، لەورا ئەڤا پارتی بۆ گۆڕانێ کری نە یا کێم بوو،کو ل بەغدا مە باشترین پۆستێن خۆ پێشکێشی گۆرانێ کرین، ھەر چەندە گۆڕانێ چو ھەماھەنگی ل گەل پارتی نەکر، ھەر تشتەکێ مافێ وان نەبیت، پارتی یێ دایە وان، ھەر چەندە گۆڕان ل ھندێ د گەریان کادێ ل کیرێ، پارتی ب لاواز دەنە نیاسین وان ئەو کار یێ کری، ھەر چو کارەکێ باش یێ پارتی کربیت، بەرامبەردا گۆڕانێ ژی باشترین شێوە بۆ دژایەتیکرنا پارتی یێ ب کارئینای، لەورا ئەم وەک پارتی ب ئاشکرایی دبێژین، مە کەمتەر خەمی بەرامبەر ھەردو پارتێن ئیسلامی کرینە بتایبەتی ئێکگرتوویا ئیسلامی د بابەتێ دابەشکرنا کۆمیتێن پەرلەمانی دا، ھەر چەندە مافێ وان ژی نەبوو، لێ پێدڤی بوو ھەڤکاری ل گەل ئێکگرتوو پتر چووبا پێش.
رێناسی دەربارەی ئێکەتیێ گۆت: نوکە ئاراستەکێ بتنێ دناڤ ئێکەتیێ دا نینە،کو مرۆڤ بێژیت ئەڤ ئاراستە ھەلویستێ ئێکەتیێ یە و دەربرینێ ژ سیاسەتا وێ دکەت، لەورا وان پتر ژ ئاراستەکێ و ھەلویستەکێ یێن ھەین، دیسا ئاراستەکێ ئێکەتیێ یێ ل بەغدا ھەی،کو خەلکەکێ قۆربانی دەرە و نێزیکی بۆچوونێن پارتییە، لێ لایەنەکێ دی ژی یێ ھەی ب ھەموو ھێزا خۆ دژی ھەر پرۆژەکێ پارتی رادوەستیت، ھەر چەندە کەسێن بێ ھێزن دناڤ ئێکەتیێ دا، لێ ل بەغدا باندۆرێ درۆست دکەن و کاریگەری ژی یا ھەی، ھەروەسا لایەنێن کوردی نە ئێک پارتن کو مرۆڤ بێژیت ئینشیقاق یا کەفتیە تێدا، لەورا ل ھندەک ھەلویستا ئەم ھەمی د ئێکگرتینە و ل ھندەکان ژی لایەنێن کوردی ل گۆرەی بەرژەوەندێن حزبێن خۆ تەماشە دکەن و ئەم د ئێکگرتی نینین.
زێدەباری وێ چەندێ دبێژیت: من باوەری نینە کو ئێکەتی و گۆران ل گەل پارتی رابوەستن ل ھەلویستێ ڤەکێشانا باوەریێ ژ ھشیار زێباری وەزیرێ دارایێ عێراقێ، لێ ئەو ھێرشێن دھێنە سەر پارتی، بۆ ھندێ نە وان دڤێن پارتی دوورپێچ بکەن د قۆلاچەکێ را، مەرەما وان ئەوە پارتی لاواز بکەن، لێ چو جاران پارتی لاواز نابیت، ھەر چەندە مە ل بەغدا ژی دۆستێن خۆ ژ دەست نەداینە.
رێناسی ئەو ژی گۆت: نوری مالکی خۆدانێ پرۆژەیەکێ یە دناڤ عێراقێ دا، وی دڤێت ڤێ پرۆسسا سیاسی ل عێراقێ ژناڤ ببەت، وی ب ھندێ دەستپێکر کو وەزیرێ ناڤخۆ دەست ژ کار بکێشیت و ھەروەسا متمانە ژ وەزیرێ بەرەڤانیێ خالد عۆبێدی ژی ستاند، دیسا د بەرنامێ وی دایە کو وەزیرێ دارایێ عێراقێ ھشیار زێباری متمانە ب رێیا پەرلەمانی ژێ بھێتە وەرگرتن، لدووڤ دا وی ل بەرە متمانێ ژ حەیدەر عەبادی ژی وەرگریت و ڤێ حوکمەتێ ب ھەرفینیت، داکو بشێت ئەجندایێن خۆ یێن تایبەت ب کاربینیت و جارەکادی ڤەگەریتە سەر کورسیێ دەستھەلاتێ ل عێراقێ، لەورا گۆڕان و ئێکەتی ژی بزاڤێ دکەن کو پشکک ژ ئەڤی پرۆژێ نوری مالکی د داھاتی دا بن.
ئەڤرۆ نیوز:
بەرپرسێ پەیوەندیێن دەرڤە یێن پارتیا دیمۆکراتی کوردستانێ بۆ ئاژانسا ئەنادۆل راگەھاند: ل دەمەکێ نێزیک، ئەنجامێن سەرەدانا مەسعوود بارزانی سەرۆکێ ھەرێما کوردستانێ بۆ تورکیا و ئورۆپا دێ دیاربن، ب تایبەتی ژی دیدار و کۆمبوونێن د ناڤبەرا بارزانی و بەرپرسێن بلند یێن تورکیا دا، و پەیوەندیێن د ناڤبەرا ھەردو ئالیان دا دێ بەر ب قوناغەکا باشتر چن.
ل دۆر سەرەدانا نێچیرڤان بارزانی سەرۆک وەزیرێن ھەرێما کوردستانێ بۆ بەغدا، ھێمن ھەورامی دیار کر، کو سەرەدانا سەرۆک وەزیرێن ھەرێمێ بۆ بەغدا، ژ بەر پرسێن پەترۆلا کەرکووکێ و رەوشا مووسلێ ل پشتی داعشێ بوو و دیتنێن ئەرێنی ژی ھەنە کو ل پاشەرۆژەکا نێزیک رەوشا ئابووری و سیاسی یا ھەرێمێ باشتر ببیت.
ئەڤرۆ نيوز:
سەرۆکێ جڤاتا سەرکرداتیا پارتی دیمۆکراتی کوردستان ل سلێمانیێ و ھەلەبجە د پرێس کۆنفرانسەکێ دا راگەھاند، پەیوەندیێن پارتی و ئێکەتیێ د بەردەوامن و د ئاستەکێ بلند دانە و چو جارەکێ ھەردو ئالیان بزاڤا پشتگوھخستنا ھەڤدو نەکریە، چونکو ھەردو ھەڤپشکن د رێڤەبرنا سازیێن ھەرێما کوردستانێ دا و گۆت:( ئەرکەکێ گران یێ ل سەر مللێن پارتی و ئێکەتیێ).
ل دۆر پەیوەندیێن پارتی و گۆڕانێ، ئەدھەم بارزانی ئاشکرا کر، کو ژ رۆژا دەستبکاربوونا وی ل سلێمانیێ وەرە، بزاڤا گۆڕان ئامادەنەبوویە بۆ پیرۆزباھیێ ژی سەرەدانا وی بکەت، د دەمەکی دا کو پێشتر د رەوشەکا ھەستیارتر دا، وی سەرەدانا نەوشێروان مستەفایی کربوو و ل گەل کۆم ببوو و گۆت:(پارتی یا ئامادەیە ل گەل گۆڕانێ کۆمببیت و چەندین بزاڤ ژی کرینە، لێ گۆڕانێ ھەموو دەرگەھێن خوەشکرنا پەیوەندیان ل گەل پارتی داخستینە و ئامادە نینە ل گەل پارتی دانوستاندنان بکەت).
ئه‌ڤرۆ نيوز:
سه‌رۆكايه‌تيا هه‌رێما كوردستانێ راگه‌هاند كو جوبايدن جێگرێ سه‌رۆكێ ئه‌مريكا و عه‌بادى يێ سه‌رۆك وه‌زيرێ عيراقێ جودا جودا په‌يوه‌ندى ب سه‌رۆك بارزانى كرينه، عه‌بادى خوشحاليا خوه ب سه‌ره‌دانا شاندێ هه‌رێمێ بۆ به‌غدا و ئه‌نجامێن كومبوونان ده‌ربريه ب تايبه‌ت د پرسا نه‌فتێ دا و جوبايدن خوشحاليا خوه به‌رامبه‌ر سه‌ركه‌فتنێن پێشمه‌رگه دياركريه و سوپاسيا ئوباماژى گه‌هانديه بارزانى و خوشحاليا خوه ب ئه‌نجامێن كومبوونا شاندێ هه‌رێمێ و به‌غدا ده‌ربرينه.
ئەڤرۆ نیوز:
ئه‌نجومه‌ن ل دۆر زێده‌گاڤیێن سكرێ دهۆكێ و تاڤه‌ره‌شێ كۆم بوو
ئه‌نجومه‌نێ پارێزگه‌ها دهۆكێ ئه‌ڤرۆ رۆژا 31/8/2016 كۆمبوونا خوه یا ژماره (76) ل دۆر زێده‌گاڤیێن سكرێ دهوكێ و تاڤه‌ره‌شێ ئه‌نجام دا، كو د كۆمبوونێن بۆری دا لیژنه‌كا تایبه‌ت بۆ دووڤچوون و به‌رهه‌ڤكرنا راپۆرته‌كێ ل دۆر بابه‌تی هاتبوو پێكئینان، لێ ئه‌نجوومه‌ن گه‌هشته وێ باوه‌ریێ كو هیشتا و ب هوورتر پێزانینان ل سه‌ر بابه‌تی بده‌ست بێخن پاشی بریاره‌كێ ل سه‌ر بده‌ن.
لیژنا زێده‌گاڤیان كو ب سه‌رۆكاتیا ئیدریس هه‌ركی و عه‌بدولكه‌ریم عومه‌ر نه‌عمان وه‌كو جێگر و یونس ره‌مه‌زان ئیبراهیم وه‌كو ئه‌ندام هاتیه پێكئینان، ل ده‌ستپێكێ سه‌رۆكێ لیژنێ راپۆرتا به‌رهه‌ڤكری ل سه‌ر بابه‌تی خواند و ئه‌ندامان ب تێروته‌سه‌لی گه‌نگه‌شه ل سه‌ر بابه‌تی كر و تێبینی و پێشنیارێن خوه ئاراسته‌ی سه‌رۆكاتیا ئه‌نجومه‌نی كرن.
فه‌هیم عه‌بدولا حه‌مۆ سه‌رۆكێ ئه‌نجومه‌نی زێده‌باری كو ده‌ستخۆشی ل كارێ لیژنێ كری كو زه‌حمه‌ت بریه، لێ دیار كر كو د راپۆرتێ وه‌كو پێدڤی ئاماژه ب مه‌غدوریا خه‌لكێ هه‌ژار نه‌هاتیه كرن، هه‌روه‌سا گوندی ب خوه ژی زێده‌گاڤیێ ل سه‌ر گوندیێن خوه دكه‌ن و گۆت “به‌رتێلێن مه‌زن دهێنه دان بۆ ئاڤاكرنێ، لێ تشتێ سه‌یر پڕانیا كه‌پرێن هاتینه چێكرن خه‌لكی سه‌نه‌ده هه‌نه و مۆله‌ت وه‌رگرتینه و د هه‌مبه‌ری دا خودانێن ڤیلا هیچ سه‌نه‌ده نینن و ڤیله ئاڤاكرینه، هه‌روه‌سا حاله‌ت هه‌نه ب ته‌له‌فۆنه‌كێ مۆله‌ت بۆ ئاڤاكرنێ بۆ هنده‌كان دهێته دان، ل ده‌مه‌كی خودانێ كه‌پره‌كێ كو سه‌نه‌ده هه‌یه ئالۆزی بۆ دهێنه چێكرن، له‌ورا پێدڤیه ئه‌م پتر دووڤچوونا بابه‌تی بكه‌ین و پێزانین و به‌لگه‌یان كۆم بكه‌ین و قووناغا دویێ كاری ل سه‌ر بكه‌ین”.
سه‌رۆكێ ئه‌نجومه‌نی خویا ژی كر كو ئه‌ڤه قووناغا ئێكێ یه ژ دووڤچوونا ئه‌نجومه‌نی و ب ژڤانن دگه‌ل موختارێن وان گوندان بروونه خارێ و گۆت ژی “پۆلسێن داراستانێ ئالیه‌كێ سه‌ره‌كینه د پاراستنا داراستانێ دا و رۆله‌كێ نه‌رێنی دگێرن، چونكی و ب تنێ كارێ خوه یێ كریه چاڤدێریا وان زێده‌گاڤیان، ل ده‌مه‌كی پێدڤیه دووڤچوونا وان داراستانان بكه‌ن یێن دهێنه سۆتن”.
ئه‌ڤرۆ نیۆز: ئه‌ياد به‌روارى:
دناڤبه‌را 31 ئاب هه‌تا 3 ئیلۆنێ، كارێن سێیه‌مین به‌رنامێ راهێنانێ (ئامرازێن په‌یوه‌ندیا جڤاكی وه‌كو پاوانه‌ك بۆ دانوستاندنێ) كو ژلایێ سه‌نته‌رێ شاه عه‌بدوللا كۆرێ عه‌بدولعه‌زیز یێ جیهانی بۆ دانوستاندنێ دناڤبه‌را ئایین و ره‌وشه‌نبیریه‌تێن جودا جودا، دهێته رێكخستن، هاته ڤه‌كرن و تێدا سه‌نته‌رێ دانوستاندنێن جیهانی (كایسید) به‌رنامێ راهێنانێن هه‌رێمایه‌تی بۆ به‌رهنگاربوونا توندوتیژیێ ب ناڤێ ئایینی ل بن ناڤێ (ئامرازێن په‌یوه‌ندیا جڤاكی وه‌كو پاوانه‌ك بۆ دانوستاندنێ) و تێدا 60 كه‌س ژ چه‌ندین ئایینان و ده‌زگه‌هێن جڤاكێ سڤیل د پشكدارن.
ئه‌میندارێ گشتیێ سه‌نته‌رێ شاه عه‌بدوللا كۆرێ عه‌بدولعه‌زیز یێ جیهانی (فه‌یسه‌ل كۆرێ موعه‌مه‌ر) گۆت، ده‌مێ سێ سالانه سه‌نته‌رێ مه كاردكه‌ت ژبۆ هاندنا دانوستاندنێ دناڤبه‌را ئایینان و ره‌وشه‌نبیریه‌تان ب رێكا بكارئینانا جۆرێن ئامرازان ژوان ژی تۆرێن جڤاكی ژبۆ به‌ستنا پران دناڤبه‌را سه‌ركردێن ئایینی و دروستكه‌رێن بریارێ وبزاڤا لێك نێزیكرنا وان و كێمكرنا ناكۆكیان و به‌رهنگاریا توندره‌ویێ و چه‌سپاندنا پێكڤه‌ژیانا هه‌ڤپشك و هاولاتیبوونا هه‌ڤپشك و ئه‌ڤ به‌رنامه‌یه پشكه‌كه ژ پرۆژه‌كێ جیهانی كو ژلایێ سه‌نته‌ری ڤه ده‌ستپێكری ب ناڤێ (د ئێكگرتی نه بۆ به‌هنگاریا توندوتیژیێ ب ناڤێ ئایینی) كو ژهه‌موو ئایین و ره‌وشه‌نبیریان تێدا دپشكدارن.
ئه‌میندارێ گشتیێ سه‌نته‌رێ شاه عه‌بدوللا كۆرێ عه‌بدولعه‌زیز یێ جیهانی گۆت ژی” ئه‌ڤ به‌رنامێ راهێنانێ به‌ری چه‌ندین سالان یێ ده‌ست پێكری و مه بزاڤ كریه وی به‌رنامه‌ی ل چه‌ندین پایته‌خت و ده‌ڤه‌ران ل جیهانا عه‌ره‌بی ئه‌نجام بده‌ین بۆ گوهداریكرنا بۆچوونان و ئه‌نجامدانا دانوستاندنان و پێشخستنا شێوێن دانوستاندنێ و په‌یوه‌ندیێ”.
گۆت ژی” مه پێ خوه‌شه ئه‌ڤ روونشتنه بۆ هه‌موویان بیت و یا فره‌جۆری بیت و دانوستاندنێ ل سه‌ر وان هه‌ڤپشكیێن مه كۆم دكه‌ن ل بن ناڤێ د ئێكگرتی نه بۆ به‌رهنگاریا توندوتیژیێ ب ناڤێ ئایینی، ژبه‌ركو ل گه‌له‌ك ده‌ڤه‌رێن جیهانێ كارێن توندره‌وی و تیرۆرستی ب ناڤێ ئایینی هاتینه ئه‌نجامدان و ئایینێ ژێ دووره و پێدڤیه ل سه‌ر مه بزاڤێ بكه‌ین هه‌ر توندوتیژیه‌ك یان توندره‌ویه‌ك یان كاره‌كێ تیرۆرستی ب هه‌ر ئایینه‌كی ڤه بهیچته گرێدان”.
ناڤبری سۆپاسیا هه‌رێما كوردستانێ كر كو هه‌موو جۆره ئاسانكاری بۆ كرین ژبۆ ئه‌نجامدانا ڤێ چالاكیێ ل هه‌ولێرێ كو دهێته هژمارتن ئێكه‌مین وورك شۆپ ل عیراقێ ژلایێ وی سه‌نته‌ری ڤه دهێته ئه‌نجامدان و سێیه‌مین ل سه‌ر ئاستێ ده‌ڤه‌رێ.
ئه‌ڤرۆ نيوز:
رێكه‌وت حه‌مه ره‌شيد وه‌زيرێ ساخله‌ميا حكومه‌تا هه‌رێما كوردستانێ راگه‌هاند كو وه‌زاره‌تا وان نێزيكى 100 مليار ديناران يا ده‌ينداره كو ده‌ينێن كومپانيان ل سه‌ر وانن و ئه‌ڤ ده‌ينه ژى يێن سالێن 2014 و 2015 و 2016 نه.
رێكه‌وت حه‌مه ره‌شيد وه‌زيرێ ساخله‌ميا حكومه‌تا هه‌رێما كوردستانێ سه‌باره‌ت دياردا چوونا نه‌خوشايان بۆ ده‌رڤه‌ى وولاتى بۆ وه‌رگرتنا چاره‌سه‌ريێ راگه‌هاند : چوونا نوشداران بۆ ده‌رڤه‌ى وولاتى تشته‌كێ ئاسايى يه، رامانا وێ يه‌كێ ناگه‌هينيت كو نه‌خوشخانێن كوردستانێ د خرابن.
نيشاندان