ئه‌ڤرۆ نيوز:
کوڕێ باژێرێ ئاکرێ و ھەلبژارتیێ عیراقێ یێ یاریێن گورپانێ بۆ خودان پێدڤیێن تایبەت کۆڤان حەسەن دگەل ھەلبژارتێ عیراقێ دوھی گەھشتە وەلاتێ بەرازیل خۆ بەرھەڤکرن بۆ ئۆلۆمپیاتێن جیھانی ریو دی جانیرۆ 2016 یێن خودان پێدڤیێن تایبەت(پارائۆلۆمپی) ئەوا دێ ھەڤڕکیێن وێ ل (7 ھەتا 19) ڤێ ھەیڤێ ل باژێرێ ریۆدی جانیرۆ ھێنەکرن ود شاندێ ھەلبژارتیێ عیراقێ دا 32 کەسن و کۆڤان حەسەن یاریزانێ کورد یێ ئێکانەیە دناڤ شاندی دا ئەوێ دێ لسەر ئاستێ ھاڤێتنا رۆمی بیت.
لدۆر دووماھی بەرھەڤیێن کوڕێ پارێزگەھا دھۆکێ و نوونەرێ کوردستانێ کوڤان حەسەن داخویانیەکا تایبەت دا بۆ رۆژناما ئەڤرۆ گۆت: ژبەرکو ئەو یاریزانێ ئێکانە یێ کورد دناڤ ھەلبژارتیێ عیراقێ دا و دێ بۆ یاریا ھاڤێتنا رۆمی ب ناڤێ عیراقێ پشکداری د قارەمانیێ دا کەت، بەلێ ب دل و کریار دێ بلندکرنا ئالایێ کوردستانێ و ناڤێ پێشمەرگەی ژ گرنترین کارێ وی بیت و بئۆمێدە بشێت دیاریا رۆمی دا ئەنجامەکێ دلخۆشکەر تۆماربکەت. ژلایەکێ دووڤە ناڤھاتی گۆت: پشتی کەمپێ وەلاتێ مسرێ ئەوێ بۆ ماوێ 20 رۆژان ڤەکێشای بەرھەڤیێن من گەھشتینە ئاستەکێ زوور باش بھیڤیا وێ چەندێ بشێم ئالایێ کوردستانێ و ناڤێ پێشمەرگەیی دگەل میدالیا زێری دناڤ ھەموو یاریزانێن جیھانێ بلندبکەم و گۆت: ئارمانجا من تومارکرنا نمرەکا نوو یە بۆ ھاڤێتنا رۆمی.
دھێتە زانین کۆڤان حەسەن خەلکێ دەڤەرا ئاکرێ یە ل سنۆرێ پارێزگەھا دھۆکێ و یاریزانێ ھاڤێتنا رۆمی، تلپێ و ھاڤێتنا پارسەنگی یە، شیایە دماوەیێ کاروانێ خۆ یێ وەرزشی دا ھەر ژ سالا2009ێ نێزیکی(120) میدالیێن زێری وزیڤی و برۆنزی لسەر ئاستێ جیھانێ و ئاسیا و عەرەبی و عیراقی و کوردستانێ بدەستخۆڤەبینت و نمرا جیھانی یا ھاڤێتنا رۆمی ل ھولەندا ب ناڤێ خۆ تۆمارکریە پشتی ب دووراتیا (42م)(76سم) رۆمێ خۆ ھاڤێتی، میدالیێن جیھانی و ئاسیایی وەرگرتین( ئیماراتی 12 میدالی، تونس2 میدالی، 6 چیکێ،2 چینێ ،1 نیۆزیلەندا، 3 ھولەندا، 5 قەتەر، 3 مسر، کوریا 4).

ئەڤرۆ نیوز:
یاریزانێ نێڤدەولەتی یێ بەرێ دیگو فورلان دیارکر کو حەزا لبەر خوە کرنا درێسێ یانا مانچستەر یونایتد جارەکا دی یا ھەی پشتی ل ناڤبەرا سالێن 2002 و 2004 63 یاری بو کرین و 10 گول تومارکرین.
زێدەتر ڤی یاریزانی ئەو چەندە ژی خویاکر کو گەلەک داخوازی بو وی ژ یانێن ئێنگلیزی ھاتینە ل ھاڤینا ئەف سالە و سالا بوری ژی لێ یانا ئێکانە یا دێ یاریێ بو کەت تنێ مانچستەر یونایتدە و ھەر وەسا ڤی یاریزانێ یاری بەری نوکە بو یانێن ڤیاریال و ئەنتەر میلان و ئەتلەتیکو مەدرید کری خویاکر ئەو دێ گەلەکێ کەیف خوش بیت ئێک ژ یاریزانان زەلاتان ئیبراھیموڤیچ و ئەنتونی مارتیال و واین رونی و مارکوس راشفورد توشی ھنگافتنێ ببن داکو بشێت بەروەخت بھێتە ڤەگوھاستن بو یانا مانچستەر یونایتد و یاریێ ب بکەت و ھێلا ھێرشبەریا وێ قورتال بکەت.

ئه‌ڤرۆ نيوز:

ژبەر گران بوونا بھایێ ھەڤبەستان یاریزانێنن یانیێن ھەرێما کوردستانێ یێن تەپا پێ وباسکت بولێ وھەموو جورێن وەرزشی پێشنیار ھاتیە کرن ھەر وەکو خودانێ پشەیەکێ سەرەدەری دگەل بھێتە کرن وباج بکەڤیتە سەر بھایێ ھەڤبەستا وی چونکە ھندەک ھەڤبەستا ھەتا سێ سەد ملیون دینارا دەربازکرینە.
خەملینەرەکێ باجا دەرامەتا زاخۆ بۆ روژناما ئەڤرۆ دیارکر:سالانە ریڤەبەریا گشتێ یا باجێ داخازا پێشنیارا ژ ھەموو ریڤەبەریێن سەرب وانڤە دکەت کو پێشنیارین خوە پێشکیش بکەن و ئەف سالە ژی ئێک ژوان پێشنیارا ئەوە باج بکەڤیتە سەر ھەڤبەستا یاریزانێن تەپا پێ وباسکت بولێ وھەموو جورین دی یێن وەرزشی و ھەکە وەزارەت رازی بونا خوم دیارکر ورینما دەرخست دی باج کەڤێتە سەر بھایێ ھەڤبەستا یاریزانا ژی.
زێدەتر ناڤھاتی دیارکر ژی نە یا رەوایە ھەمو دکاندار و خودانێن پیشەنگەە و کارگەھان باجێ بدەن و یاریزانێن خودان ھەڤبەستێن ب ملیونا دیناران باجێ نەدەن و باج نە کەڤیتە سەر ھەڤبەستێن وان.

ئەڤرۆ نيوز:
راھێنەرێ یانا مانچستەر سیتی یا ئێنگلیزی پیپ گواردیولا یێ ئسپانی دان پێدانکر کو وی تەماشەی یاریا ھەڤرکا خوە یانا مانچستەر یونایتد نەکریە.
ئەف گوتنێن گواردیولای د دەمەکی دانە کو د یاریێن گەرا چارێ دا ژ خولا پلا نایاب یا ئێنگلیزی دا دێ یاریێ لگەلێک کەن و زێدەتر ڤی راھێنەری بو تورا دەنگوباسێن ئیسپن ئاشکەرا کریە حەتا نوکە چو یاریێن مانچستەر یونایتد نە دیتینە لێ ھێشتا دەلیڤە ل بەرامبەر مایە کو دەە روژن و ئەو دێ ھەمی شیانا مەزێخن باشترین ئاست ل یاریگەھا ئولد ترافورد پێشکێش بکەن و سەرکەفتنێ تومار بکەن.
دھێتە زانین ل خولا ئسپانیا ژی دەمێ گواردیولا راھێنەرێ بەرشەلونە و مورینھو یێ ریال مەدرید گەلەک گرنگی ب داخویانێن وان دھاتە کرن ژلایێ دەزگایێن راگەھاندنێ و ئەف داخویانێن وان ب شەرێ سارێ و ھەڤرکیا ژ دەرڤەی یاریگەھان دھاتنە ل قەلەم دان.