ئه‌ڤرۆ نيوز:

سباھی رۆژا ئێکێ یا درەوا نیسانێ یە، ئەڤ رۆژە ل سەرانسەری جیھانێ پێلەکا “درەوێن سپی” ل گەل خوە دئینیت، ئەو درەو ژی ھندەک جاران ھند د مەزنن باندۆرێ ل دەروونێ ھندەک کەسان دکەن، لەورا ھندەک حەز دکەن نەکەڤنە داڤێن درەوا نیسانێ، ب ڤان رێیان خوە ژ درەوا نیسانێ بپارێزە:
1- پێشوەخت خوە بەرھەڤ بکە: خوە پاراستن ژ چارەکرنێ باشترە، باشترین شیرەتە دا نەکەڤیە داڤێن درەوا نیسانێ، لەورا خرابترین سیناریۆ بکە د مێشکێ خوە دا یا تو پێشبینی دکەی دێ کەڤیێ و رەنگڤەدانا خوە ژی بۆ وی سیناریۆی بەرھەڤ بکە، مێشکی خوە ژی بۆ ەرەدەریا ل گەل ھەر تەنگاڤیەکێ بەرھەڤ بکە، بزاڤێ بکە ڤێ رۆژێ ھەموویێ ل سەر ھشێن خوە بە و ھەر نووچەیەکێ تە گوە لێ دبیت، بیت درەوا نیسانێ یە.
2- پشکداریێ د ھندەک بابەتان دا نەکە: د ڤێ رۆژێ دا زێدەتر یێ ھشیار بە، چونکو ھندەک کەس دێ بزاڤێ کەن ھندەک بابەتان ل گەل تە ڤەکەن و دێ ب ڤێ گۆتنێ دەست پێ کەن “تە زانیە؟” یان “سەحکێ من چ دیت” ئەڤە دەستپێکن بۆ درەوا نیسانێ.
3- بمینە ل جھێن کەھی: نەچە چ جھێن نەنیاس و ل گەل وان کەسان نەئاخڤە یێن تو نەنیاسی.
4- ھەکە تە نەڤێت بکەڤیە داڤێن درەوا نیسانێ، تو ژی چ درەوان نەکە، ھەکە تە وەکر پشتراست بە تو ژی دێ کەڤیە وان داڤان.
5- بمینە د مال ڤە: ھەکە تو بشێی ل ڤێ رۆژی دەرنەکەڤە دا نەکەڤیە داڤێن درەوا نیسانێ، چونکو درەوەک دبیت ب بەھانەیا ترانان تە بێشینیت.