خه‌لاتێ سكسيترين ژن وه‌رگرت

27/03/2016 13:45

4627

ئه‌ڤرۆ نيوز:

كۆمپانيا ڤيكتۆريا سه‌كريت يا ئه‌مريكى كو يا تايبه‌ت ب دروستكرنا جلكێن ژێرڤه‌، خه‌لاتێ سكسيترين ژنا بۆ سالا 2016ێ دا هۆنه‌رمه‌ند جێنيفر لوپێز يا 46 سالى.

ب گۆره‌ى نوچه‌كێ مالپه‌ر T24 يێ توركيا كۆمپانيێ ناڤێ كه‌سانێن ناڤدارێن جيهانا فاشن و ميوزيك و سينه‌مايێ خستبوونه‌ ناڤ ليستا هه‌لاتێن سالا 2016ێ، جێنيفه‌ر لۆپێز سترانبێژا ناڤدارا ئه‌مريكى وه‌كو سكسيترين ژن هاته‌ هه‌لبژارتن و كيرى واشنتۆن ژى كو سكسيترين ئه‌كته‌ر هاته‌ هه‌لبژارتن و كيلى جينير ژى وه‌كو ئازاترين كه‌سا سكسى خه‌لات وه‌رگرت.

ره‌وشا زێر و زيڤى ل بازارێن دهۆكێ

27/03/2016 13:40

1207

ئه‌ڤرۆ نيوز:

رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 27ى ئادارا 2016ێ بهايێ زێر و زيڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه‌:

1 گرام زێرێ (ع) 18	37500
1 گرام زێرێ (ع) 21	44500
1 گرام زێرێ (ع) 22	46500
1 گرام زيڤ	3000

فراكسيۆنێن كوردى ل به‌غدا ل سه‌ر چه‌ند خالان رێكه‌فتن

27/03/2016 13:23

171

ئه‌ڤرۆ نيوز:

سه‌رۆكێ فراكسيۆنێن كوردى ل جڤاتا نوونه‌رێن عيراقێ ته‌كست ل سه‌ر وێ چه‌ندێ كر كو دڤێت پشكا كوردان ل ده‌مێ گورانكاريان ب رێژا 20% بمينيت و كورد وه‌كو پێكهاتێ نه‌ته‌وه‌ى پشكدار ببيت و هه‌كه‌ ب وى ره‌نگى نه‌بيت هه‌موو ئه‌گه‌ر ل به‌ر سينگى د ڤه‌كرى نه‌.

ئه‌ڤرۆ رۆژا ئێكشه‌مبى فراكسيۆنێن كوردى ل جڤاتا نوونه‌رێن عيراقێ بۆ دانوستاندنێ ل سه‌ر پشكا كوردان د وان گوهرينێن وه‌زارى يێن حه‌يده‌ عه‌بادى پێڤه‌ مژوول و ئه‌نجام دده‌ت كۆم بوون.
سه‌رۆكێن فراكسيۆنێن كوردستانى پشتى كۆمبوونێ راگه‌هاند كو يێ ل سه‌ر وێ چه‌ندێ رێكه‌فتين كو پشكا كوردان دڤێت هه‌ر وه‌كو خوه‌ بيت ب رێژا 20%ێ و گوهۆڕين ب سه‌ر دا نه‌هێته‌، ديسا كورد وه‌كو پێكهاتێ نه‌ته‌وى و هه‌ڤپشكێ پرۆسا سياسى بمينيت و ژ ده‌رڤه‌ى ئيدارا كوردان ژى نابيت چو كانديد بۆ پۆستێن كوردان بهێنه‌ دياركرن.
ئالا ته‌له‌بانى سه‌رۆكا فراكسيۆنا ئێكه‌تى نشتيمانى كوردستان ل جڤاتا نوونه‌رێن عيراقێ د كۆنگره‌كێ رۆژنامه‌ڤانى دا راگه‌هاند: “هه‌كه‌ پشكا كوردان ب رێژا 20% نه‌بيت هه‌موو ئه‌گه‌ر د ڤه‌كرى نه‌”.
گۆتژى: “رێ ناده‌ين وه‌كو سه‌رده‌مێ رژێما به‌عس هنده‌ك كه‌س ژ ده‌رڤه‌ ئيرادا كوردان بهێنه‌ كانديد كرن بۆ وه‌رگرتنا وان پۆستێن ب به‌ر كوردان كه‌فتين”.
ژ لايێ خوه‌ ڤه‌ خسرۆ گۆران سه‌رۆكێ فراكسيۆنا پارتى ديموكراتى كوردستان ل جڤاتا نوونه‌رێن عيراقێ د كۆنگرێ رۆژنامه‌ڤانى دا راگه‌هاند كو هه‌ر گوهۆڕينه‌كا دهێته‌ كرن دڤێت ئه‌گه‌رێن وێ بهێنه‌ دياركرن.
گۆتژى: “هه‌ر ديسا هه‌ر كه‌سه‌ك كو دهێته‌ لادان دڤێت ئه‌گه‌رێن وێ لادانێ بهێنه‌ دياركرن و دڤێت په‌يره‌وێ ئستيحقاقێ هه‌لبژارتنان بهێته‌ كرن”.
هه‌ڤده‌م هشيار عه‌بدولا، سه‌رۆكێ فراكسيۆنا گۆڕان ل جڤاتا نوونه‌رێن عيراقێ راگه‌هاند: دڤێت كورد وه‌كو هه‌ڤپشكێن راستينه‌ پشكدار بن و قه‌بوول ناكه‌ين چو كانديد ژ ده‌رڤه‌ى بڕيارا سياسى يا كوردان بهێنه‌ كانديد كرن ژ بوو پۆستێن به‌هرا كوردان.

ئه‌ڤرۆ دۆلار ب چه‌ندێ يه‌؟

27/03/2016 13:21

782

ئه‌ڤرۆ نيوز:

رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 27ى ئادارا 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه‌:

1 دولارێ ئه‌مريكى	1272
1 يۆرۆيێ ئه‌ورۆپى	1400
1 ليرێ توركى	435

بۆ وه‌رگرتنا نووترين پێزانينان ل سه‌ر ره‌وشا دراڤى ژماره‌ “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه‌.

پارتی دێ ھژمارەک بەرپرسێن خوە گھۆڕیت

27/03/2016 13:00

460

ئەڤرۆ نیوز:
بڕیارە پارتی دیمۆکراتی کوردستان ل دەمەکێ نێزیک دەست ب گھۆڕینان بکەت و د ڤی چارچوڤەی دا ھژمارەک بەرپرسێن پارتی دێ ھێنە گھۆڕین، ئەندامەکێ جڤاتا سەرکردایەتیا پارتی ژی تەکەز کر، کو بڕیار ل سەر گھۆڕینا ھژمارەکا بەرپرسێن حزبێ ھاتیە دان و دەمەکێ نێزیک دێ گۆھۆڕین ھێنەکرن.
دکتۆر عەلی تەتەر، ئەندامێ جڤاتا سەرکردایەتیا پارتی دیمۆکراتی کوردستان بۆ رۆژناما ئەڤرۆ گۆت “پارتی بڕیار دایە ھندەک گھۆڕینێن ناڤخۆیی دەست پێ بکەت و ل گۆر بڕیارێن حزبێ ھژمارەکا بەرپرسان دێ ھێنە گھۆڕین، ب تایبەتی ئەو بەرپرسێن کو بۆ دەمێ چەند سالانە د پۆستێ خوە دا ماینە و ئەز بەحسێ خوە ژی دکەم، چونکی ئەڤە بۆ دەمێ پێنج سالانە بەرپرسێ لقێ دەھم و دەم یێ ھاتی گھۆڕین بھێنەکرن”.
تەتەری گۆت ژی “ئەڤ گھۆڕینێن دھێنەکرن ل کۆمبوونا جڤاتا سەرکردایەتیا پارتی بڕیار ل سەر ھاتیەدان و ئەز ناڤێ بەرپرسەکی نائینم یێن بڕیار ل سەر گھۆڕینا وان ھاتیەدان، بەلێ زۆر بەرپرسێن لق و مەکتەبێن حزبێ دێ ھێنە گھۆڕین، بێگومان ئەڤ گھۆڕینە دێ دەمەکێ نێزیک ھێنە دەستپێکرن و تشتەکێ ئاساییە دھێتەکرن د ناڤ خەباتا پارتی دا بەردەوام ژی دێ گھۆڕین ھەبن ل سەر ئاستێ پارێزگەە و ئورگانێن پارتی”.

ئامارێن زيانێن له‌شكرێ توركيا و رۆژانێن نه‌ورۆزێ و ئه‌ڤ ساله‌ هاتنه‌ راگه‌هاندن

27/03/2016 12:50

147

ئه‌ڤرۆ نيوز، نيوار محه‌مه‌د سه‌ليم:

د پرێس كۆنفرانسه‌كى دا، رێڤه‌به‌ريا به‌ره‌ڤانيا باژێرى ل دهۆكێ ئامارا روودانێن نه‌ورۆزێ به‌لاڤكر و راگه‌هاند كو رۆژانێن نه‌ورۆزێ 15 روودانێن ئاگر به‌ربوونێ هاتينه‌ تۆماركرن.

سپێده‌هيا ئه‌ڤرۆ رۆژا ئێكشه‌مبى رێكه‌فتى 27ى ئادارا 2016ێ د پرێس كۆنفرانسه‌كى دا، رائيدێ مافپه‌روه‌ر، بێوار عه‌بدولعه‌زيز، به‌رپرسێ په‌يوه‌ندى و راگه‌هاندنا به‌ره‌ڤانيا باژێرى ل دهۆكێ بۆ ده‌زگه‌هێن راگه‌هاندنێ ئامارا روودانێن جه‌ژنا نه‌ورۆزێ و هه‌يڤێن بۆرى راگه‌هاند.

رائيدێ مافپه‌روه‌ر، بێوار عه‌بدولعه‌زيز، گۆت: “ل رۆژانێن نه‌ورۆزێ ژ 20ى ئادارێ هه‌تا 24ێ، 15 روودانێن ئاگربه‌ربوونێ هاتينه‌ تۆماركرن و تێدا سێ كه‌س بريندار بووينه‌، ژ وان دو وه‌لاتى و پۆليسه‌ك”، زێده‌تر گۆت: “پێنج ژ وان روودانان ل سه‌نته‌رێ باژێر دهۆكێ بووينه‌”.

به‌رپرسێ په‌يوه‌ندى و راگه‌هاندنا به‌ره‌ڤانيا باژێرى ل دهۆكێ دا زانين ژى كو ل ده‌سپێكا سالێ هه‌تا رۆژانێن نه‌ورۆزێ 153 روودان هاتينه‌ تۆماركرن و د ڤان روودانان دا 24 كه‌س بووينه‌ قوربانى، 11 كه‌سان گيانێ خوه‌ ژ ده‌ست دايه‌ و 13 ژى بريندار بووينه‌ و پترى 10 مليار ديناران زيانێن مادى بووينه‌.

ده‌رباره‌ى زيانێن تۆپبارانا فرۆكێن شه‌ركه‌رێن توركيا ژى ل ده‌ڤه‌رێ پتريا زيانان ل سنورێ ناحيا شێلادزێ و كانى ماسێ بووينه‌ كو زيان ب باغ و بيستانێن وه‌لاتيان كه‌فتينه‌ و گۆت: “هه‌كه‌ ئه‌ڤ تۆپبارانكرنه‌ ل وه‌زرێ هاڤينێ يا به‌رده‌وام بيت دێ زيانێن مه‌زن ب ده‌ڤه‌رێ گه‌هينيت”.

دكتور عه‌لائه‌دين و فه‌ريق روكن كه‌مال و حاكم رزگار فورمێن وه‌زارى بێى لايه‌نێن سياسى يێن كوردى پڕ كرينه‌

27/03/2016 12:27

637

ئه‌ڤرۆ نيوز:

بێ ڤه‌ڤه‌گه‌ريان بۆ سه‌ركرداتيا سياسى يا كوردى، سێ كه‌سان وه‌كو بێلايه‌ن داخوازا فورمان ژ لژنا پێشكێشكرنا فورمێن وه‌زارى كريه‌ و ژبلى وان ژى حه‌يده‌ر عه‌بادى ژى ناڤێ پێنج كه‌سێن كورد بلند كريه‌، هه‌موو فراكسيۆنێن كوردى ژى ره‌تدكه‌ن كو ئه‌و نوونه‌رێن وان بن د ناڤ حوكمه‌تێ دا.

عه‌بدولعه‌زيز حه‌سه‌ن ئێك ژ نوونه‌رێن كورد ل جڤاتا نوونه‌ران راگه‌هاند كو سه‌ركرداتيا كوردى ژى ل به‌غدا حه‌يده‌ر عه‌بادى و موقته‌دا سه‌در ئاگه‌هدار كرينه‌ كو ب چو ره‌نگه‌كى ئه‌و كه‌س ده‌ربڕينێ ل پارتێن سياسى يێن كوردى ناكه‌ن و نوونه‌رێن كوردان نينن و گۆت: “مه‌ دڤێت ئه‌و كه‌سێن پۆستێن به‌غدا وه‌ردگرن نوونه‌رێن دروست يێن كودا بن”.

ب گۆره‌ى ئه‌و پێزانينێن ل به‌ر ده‌ست هه‌ر ئێك ژ دكتور عه‌لائه‌دين و فه‌ريق روكن كه‌مال و حاكم رزگار فورمه‌ وه‌رگرتينه‌ و وه‌كو كه‌سێن كورد يێن بێلايه‌ن ئه‌و فورمه‌ پڕكرينه‌.

ده‌رباره‌ى وێ چه‌ندێ كا هه‌كه‌ عه‌بادى و سه‌در ل دووڤ داخوازيا كوتلێن كوردى نه‌هاتن گۆت: “دێ ب هه‌موو ره‌نگان دژى وێ حوكمه‌تێ راوه‌ستين و وه‌سان دێ بيته‌ تێكدانا ته‌وافقا نشتيمانى”.

حاكم رزگار ژى د ڤێ ده‌ربارێ دا گۆت: “من سيڤى پێشكێش نه‌كريه‌ و ئه‌و ل دووڤ كه‌سێن وه‌كو من دگه‌رن و سى ڤى يێ من يێ هه‌موو جهان هه‌ى و خوه‌ د ئه‌نترنێتێ ژى دا يێ هه‌ى، به‌لێ نوكه‌ چ تشتێ روون نينه‌”.

ژێده‌ر: تۆڕا ده‌نگوباسێن سلێمانيێ

به‌غدا دڤێت داهاتێ په‌ترۆلا كه‌ركووكێ ببه‌ت

27/03/2016 12:16

108

ئه‌ڤرۆ نیوز:
سه‌رۆكێ لژنا په‌ترۆلێ و غازێ ل جڤاتا پارێزگه‌ها كه‌ركووكێ، ئه‌حمه‌د عه‌سكه‌ری، راگه‌هاند ده‌مێ بهایێ په‌ترۆلێ یێ نزم، به‌غدا یا بێ ده‌نگ بوو، به‌لێ ل گه‌ل بلندبوونا بهایێ په‌ترۆلێ، به‌غدا هێجه‌تان ل هه‌رێمێ دگریت ب مه‌ره‌ما ڕاگرتنا هنارده‌كرنا په‌ترۆلا كه‌ركووكێ.
ئه‌حمه‌د عه‌سكه‌ری بۆ مالپه‌رێ فه‌رمیێ پارتی گۆت” هێشتا په‌ترۆلا كه‌ركووكێ نه‌هاتیه‌ به‌ردان، چونكی به‌غدا دڤێت پارێ وێ بۆ خوه‌ ببه‌ت، له‌وما داخواز دكه‌ت ڕێككه‌فتنا كه‌ڤن بهێته‌ بجهئینان، یان ڕێككه‌فتنه‌كا نوو بهێته‌ كرن”.
خویاكر ژی” ڕاگرتنا په‌ترۆلا كه‌ركووكێ زیانێ ب هه‌رێمێ و كه‌ركووكێ دگه‌هێنیت”گۆت ژی”به‌غدا هێجاتان دگریت، هه‌كه‌ نه‌، ده‌مێ بهایێ په‌ترۆلێ یێ نزم و هه‌تاكو 17% ژ پشكا هه‌رێمێ نه‌ده‌ت، خوه‌ بێ ده‌نگ كربوو، به‌لێ ده‌مێ بهایێ په‌ترۆلێ بلند بووی، هێجه‌تان دگرن كو هه‌رێم پارێ په‌ترۆلا كه‌ركووكێ ناده‌تێ و ئه‌وژی د به‌رامبه‌ر دا ڕێ ناده‌ن په‌ترۆل بهێته‌ هنارده‌كرن”.

ل زاخۆ 57 کەس ب تۆمەتا بکارئینانا مادێن بێھوشکەر دھێنە دەستەسەرکرن

27/03/2016 12:00

246

ئەڤرۆ نیوز:
ئاسایشا زاخۆ راگەھاند، ب تۆمەتا بکارئینانا مادێن بێھوشکەر 57 کەس دەستەسەر کرینە و ل گۆر پێزانینێن ئاسایشێ ئەو مادە ژ وەلاتێ تورکیا ب رێکێن قاچاخ د ناڤبەرا باکوور و باشوورێ کوردستانێ دا دەرباز بووینە.
ئاسایشا زاخۆ بۆ رۆژناما ئەڤرۆ ئاشکرا کر کو چ ژ رێژەیا مادێن بێھوشکەر بکارئینەران د سنوورێن ئیبراھیم خەلیل و خابوور یا تورکیێ دا دەرباز نەکرینە و گۆت “ھەموو ب رێکێن کڕین و فرۆتنێ ژ بازرگانێن بچووک ب دەستەسەرکریان را ھاتبوون فرۆتن”.
ئاسایشا زاخۆ ئەو ژی نەڤەشارت کو ژێدەرێ دەستکەفتنا مادێن ھۆشبەر ژ ھندەک وەلاتایە و گۆت “ل گۆر دووڤچوونێن مە رێژا زێدەیا مادێن ژ تورکیا ئیناینە ھەرێمێ، بکارئینەر ژی ل تورکیا فێر بووینە و د دووڤ دا دەربازی ھەرێمێ بووینە کو ژ گۆندێ قەرەولا ل رۆژئاڤایێ زاخۆ دەست پێ دکەت تا دگەھیتە گۆندێ ئۆرە سەر ب ناجیا کانی ماسێ ڤە کو ھەڤسنوورە ل گەل پارێزگەھا شرنەخێ ل باکوور کو نێزیکی 60 کێلۆمەترایە، رێژەیەک ژێ ئاڤا ھیزل دکەڤیتە د ناڤبەرا ھەردو لایان دا، پاسەوانێن سنووری ژ لایێ ھەرێم و سوپا ل تورکیا چاڤدێریا پاراستنا سنووران دکەن”.
ھەروەسا ئاسایشێ خویا کر کو ئەڤ 57 کەسێن دەستەسەرکری د ماوەیێ سالەک و نێزیکی چوار ھەیڤان دا گرتینە حالەتێن جودابوونە ژیێ وان د ناڤبەرا 20 بۆ 30 سالان دانە و زێدەتریا وان ب رێژەیێن کێم مادێن ھۆشبەر ل دەف وان ھاتینە گرتن و ل دووڤ مادێ 14 ژ قانوونا نەھێلانا بکارئینانا مادێن ھۆشبەر سەرەدەری ل گەل گرتیان ھاتیە کرن.

ب وێنه‌: د ڤێ روودانێ دا دو كه‌سان گيانێ خوه‌ ژ ده‌ست دا

27/03/2016 11:57

1772

ئه‌ڤرۆ نيوز، نيوار محه‌مه‌د سه‌ليم:

سپێده‌ها ئه‌ڤرۆ رۆژا ئێكشه‌مبى ل سه‌ر جادا سه‌ره‌كيا مانگێشكێ دو ترۆمبێلان لێكدا و كه‌سه‌كى گيانێ خوه‌ ژ ده‌ست دا.

رائيدێ مافپه‌روه‌ر، بێوار عه‌بدولعه‌زيز به‌رپرسێ په‌يوه‌ندى و راگه‌هاندنێ ل رێڤه‌به‌ريا به‌ره‌ڤانيا باژێرى بۆ ئه‌ڤرۆ نيوز گۆت: “سپێده‌هيا ئه‌ڤرۆ رۆژا ئێكشه‌مبى رێكه‌فتى 27ى ئادارا 2016ێ و ل ده‌مژمێر 8:10ى سپێدێ تيمێن وان ل مانگێشكێ ل سه‌ر روودانه‌كا ترافيكى هاتنه‌ ئاگه‌هداركرن”.

زێده‌تر گۆت: “پشتى گه‌هشتينه‌ جهێ روودانێ دياربوو كو روودان ژ جۆرێ لێكدان بوو د ناڤبه‌را دو ترۆمبێلێن ئۆپل ڤيكترا ره‌نگێ نه‌فتى و پيكئياپ تۆيۆتا ره‌نگێ سپى حكومى كو تابلۆيا وێ يا وه‌زاره‌تا كار بوو”.

دا زانين ژى كو د ڤێ روودانێ دا يا كو ل سه‌ر رێيا سه‌ره‌كى يا مانگێشك بۆ مه‌جلمه‌ختێ رووداى، دو كه‌سان گيانێ خوه‌ ژ ده‌ست دا و گۆت: “تيمێن مه‌ ژى شيان دو كه‌سان د ناڤ ترۆمبێلان دا ب ئاميرێن خوه‌ يێن تايبه‌ت قورتال بكه‌ن كو ب گرانى بريندار ببوون، به‌لێ ب مخابنى ڤه‌ ل ده‌مێ هاتينه‌ ڤه‌گوهاستن بۆ نه‌خۆشخانا ته‌نگاڤيان ل دهۆكێ، كه‌سه‌كێ دژى ب رێ ڤه‌ گيانێ خوه‌ ژ ده‌ست دا”.

نيشاندان 1...920 1,920 2,920 2,9232,9242,925 3,920...4,170 زێده‌تر

لاپه‌ر 2,924 ژ 4,170