ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 15ى ته‌باخا 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1285 |
| 1 يۆرۆيێ ئه‌ورۆپى | 1425 |
| 1 ليرێ توركى | 430 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
ئێكه‌تى نشتيمانى كوردستان نامه‌كا پيرۆزباهيێ ئاراسته‌ى پارتى ديموكراتى كوردستان دكه‌ت و 70 سالێن دامه‌زراندنێ وه‌كو “ئه‌زموونه‌كا مه‌زن” دده‌ته زانين.
ده‌قێ په‌يامێ:
جه‌نابی مه‌سعود بارزانی سه‌رۆكی پارتی دیموكراتی كوردستان
به‌ڕێزان/ هه‌ڤاڵانی مه‌كته‌بی سیاسی‌‌و كۆمیته‌ی ناوه‌ندی پارتی
سڵاوێكی گه‌رم…
له یادی 70 ساڵه‌ی دامه‌زراندنی پارتی دیموكراتی كوردستاندا، به‌ناوی مه‌كته‌بی سیاسی‌‌و ئه‌نجومه‌نی سه‌ركردایه‌تیی یه‌كێتییه‌وه، پیرۆزبایی گه‌رمتان لێده‌كه‌ین‌و له‌ڕێی ئێوه‌شه‌وه، له‌م یاده‌دا سڵاو بۆ هه‌ڤاڵانتان تێكڕا ده‌نێرین.
به‌ڕێزان!
یادی 70 ساڵه‌ی پارته تێكۆشه‌ره‌كه‌تان، كه له سه‌روبه‌ندی دامه‌زراندنی یه‌كه‌مین كۆماری كوردستاندا دامه‌زراوه، مێژوویه‌كی دورودرێژی پڕ له رووداوی جۆراوجۆری سه‌ركه‌وتن‌و شكسته، خۆش‌و ناخۆشه. رووداوگه‌لێك له‌و مێژووه‌دا به‌ڕێكراون، یه‌كه یه‌كه‌یان مایه‌ی په‌ندوه‌رگرتنن بۆ هه‌موو لایه‌كمان!
دۆخه‌كانی دوای جه‌نگی یه‌كه‌م‌و جه‌نگی ساردمان به رێكه‌وتنی جۆراوجۆری دژ به چاره‌نووسی نه‌ته‌وه‌كه‌مان، له ناوچه‌كه‌دا به‌ڕێكرد. له دوای جه‌نگی ساردیشه‌وه، هه‌تا ئێستای جیهانگیری، هه‌لی سیاسی باش ره‌خساو له پێناوی عیراق‌و كوردستانی فیدرال قۆزرایه‌وه، له‌م كۆتاییه‌ی رووداوه سه‌خته‌كانی ناوچه‌كه‌شدا، له به‌ره‌نگاربوونه‌وه‌ی داعشدا، پێشمه‌رگه نمونه‌ی ئازادیخوازی راسته‌قینه بوو. هه‌ر له‌م هه‌لومه‌رجه‌دا، رووداوه‌كان، به‌ره‌و دوا سیناریۆی رێكه‌وتنی تری نێوده‌وڵه‌تی‌‌و ئیقلیمی، به‌ڕێوه‌یه. له‌مكاته‌شدا ناوماڵی كورد، مه‌خابن ترازاوه. نه‌چووه بچێ، یه‌كێتی به‌رده‌وام ئومێده‌واره، له ترازانه‌وه به‌ره‌و سازان، به‌هه‌موو لایه‌كمان، چاره‌سه‌ری كێشه‌كان بكه‌ین، چاره‌سه‌ریش له‌م هه‌لومه‌رجه بابه‌تییه‌دا بۆته ئه‌ركی نیشتمانی، نه‌ته‌وه‌یی، یاسایی‌‌و سیاسیش
له‌كاتێكدا جارێكی دیكه له یادی 70 ساڵه‌ی دامه‌زراندنی پارته تێكۆشه‌ره‌كه‌تاندا، پیرۆزبایی گه‌رمتان لێده‌كه‌ین، بێگومان چاوه‌ڕوانیشین ئه‌زموونی زۆرو زه‌به‌ندتان، یارمه‌تیده‌ری هه‌موولایه‌كمان بێ بۆ چاره‌سه‌ره گونجاوه‌كان؛ به كاراكردنه‌وه‌ی ده‌زگا شه‌رعییه‌كان‌و ئاساییكردنه‌وه‌ی دۆخی سیاسیی كوردستان.
له‌گه‌ڵ رێزی…
مه‌كته‌بی سیاسیی
یه‌كێتیی نیشتمانیی كوردستان
15/8/2016
ئەڤرۆ نیوز:
سەرۆکێ کۆتلا برایەتی و پێکڤە ژیانێ ل جڤاتا پارێزگەھا نەینەوا بۆ رۆژناما ئەڤرۆ دیار کر کو ئاوارێن ئێزدی یێن چووینە وەلاتێ سووریا ب تایبەتی ئەوێن ل کەمپا نەورۆز ھاتینە ئاکنجیکرن پەیوەندی ب قایمقامێ قەزا شنگال کرینە داکو ناڤێن خوە تۆمار بکەن و ڤەگەرنە قەزا شنگال و گۆت: “ھەتا نوکە گەلەک ئاواران ناڤی خوە بۆ ڤەگەریانێ تۆمارکریە”.
سەیدو چەتۆ، سەرۆکێ کۆتلا برایەتی و پێکڤە ژیانێ ل جڤاتا پارێزگەھا نەینەوا دیار کر کو دەمێ کارەساتا شنگالێ پەیدابووی گەلەک خەلکێ دەڤەرا ناڤبری قەستا وەلاتێ سووریا کرن و ل کەمپان ھاتنە ئاکنجیکرن و گۆت: “نوکە ئەو ئاوارێن ل کەمپا نەورۆز ھاتینە ئاکنجیکرن یێن ناڤێ خوە تۆمار دکەن دا کو ب ڤەگەرنە شنگالێ و بۆ ڤێ مەرەمێ ژی بەرھەڤی ل مەزارگەھێ شەرفەدین ھاتینەکرن بۆ دابینکرنا پێدڤیێن ژیانێ”.
ناڤھاتی ئاماژە دا وێ چەندێ کو ب ھەماھەنگی یا حوکمەتا ھەرێما کوردستانێ و رێکخراو و کارگێریا پارێزگەھا نەینەوا چەندین خیڤەت بۆ ڤەحەواندنا ئاوارێن ژ سووریا ڤەدگەرن ھاتینە بەرھەڤکرن و گۆت: “ئەڤ خیڤەتە دێ ل چیایێ شنگال ھێنە دانان”.
ل دووماھیێ ناڤبری دیار کر کو ئاوارێن ئێزدی ل کەمپێن وەلاتێن تورکیا و سووریا د رەوشەکا خراب دانە ژ بەر ڤێ چەندێ یێ بزاڤان دکەن ڤەگەرنەدەڤەرا شنگالێ و گۆت: “ئەم داخوازێ ژ ھەموو رێکخراوان دکەین زێدەتر ھاریکاریا ئاواران بکەن”.
ئەڤرۆ نيوز:
ژێدەرەکی ئاشکرا کر کو ژ ئەنجامێ کۆچکرنا رێژەکا ئێکجار زۆر ژ وەلاتی چارە‌نڤیسێ پتر ژ 700 پەنابەرێن کورد د ناڤبەرا سنوورێن سێ وەلاتێن ئورۆپی دا یێ بەرزەیە.
گەنجەکێ کۆچبەرێ کورد کونەخواست ناڤێ وی بھێتە دیارکرن بۆ رۆژناما ئەڤرۆ ئاشکرا کر کو ژ ئەگەری شەڕێ داعش و کاودانێن ئابووری گەلەک وەلاتیان قەستا دەرڤەی وەلاتی کریە کو پڕانیا وان د ئاڤێ دا گیانێ خوە ژ دەست دان و ھندەک دەرباز بووینە و گۆت “ئەم ھژمارەک تا نھا د ناڤبەرا سنوورێن فرەنسا و بلجیکا و بریتانیا دا ئاسێ بووینە”.
ناڤبری خویا ژی کر کو د ناڤبەرا سنوورێ بریتانیا و فرەنسا دا دو کەمپ ھاتینە دروستکرن ئێک ژ وان کو ب فرەنسی دبێژنێ (Dunkerque) ئەڤ کەمپە سەر ب فرەنسا ڤەیە و پڕانیا ئاکنجیێن وێ کوردێن ھەر چار پارچێن کوردستانێ نە و ژمارا وان پتر ژ 700 کەسانە و گۆت”ژمارا ھەری زۆر خەلکێ ھەرێما کوردستانێ نە کو گەلەک ژ وان خێزاندارن و ژن و زارۆک و نەخۆش د ناڤدانە”.
ھەمان ژیدەری دیار کو سنوور ل بەر ھاتینە گرتن و چاڤەرێی ڤەکرنا سنوورێ بریتانیا دکەن، لێ ھەتا نوکە چ دیار نینە و گۆت “مە ب رێکا کەنالێن کوردی و بیانی ھەوارا خوە گەھاندیە حکوومەتا خوە و ھەمی دونیایێ، لێ تا نوکە چ بۆ مە نەھاتیە کرن و ئەڤە ب رێکا رۆژناما ئەڤرۆ ژی مە دەنگێ خوە گەھاند ھیڤی دکەین بزاڤ بھێنە کرن و چارەک بۆ مە بھێتە دیتن”.
ئەڤرۆ نیوز:
پشتی کو باژێرێ منبجێ ژ ئالیێ ھێزێن سووریا یا دیموکراتیک کو پرانیا وان ژ ھێزێن یەکینەیێن پاراستنا گەل پێک دھێن ھاتیە ئازادکرن، نھا گەنگەشە ل سەر پاشەرۆژا وی باژێری و چاوانیا برێڤەبرنا وێ دھێنە کرن.
رۆژناما حوریەت یا تورکیا راگەھاند کو چەند رۆژن بەرپرسێن تورکیا گڤاشتنان ل ئەمریکا دکەن کو دڤێت ھێزێن یەپەگێ ژ منبجێ دەربکەڤن و دڤێت منبج ژ ئالیێ خەلکێ وی باژێری ڤە بھێتە برن و تورکیا نھا چاڤەرێ داخۆیانیەکا فەرمی یا ئەمریکایە کا دێ ب چ رەنگەکێ سەرەدەریێ ل گەل پاشەرۆژا باژێرێ منبجێ کەت.
ل ئالیێ دی دوھی پەیڤدارێ وەزارەتا بەرگیریا ئەمریکا د داخۆیانیەکێ دا راگەھاند کو ھەکە ئەم بەرێ خو بدەینە دیرۆکا باژێرێ منبجێ دیار دبیت کو منبج باژێرەکێ عەرەبی یە، ژ بەر ھندێ ژی مە نەڤێت دیموگرافیا وی باژێری بھێتە گوھۆرین و دڤێت منبج ھەر بمینیت باژێرەکێ عەرەبی و ژ ئالیێ خەلکێ وی باژێری ڤە بھێتە برێڤە برن.
ل ئالیێ دی چاڤدێرێن سیاسی یێن کورد ژی نەرازیبوونا خوە ل ھەمبەر ھەلویستێ ئەمریکا رادگەھینن و دیار دکەن کو چاوا دبیت کورد خوونا خوە بۆ منبجێ برژینن و نھا ژی ئەمریکا ھەلویستەک وەسا دیار بکەت، چونکو یێ شەر بۆ منبجێ کری و خوون دایی دڤێت ئەو منبجێ برێڤە ببەن.
ل ھەمبەر وێ یەکێ چەندین بەرپرسێن کورد یێن رۆژئاڤایێ کوردستانێ ژی دیار کرینە کو دێ منبج بیتە پشکەک ژ فدراسیۆنا باکورێ سووریێ، لێ ھەتا نھا ژی سەبارەت ب پاشەرۆژا منبجێ ھەلویستێ پارتیا ئێکەتیا دیموکراتیک ئاشکرا نینە.
ئەڤرۆ نیوز:
سەرۆک وەزیرێن تورکیا دوھی راگەھاند کو نھا ئەو ل گەل روسیا و ئیرانێ سەبارەت ب نەخشێ سووریا نوو کار دکەن و دیار ژی کر کو روسیا ھێزا سەرەکی یە ل سووریێ و مە دڤێت ل گەل ئیرانێ و روسیا پرسا سووریێ چارە بکەین و ئیران ژی وەکو مە ل دژی ھندێ یە کو سووریا بھێتە پارچە کرن.
بینالی یلدرم سەرۆک وەزیرێن تورکیا دوھی د پرێس کۆنفرانسەکێ دا راگەھاند کو روسیا و ئیران ڤێ یەکێ باش دزانن کو تورکیا ھێزەک مەزن ل دەڤەرێ و ژ بەر ھندێ ژی وان دڤێت ئەم پێکڤە قەیرانا سووریێ چارە بکەین و ھەروەسا پێکڤە سووریا نوو ژی ئاڤا کەین و گۆت: (سەرەدانا بەرێز سەرۆک کۆماری بۆ روسیا و ھەروەسا سەرەدانا وەزیرێ دەرڤە یێ ئیرانێ بۆ تورکیا گرنگ بوون و د ھەر دو سەرەدانان دا مە ب رەنگەکێ بەرفرەە بەحسێ سووریا نوو کریە و بەرپرسێن ئیرانێ ژی وەکو مە دبێژن کو نابیت سووریا بھێتە پارچەکرن).
سەرۆک وەزیرێن تورکیا ھەروەسا دیار کر کو پەیوەندیێن مە ل گەل روسیا بێگومان دێ کارتێکرنا خوە ل سەر رەوشا سووریێ بکەن، د سەرەدانا خوە دا بۆ تورکیا سەرۆک کۆماری ژی ل گەل پوتینی ب گشتی بەحسێ سووریا کرینە و روسیا داخواز ژ مە کریە کو ئەم ھاریکار بین بۆ چارەکرنا قەیرانا سووریێ و گۆت: (د شەش مەھێن پێشیا مە دێ گوھۆرینێن مەزن ل سووریێ روو بدەن، نھا کارەک مەزن بۆ ھندێ دھێتە کرن، من نەڤێت زێدە تشتان دیار بکەم، لێ من دڤێت بێژم تورکیا ل گەل روسیا و ئیرانێ سەبارەت ب سووریا نوو گەھشتیە رێککەفتنەکێ و ئەو یەک دێ د ناڤ شەش مەھان دا دیار بیت).
سەبارەت ب کونترول کرنا باژێرێ منبجێ ژ ئالیێ ھێزێن سووریا یا دیموکراتیک ژی سەرۆک وەزیرێن تورکیا راگەھاند کو مە بەری نھا ژی بۆ بەرپرسێن ئەمریکی دیار کربوو کو پشتی منبج بھێتە ئازادکرن دڤێت ھێزێن کوردی ل منبجێ دەربکەڤن و خەلکێ عەرەب یێ منبجێ باژێرێ خوە برێڤە ببەن و ئەم نھا چاڤەرێ ھەلویستێ ئەمریکا نە و دڤێت ئەمریکا ژی سۆزا خوە بجە بینیت.
چاڤدێرێن سیاسی دیار دکەن کو ئەردۆگان ژ بەر بزاڤا کۆدەتایا سەربازی و شەرێ ل دژی جەماعەتا فەتحوللا گولەنی گەلەک تەنگاڤ بوویە و پێدڤی ھاریکاریا روسیایە و ژ بەر ھندێ ژی ئەردۆگان رازیە سەبارەت ب سووریێ تشتێن روسیا دڤێت بۆ بکەت و ل ھەمبەر دا داخواز دکەت کو روسیا پشتەڤانیێ ل کوردێن رۆژئاڤا نەکەت، لێ روسیا ژی ب ساناھی دەستان ژ کوردان بەرنادەت چونکو ژ بۆ شەرێ ل دژی تیرۆرێ و ھەروەسا بۆ پاشەرۆژا سووریێ ژی روسیا پێدڤی ب کوردانە.
ئه‌ڤرۆ نيوز:
سه‌رۆكێ رێكخراوا خامتیر بۆ به‌ره‌ڤانیكرن ژ رۆژنامه‌ڤانان و ڤه‌ژاندنا مه‌دیایێ راگه‌هاند، ب مه‌ره‌ما شه‌رمه‌زاركرنا كوشتنا په‌یامنێرێ ئاژانسا رۆژ نیۆز ل پارێزگه‌ها دهۆك و دیاركرنا هه‌ڤخه‌مییا خوه هه‌مبه‌ر شه‌هیدبوونا وێنه‌گرێ كه‌نالێ ئاسمانیێ كوردستان تیڤى ل به‌رۆكێن شه‌ڕى خرڤه‌بوونه‌ك ل زاخو هاته ئه‌نجامدان.
نيشاندان
