ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 14ى ته‌باخا 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1283 |
| 1 يۆرۆيێ ئه‌ورۆپى | 1430 |
| 1 ليرێ توركى | 430 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
ئه‌ڤرۆ د ئۆپه‌راسيۆنا رزگاركرنا 10 گۆندان ل سنورێ ميحوه‌رێ خازر و گوێر وێنه‌گره‌كێ كوردستان تى ڤى شه‌هيد بوو و په‌يامنێرێ وان ژى يێ برينداره.
مسته‌فا سه‌عيد په‌يامنێرێ كه‌نالێ كوردستان تى ڤى يێ سه‌ر ب پارتى ديموكراتى كوردستان ل ده‌مێ وێنه‌گرتنا ديمه‌نێن ئۆپه‌راسيۆنێ شه‌هيد بوو و په‌يامنێرێ وان ژى هێمن نانه‌كه‌لى يێ برينداره.
كوردستان تى ڤى ژى ئه نووچه پشت راست كر و ب ڤێ هه‌لكه‌فتا دلته‌زين سه‌ره‌خۆشى ل خوه كه‌سوكارێن شه‌هيدێ ناڤبرى كرن و داخوازا سلامه‌تيێ ژى بۆ په‌يامنێرێ خوه خواست.
ئه‌ڤرۆ نيوز:
به‌رپرسێ ميحوه‌رێ خازر راگه‌هاند كو ئارمانجا ئۆپه‌راسيۆنا ئه‌ڤرۆ يا هێزێن پێشمه‌رگه‌ى رزگاركرنا زێده‌تر ژ 140 كيلۆمه‌ترێن چارگۆشه‌يه كو زێده‌تره ژ 10 گۆندان.
عارف ته‌يفۆر بۆ ئاژانسا ئه‌نادۆل راگه‌هاند كو ئارمانجا وان د قووناغا ئێكێ يا ئۆپه‌راسيۆنان ب ده‌ست هاتيه و قووناغا دويێ ده‌سپێكريه كو پلانا رزگاركرنا گۆندێن دى هه‌يه.
ده‌رباره‌ى ب گرنگيا ئه‌وێ ئۆپه‌راسيۆنێ بۆ هێزێن پێشمه‌رگه‌ى گۆت: “مه‌ودايا ناڤبه‌را هێزێن پێشمه‌رگه‌ى ل هه‌ردو ميحوه‌رێن خازر و ميحوه‌رێ گوێر-مه‌خمور كێم دكه‌ت”.
ده‌رباره‌ى رۆلێ هه‌ڤپه‌يمانان، عارف ته‌يفۆر گۆت: “فرۆكێن شه‌ركه‌رێن هه‌ڤپه‌يمانان د به‌رده‌وامن د بۆردۆمانكرنا تيرۆرستان دا، به‌لێ ئه‌ڤا رۆلێ سه‌ره‌كى دبينيت د ئۆپه‌راسيۆنێ دا ب تنێ هێزێن پێشمه‌رگه‌ينه”.
ئه‌ڤرۆ نيوز:
فراكسيۆنا پارتى ديموكراتى كوردستان ل په‌رله‌مانێ كوردستانێ راگه‌هاند كو ئه‌ڤا هاتيه روودان حاله‌ته‌كێ نه‌يێ ساخله‌مه و يێ مه‌ترسيداره، “دێ پشته‌ڤانيا هه‌موو ريێيێن قانوونى كه‌ين”.
د راگه‌هاندنا فراكسيۆنا پارتى ديموكراتى كوردستان دا هاتيه ژى كو د ماوێ رابۆرى دا ل گه‌ل ده‌زگه‌هێن ئه‌منى د په‌يوه‌نديێ دانه بۆ ديتنا بكوژان و گه‌هاندنا وان ب سزايى و دا زانين ژى كو دێ ڤه‌كولينان بۆ رايا گشتى ئاشكه‌را كه‌ن.
دوهى د روودانه‌كا مژه‌وى دا، په‌يامنێرێ رۆژ نيوز هايته ره‌ڤاندن و ته‌رمێ وى ل نێزيك سێمێل هاتيه ديتن و پشتى گه‌هاندنا وى نه‌خۆشخانا ته‌نگاڤيان گيانێ خوه ژ ده‌ست دايه و بۆ نوشداريا داد هاتيه ره‌وانه‌كرن.
ل سه‌ر لاشێ وى نيشانا ئێشتاندن و جهێن ئه‌شكه‌نجه‌دانێ ل سه‌ر يێ دياره و پۆليسێن پارێزگه‌ها دهۆكێ په‌رێن ڤه‌كولينێ ژى بۆ ڤێ تاوانێ ڤه‌كرينه.
ڕاگەیاندراوێك لە گوتەبێژی فراكسیۆنی پارتی دیموكراتی كوردستانەوە
لە بارەی كوشتنی (ویدات حسێن) كە هاونیشتیمانییەكی گەنجی شاری دهۆكە، وێڕای دەربڕینی هاوخەمی بۆ خانەوادە و هاوڕێكانی، ڕایدەگەیەنین: كە ئەو حاڵەتە بە حاڵەتێكی نا تەندرووست و مەترسیدار دەزانین و پاڵپشتی تەواوی ڕێككارە یاساییەكان دەبین، بۆ دۆزینەوەی بكوژانی و بە سزا گەیاندنیان.
هەروەها لە ماوەی ڕابردوودا، لەگەڵ دەزگە پەیوەندارەكان لە پەیوەندی بەردەوامدا بووین و تا ئێستایش لێكۆڵینەوە لەو كەیسە بەردەوامە، دوای تەواو بوونی لێكۆڵینەوەكانیش ڕای گشتی لە تەواوی كەیسەكە ئاگادار دەكرێنەوە.
د. محەمەد عەلی یاسین، گوتەبێژی فراكسیۆنی پارتی دیموكراتی كوردستان لە پەرلەمانی كوردستان
14/8/2016
ئه‌ڤرۆ نيوز:
رێڤەبەرێ حەج و عومرێ ل پارێزگەھا دھۆکێ بۆ رۆژناما ئەڤرۆ دیار کر کو ژڤانە سوبەھی رۆژا 15/8/2016ێ ئێکەم گەشتا حەجیێن پارێزگەھا دھۆکێ ب رێیا فرۆکخانا ھەولێرێ یا نێڤدەولەتی بەرەب وەلاتێ سعودیێ ب رێ بکەڤیت.
شەمسەدین شێخ تاھر شوشی، رێڤەبەرێ حەج و عومرێ ل پارێزگەھا دھۆکێ ئاشکرا کر کو سوبەھی کاروانێ ئێکێ یێ حەجیێن پارێزگەھا دھۆکێ دێ ب رێیا فرۆکخانا ھەولێرێ یا نێڤدەولەتی بەرەب وەلاتێ سعودیێ ب رێ کەڤیت و بۆ ڤێ مەرەمێ ژی ھەموو بەرھەڤی ھاتینە کرن و گۆت: “کاروانێ دویێ یێ حەجیان دێ ل رۆژا 18/8/2016ێ و کاروانێ سێیێ یێ حەجیان ل رۆژا 20/8/2016ێ و کاروانێ چارێ یێ حەجیان ل رۆژا 22/8/2016ێ دێ ب رێ کەڤیت”.
ناڤھاتی ئاماژە دا وێ چەندێ کو ئەڤ سالە 892 حەجی دێ ژ پارێزگەھا دھۆکێ بەرەب وەلاتێ سعودیێ ب رێ کەڤن و گۆت: “ئەڤرۆ رۆژا 14/8/2016ێ دێ حەجیێن پارێزگەھا دھۆکێ ل سەر جھێ خرڤەبوونا وان ئاگەھدار کەین”.
ئەڤرۆ نيوز:
بەرپرسێ راگەھاندنێ ل زانکۆیا نەورۆز ل دھۆکێ بۆ رۆژناما ئەڤرۆ ئاشکرا کر کو دەرگەھێ پێشکێشکرنێ ل زانکۆیا نەورۆز بۆ سالا نوو یا خواندنێ 2016 – 2017 ئەڤرۆ رۆژا 14/8/2016ێ بۆ دەرچوویێن قووناغا 12 ئامادەیی دێ ھێتە ڤەکرن.
فەرسەت رەزیکی، بەرپرسێ راگەھاندنێ ل زانکۆیا نەورۆز ل دھۆکێ خویا کر کو ئەڤرۆ دەرچوویێن قووناغا 12 ئامادەیی ژ ھەر دو پشکێن زانستی و وێژەیی دشێن بۆ پێشکێشکرنێ سەرەدانا زانکۆیا نەورۆز بکەن و فۆرمان پر بکەن و گۆت: “ئەو قوتابیێن ل قووناغا 12ێ ئامادەیی دەرنەچووین و چووینە خولا دویێ دشێن بھێن پێشکێش بکەن ھەتا ل خولا دویێ دەردچن”.
ناڤھاتی ئاماژە دا وێ چەندێ کو ھزار و 305 قوتابی بۆ سالا نوو یا خواندنێ 2016 – 2017 دێ ل ھەر پێنج کۆلیژێن زانکۆیا نەورۆز ھێنە وەرگرتن و گۆت: “ئەڤ سالە پشکەکا نوو ل کۆلیژا کارگێری و ئابووری زێدەبوویە ئەوژی پشکا زانستێن گەشتیاری یە”.
ناڤبری دیار کر کو وەرگرتنا قوتابیان ل زانکۆیا نەورۆز دێ ل سەر تێکرایا نمران بیت و بۆ ئەڤ سالە دێ ب ڤی رەنگی بیت، کۆلیژا یاسا و رامیاری ل پشکا یاسا 65% بۆ ھەر دو پشکێن زانسی و وێژەیی و پشکا پەیوەندیێن نێڤدەولەتی 60% بۆ ھەر دو پشکێن زانسی و وێژەیی، ھەروەسا ل کۆلیژا ئەندازیاری پشکا ئەندازیاریا تەلارسازی 82% بۆ دەرچوویێن پشکا زانسی و ل پشکا ئەندازیاریا کۆمپیوتەری 75% بۆ دەرچوویێن پشکا زانسی و گۆت: “بۆ ھەر پێنج پشکێن کۆلیژا کارگێری و ئابووری بۆ ھەر دو پشکێن زانستی و وێژەیی تێکرا 55%، ھەروەسا بۆ کۆلیژا کۆمپیۆتەر و تەکنۆلۆژیا پێزانینان بۆ پشکا زانسی 60% و بۆ ھەر دو پشکێن ئینگلیزی و کوردی”.
ئه‌ڤرۆ نيوز:
ئيبراهيم برۆ سه‌رۆكێ جڤاتا نشتيمانيا كورد ل سوريا پشتى دوهى ئێڤارى ژ لايێ هێزێن ئاسايشا قامشلۆڤه هاتيه ده‌سته‌سه‌ركرن، چه‌نده‌كێ به‌رى نوكه هاته ئازادكرن، به‌لێ ژ رۆژئاڤايێ كوردستانێ هاته ده‌رێخستن و ل سنورێ ناڤبه‌را رۆژائاڤايێ كوردستانێ و باشوورێ كوردستانێ هنارته هه‌رێما كوردستانێ.
ب كۆره‌ى پێزانينان چه‌نده‌كێ به‌رى نوكه سه‌رۆكێ “ئه‌نه‌كه‌س”ه ل خالا سنورى يا ره‌بيعه هنارته باشوورێ كوردستانێ و ده‌سته‌لاتدارێن رۆژئاڤايێ كوردستانێ رێ نه‌دا سه‌رۆكێ “ئه‌نه‌كه‌س”ێ ل رۆژئاڤايێ كوردستانێ بمينيت.
به‌رى نوكه ژى ده‌زگه‌هێ شه‌هيدێن رۆژئاڤا د كۆمبوونه‌كێ دا كه‌مپينه‌ك ل دژى “ئه‌نه‌كه‌س”ێ راگه‌هاند بوو كو تێدا “ئه‌نه‌كه‌س” ب دژايه‌تيكرنا شوره‌شا رۆژئاڤايێ كوردستانێ تۆمه‌تبار كربوو.
ئه‌ڤرۆ نيوز:
ئه‌ڤرۆ رۆژا ئێكشه‌مبى رێكه‌فتى 14ى ته‌باخا 2016ێ و ل ده‌مژمێر 5:00ى سپێدێ ئۆپه‌راسيۆنا پێشمه‌رگه‌ى بۆ ئازادكرنا 11 گوندان ل سنورێن ميحوه‌رێن خازر و گوێر ده‌سپێكر و هێزێن پێشمه‌رگه‌ى يێ د پێشڤه‌چوونێ دا.
ئه‌ڤ ئۆپه‌راسيۆنا پێشمه‌رگێ كوردستانێ ب سه‌رپه‌رشتيا مه‌سعود بارزانى سه‌رۆكێ هه‌رێما كوردستانێ و فه‌رماندێ هێزێن چه‌كدارێن هه‌رێما كوردستانێ يه و هه‌تا نوكه زێده‌تر ژ 10 كيلۆمه‌تران پێشڤه‌چوون كريه.
ئه‌و گوندێن وان ده‌ڤه‌رێن ئۆپه‌راسيۆن تێدا دهێته ئه‌نجام دان ده‌ڤه‌رێن كوردستانى نه و خۆجهێن وێ توركمانێن شيعه مه‌زهه‌بن و هه‌تا نوكه چه‌ند گوند ئازادكرينه كو ب گۆره‌ى گۆتنێن فه‌رماندێن پێشمه‌رگه‌ى قوناغا ئێكێ يا ئۆپه‌راسيۆنێ ب سه‌ركه‌فتيانه ب رێڤه دچيت.
ئەڤرۆ نیوز:
حسێن ئەمیر عەبدوللاھیان جێگرێ بەرێ یێ وەزیرێ دەرڤە یێ ئیرانێ د پرێس کۆنفرانسەکێ دا راگەھاند کو دەمێ شەرێ ل سووریێ گەلەک دژوار بوو و مەترسی ل سەر بەشاری و خێزانا وی ھەبوو من ل سەر ناڤێ ئیرانێ دو جاران داخواز ژ بەشاری کر کو ل گەل خێزانا خوە بھێنە ئیرانێ ھەتا رەوشا سووریێ ئارام دبیت و گۆت: (ب تایبەتی ژی پشتی کو گەلەک دەڤەرێن سووریێ کەفتنە دەستێ داعشێ و گرۆپێن دی یێن تیرۆرستی مە نەدخواست کو چو زیان بگەھنە بەشاری و خێزانا وی و ژ بەر ھندێ من دو جاران سەرەدانا بەشاری کر و ژێ خواست کو بھێنە ئیرانێ).
سەبارەت ب ھەلویستێ بەشار ئەسەدی ژی جێگرێ بەرێ یێ وەزیرێ دەرڤە یێ ئیرانێ راگەھاند کو بەشار رازی نەبوو ژ سووریێ دەرکەڤیت و دیار کر من دڤێت ل سووریێ ل گەل خەلکێ خوە بمینم و بەرەڤانیێ ل وەلاتێ خوە بکەم و ژ بەر ھندێ ژی بەشاری ھەر دو جاران پێشنیازا مە رەد کر و نەدڤیا ژ سووریێ دەرکەڤیت.
ل ئالیێ دی دو رۆژ بەری نھا بەرپرسێ دەزگەھێ ھەوالگیریا ئیرانێ مەحمود عەلەوی ژی راگەھاند کو قاسم سلێمانی چەندین جاران داخواز ژ بەشاری کربوو کو ل گەل خێزانا خوە ژ سووریێ دەرکەڤن و بھێنە ئیرانێ دا ئەو پێکڤە سەرپەرشتیا شەری بکەن، لێ بەشاری دیار کربوو ھەکە ئەز ژ سووریێ دەرکەڤم ئەو یەک دێ کارتێکرنێ ل لەشکری کەت و دێ تیرۆرست وێ یەکێ بۆ خوە بکار بینن و دێ کارتێکرنەکا خراب ل خەلکێ مە بکەت و ژ بەر ھندێ ژی بەشار رازی نەبوو ژ سووریێ دەرکەڤیت.
ئه‌ڤرۆ نيوز:
فەرماندەکێ ھێزێن ھێزێن پێشمەرگەی دبێژیت، بەغدا پارەی بۆ زێدەتر ژ ھزار چەکدارێن پەکەکێ دابیندکەت، پەکەکە درەوا بۆ خەلکێ ئێزدی دکەن ئەو ژی بۆیە سەدەما دژاتیا خەلکی بۆ پەکەکێ ل دەڤەرێ.
فەرماندێ ھێزا پێشمەرگەی و کەساتیا دیارا کوردێن ئێزدی ل شنگالێ قاسم دربۆی بۆ مالپەرێ فەرمیێ پارتی دیموکراتی کوردستان گۆت: بەغدا پارەیی بۆ زێەتر ژ ھزار چەکدارێن پەکەکێ دابین دکەت، ل جھێ بەغدا پارەیی بۆ ھێزا پێشمەرگەی دابین بکەت، وی پارەی ددەتە ھێزێن پەکەکێ، بۆ ھندێ دژی ھێزێن پێشمەرگەی بھێتە بکارئینان، ئەڤە ژی جھێ قەبوولکرنێ نینە.
قاسم دربۆ ئاماژەدا وێ چەندێ پێنچ کومەلگەە ل دەورۆبەرێن قەزا شنگالێ ماینە، ھەر دەمێ ھاتنە ئازادکرن، بەغدا چو ھێجەت نامینن و پەکەکە ژی دێ ب نەچاری ڤە دڤێت شنگالێ و دەوروبەرێن وێ چول بکەت.
ھەروەسا فەرماندێ ناڤبری گۆت: جھێ پەکەکێ باشوورێ کوردستانێ یە، پێدڤیە بچن وان دەڤەران ئازاد بکەن، نەک ب شێوەکێ نەیێ قانوونی بھێنە ڤان دەڤەران و رێگرییا خەلکێ و ھێزێن پێشمەرگەی بکەن.
قاسم دربۆی ل دووماھیێ ھوشداری دانە پەکەکێ و راگەھاند، کو خەلکێ شنگالێ دخوازن ب زووترین دەم پەکەکە شنگالێ چول بکەت، چونکی بەردەوام کێشە بۆ خەلکێ شنگالێ دروست دبن، ب تایبەتی ل کەمپان و کەمپا نەورۆز کێشە دروست دکەن و رێگرییا خەلکێ شنگالێ دکەن، ئەڤ چەندە یا بوویە ئەگەرێ ھندێ رۆژ بۆ رۆژێ زێدەتر خەلک دژی پەکەکێ راوەستیت.
نيشاندان
