NO IORG
نووترين نووچه
Twitter

426

ئەڤرۆ نيوز:
دادگەھا کەرخ ل بەغدا دوھی ل سەر سکالایەکا سەرۆکێ جڤاتا نوونەرێن عیراقێ بریار دا وەزیرێ بەڕەڤانیێ ب تومەتا ناڤزراندنێ ل ھەمبەر دادگەھی ئامادە بکەت.
پەیڤدارێ دەستەیا دادوەری ل عیراقێ راگەھاند، دادگەھا کەرخ بڕیار دا خالد عوبێدی ب تومەتا ناڤزراندنێ ل گۆری مادێ 433 یێ قانوونا سزایان ل ھەمبەری دادگەھێ ئامادە بکەت.
عەبدولستار بەیرەقدار ئاشکرا کر، ب بڕیار جڤاتا دادوەری لژنەک دێ ھێتە پێکئینان بۆ ڤەکۆلینا وان پرسێن عوبێدی د روونشتنا پەرلەمانی دا کرین.

307

ئه‌ڤرۆ نیوز:
په‌یڤدارێ حوكمه‌تا هه‌رێما كوردستانێ راگه‌هاند كو حوكمه‌ت دێ هه‌موو قوتابخانێن فه‌تحوللا گویله‌ن ل هه‌رێما كوردستانێ ئێخیته‌ سه‌ر ب وه‌زاره‌تا په‌روه‌ردێ ڤه‌.
سه‌فین دزه‌یی ئاشكرا كر، كو باشترین چاره‌ بۆ پرسا قوتابخانێن گویله‌نی ل هه‌رێما كوردستانێ ئه‌وه‌، بۆ سه‌ر ب وه‌زاره‌تا په‌روه‌درێ بهێنه‌ ڤه‌گوهاستن و سیسته‌مه‌كێ نوو بۆ بهێته‌ دانان و هنده‌ك كه‌سێن دی برێڤه‌ ببه‌ن.

290

ئه‌ڤرۆ نیوز:
به‌رپرسێ ده‌زگه‌هێ بلندێ ئیلۆنێ راگه‌هاند، ئه‌و وه‌ك نوونه‌رێن پێشمه‌رگێن دێرین ئه‌ڤرۆ ل گه‌ل مه‌سعود بارزانی سه‌رۆكێ هه‌رێما كوردستانێ كۆمبوون و د كۆمبوونێ دا داخواز ژ سه‌رۆك بارزانی كر، ئاریشا گیرۆبوونا مووچێ پێشمه‌رگێن دێرین و خانه‌نشین بهێته‌ چاره‌كرن، ژ به‌ر كو ئه‌ڤه‌ ساله‌ك وان ب تنێ سێ مووچه‌ وه‌رگرتینه‌ و حوكمه‌ت وه‌كو فه‌رمانبه‌ران مووچێ پێشمه‌رگێن دێرین نامه‌زێخیت و بۆ رۆژناما ئه‌ڤرۆ گۆت:( سه‌رۆك بارزانی سۆزدایه‌ مه‌ ل گه‌ل حوكمه‌تێ ئاریشا گیرۆبوونا مووچێ پێشمه‌رگێن دێرین بهێته‌ چاره‌كرن و بۆ سه‌ر میلاكێ وه‌زاره‌تا پێشمه‌رگه‌ی بهێنه‌ ڤه‌گوهاستن داكو ل گه‌ل پێشمه‌رگه‌ی مووچه‌ بۆ بهێته‌ مه‌زاختن).
قادر قادر گۆت ژی:( مه‌ ئومێد هه‌یه‌ ئاریشا مووچێ پێشمه‌رگێن دێرین بهێته‌ چاره‌سه‌ركرن و ڤه‌گه‌ڕنه‌ سه‌ر میلاكێ وه‌زاره‌تا پێشمه‌رگه‌ی، چونكو نابیت ئه‌م هه‌ر چاڤه‌ڕێ بین و مووچێ پێشمه‌رگێن شۆڕشكری بهێته‌ گیرۆكرن).
ل دۆر جوداهیا مووچێ پێشمه‌رگێن دێرین قادری دیار كر كو جوداهی نینه‌ هه‌ر ئێك مووچێ خوه‌ ل گوره‌ی خزمه‌تا خوه‌ وه‌رگریت، ب تنێ ئاریشه‌ ئه‌وه‌ هنده‌ك ل سه‌ر وه‌زاره‌تا دارایی نه‌ و هنده‌ك ژى ل سه‌ر رێكخراوانن و هنده‌ك ل سه‌ر وه‌زاره‌تا پێشمه‌رگه‌ینه‌، لێ وه‌ك مه‌زاختنا مووچه‌ی ئه‌ڤه‌ چار هه‌یڤه‌ مووچێ هه‌موویان پێكڤه‌ نه‌هاتیه‌ مه‌زاختن.

1393

ئه‌ڤرۆ نيوز:

فرسه‌ت سوفى ئه‌ندامێ په‌رله‌مانێ كوردستانێ ل سه‌ر ليستا پارتى ديموكراتى كوردستان د په‌يجێ خوه‌يێ فێسبوكێ دا نڤيسى يه‌: پاشكه‌تنا مووچێ كه‌ش و كارێن شه‌هيدان و خانه‌نشينان هه‌موو سنوره‌ك يێن به‌زاندى و نابيت حكومه‌ت زێده‌تر به‌رامبه‌ر ڤان ته‌خان يا خه‌مسار بيت، ئه‌ڤرۆ گه‌له‌ك ب رۆنى من ئه‌ڤ په‌يامه‌ گه‌هاندنه‌ به‌رپرسێن حكومه‌تێ، پشتراستبن خه‌ما هه‌وه‌، خه‌ما مه‌يه‌ و ب هه‌مى شيانێن خوه‌ دێ ل گه‌ل وه‌بين.

 

1667

ئه‌ڤرۆ نیوز:
ئه‌ڤرو سپێدێ 7-8-2016 ل هولا رێڤه‌به‌ریا پولیسێن دهوكێ وب چاڤدێریا فه‌رهاد ئه‌مین ئه‌تروشى پارێزگه‌رێ دهوكێ وب ئاماده‌بونا عمید نه‌شئه‌ت ئیبراهیم شه‌لال رێڤه‌به‌رێ گشتى یێ ره‌گه‌زنامێ ل عیراقێ ولیوا دلێر احمد ئاكو رێڤه‌به‌رێ گشتى یێ ره‌گه‌زنامێ ل كوردستانێ وچه‌ند به‌رپرسێن ده‌زگه‌هێن حكومه‌تێ رێ ورسمێن ڤه‌كرنا نڤێسینگه‌ها كارتا نیشتمانى هاتنه‌ گێران وچه‌ند په‌یڤ هاتنه‌ خاندن ئیبراهیم عگید صدیق رێڤه‌به‌رێ ره‌گه‌زنامێ ل دهوكێ په‌یڤه‌ك خاندن ودیاركر كو ئه‌ڤ كاره‌ پێنگاڤه‌كا هه‌ڤچه‌رخه‌ بو نه‌هێلانا روتینێ وهاریكاره‌ بو هه‌موو وه‌لاتیان وده‌زگه‌هێن میرى وسوپاسیا هه‌موو لایه‌نان كر یێن بوینه‌ هاریكار بو ڤه‌كرنا نڤێسینگه‌ها ده‌ركرنا كارتا نیشتمانى.
پاش پارێزگه‌رێ دهوكێ په‌یڤه‌ك خاندن وخوشحالیا خو دیاركر كو نڤێسینگه‌ها ده‌ركرنا كارتا نێشتمانى ل دهوكێ هاته‌ ڤه‌كرن وگوت ئه‌ڤه‌ كاره‌كێ ئه‌لكترونى یێ پێشكه‌فتى یه‌ بو نه‌هێلانا روتینێ وئه‌ڤ سیسته‌مه‌ ل پتریا وه‌لاتێن جیهانى دهێته‌ ب كارئینان بو كومكرنا هه‌موو جورێن پێزانینا وساناهیكرنا كار وخزمه‌تكرنا وه‌لاتییان وپشته‌ڤانیا پارێزگه‌هێ نیشان دا بو نڤێسینگه‌ها كارتا نیشتمانى وهیڤى یا سه‌ركه‌فتنێ بوتیمێن كارى خواست .
پاش رێڤه‌به‌رێن گشتى یێن ره‌گه‌زنامێ ل كوردستانێ وعیراقێ په‌یڤ پێشكێشكرن وگرنگیا ڤه‌كرنا نڤێسینگه‌ها كارتا نیشتمانى دیاركر وسوپاسیا وان هه‌موو لایه‌نان كر یێن بوینه‌ هاریكار بو سه‌ر ئێخستنا پروژه‌ى .
پاش كارتێن نیشتمانى ل سه‌ر چار خێزانێن شه‌هیدان هاتنه‌ به‌لافكرن ئه‌وژى ئه‌ڤه‌ بون خێزانا شه‌هید (شێخ احمدمزورى) خێزانا شه‌هید(سكڤان رشید فه‌لك) خێزانا شه‌هید(دلشاد ئه‌دیب میرو) خێزانا شه‌هید(شمس الدین حسن على).
پاش فلمه‌كێ دیكیومه‌نتى یێ تایبه‌ت ل دور ڤه‌كرنا نڤێسینگه‌هێن كارتا نیشتمانى ل عیراقێ وكوردستانێ هاتنه‌ نیشان دان.
پاش شاندێ رێڤه‌به‌ریێن ره‌گه‌زنامێ ل عیراقێ وكوردستانێ سه‌را كوچكا پارێزگه‌ها دهوكێ دا ژلایێ به‌رێز به‌هزاد على ئاده‌م جێگرێ پارێزگه‌رێ دهوكێ پێشوازى لێ هاته‌ كرن .
پاش ل رێڤه‌به‌ریا ره‌گه‌زنامێ یا دكه‌ڤیته‌ جادا لومانا ل سه‌نته‌رێ باژێرێ دهوكێ ب شێوه‌كێ فه‌رمى نڤێسینگه‌ها ده‌رئێخستنا كارتا نیشتمانى هاته‌ ڤه‌كرن.
هه‌ژى گوتنێ یه‌ كارتا نیشتمانى دێ شوینا ره‌گه‌زنامێ وره‌گه‌زناما عیراقێ وكارتا زانیاریان وكارتا ئه‌رزاقى گریت ول پاشه‌روژێ دێ جهێ ده‌ستوریا شوفێریێ وهه‌موو به‌لگه‌نامه‌ وپێزانینێن كه‌سایه‌تى تێدا هه‌بن.

1675

ئەڤرۆ نیوز:
کۆمڤەبوون و کەفتنە سەر ئێکا روونی و بەزی ل دەڤەرا ناڤتەنگێ باندۆرێن نەرێنی و خراب ھەنە، نە ب تنێ وەکو بەژن و بالا و نەبوونا باوەریێ ب خوە، بەلکو دبیتە ئەگەرێ پەیدا بوونا گەلەک نەخۆشیان وەکو بلندبوونا فشارا خوینێ و نەخۆشیێن دلی و شەکرێ و زێدەبوونا رێژەیا کولیسترۆلی د ناڤ خوینێ دا، ئەم دێ بۆ ھەوە ھندەک رێیان ئاشکرا کەین بۆ سۆتن و حەلاندنا بەزی ل دەڤەرا ناڤتەنگێ.
خەوەکا باش بکە:
کێم نڤستن حەزا زێدە خوارنێ بۆ مرۆڤی چێدکەت و بتیابەت ئەو خوارنێن رێژەیەکا مەزن یا شەکرێ د ناڤ دا ھەی. لەورا یا باش ئەوە لەشێ تە بێھنڤەدانەکا تەمام بکەت و ھەشت سەعەتان بنڤی دا ئاستێ سروشتی یێ ھورمۆن بەرنیاس ب ھورمۆنێ نەئارامیێ بپارێزی. ھەروەسا پێدڤیە بزانن کو نڤستنا ئێڤاری نەوەکو نڤستنا سپێدێ یە، نڤستنا ئێڤاریا ھاریکاریا لەشی دکەت ھندەک ھورمۆنێن دیار بەردەت بۆ ئاڤاکرنا زەپلەکام و سۆتنا سعرێن گەرمێ یێن زێدە.
خوارنێن دەولەمەند ب پرۆتینان:
لەشێ خوە ژ وان خوارنێن دەولەمەند ب پرۆتینان بێبار نەکە، ب گشتی شارەزا شیرەتان دکەن کو مرۆڤێن گەھشتی 20 – 25 گرامێن پرۆتینی د گەل دانەکێ خورانێ بخوون، خوارنا دانەکێ ب پرۆتین کریارا ھەرەسانێ د لەشی دا بلەز دئێخیت و دبیتە ئەگەرێ بوھژاندنا سعرێن زێدەتر یێن گەرمێ د رۆژێ دا.
ھشیاری قەبارێ سێنیکێ بی:
چ تو ل مێھڤانداریەکی بی یان ژی ل مال بی، گەلەک گرنگیێ بدە قەبارێ سێنیکێ یا تو خورانێ تێدا دخووی. دەمێ سێنیک یا مەزن بیت و پتر خوارن بچیتێ، ئەو دێ تو پتر ژ پێدڤیا لەشێ خوە خوارنێ خووی، روون و بەز ژی دێ د لەشێ تەدا زێدە بن.
ڤەخوارنێن غازی کێم بکە:
ل گۆری گۆتنا زانا و شارەزا، ئەو کەسێن گەلەک ڤەخوارنێن غازی ڤەدخوون و رۆژانە پتر ژ شیشەکا سۆدایێ، کۆمڤەبوونا روونی ل سەر ناڤتەنگا وان پێنج جارکی زێدە دبیت. ڤەخورانێن غازی قەبارەکێ مەزن یێ شەکرێ یێ د ناڤ دا و ئەو پتر دلێ مرۆڤی ل خوارنێ ڤەدکەن. لەورا یا باش ئەوە ل شوونا ڤەخورانێن غازی خۆشاڤێن سروشتی ڤەخوون.

562

ئه‌ڤرۆ نیوز:
دلمه‌ند ئاودى عومه‌ر كورێ باژێرێ دهۆكێ كو ئاكنجیێ وه‌لاتێ نه‌رویجه‌ و ل باژێرێ بێرگن دژیت، دژیێ 13 سالیێ دا شیا ل گه‌ل تیما خوه‌یا ته‌پا پێى ( فلیسدال) یا باژێرێ بێرگن د قاره‌مانیا Norway cup دا سه‌ركه‌ڤن و بهێنه‌ خه‌لاتكرن و رێزا دوێ ل سه‌ر ئاستێ نێڤده‌وله‌تى و رێزا ئێكێ ل سه‌ر ئاستێ نه‌رویج بده‌ستڤه‌ بینن.
ئاودى عومه‌ر بابێ دلمه‌ندى بۆ ئه‌ڤرۆ دیاركر كو ئه‌ڤ قاره‌مانیه‌ ل باژێرێ ئوسلو ل نه‌رویج هاتبوو رێكخستن كو 57 ده‌وله‌تان پشكدارى تێدا كربوو و تیما ( فلیسدال) كو دلمه‌ند تێدا یاریێ دكه‌ت د ژیێ 13 سالیێ دا شیان رێزا دوێ بده‌ستڤه‌ بینن و تیما غانا د یاریا دووماهیێ دا بوونه‌ یێن ئێكێ.
قاره‌مانیا Norway cup بۆ ماوێ پێنج رۆژا ڤه‌كێشا و رۆژا 5/8/2016 ب دووماهى هات.

13920733_10210663502610746_6869498548833592245_n

966

ئه‌ڤرۆ نيوز:

رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 7ى ته‌باخا 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه‌:

1 دولارێ ئه‌مريكى 1288
1 يۆرۆيێ ئه‌ورۆپى 1425
1 ليرێ توركى 425

بۆ وه‌رگرتنا نووترين پێزانينان ل سه‌ر ره‌وشا دراڤى ژماره‌ “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه‌.

 

1705

ئه‌ڤرۆ نيوز:

رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 7ى ته‌باخا 2016ێ بهايێ زێر و زيڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه‌:

1 گرام زێرێ (ع) 18 42500
1 گرام زێرێ  (ع) 21 48500
1 گرام زێرێ  (ع) 22 50500
1 گرام زيڤ 3000

 

203
ئه‌ڤرۆ نيوز:
فوئاد حسێن نوونه‌رێ تايبه‌تێ مه‌سعود بارزانى سه‌رۆكێ هه‌رێما كوردستانێ به‌رى نيڤرۆيا ئه‌ڤرۆ سه‌ره‌دانا ئه‌ميندارێ گشتيێ ئێكگرتوو ئيسلامى كوردستان كر و نوكه‌ يێ د كۆمبوونێ دا.
ب گۆره‌ى پێزانينێن ئه‌ڤرۆ نيوز، ته‌وه‌رێ سه‌ره‌كى يێ كۆمبوونێ دێ به‌حسێ ره‌وشا نوكه‌ كه‌ن و چاوانيا چاره‌كرنا كێشا سياسى و لێكنێزيكرنا لايه‌نێن سياسى بۆ دانوستاندنێ.
پێنجشه‌مبيا بۆرى ژى فوئاد حسێن ل گه‌ل عه‌لى باپير ئه‌ميرێ كۆمه‌لا ئيسلامى كۆمبوو و بڕياره‌ سه‌ره‌دانا ئێكه‌تى نشتيمانى كوردستان و بزاڤا گۆڕان ژى بكه‌ت.
نيشاندان1...9301,9302,9302,9312,9322,9333,930...4,558زێده‌تر لاپه‌ر 2,932 ژ 4,558
مالپه‌رێ فه‌رمى یێ رۆژناما ئه‌ڤرۆ یه‌ .
ئاگــــــه‌هــــــداری نـــــوویـــــــاتیـــــــان ببــــه‌ .
په‌یوه‌ندی : rojnameyaevro@gmail.com
website security
© Copyright 2021 - Rojnameya Evro - Powered by Kurdo Plus
73 queries in 0.590 seconds.
WP Facebook Auto Publish Powered By : XYZScripts.com