ئه‌ڤرۆ نيوز، مه‌حمود نهێلى:
نووترين نووچه
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
- سەرۆكێ هەرێما كوردستانێ و قونسلێ ئەلمانیا پێكئینانا حوكمەتا هەرێمێ گەنگەشەكر
- نێچیرڤان بارزانی پێشوازی ل قونسلێ مسرێ كر
- مەسرور بارزانی بۆ سۆدانی: پێدڤییە مووچە ژ ناكۆكییا سیاسی بهێتە دوورئێخستن
- گۆتن و کریارێن دەستهەلاتێ ل دۆر پرسا کوردی گەلەک ژێک دوورن
- سەرۆك بارزانی: دانیێل میتێران رۆلەكێ گەلەك مەزن د بەرگریكرنێ ژ دۆزا گەلێ كورد دا هەبوو
- نێچیرڤان بارزانی: پێکڤە دێ شێین روو ب روویێ گوهۆڕینا سەقای بین
- پێدڤییە سەرژمێری بۆ مەبەستێن سیاسی نەهێتە بكارئینان
سهرهكى Twitter
ئيرانێ ب تاوانا سونه‌بوونێ 21 كورد سێداره‌دان
ئه‌ڤرۆ نيوز:
ل ئيرانێ 21 زيندانيێن سياسى يێن كوردێن سونه مه‌زهه‌ب ب ره‌نگه‌كێ ب كۆم ل زيندانا ره‌جايى كه‌ره‌ج سێداره‌دان، شه‌هرامى ئه‌حمه‌دى يێ بانگخواز ژى د ناڤ دايه.
ب گۆره‌ى نوچه‌يێن ميديايان، سپێده‌هيا دوهى رۆژا سێشه‌مبى 21 كوردێن سونه مه‌زهه‌ب ل سێدارێ داينه، 17 زيندانيێن دژى هه‌مان مه‌ترسى ل سه‌ر هه‌يه بهێنه سێداره دان و بۆ جهه‌كێ نه‌ديار هاتينه ڤه‌گوهاستن.
ئه‌ڤێن هاتينه سێداره دان چالاكڤان و بانگخواز و قوتابيێن زانستێن ئاينى بوون و د ناڤبه‌را سالێن 2009 بۆ 2011 ل پارێزگه‌ها سنه‌يا رۆژهه‌لاتێ كوردستانێ ده‌سته‌سه‌ركرينه.
ئه‌ڤ كه‌سه ب تۆمه‌تا پيلانگێريێ دژى كۆمارا ئيسلامى يا ئيرانێ و ب ئه‌ندامبوون د گرۆپێن سه‌له‌فى دا هاتبوونه ده‌سته‌سه‌ركرن.
ب وێنه: لوكه ڤيديۆ كليپه‌كا نوو به‌لاڤ دكه‌ت
ئه‌ڤرۆ نيوز:
لوكه زاهر، سترانبێژا كورد، پشتى ماوه‌كێ درێژ ژ دووركه‌فتنێ ژ چاڤێن كاميران، چه‌ند وێنه‌يه‌كێن خوه يێن نوو ل تۆڕا جڤاكيا ئينستگرامى به‌لاڤ كرن.
لوكه زاهر هه‌ڤده‌م ل گه‌ل وێنێن خوه يێن روو ل ئينستگرامى مزگينيا ڤيديۆ كليپا خوه يا نوو ب ناڤ (من و تو) بۆ پشته‌ڤانێن خوه راگه‌هاند.
لوكێ نڤيسيه: “د چه‌ند رۆژێن داهاتى دا نووترين كليپا سترانا ب ناڤێ (من و تو) دێ پێشكێشى هه‌وه كه‌م”.
لوكێ د ڤان چه‌ند وێنێن خوه دا ستايلێ خوه و پرچا خوه جاره‌كا دى گوهاڕتينه:
فه‌رمانده‌كێ ئيرانێ دێ سه‌رپه‌رشتيا شه‌رێ رزگاركرنا مووسل كه‌ت
ئه‌ڤرۆ نيوز:
سه‌ركرده‌كێ ميليشياتێن حه‌شدا شه‌عبى راگه‌هاند كو فه‌رماندێ سۆپايێ قودسا ئيرانى و فه‌رماندێ هێزێن عيراقيان دێ پشكداريێ د ئۆپه‌راسيۆنا رزگاركرنا مووسل دا كه‌ن.
باژێرێ مووسل ل ناڤه‌ندا پارێزگه‌ها نه‌ينه‌وا ل هه‌يڤا خزيرانا 2014ێ و پشتى شكه‌ستنا سۆپايێ عيراقێ ژ لايێ چه‌كدارێن داعش ڤه هاته داگيركرن بێى كو حوكمه‌تا عيراقێ چو به‌ره‌ڤانيه‌كێ ژ خوه بكه‌ت.
ئه‌حمه‌د ئه‌لئه‌سه‌دى، ئاخفتنكه‌رێ ب ناڤێ ميليشياتێن حه‌شدا شه‌عبى ته‌كست ل سه‌ر پشكداريا ميليشياتان د رزگاركرنا مووسل دا كر و راگه‌هاند كو قاسم سوله‌يمانى، فه‌رماندنێ سۆپايێ قودسا ئيرانى دێ فه‌رمانده‌يا ئۆپه‌راسيۆنێ كه‌ت.
به‌رى نوكه رۆژناما “الشرق الاوسط” راگه‌هاند بوو كو سۆپايێ ئيرانێ بنكه‌يه‌كێ مه‌شق و راهێنانێ د سنورێ ناڤبه‌را رۆژهه‌لاتێ كوردستانێ و سلێمانيێ دا هه‌يه و ل وێ ده‌ڤه‌رێ مه‌شقێ ب له‌شكرێ حه‌شدا شه‌عبى و يێن شيعه مه‌زهه‌ب دكه‌ت.
په‌رله‌مانتاره‌كێ عيراقى ژى بۆ رۆژناما “الشرق الاوسط” راگه‌هاند كو قاسم سوله‌يمانى ل خالا سنورى يا مونزه‌ريه ل خانه‌قين ب چه‌ندين ترۆمبێلێن بلند هاته ناڤ ئاخا عيراقێ، “ب مه‌ره‌ما پشكداريكرن د ئۆپه‌راسيۆنا رزگاركرنا مووسل دا”.
وه‌زاره‌تا دارايى روونكرنه‌كێ ل دۆر مووچه‌ى به‌لاڤ دكه‌ت
ئه‌ڤرۆ نيوز:
وه‌زاره‌تا دارايى و ئابوورى ل حوكمه‌تا هه‌رێما كوردستانێ راگه‌هاند كو هه‌رده‌ما ئه‌و مووچێ پێشمه‌رگێن خانه‌نشين به‌لاڤ دكه‌ن يێ هه‌ر ئێك ژ پێشمه‌رگێن ب ناڤێ پێشمه‌رگێن “ئيلۆن” يان “دێرين” يان “گۆلان” يێن د ناڤ دا و هه‌موو ب ئێك ده‌م دهێنه به‌لاڤكرن.
وه‌زاره‌تا دارايى د روونكرنه‌كێ دا كو دانه‌ك بۆ ئه‌ڤرۆ نيوز ره‌وانه‌كريه، راگه‌هانديه كو پێشمه‌رگێن خانه‌نشينكرى ب ناڤێ “ئيلۆن” يان “دێرين” يان “گۆلان” بيت هه‌ر هه‌موو يێ د چارچۆڤێ خانه‌نشينێن پێشمه‌رگه‌ى دا، ل هه‌ر سێ پارێزگه‌هێن هه‌ولێر و دهۆك و سلێمانيێ، چو جوداهى د ناڤبه‌را پێدانا مووچه‌ى دا نينه، هه‌ر ده‌مێ مووچێ خانه‌نشينان دهێته به‌لاڤكرن، هه‌موو د ئێك ده‌م دا و بێ جوداهى مووچێ وان بێ پاشكه‌فت دهێته مه‌زاختن.
2640 كوردێن ئێزدى ژ ده‌ستێ داعشێ یێن هاتینه رزگاركرن
ئه‌ڤرۆ نیوز:
به‌رپرسێ ئۆفیسا كاروبارێن ره‌ڤاندیان ل پارێزگه‌ها دهۆكێ راگه‌هاند ژ چریا ئێكێ یا سالا 2014 وه‌ره دو هزار و 640 كوردێن ئێزدی ژ ده‌ستێ تیرۆرستیێن داعشێ هاتینه رزگاركرن، ژ وێ هه‌ژمارێ، 953 ژن و هزار و سه‌د و 59 زاڕۆنه و سێ هزار و 764 كوردێن دی یێن ئێزدی ژى د ده‌ست داعشێ دا ماینه.
حسێن قائیدی كۆرۆ به‌رپرسێ ئۆفیسا ناڤهاتی بۆ دازانین، ئه‌و هه‌ژمارا كوردێن ئێزدی ژ ده‌ڤه‌رێن جودا یێن بن ده‌ستێ داعشێ هاتینه رزگاركرن و پرانییا وان خه‌لكێ شنگالێ نه.
رۆژا ئێكێ يا جه‌ژنا قوربان هاته دياركرن
ئه‌میندارێ ئێكه‌تیا زانكۆیێن عه‌ره‌بى سوپاسیا گه‌لێ كوردستانێ دكه‌ت
ئه‌ڤرۆ نیوز:
مه‌سعود بارزانى سه‌رۆكێ هه‌رێما كوردستانێ ئه‌ڤرۆ پێشوازى ل پرۆفیسۆر سولتان ئه‌بو عرابى ئه‌لعدوان ئه‌میندارێ ئێكه‌تیا زانكۆیێن عه‌ره‌بى كر.
د یداره‌كێ دا، ئه‌میندارێ ئێكه‌تیا زانكۆیێن عه‌ره‌بى كورتیه‌ك ل دۆر ئاستێ په‌یوه‌ندیێن زانكۆیێن كوردستانێ و یێن وه‌لاتێن عه‌ره‌بى پێشكێشكر و داخواز ژى كر كو په‌یوه‌ندیێن د ناڤبه‌را زانكۆیێن هه‌ردو ئالیان دا موكمتر لێ بهێن.
هه‌روه‌سا ب ناڤێ خوه و زانكۆیێن عه‌ره‌بى و هه‌موو سه‌رۆك زانكۆیێن وه‌لاتێن عه‌ره‌بى سوپاسیا سه‌رۆك بارزانى و گه‌لێ كوردستانێ كر كو ب سه‌دان هزار ئاواره و لێ قه‌ومى حه‌واندینه و ب روودانه‌كا دیرۆركى ل ده‌ڤه‌رێ وه‌سفكر و ئاماژه ژى كر كو ناڤه‌دێن ئه‌كادیمى یێن وه‌لاتێن عه‌ره‌بى رێز بۆ سه‌رۆك بارزانى و قوربانیدانا پێشمه‌رگه‌ى د روو ب رووبوون و شكاندنا تیرۆرستان دا هه‌نه.
د هه‌مبه‌ر دا، سه‌رۆك بارزانى سوپاسیا هه‌لویستێ ئه‌میندارێ ئێكه‌تیا زانكۆیێن عه‌ره‌بى كر و خوه‌شحالیا ل هه‌مبه‌ر په‌یوه‌ندى و كارێ هه‌ڤپشكێ زانكۆیێن كوردستانێ و یێن عه‌ره‌بى نیشادا.
مه‌كته‌با سه‌رۆك بارزانى په‌يامه‌ك ئاراسته‌ى رۆژناما ئه‌ڤرۆ كر
ئه‌ڤرۆ نيوز:
ب هه‌لكه‌فتا 13 ساليا رۆژناما ئه‌ڤرۆ، مه‌كته‌با سه‌رۆك بارزانى په‌يامه‌ك ئاراسته‌ى رۆژناما ئه‌ڤرۆ كر.
د ڤێ په‌يامێ دا، مه‌كته‌با سه‌رۆك بارزانى ب هه‌لكه‌فتا بۆينا 13 سالان ل سه‌ر رۆژناما ئه‌ڤرۆ پيرۆزباهى ئاراسته‌ى رۆژناما ناڤبرى كرينه و هيڤى خواستيه كو د كارێ خوه يێ ميدياى دا بۆ دلسۆزيا به‌رامبه‌ر نه‌ته‌وێ خوه د به‌رده‌وام بن، كا چاوان به‌رى نوكه رۆله‌كێ گرنگ د هشياركرنا تاكێ كورد دا ديتيه.
د پشكه‌كا دى يا ڤێ په‌يامێ دا به‌حس ل وێ چه‌ندێ ژى دكه‌ت كو رۆژناما ئه‌ڤرۆ د وارێن نه‌ته‌وى و نشتيمانى و سه‌رده‌مانه هه‌ڤملێ پێشمه‌رگێن قه‌هره‌مانێن كوردستانێ به‌ره‌ڤانى ژ ئاخ و نه‌ته‌وا خوه كريه.
دايه زانين ژى كو رۆژنا ئه‌ڤرۆ د وارێن سياسى و ره‌وشه‌نبيرى و ئابوورى و جڤاكى و په‌روه‌رده فێركرنێ دا، تۆماره‌كا پر ژ شانازيێ هه‌يه، “بوويه جهێ ده‌ستخۆشى و پرۆزباهيكرن ل ستافێ ئازيزێ رۆژنامێ”.
ل دووماهيێ ژى مه‌كته‌با سه‌رۆك بارزانى هيڤيا سه‌ركه‌فتن و به‌رده‌واميێ بۆ رۆژناما ئه‌ڤرۆ خواستيه.
ده‌قێ په‌يامێ:
بەڕێزان سەرنووسەر و رۆژنامەنووس و کارمەندانی رۆژنامەی(ئەڤڕۆ)
سڵاو و ڕێز..
بەبۆنەی تێپەڕبوونی سێزدە ساڵ بەسەر دەرچوونی رۆژنامەی(ئەڤڕۆ) پیرۆزبایی ئاڕاستەی ئێوەی خۆشەویست دەکەین. تەمەننا دەکەین لە پیشەیی میدیایتان و دڵسۆزیتان بۆ نەتەوەکەتان بەردەوام بن، ھەروەک چۆن لە رابردوو رۆڵی گرنگتان بنیوە لە ھۆشیارکردنەوەی تاکی کوردی، بەھەمانشێوە لە ئایندەیشدا ھەمان رۆڵی بەرچاوتان ھەبێ.
رۆژنامەکەتان بە بیرێکی نەتەوەیی و نیشتمانی و سەردەمیانە ھاوشانی پێشمەرگە قەرەمانەکانی کوردستان، بەرگریتان لە خاک و نەتەوەکەتان کردوە.
رۆژنامەی(ئەڤڕۆ) لە بواری سیاسی و رۆشنبیری و ئابوری و کۆمەڵایەتی و پەروەردە و فێرکردندا، تۆمارێکی پڕ لە شانازی ھەیە، بۆیە جێگەی دەستخۆشی کردن و پیرۆزباییە لە ستافی ئازیزی رۆژنامەکەتان.
ئومێدی سەرکەوتن و بەردەوامیتان بۆ دەخوازین..
مەکتەبی سەرۆک
2ـی8ـی2016
296 كابینه ل سه‌ر ئاواره‌یێن كه‌مپا مام ره‌شان به‌لاڤكرن
ئه‌ڤرۆ نيوز:
ئه‌ڤرو اسماعیل محمد احمد هاریكارێ پارێزگه‌رێ دهوكێ بو كاروبارێن ئاواره وپه‌نابه‌ران هه‌ڤدیتنه‌ك دگه‌ل به‌رێز(كریستوڤه‌ر بورگه‌ر) جێگرێ كونسلێ گشتى یێ وه‌لاتێ ئه‌لمانیا ل كوردستانێ وشاندێ دگه‌لدا سازكر.
دهه‌ڤدیتنێ دا به‌حسێ ره‌وشا ئاواره وپه‌نابه‌ران ل ناڤ وده‌رڤه‌ىكه‌مپان وئه‌و كار وخزمه‌تا كارگێریا پارێزگه‌ها دهوكێ ورێكخراوێن نیڤ ده‌وله‌تى تایبه‌تى رێكخراوێن ئه‌لمانى بو پێشكێش دكه‌ن وپێدڤیێن وان ب گشتى هاته كرن.
دته‌وه‌ره‌كێ دن دا به‌حسێ وان ئاماده‌كاریان هاته كرن یێن پارێزگه‌ها دهوكێ ورێكخراوێن نیڤ ده‌وله‌تى دكه‌ن بو حه‌واندنا وان ئاواره‌یان ئه‌وێن ژبه‌ر پروسا رزگاركرنا موسلێ دێ قه‌ستا ده‌ڤه‌رێن رزگاركرى وپارێزگه‌ها دهوكێ كه‌ن .
هاریكارێ پارێزگه‌رێ دهوكێ بو كاروبارێن مروڤایه‌تى بخێر شاندێ كونسلخانا ئه‌لمانیا كر وسوپاسیا گه‌ل وه‌لات ورێكخراوێن ئه‌لمانى كر یێن هاریكاریا ئاواره وپه‌ناهندا ل سنورێ پارێزگه‌ها دهوكێ دكه‌ن وخواست كو حكومه‌تا ئه‌لمانیا ئاستێ هاریكاریێن وه‌لاتێ خو زێده‌بكه‌ت داب اشتر خزمه‌تا ئاواره وپه‌نابه‌ران بهێته كرن .
هه‌ژى گوتنێ یه هه‌ر ئه‌ڤرو سپێدێ 1-8-2016ب ئاماده‌بونا جێگرێ كونسلێ ئه‌لمانیا وچه‌ند به‌رپرسێن حزبى وئیدارى رێكخراوێن (GIZ) و(WHH) یێن ئه‌لمانى 296 كابینه راده‌ستى ئاواره‌یێن كه‌مپا مام ره‌شان ل سنورێ قه‌زا شێخان كرن.
نيشاندان
WP Facebook Auto Publish Powered By : XYZScripts.com