ئه‌ڤرۆ نيوز:
ميديايێن توركيا به‌لاڤ كرينه كو فه‌رماندێ به‌رێ يێ هێزێن ئه‌سمانى ل توركيا جەنەراڵ ئاكین ئۆزتورك تومه‌تبار و پلانده‌رێ سه‌ره‌كى يێ كوده‌تايا توركيا بوو و هاته گرتن.
ب ڤيديو و وێنه: پلاندارێژەرێ كوده‌تايا توركيا هاته گرتن
نووترين نووچه
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
- سەرۆكێ هەرێما كوردستانێ و قونسلێ ئەلمانیا پێكئینانا حوكمەتا هەرێمێ گەنگەشەكر
- نێچیرڤان بارزانی پێشوازی ل قونسلێ مسرێ كر
- مەسرور بارزانی بۆ سۆدانی: پێدڤییە مووچە ژ ناكۆكییا سیاسی بهێتە دوورئێخستن
- گۆتن و کریارێن دەستهەلاتێ ل دۆر پرسا کوردی گەلەک ژێک دوورن
- سەرۆك بارزانی: دانیێل میتێران رۆلەكێ گەلەك مەزن د بەرگریكرنێ ژ دۆزا گەلێ كورد دا هەبوو
- نێچیرڤان بارزانی: پێکڤە دێ شێین روو ب روویێ گوهۆڕینا سەقای بین
- پێدڤییە سەرژمێری بۆ مەبەستێن سیاسی نەهێتە بكارئینان
سه‌ره‌كى Twitter
ئێكه‌م ڤيديويا ئايفون 7 به‌لاڤ دبيت
كه‌شناسيا هه‌رێمێ هوشداريێ دده‌ته وه‌لاتيان
ئه‌ڤرۆ نيوز:
كه‌شناسيا هه‌رێمێ هوشداريێ دده‌ته وه‌لاتيێن ( خانەقین- مەندەلی – کفری – کەلار – مەیدان – مەخمور) كو پلێن گه‌رمايێ ل رۆژێن 4 شه‌مبى و 5 شه‌مبى دێ گه‌هته 50 پلا سه‌دى و پلا گه‌رمايێ ل دهۆكى ژى دێ ل رۆژێن 4 شه‌مبى و 5 شه‌مبى گه‌هته بلندترين پله و دێ بيته 44 پله و هه‌ولێرێ دێ بيته 47 پله.
ره‌وشا دراڤى ل بازارێن پاره‌گوهۆڕان
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 17ى تيرمه‌ها 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1283 |
| 1 يۆرۆيێ ئه‌ورۆپى | 1425 |
| 1 ليرێ توركى | 425 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ره‌وشا زێرى و زيڤى ل بازارێن دهۆكێ
ھندەک خوارنا مرۆڤ نەخۆت باشترە
ئه‌ڤرۆ نيوز:
نوشدار شیرەتان ل مە دکەن خوە ژ ھندەک کەرستێن خوارنێ دوور بکەین، چونکو ئەو خوارن ھندەک نیشانێن نەباش دیاردکەن و کارتێکرنێ ل لەشێ مرۆڤی دکەن، ژوان خوارنا ژی:
1- فشار ( پوب کورن): گەلەک کەس حەز ژ خوارنا وان دکەن و ب تایبەت ل دەمێ بینەریا تێلەفزیونێ یان ل گەل ھەڤالان، و یا باشتر ئەوە بۆ دەمێ دو دەقیقا بکەیە دناڤ مایکروویفێ دا، چونکو ئەڤ جورە ژ روینەکی ھاتینە چێکرن دبێژنێ ( دیاکیتیل) و ئەو روین ل گەل ترشیێن بیرفلوروکنان تێکەل دبن و ئەو ترشی پەنجەشێرێ پەیدادکەت.
2- ئارێ سپی: گەلەک جورێن خوارنێ ژ ئارێ سپی دھێنە چێکرن، ئارێ سپی گەلەک کارلوری یێن نەباش دناڤدا ھەنە ل گەل ھندەک کەرستێن باش ژی بۆ لەشی، ئەو شریناھیێ دناڤ ئارێ سپی دا ھەی زوو دھێتە ڤەگوھاستن و دبیتە شەکرێن خراب و رێژا شەکرێ زێدەدبیت و دبنە ئەگەرێ قەلەویێ.
3- پیتزایێن دناڤ سەلاجێ دا دھێنە ھەلگرتن: گەلەک کەس پشتی رۆژەکا پری وەستیان حەزدکەن پیتزایێ بخوون، و پتریا خەلکی دھێلنە دناڤ سەلاجێ دا، داکو زوو بەرھەڤ بکەن، ئەو جورێ پیتزایێ گەلەک یێ ب زیانە، چونکو گەلەک خوێ و پەنیر و کەرستێن کیمایوی دناڤدا ھەنە، ھەروەسا کێم زەرزەوات دناڤدا ھەنە، لەورا باشترە مرۆڤ خوە ژێ ب پارێزیت.
4- ڤەخوارنێن لایت: گەلەک وەسا ھزردکەت ئەو ڤەخوارنێن ( لایت)، ل سەر دھێتە نڤیسین یێن ڤالانە ژ شەکرێ، بەلێ دراستی دا وەسا نینن، چونکو ئەو کومپانیێن وان ڤەخوارنان دروست دکەن پێگوھۆرێن شەکرێ ب کاردئینن ، ئەوا پێگوھوران ژی زیانێن خوە ھەنە و دبنە ئەگەرێ پەنجەشێرێ، لەورا باشترە مرۆڤ خوە ژێ دوور بکەت، چونکو ئەو ڤەخوارن ھەستکرنا مرۆڤی ب برسیبوونێ زێدەدکەن.
5- پتاتێن قەلاندی: پتاتێن قەلاندی گەلەک روین و کالوری و خوێ دناڤدا ھەنە، ھندەک جارا رێژا روینی دناڤدا ژ 30% دەرباز دبیت، ھەکە رۆژانە تو سێنیەکا بچووک بخووی دێ تێرا تە بۆ ھەموو رۆژێ کالوری دابین بن، ل گەل ڤێ چەندێ دبیت رێیا قەلاندنا وان ببیتە ئەگەرێ دروستکرنا کەرستێ ئەکریلامید، ئەو کەرستە جینێن مرۆڤی د گوھۆریت و دبیتە ئەگەرێ بەربەلاڤبوونا پەنجەشێرێ.
به‌رنامێ كارێ نورى مالكى بۆ سلێمانيێ هاته ئاشكه‌راكرن
ئه‌ڤرۆ نيوز:
هه‌ر چه‌نده بڕيار بوو ئه‌ڤرۆ نورى مالكى ئه‌ميندارێ گشتيێ حزبا ده‌عوه سه‌ره‌دانا سلێمانيێ بكه‌ت، به‌لێ ب گۆره‌ى ژێده‌ره‌كێ ناڤا ئێكه‌تيێ ئه‌ڤ سه‌ره‌دانه دێ سوبه‌هى هێته ئه‌نجام دان.
كاروان باروه‌يس به‌رپرسێ راگه‌هاندنێ ل مه‌كته‌با سياسى يا ئێكه‌تى نشتيمانى كوردستان راگه‌هاند كو نورى مالكى دێ رۆژا دوشه‌مبى رێكه‌فتى 18ى تيرمه‌ها 2016ێ و ل ده‌مژمێر 3:00ى پشتى نيڤرۆ گه‌هيته فرۆكخانا نێڤده‌وله‌تى يا سلێمانيێ و ژ لايێ ئاسۆ فره‌يدون پارێزگارێ سلێمانيێ ڤه هێته پێشوازيكرن، پاشان ژى ئێكسه‌ر دێ چنه مالا جه‌لال ته‌له‌بانى سكرتێرێ گشتيێ ئێكه‌تيێ.
پشتى ديدارا ل گه‌ل جه‌لال ته‌له‌بانى سكرتێرێ گشتيێ ئێكه‌تيێ، بڕياره ئێكسه‌ر بچيته گرێ زرگه‌ته و ل گه‌ل نه‌وشيروان مسته‌فا، رێكخه‌رێ گشتێ بزاڤا گۆڕان كۆم ببيت و پاشان ژى ژ لايێ مه‌كته‌با سياسى يا ئێكه‌تى نشتيمانى كوردستان ڤه ئێڤاره خوارنه‌ك بۆ هێته دانان.
بڕياره ژى پشتى ئێڤارخوارنێ ژى ل گه‌ل ئه‌ندامێن مه‌كته‌با سياسى يا ئێكه‌تى نشتيمانى كوردستان كۆم ببيت، به‌لێ هێشتا ديار نه‌بوويه كا دێ مالكى ب شه‌ڤ ل سلێمانيێ مينيت يان ژى دێ ڤه‌گه‌ريت.
گرۆپه‌كێ چه‌كدار ده‌ست ب سه‌ر چه‌ند بنگه‌هێن پۆليسان دا گرت
ئه‌ڤرۆ نيوز:
گرۆپه‌كێ چه‌كدار ده‌ست ب سه‌ر چه‌ند بنگه‌هێن پۆليسان ل ئه‌رمينيا دا گرت.
ب گۆره‌ى پێزانينێن ده‌زگه‌هێن راگه‌هاندنێ ل وى وه‌لاتى، گرۆپه‌كێ چه‌كدار ده‌ست ب سه‌ر چه‌ند بنگه‌هێن پۆليسان دا ل يه‌ريڤانا پايته‌ختێ ئه‌رمينيا دا گرت و چه‌ند كه‌سه‌ك وه‌كو بارمته ده‌سته‌سه‌ركرينه و هه‌تا نوكه ئێك ژ وان كوشتيه.
جڤاتا ئاسايشا ئه‌رمينيا راگه‌هاند: دانوستاندن ل گه‌ل وى گرۆپى يێ به‌رده‌وامه و چو بزاڤ بۆ كوده‌تايێ ل ئه‌رمينيا نينن.
گۆڕان سه‌رۆك فراكسيۆنه‌كێ نوو بۆ خوه هه‌لبژارت
ئه‌ڤرۆ نيوز:
ب گۆره‌ى ئه‌و پێزانينێن ميديا گۆڕان به‌لاڤكرين، پشتى ده‌ست ژ كاركێشتانا هشيار عه‌بدولا سه‌رۆكێ فراكسيۆنا وان ل جڤاتا نوونه‌رێن عيراقێ، كاوه محه‌مه‌د په‌رله‌مانتارێ گۆڕان ل به‌غدا وه‌كو سه‌رۆكێ فراكسيۆنێ ده‌ست ب كار بوو.
ئه‌ڤ ده‌ست ب كاربوونا وى د ده‌مه‌كى دايه كو پشتى ئيمزاكرنا رێكه‌فتنا گۆڕان و ئێكه‌تيێ، هه‌ردويان بڕيار دابوو دێ ب ئێك فراكسيۆن پشكدارى روونشتنێن جڤاتا نوونه‌ران بن، به‌لێ نوكه هه‌ر ئێكێ سه‌رۆك فراكسيۆنێ خوه يێ جودا يێ هه‌ى.
ئێدی نابیت نان و خوارنێن گەرم د ناڤ عەلاگا دا بۆ خەلکی بھێنە دان
ئه‌ڤرۆ نيوز:
ژبەرکو خوارنێن گەرم کاریگەریا خوە دناڤ عەلاگە و ئامانێن پلاستیکی دا دکەن و دبنە ئەگەرێ پەیدابوونا چەندین نەخوشیان، لەورا رێڤەبەریا کارۆبارێن خوپاراستنا ساخلەمیێ سەر ب رێڤەبەریا گشتی یا ساخلەمیا پارێزگەھا دھۆکێ ڤە ھەموو نانبێژی و سومونحانە و خارنگەە ئاگەھدارکرینە کو ژ دەستپێکا مەھا ئیلونا ئەڤ سالە نابیت نان و سەمونە دناڤ عەلاگا دا بھێنە دان و دیسا نابیت خوارنێن گەرم دناڤ ئامانێن پلاستیکی دا بھێنە پێشکێشکرن.
د.بەختیار ئەحمەد رەشید، رێڤەبەرێ کارۆبارێن خۆپاراستنا ساخلەمیێ دیارکر کو کەرستێن نایلونی و پلاستیکی ئەوێن دھێنە ڤەگوھاستن بۆ ڤەگوھاستنا خوارنێ ب تایبەت یێن گەرم، ژئەگەرێ کارتێکرنا گەرماتیا وێ خوارنێ و ھەروەسا نانی و ێەموونا ل سەر کەرستێن نایلونی و پلاستیکی کو کارتێکرنێ ل ساخلەمیا مرۆڤی دکەن دبیتە ئەگەرێ ھندێ کو دو کەرستێن ژەھراوی دناڤدا پەیدادبن ئەوژی کەرستێ پولیئەتیلین و دایوکسین، ئەڤ کەرستە دھێنە ب کارئینان د قۆناغێن دروستکرنا کیسکێن نایلونی دا و دکیمیاوینە و ژئەگەرێ کارتێکرنا گەرماتیا خوارنێن گەرم پەیدادبن.
رێڤەبەرێ خۆپاراستنا ساخلەمیێ دیارکر ژی ل دووڤ ڤەکولین و پێزانینێن زانستی یێن نوژداری یێن باوەرپێکری خوارنا گەرم دناڤ کیسکێن نایلونی دا دبنە ئەگەرێ پەیدابوونا چەندین جورێن نەخۆشیان و کارتێکرن ل سەر بەرگریا لەشی بۆ نەخۆشیان دھێتە کرن، ھەروەسا زێدەبوونا ھندەک نەخۆشیێن گرێدای ب زارۆکینیێ ڤە و ھندەک جورێن پەنجەشێرێ ژی پەیدادبن، و گۆت: پشتی خوارنێن گەرم دناڤ کیسکێن نایلونی و پلاستیکی دا دھێنە ب کارئینان رێژا وان کەرستا زێدەدبیت دناڤ لەشێ مرۆڤی دا، لەورا ژی ل گەلەک وەلاتان ھەول ھاتینە دان کو خوارنێن گەرم ب تایبەت خوارنێن ب لەز کو ئەم دبێژینێ خوارنێن نوی، پێدڤیە ب رێیا کەرستێن کارتونی بھێنە ھەلگرتن و ڤەگوھاستن داکو نەبیتە ئەگەرێ زێدەبوونا رێژا کەرستێن کیمیاوی، ھەروەسا نان و ێەمونێن گەرم نابیت ب چو شێوەیەکی بھێنە ھەلگرتن و ڤەگوھاستن برێکا کیسکێن نایلونی داکو کارتێکرنا خراب یا گەرماتیا وان نەبیتە ئەگەر ئەو کەرستە پەیداببن و بچنە دناڤ نانی دا.
دیارکر ژی ل چەرخێ بیستێ گەلەک پێشکەفتن د پێشەسازیا چێکرنا کیسکێن نایلونی دا ھاتیە کرن کو گەلەک جور پەیدابووینە و گەلەک دئەرزانن و ب ساناھی ژی دھێنە ھەلگرتن، بەلێ پشتی دیاربوونا ڤان راستیێن زانستی ل گەلەک جھا بووینە جھێ مەترسیێ و زیانبەخشن بۆ مرۆڤان و گۆتژی: کەرستە یێن ھەین کو ئەم ب کاردئینین بۆ جارەکا ب تنێ ئەوژی کەرستێ پلاستیکینە کو بۆ ھەلگرتنا ئاڤێ و شەربەتا و پیپسیا دھێنە ب کارئینان، ئەڤە ھەکە د ساربن دروستە بەلێ ھەردەم ئەم ھەول ددەین کو نابیت ھەتا بۆتلێن ئاڤێ ژی بکەڤنە ل ژێر تیشکا رۆژێ چونکو گەرماتیا وێ کارتێکرنێ دکەت لەورا ئەم دبینە رێگر ل ڤێ چەندێ ژی.
ھەروەسا دیارکر کو لایەکێ دی مەترسیێ ئەوە کارتێکرنێ ل ژینگەھێ دکەن و کەرستێن نایلونی و پلاستیکی ب تایبەتی ژوان کەرستانە کو زوو ب زوو دناڤ سروشتیو ئاخێ دا ژناڤ ناچن و ئاخێ و گەلەک ژوان بۆ دەمێ 300-400 سالا دمینن، و ھەکە ب شێوەیەکێ زانستی یێ پێشکەفتی نەھێنە ب کارئینان دبنە ئەگەر کو ئەڤ کەرستە دناڤ ژینگەھێ دا دمینن و ڤەکولین دیاردکەن ھەکە ئەو کەرستە گەھشتنە ژێدەرێن ئاڤێ و ماسی و گیانەوەرێن دی یێن ئاڤێ خوارن دێ کارتێکرنەکا مەزن ل وانژی بیت و ب وی شێوازی جارەکا دی دھێنە ڤەگوھاستن بۆ لەشێ مرۆڤان ژی پشتی خوارنا وان.
د.بەختیار ئەحمەد ئەو چەند ژی دیارکر رێڤەبەریا گشتی یا ساخلەمیا دھۆکێ پشتی پێداچوون ل ڤان ھەموو ڤەکولین و ژێدەرا کری و ژێ پشتراست بووی نوکە دەستپێکری یە کو نابیت نان و ێەموون و خوارنێن گەرم بھێتە ھەلگرتن و ڤەگوھاستن برێیا عەلاگە و کیسکا، بەلێ ئەڤ بریارە ژ ب کارئینانا عەلاگا بۆ خوارنێن سار ناگریت، و گۆت: ل گەلەک جھا ل سەرانسەری جیھانی کەرستێن ژ کاغەزی دھێنە دروستکرن بۆ ڤێ مەرەمێ دھێنە ب کارئینان، چونکو زەرفێن کاغەزێ چو زیان ل سەر ساخلەمیا مرۆڤی نینن و بۆ ژینگەھێ ژی گەلەک باشترن و ب ساناھی ژناڤ دچن.
ل دووماھیێ دیارکر کو رێڤەبەریا کاروبارێن خوپاراستنێ ھەموو لایەن ئاگەھدارکرینە کو نابیت ژ دەستپێکا مەھا گولانێ وێڤە ب چو رەنگەکی خوارنێن گەرم دناڤ عەلاگە و کەرستێن پلاستیکی دا بھێنە ب کارئینان و بەرۆڤاژی دێ ساخلەمی پێرابوونان وەرگریت.
نيشاندان
WP Facebook Auto Publish Powered By : XYZScripts.com