ب، مللەت جەمال:
دەزگەھێن رۆژنامەڤانی یێن ئیتالی دیارکریە کو ب زەحمەتە یانا ناپولی خودانا رێزا دویێ ل وەرزێ بوری یێ کالچیویا ئیتالی ستێرا خوە ھێرشبەرێ ئەرجەنتینی ل ناڤا رێزێن خوە بھێلیت
سایتێ سپورت میدیاست یێ ئیتالی دیارکریە کو یانا ئیتالی ناپولی داخوازیەک بو ھاتیە ژلایێ یانا ئارسینال یا ئنگلیزی ب ٦٠ ملیون یورویان و یا بەرھەڤە ھێرشبەرێ خوە ژی یێ فرەنسی ئولیڤێ جیرو ی بدەتە یانا ناپولی بەرامبەر وێ چەندێ ناپولی ھیگواینی پێشکێشی وان بکەت بو وەرزێ ھبێت یێ تەپا پێی
ھەمان سایت دیارکریە ژی کو ھەر ئێک ژ یانێن ئەتلەتیکو مەدرید یا ئسپانی و پاریس سان جێرمان یا فرەنسی د بزاڤێن بەردەوامدانە ب مەرەما ب دەستڤە ئینانا شیانێن ھێرشبەرێ ئەرجەنتینی گونزالو ھیگواینی
لدووماھیێ دیارکریە پشتی ئەڤ داخوازیە ھەمی بو یانا ناپولی ھاتین رێک لبەر وان خوشبوویە بو بدەستڤەئینانا شیانێن ھێرشبەرێ پولەندی و یانا ئەیاکس ئەمستردام یا ھولەندی ئەرکادیوش میلیک.

ب، مللەت جەمال:
ئاخفتنکەرێ فەرمی یێ یانا بەرشەلونا یێ ئسپانی جوسێب بیبس بەحس ل رەوشا نوکە یا ستێرا یانا کەتەلونی لیونیل میسی کر و ھەروەسا بەحس ل وان بزاڤان کر یێن دھێنەکرن ژلایێ چەندین لاتیەنان ب مەرەما وێ چەندێ میسی بەرشەلونا بجە بھێلیت ژبەر ئەگەرێ وێ گڤاشتنا ڤێ دووماھیێ لسەر ھاتیەکرن ب بھانا رەڤین ژ دانا باجێ و ھەروەسا دادگەھێن حکومەتێ
زێدەتر بیبس لدور وان گوتگوتگێن لدور چوونا میسی ھاتینە گوتن دیارکر کو میسی ھەتا دووماھیا سالا ٢٠١٨ گرێدایی ھەڤبەستا یانا بەرشەلونا یە و دیارکر کو ئەو د بەردەوامن ب پەیوەندیان ل گەل ستێرا خوە میسی و دیارکر کو راستە میسی زورێ دلگرانە لێ وی داخوازا چوونێ نەکریە ھەروەکی روژناما موندو دیپورتیڤو دیاریکری
کەسێن نێزیک ژ یانا کەتەلونی و ستێرا جیھانی لیونێل میسی دیاردکەن کو یانە و یاریکەر یێن کەفتینە بن ھێرشەکا دژوار یا ھندەک لایەنان ب مەرەما کرێتکرنا ناڤێ ھەردوویان و ھەروەسا ھندەک دیاردکەن کو ئەڤە موئامەرەکە تایبەت دژی میسی بو وێ چەندێ یانا کەتەلونی د ماوێ بھێـ دا بجە بھێلیت و بەرێ خوبدەتە یانەکادی ل خولەکا دی

ئەڤرۆ:
ھێرشبەرێ یانا ئەتلەتیکو مەدرید و ھەلبژارتیێ فەرەنسا ئەنتوان گرێزمان ئەوێ ب گولکەرێ قارەمانیا یورۆیا ٢٠١٦ ھاتیە خەلاتکرن د داخویانیەکا رۆژنامەڤانی دا دیارکریە رونالدوی پێنگاڤەکا مەزن بۆ برنا تەپا زێری یا باشترین یاریزان ل جیھانێ ھاڤێت.
زێدەتر گرێزمان د داخویانیا خوە دا ل مالپەرێ فوتبول ئیتالیا دیارکریە رونالدو شیا ئێک ژ گرنگترین ناسناڤان ل سەر ئاستێ جیھانێ ب دەستخوڤە بینت ئەوژی برنا قارەمانیا یورۆ کو پشتی موندیالا جیھانێ دبینت ئەڤ قارەمانیا دھێت و رونالدو ل گەل ھەڤالێن خوە شیان ڤی ناسناڤی ب دەستخوڤە بینن و ئەو ژ ھەر یاریزانەکێ دی نێزیکتر بوو برنا ڤی ناسناڤی بۆ سالا ٢٠١٦ .
ھەردیسان گرێزمان دیارکر ژی خەونا وی بۆ ئەو بشێت ھەڤرکیا تەپا زێری بکەت ل گەل یاریزانێن مەزن ل جیھانی و ئەو یێ نێزیک بوو بشێت ڤێ تەپێ ب دەستخوڤە بینت دو جاران دەلیڤە بۆ وی پەیدابوو کو د دووماھیا چامپیونس لیگ و یورۆیا ٢٠١٦ یاریا دووماھیێ دا ئەوی ناسناڤ ژ دەستدا و رونالدو شیا ب سەرکەڤت ئەو دبینت ژی تەپا زێری ٢٠١٦ ئێکلابوویە بۆ رونالدوی.

ئەڤرۆ نيوز:
بریارە ل رۆژا پێنج شەمبیا بھێت ھەڤرکیێن چار گوشا زێرینا خولا عیراقێ یا تەپا پێ ل سەر ئاستێ کچان ل پارێزگەھا دھۆکێ بھێنەکرن ب پشکداریا چار یانا ل سەر ئاستێ عیراقێ کو نوونەرا پارێزگەھا دھۆکێ وەکو مێڤاندارا قارەمانیێ بەرھەڤیێن باش بۆ ڤێ قوناغێ کرینە و یا ب ئومێدا دێ ناڤێ قارەمانیا ئێکێ یا عیراقێ ل سەر ناڤێ خوە تومارکەن و بریارا یاریا خوە یا ئێکێ ل ١٥-٧-٢٠١٦ ل گەل یانا بیلادی یا بەغدادی بکەت کو سەرکەفتی ڤێ یاریێ ئێکسەر دەربازی یاریا دووماھیا قارەمانیێ بیت و پلێتا دەربازبوونێ بۆ قارەمانیا یانێن ئاسیا مسوگەر کەت.
ل دور دووماھی بەرھەڤیێن یانا زێرەڤانی بۆ ڤێ قوناغێ راھێنەرێ یانا زێرەڤانی دیندار فەیزی بۆ رۆژناما ئەڤرۆ دیارکر د بەرھەڤیەکا باش داینە و یاریزانێن مە ھەمی ل ئاستەکێ باشن ئارمانجا سەرەکی ئەوە ناسناڤێ قارەمانیێ ب دەستخوڤە بینن ھەر چەندە ئەوان ئاریشا راھێنانان ھەبوو ل گەل یاریزانان ژبەرکو دەمێ راھێنانێن یاریزان ب پەیوەندی ب تیمێ نە یێ خوە جە بوو گەلەک یاریزانێن ئەوان ل ڤێ دووماھیێ پەیوندی ب راھێنانێن یانێ کرن ژبەرکو قوتابی بوون ل زانکویێ و دەستپێکێ ئەوان ب حەفت یاریزانان دەست ب راھێنانان کر ل گەل بوراندنا دەمی ئەو شیان ھەمی یاریزانان خرڤە بکەن لێ ھژمارەکا یاریزانێن وی یێن سەرەکی بەری دو حەفتیان ب دروستی ژ ئەزمونێن خوە یێن خواندنێ ب دووماھی ھاتین و ئەو نەچار بوو ئەوان یاریزانان سپێدێ و ئیڤاری راھێنانان پێبکەن ژبەرکو ۆ قارەمانیەکا ھوسا کو جارا ئێکێ یە دھێتەکرن ل یاریگەھێن مەزن پێدڤی یە یاریزان ل ھێزا خوە یا تمام بیت یا شیانێن لەشی .
سەبارەت ھەیڤا رەمەزانی ناڤبری دیارکر ھەیڤا رەمەزانی ئەوان راھێنان ب شەڤ کرن و چیاوازیەک ھەیە ل گەل رۆژێ ئەو نەچار ببون دەمێ راھێنانان زێدەتر لێ بکەن ژ یێ رۆژێ ژبەرکو چیاوازی ھەیە دناڤبەرا کەشو ھەوایێ رۆژێ و شەڤێ، سەبارەت یاریگەە و یاریێن ھاڤالینی راھێنەرێ زێرەڤانی دیارکر تیما ئێکانە یا زەرامەند بۆ یاریگەە و یاریێن ھەڤالینی تیما ئەوانە ژبەرکو ھەمی یانێن دی ماوەکێ درێژە ل سەر ڤریزێ سروشتی راھێنانان کەن و ھەردیسان ئەوان یاری ژێ ل سەر ئەوان یاریگەھان کرینە بتنێ یا ئەوی نەبیت ئەوان دو یاری کرینە ئەوژی ل سەر فریزێ دەستکر بوو ھەر چەندە ماوەکە ئەو راھێنانان ل یاریگەھا خوە کەن ل سەر فریزێ سروشتی لێ کرنا یاریا یا چیاوازە ل راھێنانان لێ سەراری ئەڤێ ھەمیێ ئەوان باوەریەکا مەزن ب شیانێن یاریزانێن خوە ھەیە دێ شێن ھەڤرکیا ناسناڤێ قارەمانیێ کەن و ئارمانجا ئەوان یا سەرەکی برنا قارەمانیێ یە.
ژلایەکێ دیڤە ھێلین محەمەد یاریزانا زێرەڤانی دیارکر ژلایێ دەرونی و مەعناوی ڤە تیما ئەوان گەلەک یا باشە و باوەریەکا مەزن یا ب خوە و ھەڤالێن خوە ھەی ئەو دێ شێن ئەنجامەکێ باش ب دەستخوڤە بینن و چو ئاریشە ئەوان نین بتنێ بەری ل ماوێ بوری ئاریشا ئەوان راھێنان بوون ئەوژی ھژمارەکا یاریزانان قوتابی بوون ژ بەر ئەزمونێن زانکویێ ئەو نەشیان بەردەوامی بۆ ماوەکی ب دەنە راھێنانێن خوە پشتی ئەزمونێن ئەوان ب دووماھی ھاتین جارەکا دا ئەوان پەیوەندی ب راھێنانێن خوە کرن نوکە ل ئاستەکێ باشن ژلایێ شیانێن لەشی ڤە .
دولڤا عارفی سەرپەرشتا تیما زێرەڤانی دیارکر ھەر ژ پشکداریا ئەوان ل قوناغا ئێکێ دا ئارمانجا ئەوان یا سەرەکی برنا قارەمانیێ بوو ژبەرکو ئەوان شیانێن ئەڤێ چەندێ ھەنە و ھژمارەکا یاریزانێن خودان شیان ھەنە و ھەر چەندە ھەڤرکیێن ئەوان ژی ژ تیمێن باشن تایبەت یانا جەویە کو پێزانین باش ل سەر ھەنە .
زێدەتر سەرپەرشتیا تیما زێرەڤانی دیارکر ئارمانجا ئەوان ژ ڤێ مێڤانداریێ ئەوە بشێن ناسناڤی ب دەستخوڤە بینن ھەردیسان بشێن دەستکەفتیەکێ دی بۆ پارێزگەھا دھۆکێ توماربکەین و ھەکە ئەوان مێڤانداریا ئەڤێ قارەمانیێ نەکربا پێدڤی بوو ئەوان پشکداری ل باژێرێ بەغدا دڤێ قارەمانیێ دا کربا ئەوان باشتر دیت مێڤانداریا قارەمانیێ بکەن بۆ سەلامەتیا یاریزانێن مە و ب رێیا وێ چەندێ ژی بشێن ھەڤرکیا قارەمانیێ بکەین.