ئه‌ڤرۆ نيوز سه‌ركه‌فتيێن ئێكێ يێن خه‌لكێ پارێزگه‌ها دهۆكێ به‌لاڤ دكه‌ت

12/07/2016 15:39

2600

ئه‌ڤرۆ نيوز، نيوار محه‌مه‌د سه‌ليم:

به‌رپرسێ راگه‌هاندنێ ل رێڤه‌به‌ريا گشتيا په‌روه‌ردا پارێزگه‌ها دهۆكێ راگه‌هاند كو ل سه‌ر ئاستێ هه‌رێمێ قووناغا بنه‌ره‌تى 10 سه‌ركه‌فتيێن ئێكێ سێ خه‌لكێ پارێزگه‌ها دهۆكێ نه‌.

ئه‌حمه‌د عه‌بدولا زۆبێر، به‌رپرسێ راگه‌هاندنێ ل رێڤه‌به‌ريا گشتيا په‌روه‌ردا پارێزگه‌ها دهۆكێ، بۆ ئه‌ڤرۆ نيوز گۆت: “ژ وان 10 سه‌ركه‌فتيێن ئێكێ يێن قووناغا بنه‌ره‌تى سێ خه‌لكێ پارێزگه‌ها دهۆكێ نه‌”.

ناڤ و قوتابخانێن وان ب ڤى ره‌نگى ئاشكه‌را كرن:

ده‌لال ئه‌حمه‌د جه‌ميل قوتابخانا زه‌رى په‌روه‌ردا زاخۆ

به‌لێن ئيسماعيل قوتابخانا پێل په‌روه‌ردا رۆژئاڤا

شلۆڤه‌ مسلح عبه‌دولقادر قوتابخانا مازى په‌روه‌ردا رۆهه‌لات

ل ڤێره‌ ئه‌نجامێن ئه‌زموونێن خوه‌ وه‌رگرن

12/07/2016 15:27

3474

ئه‌ڤرۆ نيوز، نيوار محه‌مه‌د سه‌ليم:

وه‌زاره‌تا په‌روه‌ردا حوكمه‌تا هه‌رێما كوردستانێ ئه‌نجامێن دووماهيێ يێن ئه‌زموونێن پۆلا نه‌هێ بنه‌ره‌تى و 12 ئاماده‌يى ئه‌ده‌بى و وێژه‌ى راگه‌هاندن.

د په‌يڤه‌كێ دا وه‌زيرێ په‌روه‌ردێ دا زانين كو ب ره‌نگه‌كێ گه‌له‌ك باش پرۆسه‌ ب سه‌ركه‌فتيانه‌ ب دووماهى هات و دا زانين ژى كو كاره‌كێ گه‌له‌ك مه‌زن بوو و كاره‌كێ وه‌سان يێ مه‌زن ژى بێ كێماسى ب دووماهى ناهێت.

پشتيوان سادق ده‌رباره‌ى بابه‌تێ دزينا ئه‌زموون دا ژى دا زانين كو ئه‌و كه‌س دێ گه‌هنه‌ مافێ خوه‌ يێن ئه‌و كار كرين دێ هێنه‌ سزادان ب رێيا دادگه‌هێ.

رێڤه‌به‌رێ گشتيێ ئه‌زموون ل وه‌زارتا په‌روه‌ردێ راگه‌هاند كو ل سه‌ر ئاستێ زانستى ل دهۆكێ رێژا ده‌رچوونێ 17.98% ده‌رچووينه‌ و ل سه‌ر ئاستێ هه‌رێمێ 22.17% بوويه‌، ل سه‌ر ئاستێ وێژه‌ى ژى ل دهۆكێ 19.1% ده‌رچووينه‌.

ده‌رباره‌ى سه‌ركه‌فتيێن ئێكێ ژى ل سه‌ر ئاستێ 12ى ئاماده‌ى زانستى و وێژه‌ى چو كه‌س ژ پارێزگه‌ها دهۆكێ نه‌شيايه‌ رێزێن ئێكێ هه‌تا 10ێ ب ده‌ست خوه‌ ڤه‌ بينن.

ئه‌ڤ ساله‌ 263 هزار و 954 قوتابى يێن پۆلێن نه‌هێ بنه‌ره‌تى و 12ێ ئاماده‌ى و پشه‌ى ب چاڤدێريا 54 هزار و 301 چاڤدێر و رێڤه‌به‌ر و هاريكاران و ل چار هزار و 270 هۆلان ئه‌زموون هاتينه‌ ئه‌نجام دان.

بۆ زانينا ئه‌نجامێن ئه‌زموونان ڤێره‌ كليك بكه‌ن

بارزانى پرۆتۆكوله‌كا له‌شكرى ل گه‌ل ئه‌مريكا ئيمزا كر

12/07/2016 14:29

394

ئه‌ڤرۆ نيوز:

ب ئاماده‌بوونا مه‌سعود بارزانى سه‌رۆكێ هه‌رێما كوردستانێ و شاندێ وه‌زاره‌تا به‌ره‌ڤانيا ئه‌مريكا ب سه‌رپه‌رشتيا بۆب وۆرك جێگرێ وه‌زيرێ به‌ره‌ڤانيا ئه‌مريكا و ژماره‌كا دى يا فه‌رماندێن له‌شكرى يێن هه‌ردولا پرۆتۆكولا له‌شكرى د ناڤبه‌را هه‌ولێر و واشنتۆن دا هاته‌ ئيمزاكرن.

د ڤێ پرۆتۆكولێ دا، هاتيه‌ كو ئه‌مريكا دێ هاريكاريا دارايى و له‌شكرى بۆ هێزێن پێشمه‌رگه‌ى زێده‌تر لێ كه‌ت هه‌تا دووماهيا شه‌رێ داعش ژى دێ يا به‌رره‌ده‌وام بيت و ئه‌مريكا دێ مووچێ زێده‌تر بۆ پێشمه‌رگه‌ى دابين كه‌ت.

وه‌كو به‌رپرسێن هه‌رێمێ ئاماژه‌ پێ دكه‌ن ئه‌ڤه‌ بۆ جارا ئێكێ يه‌ پرۆتۆكوله‌كا فه‌رمى يا ژ ڤى ره‌نگى دهێته‌ ئيمزا كرن و كار پێ دهێته‌ كرن.

دێ چاوان نامێن ژێبرى ژ ڤايبه‌رى ڤه‌گه‌رينى؟

12/07/2016 13:13

4855

ئه‌ڤرۆ نيوز، فاتما مزوورى:

ماوه‌كه‌ پرۆگرامێ په‌يوه‌نديان “Viber” ڤێرژنه‌كێ نوو به‌رده‌ست كريه‌ و د ڤى ڤێرژنى دا، دشيان دايه‌ نامێن ژێبرى ببينن.

ل ڤێره‌ چاوانيا ئينانا نامان بۆ هه‌ردو سيسته‌مێن ئه‌ندرۆيد و ios دێ به‌رچاڤ كه‌ين:

بۆ مۆبايلێن سيسته‌مێ ئه‌ندرۆيد ب ڤى ره‌ه‌نگى يه‌:
ده‌سپێكێ دڤێت پشت راست بن كو مۆبايل ل گه‌ل پرۆگرامێ (cloud service) يا گرێدايه‌.
1 – (Setting)ا ڤایبەرى ڤه‌كه‌.
2 – (Backup Viber) ھەڵبژێرە.
3 – (Backup) كليك بكه‌.
ل دووماهيێ ژى چاڤه‌رێ بكه‌ و ب ڤى ره‌نگى ننامێن چووين دێ ڤه‌گه‌رن.

بۆ مۆبايلێن سيسته‌مێ ios ب ڤى ره‌نگى يه‌:
ده‌سپێكێ دڤێت يێ پشت راست بى كو مۆبايلا ته‌ ل گه‌ل پرۆگرامێ (iCloud) يا گرێدايه‌.
1 – (Setting)ا ڤایبەرى ڤه‌كه‌.
2 – (Viber Backup) ھەڵبژێرە.
3 – (Back Up Now) كليك بكه‌.

چاڤه‌رێ بكه‌ و ب ڤى ره‌نگى نامێن ژێبرى دێ ڤه‌گه‌رن.

ئه‌ڤرۆ نيوز سه‌ركه‌فتيێن ئێكێ يێن ويزارى ل پارێزگه‌ها دهۆكێ ئاشكه‌را دكه‌ت

12/07/2016 12:42

4541

ئه‌ڤرۆ نيوز، نيوار محه‌مه‌د سه‌ليم:

پشتى نيڤرۆيا ئه‌ڤرۆ رۆژا سێشه‌مبى 12ى تيرمه‌ها 2016ێ ئه‌نجامێن ئه‌زموونێن گشتى يێن پۆلا 9ێ بنه‌ره‌تى و 12 ئاماده‌ى دێ هێنه‌ ئاشكه‌را كرن و نمره‌ هێنه‌ به‌لاڤكرن.

ب گۆره‌ى پێزانينێن ل به‌ر ده‌ست ئه‌ڤرۆ نيوز، ئه‌ڤرۆ رۆژا سێشه‌مبى كۆنگرێ رۆژنامه‌ڤانى يێ وه‌زاره‌تا په‌روه‌ردێ دێ ده‌سپێكه‌ت و پاشى ژى نمره‌ دێ هێنه‌ ئاشكه‌را كرن.

عه‌بد يوسف رێڤه‌به‌رێ گشتيێ په‌روه‌ردا پارێزگه‌ها دهۆكێ بۆ ئه‌ڤرۆ نيوز راگه‌هاند كو وه‌زاره‌تا په‌روه‌ردێ سه‌ركه‌فتيێن ئێكێ ل سه‌ر ئاستێ هه‌رێمێ برينه‌ وه‌زاره‌تێ و گۆت: “ل سه‌ر ئاستێ نه‌هێ بنه‌ره‌تى سێ كه‌س ژ پارێزگه‌ها دهۆكێ نه‌ و من يێن ل گه‌ل خوه‌ برينه‌ وه‌زاره‌تێ”.

زێده‌تر گۆت: “يان يێن 12ێ ئاماده‌ نه‌ گازى نه‌كرينه‌ يان ژى چو يێن پارێزگه‌ها دهۆكێ د ناڤ دا نينن، چونكو من چو يێن ئاماده‌ى ل گه‌ل خوه‌ نه‌برينه‌ وه‌زاره‌تێ”.

رێڤه‌به‌رێ گشتيێ په‌روه‌ردێ دا زانين ژى كو پشتى چه‌ند خوله‌كه‌كێن كێم دێ كۆنگرێ رۆژنامه‌ڤانى هێته‌ ئه‌نجام دان و پاشان ئه‌نجام هێنه‌ راگه‌هاندن.

بۆ جارا ئێكێ وێنێ ئايفۆن 7 هاته‌ به‌لاڤكرن

12/07/2016 12:11

3084

ئه‌ڤرۆ نيوز:

مالپه‌ره‌كێ فره‌نسى وێنه‌يه‌كێ مۆبايلا ئايفۆن 7 به‌لاڤكر كو ژ كۆمپانيا ئه‌پل ب وان گه‌هشتيه‌.

بڕياره‌ ئايفۆن 7 ل دووماهيا سالا 2016ێ بهێنه‌ نيشان دان و بكه‌ڤيته‌ د بازارێن جيهانێ دا.

هه‌ر وه‌كو د وێنه‌ى دا ده‌ردكه‌ڤيت كو مالپه‌رێ (Nowhere Else)يێ فره‌نسى به‌لاڤكريه‌ كاميرا وێ مۆبايلا نوو مه‌زنتر لێ كريه‌ ژ يێن به‌رى وێ و قه‌پاغا وێ ژى ژ ئه‌له‌منيۆمى دروست كريه‌.

ره‌وشا زێر و زيڤى ل بازارێن دهۆكێ

12/07/2016 11:38

1613

ئه‌ڤرۆ نيوز:

رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 12ى تيرمه‌ها 2016ێ بهايێ زێر و زيڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه‌:

1 گرام زێرێ (ع) 18	42500
1 گرام زێرێ (ع) 21	48500
1 گرام زێرێ (ع) 22	50500
1 گرام زيڤ	3000

دۆلار ب ره‌نگه‌كێ به‌رچاڤ گران بوو

12/07/2016 11:35

1302

ئه‌ڤرۆ نيوز:

رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 12ى تيرمه‌ها 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه‌:

1 دولارێ ئه‌مريكى	1280
1 يۆرۆيێ ئه‌ورۆپى	1420
1 ليرێ توركى	435

بۆ وه‌رگرتنا نووترين پێزانينان ل سه‌ر ره‌وشا دراڤى ژماره‌ “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه‌.

زاخۆ داھاتیێ خوە دێ ل کونگرەکێ رۆژنامەڤانی دا دیارکەت

12/07/2016 11:31

217

زاخۆ,ھشیار دوبانکی:
پشتی سەروکێ یانا زاخۆ مالپەرێ خوە یێ چڤاکی دا ل سەر تورا فێسبوکی پەیامەک بەلاڤەکری کو بەرسڤا ھەردو پارێزگەھین دھوکێ و ھەولیرێ دەت کو ھەردوو پارێزگەھا ئەڤە بۆ چارێ چەندی یە بەحس ل داھاتیێ یانا زاخۆ کریە.
و سەروکێ یانێ گوت من دڤێت بزانم داھاتیێ ئێک سال یێ یانا دھوکێ وھەولیری ھندێ ھەشت سالین یانا زاخۆ مەزاختینە وحکومەتا ھەریمێ ھاریکاریا وان کریە ئایە بلا حکومەتا ھەریمێ بریکا ھەوە بێژیت بۆ ماوی ھەشت سالا چو ھاریکاریا یانا زاخۆ کریە و سوپاس بۆ خودێ ئەم شیاینە یانا زاخۆ بریڤە ببن و بێ ھاریکاریا ھەوە ئەڤە ژی ئەز ب مەزنترین دەستکەڤت بینم.
ل دۆر ڤێ چەندێ بەرپەرسێ راگەھاندنا یانا زاخۆ داخویانیەکێ دا بۆ روژناما ئەڤرۆ دیاکر :ل سەر داخازیا سەروکێ یانێ کارگیریا یانا زاخۆ دڤان دوو روژێن بھێت دا دێ کونگرەکێ روژنامەڤانی ل سەر دیارکرنا داھاتیێ یانێ وھەڤبەستین یاریزانان و ئێنانا یاریزانێن و راھێنەرێن نوو چەند ئاریشەیێن دی گونگرەکی رۆژنامەڤانی دانین.

بارزانى و وه‌زيرێ به‌ره‌ڤانيا كه‌ندا يێ د كۆمبوونێ دا

12/07/2016 10:52

403

ئه‌ڤرۆ نيوز:

مه‌سعود بارزانى سه‌رۆكێ هه‌رێما كوردستانێ ل پيرمام پێشوازى ل هارجيت ساجان وه‌زيرێ به‌ره‌ڤانيا كه‌نه‌دا كر و نوكه‌ يێ د كۆمبوونێ دا.
رۆژا دوشه‌مبى 11ى تيرمه‌ها 2016ێ وه‌زيرێ به‌ره‌ڤانيا كه‌نه‌دا گه‌هشته‌ هه‌ولێر و ژ لايێ كه‌ريم شنگالى، وه‌زيرێ ناڤخۆ و وه‌زيرێ پێشمه‌رگه‌ى ب وه‌كاله‌ت ل گه‌ل فه‌لاح مسته‌فا به‌رپرسێ فه‌رمانگه‌ها په‌يوه‌نديێن ژ ده‌رڤه‌ ل حوكمه‌تا هه‌رێما كوردستانێ هاته‌ پێشوازيكرن.

بڕيار بارزانى و ساجان د كۆمبوونێ دا به‌حسێ شه‌رێ داعش و ره‌وشا نوكه‌ يا هه‌رێمێ و عيراقێ بكه‌ن.