ئەڤرۆ:
یاریزانێ ھێلا ناڤینا ھەلبژارتیێ ئێکێ عیراقێ و ئولومپی عیراقێ ھەمام تارق ئەوێ ل ماوێ دو سالا ل راگەھاندنا عیراقێ وەسا دھێتە دیارکرن نێزیک بوویە ل کرنا یاریێ ل خولەکا ئورۆپی گەلەک جاران ھاتە دیارکرن نێزیک بوویە بۆ یانا ئودونیزی یا ئیتالی و ل ڤێ دووماھی وەسا ھاتبو دیارکرن ئەوی رەتکر ھەڤبەستا بورسا سپور یا تورکی ئیمزابکەت ھەر چەندە کو ئەڤ یانە دھێتە ھژمارتن ئێک ژ بەرنیاسترین یانە سەرارای وێ چەندێ کو تاقیکرنا بزیشکی ب ھمام ھاتبوکرن لێ یاریزانی وەسا دیارکر بوو وێ یانێ رەتکر بوو ئەو پەیوەندی ب ھەلبژارتیێ ئولومپی بکەت لێ یانە تورکی چو داخویانی ل سەر ئینانا یاریزانی یان سەر وێ داخویانیی نە دابوون ژبەرکو وەسا دھێتە چاڤەرێکرن یانە نەخواستی یە ھەڤبەستێ ل گەل ئیمزابکەت.
پشتی ئەوان دەنگوباسان ھەمیان دوھی ل سەر مالپەرێ خوە یێ فێسبوکی یێ کومەلاتی یانا جەویە ھەڤبەستا ھەمام تارق ب فەرمی راگەھاند بۆ وەرزەکێ دی پشتی ھەردو لایەن گەھشتی نە رێککەفتنێ ب ڤێ چەندێ وەسا دیاربوو ھەمام تارق دیسان نەشیا ھەڤبەستا یانەکا خولا ئورۆپی ئیمزابکەت ھەر چەندە ئەو یانێن ئەوی دیارکری دبیت خەونا ھەر یاریزانەکێ کێشوارێ ئاسیا یاریێ دخولا تورکیا یان ئیتالیا دا ل گەل بورسا سپور و ئودونیزی بکەت لێ ئەوی دیارکر بوو ئەوی ھەڤبەستا بورسا رەتکر! یا ئودونیزی ژی بێدەنگ بوویە.

ئەڤرۆ:
راھێنەرێ یانا مانچستەر یوناید ھزر ل دەست بەردانا ھەشت یاریزانان کریە ل دیڤ گوتنا ھژمارەکا رۆژنامەیێن نێزیک ل یانا مانچستەر کو وەسا داینە دیارکرن مورینھوی دڤێت شورەشەکێ ل ڤێ یانێ بکەت کو بتنێ پشت بەستنێ دێ ل سەر ٢٢ یاریزانان کەت بۆ وەرزێ نوو یێ خولا ئینگلتەرا قارەمانیێن ئورۆپی.
رۆژناما دەسەن یا برێتانی دیارکریە مورینھو ھزر ل دەست بەردانا ھەشت یاریزانێن وەرزێ بوری یێن یانا مانچستەر یوناید کریە کو بۆ بەرپرسێن یانێ دیارکریە ئەو دێ ناڤێ ھەشت یاریزانان ل ماوێ بھێت دەتێ کو چو ب فروشن یان ب شێوەیێ خواستن ب دەنە چەند یانێن دی ژبەرکو ئەو دێ پشت بەستنێ ل سەر ھژمارەکا یاریزانێن نوو کەت و ئەو دخوازیت بۆ وەرزێ بھێت پێکھاتیێ وی ٢٢ یاریزان بن.
ئەوێ رۆژنامێ دیارکریە ژی ئەو ناڤێن بەربژار بھێنە دورخستن ژ لیستەیا مورینھوی بۆ وەرزێ ئەڤ سالە ئەوژی مارکوس رۆخو مورگان شنایدرلین و شڤاینشتایگر و ممفیس دیبای و دالی بلیند و خوان ماتا کو راھێنەرێ نانچستەر یوناید ھەتا نوکە چو گرنگی ب ئاستێ ئەوان نەدایە ئەو بەردەوام یێ بزاڤا ئینانا یاریزانان کەت ل جھێ ئەڤان یاریزانان ژبەرکو ل وەرزێ بوری نە ل ئاستێ پێدڤی بوون.
وێ رۆژنامێ ئەو چەندە ژی دیارکریە مورینھو پشتی د ھەڤبەستا ھەر ئێک ژ ئیبراھیموڤیچ و پیلی و مخیتاریان یێ سەرکەفتی نوکە یێ د بەردەوامیا دانوستاندنان دا بۆ دەستڤە ئینانا یاریزانێ پوڤانتوس و ھەلبژارتیێ فەرەنسا پول پوگپای کو کوژمێ ١٠٠ ملیون یورۆیان یانا ئینگلیزی بەرھەڤکریە ئەگەر ھاتو یاریزانێ فەرەنسی رازیبوو دێ بیتە گرانترین یاریزان ل دنیایێ.