ئه‌ڤرۆ نيوز:
شڤێدى ل ده‌مژمێر 2ى به‌رى سپێدێ و ژ ئه‌نجامێ په‌قينا ترۆمبێله‌كا تى ئێن تى كرى ل نێزيك كۆمه‌لگه‌ها له‌يس يا بازرگانى ل ده‌ڤه‌را كه‌راده په‌قينه‌ك روودا و د ئه‌نجام دا 79 وه‌لاتى هاتنه كوشتن و 134 كه‌س ژى بريندار بوون.
نووترين نووچه
- پێدڤییە نیازپاكی و ئیرادەیەكا راستەقینە بۆ چارەسەركرنا كێشەیان هەبیت
- پێدڤییە هەوا هەلبژارتنان د سەقایەكێ ئازاد دا و دوور ژ گرژیێ بهێنە ئەنجامدان
- مەسرور بارزانی: ب هێزبوونا پارتی ب هێزبوونا كوردستانێیە
- گرنگە پڕۆژەیێ (هەژمارا من) بەردەوام بیت
- سەرۆكێ حوكمەتا هەرێمێ بۆ گوپیتكا جیهانییا سەقای هاتە ڤەخواندن
- پترییا كێشەیان دێ هێنە چارەسەركرن
- سەرۆك بارزانی پێشوازی ل شاندەكێ هەڤپشك یێ دەستەیا دەستپاكیێ ل ئیراقێ و هەرێما كوردستانێ كر
- مەسرور بارزانی: داخوازێ ژ ئالیێن سیاسی دكەم دوور ژ سڤكاتیێ و ناڤزڕاندنێ هەوا هەلبژارتنان بكەن
- سەرۆكێ حوكمەتا هەرێمێ پێشوازی ل وەزیرێ بازرگانییا ئیراقێ كر
- پێدڤییە زانكۆیێن مە بناغەیێ هاریكارییا هەڤپشك ل گەل زانكۆ و ناڤەندێن زانستی یێن پێشكەفتی ل دەرڤە دانن
سه‌ره‌كى Twitter
یانا زاخۆ بەرسڤا پارێزگەھێ دھوکێ دەت وداخازەکێ ژ سەروکێ حکومەتی دکەت
زاخۆ,ھشیار دوبانکی:
بەرێز (فەرھاد ئەمین)پارێزگەرێ دھوکێ:ئەم وەکو کارگیریا یانا زاخۆ ب چ رەنگا مە نەڤیا ئەم ڤێ بێژین بەلێ ھەلویست وگوتنین جەنابێ تە وەکر ھەتا ئەم بێ دەنگیێ بشکێنن جارێ جەنابێ تە باشتر دزانت تە دماوێ بوریدا چەند سوز وقەرا داینە یانا زاخۆ یاورزشی بۆ ھندێ ھەڤکاریا وانا بکەی ,بمخابنێ ڤە تەنانەت یەک گوتنا خوە ژی تە بچە نەئیناتە ئەڤە ددەمەکیدا نە ئەم تنێ بێ ئێشان رەنگە رێژا ٨٥% ژ ئاکنجیێن ئەڤی باژیرێ وەک جەماوەر ب گوتنا خوە یا چ بنەما بونە تە ئێشاند براستی ھزر ونیرینا مە ئەوبۆ تو دەست خوشێ ل یانا زاخۆ بکەی کو شیان دڤان کاودانادا ئیدارەیا خوە بکەن بەلێ ھەموو گوتن وداخویانێن جەنابێ تەیێن بێ کریار ودویر ژ ھەیبەت وئاستی پلاتەیا ئیداری خەلکەک لڤێ دەڤەرێ یێ ھەرشاندی ژوان سوزێن تەداین بۆ وەرزشا زاخۆ بکەی ئەڤە بون کو بۆ میژوو وب بەلگە ئەم ئاراستەی خەلکێ خوە وجەنابێ سەروکێ حکومەتێ بکەین ھیڤیە دووفچوونا بۆ بھێتە کرن
١- ل وەرزێ بوری پارێزگاری ئەو سوزدابۆ یانا زاخۆ کو سەرجەم خەرجیێن ھەر چونەکا وی بۆ ژدەرڤە ب ستویێ خوە ڤە بگرێت ھەر وەک چەوا بۆ یانا دھوکێ خەرج دکەت بەلێ پشتی مە خەرجیێن ئێک چونا دەرڤە بۆ جەنابی وی ھنارتین گوژمێ (٩)ملیون دینارا بۆ بۆ یانا زاخۆ نەھاتە مەزاختن ول گوتنا خوە پاشگوز بوو
٢-دیسان ل وەرزی بوری دیاریا زاخۆ بەرامبەر ھەولێر ل یاریگەھێ جارەکادی ئەو سوز دابۆ کو ھەر گاڤا یانا زاخۆ سەرکەفت یان وەک ھەڤ بۆ دێ یانا ازخۆ خەلات کەت پاشی ئەو ژێ نەھاتە کرن وئەم بێ ھیڤی کرن
٣-ل سالا بوری دسەرەدانەکێدا ددیدارەکێ دا یانا زاخۆ دگەل پارێزگەرێ دھوکێ چارەکا دی جەنابێ وی ئەو سوزە دا وەک ھاریکاری دێ پارچە زەڤیەکێ دەتە یانا زاخۆ بخوە بفروشت وقەرزین خوە بێ بدەت بۆ زانین ریڤەبەریا وەرزش ولاوان وباژیرڤانیا زاخۆ ژی ھاتبونە ئاگەھدارکرن بەلێ ئەوژی نەکر ول سوزا خوە لێڤە بۆ ودیارکر کو چ تشتێ بڤی رەنگی نەگوتیە
٤-چارەکا دی دەمی یاریا زاخۆ دگەل ھەولیری دیاریگەھا زاخۆ یا دەولی ھەر پارێزگەری دھوکێ ژ لایێ یانێ ڤە نەھاتبو داخازکرن ژی بەلێ ئەو بخوە ئامادە بۆ ودگەل یاریزانیت یانا زاخۆ ئاخفت وسوز دا وان ئەگەر ھەوە سەرکەفتن ئینات ھەر یاریکەرەکی ملیون دینارا بدەتێ وپاشی ئەوژی نەھاتە کرن وھەتا ئیمزایا خوە دوھی داخویانیەکێ دا خەلکەکی دیت ب چ رەنگ ورەفتار بەرسڤا جەماوەرێ یانێ دا.
پێش نوکە جەنابێ وی پارێزگەری بۆ قایمقامێ زاخۆ یێ پێش وەخت راگەھاندبوو کو ئەو حەز ناکت ب ھیچ رەنگەکێ ھاریکاریا یانا زاخۆ بھێتە کرن
ئەو پارکا ل ئیبراھیم خەلیل ژیدەرێ داھاتی بۆ یانا زاخۆ دھات ھەتا کو بشێت خوە ل سەر پێت خوە بگریت وبەردەوامیێ بدەتە بزاڤ وەرزشی بەلێ جەنابی پارێزگەری ئەوژی ژ یانێ وەرگرت بۆ ھندێ یانە توشی ھەنگافتنا مەزن یامادی ببەت وشکەستنێ بینت
دھێتە زانین ل وەرزی بوری پاریزگەری دھوکی نیزیکێ دوو ملیار دینارا ل یانا دھوکێ مەزاختینە وھەر ل دوماھیێ یانا دھوک خوە ژ خولێ ڤەکێشا ژ بەر ھندێ گەلەک بیکول کرن کو یانا زاخۆ ژی خوە ڤەکیشیت پشتی ھەولین وی سەرنەگرتین پێکول کرن دەستەیا کارگیریێ یا یانا زاحۆ بگھورت بۆ ھندی شکەستنێ بینت
مە دڤیت بزانین ژبلی دژایەتیکرنەکا توند پارێزگەرێ دھوکێ شیایە چ خزمەتێ پێشکیشی یانا زاخۆ وجەماوەرێ وی بکەت
مەدڤیت بزانین ئەو سوزێن پاریزگەری ل سولا مینبەرین ھەلبژارتنان وشاشەیێن میدیا یا داین ل ھەمبەر خزمەتا گەنجان ئەری شیایە چ بکەتا ژبلی ھندێ نەبیت دوو یانا ل پارێزگەھا دھوکی بەرەف نەمانی ڤە برن.م
مەدڤیت بزانین جەنابێ پاریزگاری ئەڤە ھەمی بۆچی ب چ مەرم دگەل زاخۆ کر
بریکا ڤی پەیاما کارگیریا یانا زاخۆ ئەم داخازی ژ جەنابێ ریزدار نیجیرڤان بارزانێ سەروکێ حکومەتا ھەریما کوردستانێ دکەن لدوف گازیا یانا زاخۆ یا وەرزشی وجەماوەری وی بھیتە دەنگ ژبەر ھێرش وپلانین دژایەتیکرنا یانا زاخۆ کو خاترا ھەزارنا خەلکێ باژیرێ ل سەر دەستێ پاریزگەرێ دھوکێ ھاتیە شکەستن ولبەر لڤێ دەڤەری وەرزشێ بەرفە نەمانی ڤە ببەت چونکە براستی ژی بڤی رەنگی گەلەک یا بزەحمەتە باژیرەک بشێت ل ھەمبەر خەمساریا سەروکێ یەیەیا ئیداریا پارێزگەھی ژ ھەمو رویەکی ڤی خزمەتی بکەت ل دوماھیێ ژی ھەر ئەم ملکەچی فەرمانا حکومەتا خوەنە
ئەڤرۆ ئەلمانیا دێ پشتەڤانیا خوە بۆ نادیا موراد دیارکەت
ئەڤرۆ نیوز، کاروان باعەدری:
چالاکڤانێ ئێزدی مازن شنگالی بۆ ئەڤرۆ نیوز دیارکر، ئەڤرۆ ل ئەڵمانیا ل باژێرێ شتوتگارت دێ خۆنیشاندانەک بۆ پشتەڤانیا نادیا موراد ھێتە کرن، ژ بەر وێ ھەڵمەتا نادیایێ ل سەر تۆرێن جڤاکی راگەھاندی دا کو چ کارەساتێن دی ب سەر ئێزدیا دووبارە نەبن.
ڤی چالاکڤانی دیارکر، بریارە بەشەکی مەزن ژ گەلێ ئەلمان ژی پشکداریێ دڤێ خونیشاندانێ دا بکەن، بریارە نادیا موراد ب خوە ژی پشکداری ڤێ خۆنیشاندانێ ببیت.
دھێتە زانین چەندین وەڵات و سەرۆک و رێکخراوێن جیھانی پشتەڤانیا خوە بۆ نادیا موراد دیار کرینە ل ھەمبەر ئەوێ زولم و نەخوشیا ب سەرێ وان کچ و ژنان ھاتی د دەستێ داعشێ دا.
سه‌رهاتيا عابدێ نه‌زان
ئه‌ڤرۆ نيوز:
ژ سوفیانێ كوڕێ عویه‌ینه‌ى دئێته ڤه‌گوهاستن، دبێژت: ((هشیارى فتنا زانایێ خراب وعابدێ نه‌زان بن، چونكى فتنا وان فتنه‌یه بۆ هه‌ر ئێكێ سه‌رداچووى، ئه‌ڤه ب نـه‌زانـیـنـا خــۆ بــه‌رێ خــه‌لكـى ژ زانینێ وكارپێكرنێ دده‌ته پاش، وئه‌وێ هه ب خرابییا خۆ به‌رێ خه‌لكى دده‌ته سه‌رداچوونێ)).
ژ ڤی گۆتنێ دئێته زانین كو دو ڕه‌نگێن مرۆڤان هه‌نه خه‌لك پتر پێ د سه‌ردا دچن؛ چونكى فتنا وان ژ یا هه‌ر ئێكێ دى مه‌زنتره،
ڕه‌نگێ ئێكێ: ئه‌و زانایه یێ زانینا وى به‌رێ وى نه‌دابته ته‌قوایێ، وترسا وى ژ خودێ هند لێ نه‌هاتبت به‌رێ وى ژ حه‌رامیێ وه‌رگێڕت، ڤـێجا ئه‌و زانینا خۆ بكه‌ته ڕێك بۆ خۆمه‌زنكرنا ل سه‌ر سه‌رێ خه‌لكى، وفه‌توایێن خۆ بێخته د خزمه‌تا زالم وزۆرداران دا، بۆ هندێ دا بهایه‌كێ ئه‌رزان پێ وه‌رگرت..
ڕه‌نگێ دووێ: ئه‌و عیباده‌تكه‌رێ جاهل ونه‌زانه یێ چو علم ب ئه‌حكامێن شریعه‌تى نه‌هه‌ى، له‌و دێ بینى هه‌ر مه‌سه‌له‌كا هه‌بت ئه‌و ب زه‌وقى وهـزر وتـه‌خـمـیـنـێـن خـۆ شـرۆڤــه دكه‌ت، وبێى زانینه‌كا دورست حــوكــمـــى ل ســه‌ر دده‌ت، و د ئــه‌نــجــام دا ئـه‌حكامـێـن وى ژى خه‌له‌ت ده‌ردكه‌ڤن؛ چونكى ل سه‌ر (هه‌وایێ نه‌فسێ) دئاڤاكرینه، وئه‌گه‌ر زانایێ (مونحه‌رف) گه‌له‌ك جاران دینى ل دویڤ دلێ ده‌سهه‌لاتێ بــبـــه‌ت دا دنـیــایــێ ب ده‌ست خۆ بێخت، عابدێ نه‌زان گه‌له‌ك جاران دینى ل دویڤ دلێ عامیان دبه‌ت دا (شه‌عبیه‌تێ) بۆ خۆ ل نك وان په‌یدا بكه‌ت، وئه‌گه‌ر گرفتاریا زانایێ (مونحه‌رف) ئه‌و بت شه‌یتان د ده‌رگه‌هێ دنیایێ ڕا دئێتێ دا وى پێ د سه‌ر دا ببه‌ت، گرفتاریا عابدێ نه‌زان ئه‌وه شه‌یتان نه‌زانینا وى بۆ خۆ ئستغلال دكه‌ت ووى پێ د سه‌ر دا دبه‌ت.
به‌رى سه‌رهاتییێ:
د سه‌رهاتییا بۆرى دا وه‌كى مه دیتى خودایێ مه‌ته‌ل بۆ مه ب زانایه‌كێ مونحه‌رف ئینا، یێ زانینا وى ئه‌و بلند نه‌كرى، به‌لكى ئه‌و پتر ب نك عه‌ردى ڤه نزمكرى، و دڤێ سه‌رهاتییێ دا ئه‌و مه‌ته‌له‌كا دى بۆ مه ب عابده‌كێ نه‌زان دئینت، ئه‌وێ عیباده‌تكرنا وى بۆ خودێ ل سه‌ر بناخه‌یه‌كێ دورست نه‌هاتییه ئاڤاكرن، كو بناخه‌یێ علم وزانینا شه‌رعى یا دورســتـــه، له‌و د سه‌ردابرنا وى یا ب سناهى بوو.. ئه‌ڤ سه‌رهاتییه د سووره‌تا (الحشر) دا ژ قورئانێ هاتییه، وبابه‌تێ سه‌ره‌كى یێ سـووره‌تـا (الحشر) وه‌كى ئه‌م دزانین ل دۆر ده‌رێخستنا جوهیێن (بنو النضیر)ه ژ باژێڕێ مه‌دینێ ب ده‌ستێ موسلمانان، وسه‌رهاتییێن دیرۆكێ هه‌ر وه‌سا ئایه‌تێن ڤێ سووره‌تێ ب خۆ ژى ئاشكه‌را دكه‌ن كو به‌رى موسلمان ب كارێ ده‌رێخستنا ڤان جوهیان ڕاببن، ده‌سته‌برایێن جوهیان ژ منافقێن مه‌دینێ ئه‌و بۆ دوژمناتییا موسلمانان پالدان، وگۆتنێ: ئه‌گه‌ر هوین نه‌یاره‌تییا موسلمانان بكه‌ن ئه‌م دێ پشته‌ڤانییا هه‌وه كه‌ین، وهه‌ر جاره‌كا وان شه‌ڕێ هه‌وه كر ئه‌م دێ د گه‌ل هه‌وه شه‌ڕێ وان كه‌ین، وخۆ ئه‌گه‌ر مه‌سه‌له گه‌هشته هندێ ئه‌و هه‌وه ژ مه‌دینێ ده‌ربێخن ژى ئه‌م ژى دێ د گه‌ل هه‌وه ده‌ركه‌ڤین، و د چو حاله‌تان دا ئه‌م هه‌وه ناهێلینه ب تنێ. به‌لێ ده‌مێ مه‌سه‌له بوویه ڕاستى و ژ به‌ر خیانه‌تا وان موسلمانان هێڕش دایه سه‌ر وان، وئه‌و ده‌رێخستین، منافقان پشته‌ڤانییا وان نه‌كر، وشه‌ڕ د گه‌ل وان نه‌كر، وئه‌و هێلانه د ده‌ستێ موسلمانان دا.. هنگى، و ب ڤێ هلكه‌فتنێ ئه‌ڤ سووره‌ته هاته خوارێ، وتێدا ئیشاره‌ت بۆ ڤێ سه‌رهاتییێ هاته‌دان.
سه‌رهاتى وه‌كى د قورئانێ دا هاتى:
سه‌رهاتى وه‌كى مه گۆتى د سووره‌تا (الحشر) دا هاتییه، د ئایه‌تێن (16-17)ێدا، قورئان ب ڤى ڕه‌نگى ئیشاره‌تێ دده‌ته سه‌رهاتییێ، دبێژت: (كَمَثَلِ الشَّيْطَانِ إِذْ قَالَ لِلْإِنْسَانِ اكْفُرْ فَلَمَّا كَفَرَ قَالَ إِنِّي بَرِيءٌ مِنْكَ إِنِّي أَخَافُ اللَّهَ رَبَّ الْعَالَمِينَ (16) فَكَانَ عَاقِبَتَهُمَا أَنَّهُمَا فِي النَّارِ خَالِدَيْنِ فِيهَا وَذَلِكَ جَزَاءُ الظَّالِمِينَ (17)).
ومــه‌عــنـــا ڤـــان ئایــه‌تـــان ب كورتى ئه‌ڤه‌یه، خودایێ مه‌زن دبێژت: مه‌ته‌لا ڤان منافقان د سه‌ردابرنا ده‌سته‌برایێن خۆ یێن جوهى دا، وپالدانا وان دا بۆ شه‌ڕى، ودانا سۆزێ بۆ وان كو ئه‌و پشته‌ڤانییا وان دژى پێغه‌مبه‌رێ خودێ -سلاڤ لێ بن- بكه‌ن، وه‌كى مه‌ته‌لا شه‌يتانیه ده‌مێ وى كوفر ل به‌ر (مرۆڤى) شرين كرى، وبه‌رێ وى دايێ، ڤێجا ده‌مێ ئه‌و كافر بووى، شه‌يتانى گۆتێ: ئه‌زێ ژ ته به‌ريمه، هندى ئه‌زم ئه‌ز ژ خودێ خودايێ هه‌مى چێكریان دترسم. ڤێجا دويماهیا شه‌يتانى ويا وى مرۆڤێ گوهداریا وى كرى وكافر بووى، ئه‌و بوو ئه‌و هه‌ردو چوونه ئاگرى، هه‌ر وهه‌ر دێ تێدا مينن، وئه‌و جزايێ زۆردارانه يێن پێ ل توخويبێن خودێ ددانن.
ئه‌و مرۆڤێ هه كى بوو؟
وه‌كـى ئـه‌م دبـیـنـیـن ئــه‌ڤ ئـایـه‌تــه بـیـرا جوهیێن (بنو النضیر)، ویا مه ژى، ل مه‌ته‌له‌كێ دئیننه ڤه، مه‌ته‌له‌كا د سه‌ردابرن وخاپاندنێ، لایه‌كێ ڤێ مه‌ته‌لێ شه‌یتانه، ولایه‌كێ دى مرۆڤه‌كه، ودوژمناتى د ناڤبه‌را شه‌یتانى ومرۆڤى دا یا كه‌ڤنه، ب كه‌ڤناتییا مرۆڤى ب خۆ، ڤێ دوژمناتییێ ژ هنگى وه‌ره ده‌ست پێ كرییه ڕۆژا شه‌یتانى سۆز داى هندى ژێ بێت ئه‌و كارى بۆ د سه‌ردابرنا مرۆڤى دا بكه‌ت، وبه‌رێ وى ژ ڕێكا خودێ وه‌رگێڕت، وهه‌ر كه‌سه‌كێ ڤان ئایه‌تان بخوینت بێ گومان ئێكه‌مین پسیارێ دكه‌ت دێ ئه‌ڤه بت:
- ئه‌رێ ئه‌و مرۆڤێ ڤان ئایه‌تان ئیشاره‌ت دایێ كیه؟
ئه‌و مرۆڤه‌كێ ده‌سنیشانكرییه، سه‌رهاتییه‌كا وى یا تایبه‌ت هه‌بوویه؟ یان ژى ئه‌و ئیشاره‌ته‌كه بۆ هه‌ر مرۆڤه‌كێ هه‌بت، یێ ئه‌ڤ سالۆخه‌ته ل نك په‌یدا ببت، سالۆخه‌تێ د سه‌ردا چوون وخاپانادنێ ب فه‌ند وفێلێن شه‌یتانى، ئه‌وێ پشتى هنگى به‌رائه‌تا خۆ ژێ دده‌ت؟
ئه‌ڤ هه‌ردو بۆچوونه ژ ته‌فسیرزانان دئێته ڤه‌گوهاتن، ومه دڤێت ل ڤێرێ بۆچوونا ئێكێ ئاشكه‌را بكه‌ین، ئه‌وا دبێژت: ئه‌ڤه ئیشاره‌ته‌كه بۆ مرۆڤه‌كێ مه‌علووم یێ خودان سه‌رهاتییه‌كا ده‌سنیشانكرى، وخودانێن ڤێ بۆچوونێ پال دده‌نه سه‌ر وێ ریوایه‌تێ یا ژ (ئبن مه‌سعوود وئبن عه‌بباسى) ژ صه‌حابیان، وهژماره‌كا تابعیان ژى دئێته ڤه‌گوهاستن، كو ئه‌ڤ ڕویدانه ب سه‌رێ عــابــده‌كێ ئسرائیلى هاتبوو، ل زه‌مانێ پشتى هاتنا عیسا پێغه‌مبه‌رى -سلاڤ لێ بن- وئه‌و ل به‌ر ئسرائیلییان كه‌سه‌كێ به‌رنییاس بوو، ووان سه‌رهاتییا وى دزانى، و د هنده‌ك ژ وان ریوایه‌تان دا هاتییه كو ناڤێ وى عابدى (به‌رصیصا) بوو.
كورتییا ڤێ سه‌رهاتییا ئه‌وا دئێته هژمارتن ئێك ژ (ئسرائیلیاتان) ب ڤى ڕه‌نگیه:
پشتى زه‌مانێ عیسا پێغه‌مبه‌رى -سلاڤ لێ بن- راهبه‌كێ ئسرائیلى یێ زێده عیباده‌تكه‌ر هه‌بوو، دگۆتنێ: به‌رصیصا، ئه‌و چــل ســال تێ هه‌بوو كه‌فتبوو خه‌لوێ، ووى ل جهه‌كێ ڤه‌ده‌ر ژ چۆلى په‌رستگه‌هه‌ك بۆ خۆ چێكربوو عیباده‌ت لێ دكر، وتێكه‌لیا خه‌لكى نه‌دكر، وشه‌یتان هندى هاتێ كو وى د سه‌ردا ببه‌ت، وبێخته داڤێن خۆ ئه‌و نه‌شیا، حه‌تا جاره‌كێ هاتییه سه‌ر هزرێ كو خۆ وه‌كى وى لێ بكه‌ت، و ب جلكێن عابدان بچته نك وى ل (صه‌ومه‌عا) وى، ده‌مێ به‌رصیصاى ئه‌و دیتى گۆتێ: ته چ دڤێت؟ شه‌یتانى گۆتێ: من دڤێت د گه‌ل ته عیباده‌تى بكه‌م، وفایده‌ى ژ ته بكه‌م.. وپشتى چه‌ند سه‌رهاتییه‌كان، وه‌سا چێبوو شه‌یتانى ئه‌وێ خۆ ل سه‌ر شكلێ عیباده‌تكه‌ره‌كى نیشا به‌رصیصاى داى، گۆتێ:
- تو وه‌سا ده‌رنه‌كه‌فتى وه‌كى من هزر دكر، ناڤ وده‌نگێن ته ب ڕه‌نگه‌كێ دى گه‌هشتبوونه مه، ومن هزر دكر عیباده‌تێ ته پتره، ئه‌ز دێ ژ نك ته چم قه‌ستا هه‌ڤاله‌كێ خۆ یێ دى كه‌م..
به‌رصیصاى ب ڤێ چه‌ندێ نه‌خۆش بوو، وده‌مێ شه‌یتانى ڤیاى خاترا خۆ بخوازت گۆتێ:
- دوعایه‌كا ل نك من هه‌ى ئه‌زدێ بۆ ته بێژم، هه‌ر نساخه‌كێ تو پێڤه بخوینى ب ئانه‌هیا خودێ دێ ساخ بت..
به‌رصیصاى گۆتێ:
- ئـه‌ز مــرۆڤــه‌كــێ موژیلم ب عیباده‌تێ خودێ ڤه، وئه‌گه‌ر خه‌لكى ئه‌ڤ تشته ژ من زانى دێ نساخێن خۆ ئیننه نك من، وئه‌ز دێ پێڤه موژیل بم، وئه‌ز نه‌شێم ئێدى عیباده‌تێ خودێ بكه‌م..
به‌لێ شه‌یتان ما پێڤه حه‌تا ئه‌و قانع كرى، وپشتى ئه‌و دوعا بۆ گۆتى، ژ نك چوو، وگۆته هه‌ڤالێن خۆ: هه‌ما ژێ بگه‌ڕن، من ئه‌و بره هیلاكێ!
پاشى ژنكه‌كێ ئێشه‌ك هاتێ، شه‌یتان ل سه‌ر شكلێ مرۆڤه‌كى هاته نك برایێن وێ وگۆته وان: زاهده‌كێ مه‌زن وعیباده‌تكه‌ر هه‌یه، ناڤێ خودێ یێ مه‌زن دزانت، وهه‌ر نساخه‌كێ ئه‌و پێڤه بخوینت ب ئانه‌هیا خودێ ساخ دبت، ما بۆچى هوین خویشكا خۆ نابه‌نه نك؟
وان گۆتێ: گه‌له‌ك باشه.. جهێ وى نیشا مه بده وئه‌م دێ چینه نك. وپشتى وى جهێ به‌رصیصاى نیشا داى، وان خویشكا خۆ بره نك وى ل صه‌ومه‌عا وى، وگۆتنێ: ئه‌ڤه خویشكا مه‌یه، وئه‌و گه‌له‌ك جاران دلگرتى دبت ودكه‌ڤت وئه‌م نزانین ئێشا وێ چیه، بلا ئه‌و بمینته ل نك دا ده‌مێ دكه‌ڤت تو پێڤه بخوینى! وچوون وئه‌و هێلا ل نك وى..
وبه‌رصیصاى ژ به‌ر عیباده‌تى ونڤێژێن خۆ ئاگه‌هـ ژ وێ نه‌ما، حه‌تا ده‌مێ پێ حه‌سیاى كو ئه‌و كه‌فت ڕابوو ب نك ڤه چوو دا پێڤه بخوینت، وگاڤا به‌رێ وى ڤێ كه‌فتێ، وجوانییا وێ یا زێده دیتى، شه‌یتانى ڤیانا خرابیێ ئینا سه‌ر دلى، وگۆتێ:
- یا دلێ ته دچتێ بكه، وپاشى تۆبه بكه، ئه‌ڤه خۆشیا ته دڤێت گه‌هشته ته، وگونه‌ها ته ژى دێ ئێته غه‌فراندن!
وئه‌و ب ڤێ هێجه‌تێ قانع بوو، وپشتى وى خرابى كرى، شه‌یتانى وه‌سواس بۆ چێكر وگــۆتـــێ: پـا ئــه‌گـــه‌ر ئه‌ڤ كچه ب حه‌مله كه‌فت ومه‌سه‌لا ته ئاشكه‌را بوو، تو دێ چ كه‌ى، و چ بێژیه مرۆڤێن وێ؟ هه‌ما یا باشتر ئه‌وه تو وێ بكوژى، وئه‌گه‌ر مرۆڤێن وێ هاتن بێژێ: شه‌یتانى ئه‌و ژ ناڤ ده‌ستێن من بره ده‌رێ وئه‌ز نه‌شیام چ بۆ بكه‌م، وئه‌و دێ باوه‌ر ژ ته كه‌ن. پاشى تۆبه بكه، وخودێ تۆبا ته دێ قه‌بویل كه‌ت..
وشه‌یتان ما پێڤه حه‌تا كوشتن ژى پێ دایه كرن.. پاشى چوو نك مرۆڤێن وێ وگۆتێ: راهبى خویشكا هه‌وه یا كوشتى، و ل فلان جهى ژى یا ڤه‌شارتى، ئه‌و چوونه وى جهى، ودیت گۆتنا وى یا ڕاسته، ئینا پێكڤه هاتنه نك به‌رصیصایێ راهب ووى چو پێ نه‌ما ئعتراف ب تاوانا خۆ كر، هنگى وان ئه‌و گرت وبر دا بكوژن، هنگى شه‌یتان ل سه‌ر شكلێ خۆ یێ جارا دى پێ هاتییه نك وى نیشا دا، وگۆتێ: ئه‌ز ئه‌و بووم یێ من دوعا نیشا ته داى، ئه‌گه‌ر ته بڤێت ئه‌ز دشێم ته ژ كوشتنێ خلاس بكه‌م، به‌لێ ب شه‌رته‌كى تو بۆ من بچیه سوجدێ. به‌رصیصا دا كو خۆ ژ كوشتنێ خلاس بكه‌ت، بۆ وى چوو سوجدێ، وكوفر ب خودێ كر.. هنگى وى گۆتێ: هـه‌مـا مـن ئه‌ڤه ژ ته دڤیا، وئه‌ڤه هه‌مى من بۆ ڤێ كربوو، دا تو كوفرێ ب خودایێ خۆ بكه‌ى، ئه‌زێ ژ ته به‌ریمه، وئه‌ز نه‌شێم چ بۆ ته بكه‌م!! وهنگى وان ئه‌و كوشت.
حالێ ڤى عیباده‌تكه‌رى چ بوو؟
ئه‌ڤ سه‌رهاتییه یا كو ئسرائیلییان د ناڤ خۆ دا ڤه‌دگوهاست، و ژ وان گه‌هشتیه مه، حالێ عیباده‌تكه‌ره‌كێ نه‌زان بۆ مـه ئاشـكـه‌را دكـه‌ت، یێ كو د كرنا عیباده‌تى دا خۆ گه‌له‌ك دوه‌ستاند، به‌لێ نه ل سه‌ر بناخه‌یه‌كێ علمى یێ دورست، له‌و شه‌یتان شیا وى د سه‌ردا ببه‌ت.. و ژ ڤێ سه‌رهاتییێ (سه‌رهاتییا عابدێ نه‌زان) وسه‌رهاتییا به‌رى وێ (سه‌رهاتییا زانایێ خراب) بۆ مه ئاشكه‌را دبت كو دو دو تشت هه‌نه دبنه ئه‌گه‌را تێچوون وهیلاكا مرۆڤى: كو ئه‌و به‌ر ب دنیایێ ڤه نزم ببت وكارى بۆ بكه‌ت ویێ ژێ پشت ڕاست بت، وكو ئه‌و ژ زانینا ئایه‌تێن خۆ غافل ببت، باش هزرا خۆ تێدا نه‌كه‌ت، و ب دورستى كارى پێ نه‌كه‌ت.
وئه‌ڤ هه‌ردو سالۆخه‌ته (یه‌عنى: رازیبوونا ب دنیایێ وغافلبوونا ژ ئایه‌تێن خودێ) -وه‌كى زانایێ مه‌زن ئبن قه‌ییم دبێژت- ب تنێ د وى دلى دا كۆم دبن یێ باوه‌رى ب ئاخره‌تێ نه‌بت، وهیڤیا لیقائا خودایێ خۆ نه‌كه‌ت.. ئه‌گه‌ر نه، ئه‌و دلێ باوه‌ریه‌كا مـوكـم ب ئاخره‌تێ هه‌بت، خۆ ب دنیایێ پشت گه‌رم ناكه‌ت، وڕویێ خۆ ژ ئایه‌تێن خودێ وه‌رناگێڕت.
و د سێ ئایه‌تان دا ژ سووره‌تا (یونس) خودایێ مه‌زن ئاشكه‌را به‌حسێ ڤان هه‌ر سێ ڕه‌نگێن مرۆڤان دكه‌ت، ووى ئه‌نجامى ژى به‌رچاڤ دكه‌ت یێ كو دێ ئێته ڕێكا وان ده‌مێ دبێژت: (إِنَّ الَّذِينَ لَا يَرْجُونَ لِقَاءَنَا وَرَضُوا بِالْحَيَاةِ الدُّنْيَا وَاطْمَأَنُّوا بِهَا وَالَّذِينَ هُمْ عَنْ آَيَاتِنَا غَافِلُونَ (7) أُولَئِكَ مَأْوَاهُمُ النَّارُ بِمَا كَانُوا يَكْسِبُونَ (8) إِنَّ الَّذِينَ آَمَنُوا وَعَمِلُوا الصَّالِحَاتِ يَهْدِيهِمْ رَبُّهُمْ بِإِيمَانِهِمْ تَجْرِي مِنْ تَحْتِهِمُ الْأَنْهَارُ فِي جَنَّاتِ النَّعِيمِ (9) ) یه‌عنى: ئــه‌وێــن ب ژیـانا دنیایێ رازیـبـوویـن وخۆ پێ پشت ڕاست كرى، ئه‌ڤه ڕه‌نگێ ئێكێ، وئه‌وێن ژ ئایه‌تێن مه د غافل، وئه‌ڤه ڕه‌نگێ دووێ، ئه‌ڤان ژ به‌ر كه‌دا وان كرى جهێ ڤه‌حه‌ویانا وان دێ ئاگر بت، وئه‌وێن باوه‌رى ب خودێ ئیناى كارێن چاك كرین، وئه‌ڤه ڕه‌نگێ سیێنه، جهێ لێ زڤڕینا وان ل ئاخره‌تێ به‌حه‌شته.
وزانایێ خراب ئه‌وێ دینێ خۆ دده‌ته ب دنیایێ، وعابدێ نه‌زان ژى ئه‌وێ عیباده‌تێ خودێ ب وى ڕه‌نگى نه‌كه‌ت یێ كیتاب وسوننه‌ت پێ هاتین، گه‌له‌ك جاران -وه‌كى به‌رى نوكه ژى مه گۆتى- ب ڕێكا (شه‌هوه‌تێ) و (شوبهه‌تێ) به‌ر ب ئنحرافێ ڤه دچت، ئه‌گه‌ر مه‌جالێ (ته‌ئویلێ) ووه‌ربادانێ وهێجه‌تگرتنێ هه‌بت، پێ ل حه‌قییێ ددانن، و ل به‌ر چاڤێن خه‌لكى وه‌سا خۆ ئاشكه‌را دكه‌ن كو ئه‌و دحه‌قن، وئه‌وا ئه‌و دبێژن ودكه‌ن حه‌قیه، وئه‌گه‌ر مه‌جالێ چو (ته‌ئویلاتان) نه‌بت ئه‌و دیسا پێ ل حه‌قییێ ددانن ودبێژن: قه‌یدى ناكه‌ت، پاشى دێ تۆبه كه‌ین، وخودێ گه‌له‌كێ ب هێجه‌ت نینه، دێ مه عه‌فى كه‌ت!! و د ده‌ر حه‌قا وان ویێن وه‌كى وان دا خودێ دبێژت: (فَخَلَفَ مِنْ بَعْدِهِمْ خَلْفٌ وَرِثُوا الْكِتَابَ يَأْخُذُونَ عَرَضَ هَذَا الْأَدْنَى وَيَقُولُونَ سَيُغْفَرُ لَنَا وَإِنْ يَأْتِهِمْ عَرَضٌ مِثْلُهُ يَأْخُذُوهُ أَلَمْ يُؤْخَذْ عَلَيْهِمْ مِيثَاقُ الْكِتَابِ أَنْ لَا يَقُولُوا عَلَى اللَّهِ إِلَّا الْحَقَّ وَدَرَسُوا مَا فِيهِ وَالدَّارُ الْآَخِرَةُ خَيْرٌ لِلَّذِينَ يَتَّقُونَ أَفَلَا تَعْقِلُونَ (169)) (الاعراف 169).
ژ پرتووكا: باشترين سه‌رهاتى
نڤيسه‌ر: ته‌حسين ئيبراهيم دۆسكى
ده‌رهێنه‌رەکێ کورد دبیته ئه‌ندامێ فه‌رمیێ به‌لاڤكرنا خه لاتێن ئۆسکارێ
ئەڤرۆ نیوز،زنار تۆڤی:
ده‌رهێنه‌رێ کورد سه‌هیم عومەر خه‌لیڤه بو کوردستان تیڤی راگه‌هاندیە کو ئه‌و ب فه‌رمی ژلایێ سه‌رۆکا ئه‌کادیمیا ئۆسکارێ هاتیه داخوازکرن ببیته ئه‌ندامێ کۆمیتا دابه‌شکرنا خه‌لاتێن ئوسکارێ ناڤبری ئەو ژی راگه‌هاندیە کو ئه‌ڤه ئێکه‌مین کورده دهێته داخوازکرن و کاندید کرن ژبۆ لیژنا دابه‌شکرنا خه‌لاتێن ئوسکارێ و ژنوکە وێڤه ئه‌و دشێت ده‌نگێ خوه بده‌تە فلمێن ژهه‌ژی خه‌لاتێ ئوسکارێ و جهێ ئاماژێ یه ده‌رهێنه‌ر سه‌هیم عومەر به‌ری نوکە دو فلمێن خوه یێن بناڤێ (مێسيێ به‌غدا و نێچیرڤانێ خراب ) پێشکێش کربوون.
خه‌لاتێ ئۆسکارێ مه‌زنترین خه‌لاته ل جیهانێ دوارێ هونه‌ری و کۆلتوری دا .
ده‌رهێنه‌رێ کورد سه‌هیم عومەر خه‌لیفه ده‌رهێنه‌ریا چه‌ندین فلمان کریه و خەلکێ باژێرێ زاخویه و نوکه ل وه‌لاتێ به‌لجیکا دژیت.
ره‌وشا دراڤى ل بازارێن پاره‌گوهۆڕان
ئه‌ڤرۆ نيوز:
ئه‌ڤرۆ رۆژا شه‌مبى رێكه‌فتى 2ى تيرمه‌ها 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
دو که‌سان د گارگێریا یانا زاخۆ دا دوپاتکر بلا ده‌لیڤه بۆ گه‌نچان ژی هه‌بیت
هه‌ژار مه‌عروف؛
چەندین سالە ل ناڤا کارگێریا یانێن مەدا گازندە دھێنە کرن وبوو دەلیڤەیێ نەدانە وەرزشڤانێن دێرین راسته دلیڤه بلا بۆ هه‌بیت لێ ل گەل وێ چەندێ دەلیڤەیێ ب دەنە گەنجان ژێ ل کارگێریێن یانا کاربکه‌ن و پێدڤی نینه ئه‌و که‌س لازم وەرزشڤانێ دێرین بیت کو گەلەک جاران دبینن که‌سه‌ک هه‌یه چو جاران وەرزش نەکریە لێ حەژێکەرێ باژێرێ خوە و یانا خوە یە خزمەتا وی ژ گەلەک کەسێن دی باشترە، ئەڤ چەندە رویدایە ل کارگێریێن یانێن مەدا تایبەت ل یانا زاخو ئەگەر بەری خوە ب دەینی لقمان کوچر ب دیتنا من دبینم ئێک ژ ئیداریەکێ سەرکەفتی یە و خزمەتا باش یا بۆ باژێرێ خوە و یانا خوە ھەتا نوکە ل دیڤ شیانێن خوە کریە کو ماوێ نێزیکی دو سالانە ل گەل یانێ ھەتانوکە یێ سەرکەفتی یە و تایبەت پشتی سەرپەرشتیا تیما خولا عیراقێ یا تەپا پێ وەرگرت و تیم بێ ئاریشا خول ب دووماھی ئینا بەروڤاژی دەمێ سەرپەرتشتەکێ دی یێ دەرڤەی باژێرێ ھاتیا تیم یا پر بوو ژ ئاریشا، ئەگەر بھێنو بەرێ خو ب دەینێ ناڤبری نە وەرزشڤانەکێ دێرینە نه لێ ب دیتنا من کەسەکێ سەرکەفتی یە د کارێ خوە دا شیایە جھێ باوەریێ ل دەڤ ھەر کەسەکی بخوە پەیدا بکەت و جەماوەر و یاریزانێن رێزەکا باش لێ دگەرن .
ھەردیسان ژبیر نەکەین رولێ تەھا زاخولێ ئەز ل گەل وێ چەندێ نینم کو زوربەیا خەلکی ژ دورڤە ئەگەر ڤی کەسی ناس نەکەن دێ بوچونەکا دی ھەبیت لێ ئەگەر کەسەک باش نێزیکی ڤێ یانێ بیت دێ بینن کا چەند کارکەت و کارەکێ گەلەک زێدەتر ژ کارێ خوە دکەت کاروبارێن یانێ ل بەغدا ھەردیسان و ته‌ها زاخولی دهێته هژمارتن دینامو یێ یانێ ژبه‌رکو هه‌ر ده‌مێ یانا ل هه‌ر باژێره‌کێ به‌غدا پێدڤی بۆ یێ به‌رهه‌ڤه بچیت بۆ خزمه‌تا یانا خوه
له‌ورا من دڤێت دیاربکه‌م هه‌که ده‌لیڤه ب گه‌نچان ژێ بهێنه‌کرن ل ناڤا یانێن مه دا دبینم دێ گه‌له‌ک باش بیت ل گه‌ل که‌سانێن وه‌رزش کاربکه‌ن.
ڤيديو: سامى يوسف ژى كه‌تێ
فێقی و زەرزەواتی ب تیڤل ڤە بخۆن
ئەڤرۆ نیوز:
دبێژن جوانیا ژ سەرڤە ژ یا ژناڤ دا باشترە، لێ ھەکە بابەت یێ گرێدایە فێقی و زەرزەواتی بیتـ تیڤل گەلەک ژ کاکلێ باشترە، چونکو تیڤلان کەرستێن دژی گیرھەبوونێ و ڤیتامین و ریشالۆک و کانزا تێدا ھەنە.
تیڤلێ سێڤێ چاڤان رادکێشیت، بەلێ ئەو پترە ژ تیڤلەکێ جوان، تیڤلێ سێڤێ کەرستێ “کیرسیتین و فلافونید” یێن ب مفا بۆ دلی و دژی حەساسیێ و ھەودانان د ناڤ دا ھەنە.
تو دشێی گەلەک جۆرێن تیڤلێن فێقی بخۆی، وەکو حلیکێ، تیڤلێ وێ پیچەک یێ تەعلە، لێ ناڤا وێ وێ تەعلاتیێ قەرەبوو دکەت.
ھەروەسا تیڤلێن پرتەقالێ و کۆما وێ کو د گەل گەلەک جۆرێن خوارنان دا دھێتە بکارئینان، وەکو تیڤلێ نیمۆکێ د گەل مەعکەرۆنان، تیڤلێ پرتەقالێ د گەل شۆربا فرەنسی، ھەروەسا وەکو مرەبا دھێن بکارئینان و مفایێن باش بۆ ساخلەمیێ د ناڤ دا ھەنە.
پرانیا تیڤلێن زەرزەواتی ژی وەکو پتاتا و گێزەران خوارنەکا گەلەک باشە بۆ ساخلەمیا مرۆڤی.
گێژبوون یا ب ترس نینە
ئه‌ڤرۆ نيوز:
پتریا جاران گێژبوون نیشانەکە ژ نیشانێن ھاتنە خوارا فشارا خوینێ، کو کارتێکرنێ دکەت و دبیتە رێگر د ھاندانا خوینێ دا بۆ مێشکی، گێژبوون ل دەڤ گەنجان گەلەک جاران دبیتە جھێ مەترسیێ، بەلێ ژلایێ پزیشکی ڤە نەنیشانەکا ب مەترسیە، رەنگە ھندەک جاران شەرشوویەکا گەرم ببیتە ئەگەرێ گێژبوونێ، بەلێ ھەکە مرۆڤەکێ دانعمر ئێکسەر گێژبوو ، ل وی دەمی جھێ مەترسیێ یە، ژبەرکو دبیت تووشبونا وی ب ئێک ژ نیشانێن دلی بیت، رەنگەژی ژئەگەرێ وێ چەندێ بیت کو سەرێ وی ب تشتەکێ رەق کەفت بیت، مرۆڤ یێ مەزن یان بچووک بیت، ھەبوونا خوین بەربوونێ د سەری دا پێدڤی ب پشکنینا نوشداری ھەیە و ب شێوەیەکێ راستەوخو ل پشکا تەنگاڤیان.
نيشاندان
WP Facebook Auto Publish Powered By : XYZScripts.com